সূক্ত 43

43.1

ব্রহ্মা। ১-৮ ব্রহ্মা। ব্রহ্ম, বহুদৈবত্যম্। ত্র্যবসানা শঙ্কুমতী পথ্যাপঙ্ক্তিঃ।

যত্র ব্রহ্মবিদো যান্তি দীক্ষয়া তপসা সহ।
অগ্নির্মা তত্র নয়ত্বগ্নির্মেধা দধাতু মে । অগ্নয়ে স্বাহা ॥১॥

43.2

যত্র ব্রহ্মবিদো যান্তি দীক্ষয়া তপসা সহ।
বায়ুর্মা তত্র নয়তু বায়ুঃ প্রাণান্ দধাতু মে। বায়বে স্বাহা ॥২॥

43.3

যত্র ব্রহ্মবিদো যান্তি দীক্ষয়া তপসা সহ।
সূর্যো মা তত্র নয়তু চক্ষুঃ সূর্যো দধাতু মে । সূর্যায় স্বাহা ॥৩॥

43.4

যত্র ব্রহ্মবিদো যান্তি দীক্ষয়া তপসা সহ।
চন্দ্রো মা তত্র নয়তু মনশ্চন্দ্রো দধাতু মে । চন্দ্রায় স্বাহা ॥৪॥

43.5

যত্র ব্রহ্মবিদো যান্তি দীক্ষয়া তপসা সহ।
সোমো মা তত্র নয়তু পয়ঃ সোমো দধাতু মে । সোমায় স্বাহা ॥৫॥

43.6

যত্র ব্রহ্মবিদো যান্তি দীক্ষয়া তপসা সহ।
ইন্দ্রো মা তত্র নয়তু বলমিন্দ্রো দধাতু মে । ইন্দ্রায় স্বাহা ॥৬॥

43.7

যত্র ব্রহ্মবিদো যান্তি দীক্ষয়া তপসা সহ।
আপো মা তত্র নয়ত্বমৃতং মোপ তিষ্ঠতু । অদ্ভ্যঃ স্বাহা ॥৭॥

43.8

যত্র ব্রহ্মবিদো যান্তি দীক্ষয়া তপসা সহ।
ব্রহ্মা মা তত্র নয়তু ব্রহ্মা ব্রহ্ম দধাতু মে । ব্রহ্মণে স্বাহা ॥৮॥