সূক্ত 48

48.1

রাত্রিঃ। ১-৬ গোপথঃ। রাত্রিঃ। অনুষ্টুপ্, ১ ত্রিপদাঽর্ষী গায়ত্রী, ২ ত্রিপদা বিরাডনুষ্টুপ্, ৩ বৃহতীগর্ভাঽনুষ্টুপ্, ৫ পথ্যাপঙ্ক্তিঃ।

অথো যানি চ যস্মা হ যানি চান্তঃ পরীণহি ।
তানি তে পরি দদ্মসি ॥১॥

48.2

রাত্রি মাতরুষসে নঃ পরি দেহি ।
উষা নো অহ্নে পরি দদাত্বহস্তুভ্যং বিভাবরি ॥২॥

48.3

যৎ কিং চেদং পতয়তি যৎ কিং চেদং সরীসৃপম্।
যৎ কিং চ পর্বতায়াসত্বং তস্মাৎ ত্বং রাত্রি পাহি নঃ ॥৩॥

48.4

সা পশ্চাৎ পাহি সা পুরঃ সোত্তরাদধরাদুত।
গোপায় নো বিভাবরি স্তোতারস্ত ইহ স্মসি ॥৪॥

48.5

যে রাত্রিমনুতিষ্ঠন্তি যে চ ভূতেষু জাগ্রতি ।
পশূন্ যে সর্বান্ রক্ষন্তি তে ন আত্মসু জাগ্রতি তে নঃ পশুষু জাগ্রতি ॥৫॥

48.6

বেদ বৈ রাত্রি তে নাম ঘৃতাচী নাম বা অসি ।
তাং ত্বাং ভরদ্বাজো বেদ সা নো বিত্তেঽধি জাগ্রতি ॥৬॥