Sukta 42

42.1

Brahmayagyah, 1-4 brahma, brahma, 1 anushtup, 2 tryavasana kakummati pathyapanktih, 3 trishtup, 4 jagati

ब्रह्म॒ होता॒ ब्रह्म॑ य॒ज्ञा ब्रह्म॑णा॒ स्वर॑वो मि॒ताः ।
अ॒ध्व॒र्युर्ब्रह्म॑णो जा॒तो ब्रह्म॑णो॒ऽन्तर्हि॑तं ह॒विः ॥१॥

Brahma hota brahma yagya brahmana svaravo mitah
Adhvaryurbrahmano jato brahmanontarhitam havih

ब्रह्म॒ स्रुचो॑ घृ॒तव॑ती॒र्ब्रह्म॑णा॒ वेदि॒रुद्धि॑ता ।
ब्रह्म॑ य॒ज्ञस्य॒ तत्त्वं॑ च ऋ॒त्विजो॒ ये ह॑वि॒ष्कृतः॑ ।
श॒मि॒ताय॒ स्वाहा॑ ॥२॥

Brahma srucho ghritavatirbrahmana vediruddhita
Brahma yagyasya tattvam cha ritvijo ye havishkritah
Shamitaya svaha

अं॒हो॒मुचे॒ प्र भ॑रे मनी॒षामा सु॒त्राव्णे॑ सुम॒तिमा॑वृणा॒नः ।
इ॒दमि॑न्द्र॒ प्रति॑ ह॒व्यं गृ॑भाय स॒त्याः स॑न्तु॒ यज॑मानस्य॒ कामाः॑ ॥३॥

Anhomuche pra bhare manishama sutravne sumatimavrinanah
Idamindra prati havyam gribhaya satyah santu yajamanasya kamah

अं॒हो॒मुचं॑ वृष॒भं य॒ज्ञिया॑नां वि॒राज॑न्तं प्रथ॒मम॑ध्व॒राणा॑म्।
अ॒पां नपा॑तम॒श्विना॑ हुवे॒ धिय॑ इन्द्रि॒येण॑ त इन्द्रि॒यं द॑त्त॒मोजः॑ ॥४॥

Anhomucham vrishabham yagyiyanam virajantam prathamamadhvaranam
Apam napatamashvina huve dhiya indriyena ta indriyam dattamojah