সূক্ত 46

46.1

অস্তৃতমণিঃ। ১-৭ প্রজাপতিঃ। অস্তৃতমণিঃ। ত্রিষ্টুপ্, ১ পঞ্চপদা জ্যোতিষ্মতী ত্রিষ্টুপ্, ২ ষট্-পদা ভুরিক্শক্বরী, ৩, ৭ পঞ্চরদা পথ্যাপঙ্ক্তিঃ, ৪, ৫ অতিজগতী ( ৪ চতুষ্পদা, পঞ্চপদা), ৬ পঞ্চপদোষ্ণিগ্গর্ভা বিরাড্ জগতী পঙ্ক্তিঃ।

প্রজাপতিষ্ট্বা বধ্নাৎ প্রথমমস্তৃতং বীর্যায় কম্।
তৎ তে বধ্নাম্যায়ুষে বর্চস ওজসে চ বলায় চাস্তৃতস্ত্বাভি রক্ষতু ॥১॥

46.2

ঊর্ধ্বস্তিষ্ঠতু রক্ষন্নপ্রমাদমস্তৃতেমং মা ত্বা দভন্ পণয়ো যাতুধানাঃ ।
ইন্দ্র ইব দস্যূনব ধূনুষ্ব পৃতন্যতঃ সর্বাংছত্রূন্ বি ষহস্বাস্তৃতস্ত্বাভি রক্ষতু ॥২॥

46.3

শতং চ ন প্রহরন্তো নিঘ্নন্তো ন তস্তিরে।
তস্মিন্নিন্দ্রঃ পর্যদত্ত চক্ষুঃ প্রাণমথো বলমস্তৃতস্ত্বাভি রক্ষতু ॥৩॥

46.4

ইন্দ্রস্য ত্বা বর্মণা পরি ধাপয়ামো যো দেবানামধিরাজো বভূব ।
পুনস্ত্বা দেবাঃ প্র ণয়ন্তু সর্বেঽস্তৃতস্ত্বাভি রক্ষতু ॥৪॥

46.5

অস্মিন্ মণাবেকশতং বীর্যাণি সহস্রং প্রাণা অস্মিন্নস্তৃতে ।
ব্যাঘ্রঃ শত্রূনভি তিষ্ঠ সর্বান্ যস্ত্বা পৃতন্যাদধরঃ সো অস্ত্বস্তৃতস্ত্বাভি রক্ষতু ॥৫॥

46.6

ঘৃতাদুল্লুপ্তো মধুমান্ পয়স্বান্ত্সহস্রপ্রাণঃ শতয়োনির্বয়োধাঃ ।
শম্ভূশ্চ ময়োভূশ্চোর্জস্বাংশ্চ পয়স্বাংশ্চাস্তৃতস্ত্বাভি রক্ষতু ॥৬॥

46.7

যথা ত্বমুত্তরোঽসো অসপত্নঃ সপত্নহা।
সজাতানামসদ্ বশী তথা ত্বা সবিতা করদস্তৃতস্ত্বাভি রক্ষতু ॥৭॥