সূক্ত 42

42.1

ব্রহ্ময়জ্ঞঃ। ১-৪ ব্রহ্মা। ব্রহ্ম। ১ অনুষ্টুপ্, ২ ত্র্যবসানা ককুম্মতী পথ্যাপঙ্ক্তিঃ, ৩ ত্রিষ্টুপ্, ৪ জগতী।

ব্রহ্ম হোতা ব্রহ্ম যজ্ঞা ব্রহ্মণা স্বরবো মিতাঃ ।
অধ্বর্যুর্ব্রহ্মণো জাতো ব্রহ্মণোঽন্তর্হিতং হবিঃ ॥১॥

42.2

ব্রহ্ম স্রুচো ঘৃতবতীর্ব্রহ্মণা বেদিরুদ্ধিতা ।
ব্রহ্ম যজ্ঞস্য তত্ত্বং চ ঋত্বিজো যে হবিষ্কৃতঃ ।
শমিতায় স্বাহা ॥২॥

42.3

অংহোমুচে প্র ভরে মনীষামা সুত্রাব্ণে সুমতিমাবৃণানঃ ।
ইদমিন্দ্র প্রতি হব্যং গৃভায় সত্যাঃ সন্তু যজমানস্য কামাঃ ॥৩॥

42.4

অংহোমুচং বৃষভং যজ্ঞিয়ানাং বিরাজন্তং প্রথমমধ্বরাণাম্।
অপাং নপাতমশ্বিনা হুবে ধিয় ইন্দ্রিয়েণ ত ইন্দ্রিয়ং দত্তমোজঃ ॥৪॥