সূক্ত 45

45.1

আঞ্জনম্। ১-১০ ভৃগুঃ। আঞ্জনম্, মন্ত্রোক্তাঃ। ১-২ অনুষ্টুপ্, ৩-৪ ত্রিষ্টুপ্, ৬-১০ একাবসানা মহাবৃহতী ( ৬ বিরাট্ ৭-১০ নিচৃত্)।

ঋণাদৃণমিব সংনয়ন্ কৃত্যাং কৃত্যাকৃতো গৃহম্।
চক্ষুর্মন্ত্রস্য দুর্হার্দঃ পৃষ্টীরপি শৃণাঞ্জন ॥১॥

45.2

যদস্মাসু দুষ্বপ্ন্যং যদ্ গোষু যচ্চ নো গৃহে।
অনামগস্তং চ দুর্হার্দঃ প্রিয়ঃ প্রতি মুঞ্চতাম্ ॥২॥

45.3

অপামূর্জ ওজসো বাবৃধানমগ্নের্জাতমধি জাতবেদসঃ ।
চতুর্বীরং পর্বতীয়ং যদাঞ্জনং দিশঃ প্রদিশঃ করদিচ্ছিবাস্তে ॥৩॥

45.4

চতুর্বীরং বধ্যত আঞ্জনং তে সর্বা দিশো অভয়াস্তে ভবন্তু ।
ধ্রুবস্তিষ্ঠাসি সবিতেব চার্য ইমা বিশো অভি হরন্তু তে বলিম্ ॥৪॥

45.5

আক্ষ্বৈকং মণিমেকং কৃষ্ণুষ্ব স্নাহ্যেকেনা পিবৈকমেষাম্।
চতুর্বীরং নৈরৃতেভ্যশ্চতুর্ভ্যো গ্রাহ্যা বন্ধেভ্যঃ পরি পাত্বস্মান্ ॥৫॥

45.6

অগ্নির্মাগ্নিনাবতু প্রাণায়াপানায়ায়ুষে বর্চস ওজসে তেজসে স্বস্তয়ে সুভূতয়ে স্বাহা ॥৬॥

45.7

ইন্দ্রো মেন্দ্রিয়েণাবতু প্রাণায়াপানায়ায়ুষে বর্চস ওজসে তেজসে স্বস্তয়ে সুভূতয়ে স্বাহা ॥৭॥

45.8

সোমো মা সৌম্যেনাবতু প্রাণায়াপানায়ায়ুষে বর্চস ওজসে তেজসে স্বস্তয়ে সুভূতয়ে স্বাহা ॥৮॥

45.9

ভগো মা ভগেনাবতু প্রাণায়াপানায়ায়ুষে বর্চস ওজসে তেজসে স্বস্তয়ে সুভূতয়ে স্বাহা ॥৯॥

45.10

মরুতো মা গণৈরবন্তু প্রাণায়াপানায়ুষে বর্চস ওজসে তেজসে স্বস্তয়ে সুভূতয়ে স্বাহা ॥১০॥