সূক্ত 47

47.1

রাত্রিঃ। ১-৯ গোপথঃ। রাত্রিঃ। অনুষ্টুপ্, ১ পথ্যাবৃহতী, ২ পঞ্চপদাঽনুষ্টুব্গর্ভা পরাঽতিজগতী, ৬ পুরস্তাদ্বৃহতী, ৭ ত্র্যবসানা ষট্পদা জগতী।

আ রাত্রি পার্থিবং রজঃ পিতুরপ্রায়ি ধামভিঃ ।
দিবঃ সদাংসি বৃহতী বি তিষ্ঠস আ ত্বেষং বর্ততে তমঃ ॥১॥

47.2

ন যস্যাঃ পারং দদৃশে ন যোয়ুবদ্ বিশ্বমস্যাং নি বিশতে যদেজতি ।
অরিষ্টাসস্ত উর্বি তমস্বতি রাত্রি পারমশীমহি ভদ্রে পারমশীমহি ॥২॥

47.3

যে তে রাত্রি নৃচক্ষসো দ্রষ্টারো নবতীর্নব ।
অশীতিঃ সন্ত্যষ্টা উতো তে সপ্ত সপ্ততিঃ ॥৩॥

47.4

ষষ্টিশ্চ ষট্ চ রেবতি পঞ্চাশৎ পঞ্চ সুম্নয়ি ।
চত্বারশ্চত্বারিংশচ্চ ত্রয়স্ত্রিংশচ্চ বাজিনি ॥৪॥

47.5

দ্বৌ চ তে বিংশতিশ্চ তে রাত্র্যেকাদশাবমাঃ ।
তেভির্নো অদ্য পায়ুভির্নু পাহি দুহিতর্দিবঃ ॥৫॥

47.6

রক্ষা মাকির্নো অধশংস ঈশত মা নো দুঃশংস ঈশত ।
মা নো অদ্য গবাং স্তেনো মাবীনাং বৃক ঈশত ॥৬॥

47.7

মাশ্বানাং ভদ্রে তস্করো মা নৃণাং যাতুধান্যঃ ।
পরমেভিঃ পথিভিঃ স্তেনো ধাবতু তস্করঃ ।
পরেণ দত্বতী রজ্জুঃ পরেণাঘায়ুরর্ষতু ॥৭॥

47.8

অধ রাত্রি তৃষ্টধূমমশীর্ষাণমহিং কৃণু ।
হনূ বৃকস্য জম্ভয়াস্তেন তং দ্রুপদে জহি ॥৮॥

47.9

ত্বয়ি রাত্রি বসামসি স্বপিষ্যামসি জাগৃহি।
গোভ্যো নঃ শর্ম যচ্ছাশ্বেভ্যঃ পুরুষেভ্যঃ ॥৯॥