সূক্ত 44

44.1

ভৈষজ্যম্। ১-১০ ভৃগুঃ। আঞ্জনম্, ৮-৯ বরুণঃ। অনুষ্টুপ্, ৪ চতুষ্পদা শঙ্কুমত্যুষ্ণিক্, ৫ নিচৃদ্বিষমা ত্রিপদা গায়ত্রী।

আয়ুষোঽসি প্রতরণং বিপ্রং ভেষজমুচ্যসে ।
তদাঞ্জন ত্বং শংতাতে শমাপো অভয়ং কৃতম্ ॥১॥

যো হরিমা জায়ান্যোঽঙ্গভেদো বিসল্পকঃ ।
সর্বং তে যক্ষ্মমঙ্গেভ্যো বহির্নির্হন্ত্বাঞ্জনম্ ॥২॥

আঞ্জনং পৃথিব্যাং জাতং ভদ্রং পুরুষজীবনম্।
কৃণোত্বপ্রমায়ুকং রথজূতিমনাগসম্ ॥৩॥

প্রাণ প্রাণং ত্রায়স্বাসো অসবে মৃড ।
নিরৃতে নিরৃত্যা নঃ পাশেভ্যো মুঞ্চ ॥৪॥

সিন্ধোর্গর্ভোঽসি বিদ্যুতাং পুষ্পম্।
বাতঃ প্রাণঃ সূর্যশ্চক্ষুর্দিবস্পয়ঃ ॥৫॥

দেবাঞ্জন ত্রৈককুদং পরি মা পাহি বিশ্বতঃ ।
ন ত্বা তরন্ত্যোষধয়ো বাহ্যাঃ পর্বতীয়া উত ॥৬॥

বী৩দং মধ্যমবাসৃপদ্ রক্ষোহামীবচাতনঃ ।
অমীবাঃ সর্বাশ্চাতয়ন্ নাশয়দভিভা ইতঃ ॥৭॥

বহ্বি৩দং রাজন্ বরুণানৃতমাহ পূরুষঃ ।
তস্মাৎ সহস্রবীর্য মুঞ্চ নঃ পর্যংহসঃ ॥৮॥

যদাপো অঘ্ন্যা ইতি বরুণেতি যদূচিম।
তস্মাৎ সহস্রবীর্য মুঞ্চ নঃ পর্যংহসঃ ॥৯॥

মিত্রশ্চ ত্বা বরুণশ্চানুপ্রেয়তুরাঞ্জন ।
তৌ ত্বানুগত্য দূরং ভোগায় পুনরোহতুঃ ॥১০॥