Sukta 48

48.1

Ratrih, 1-6 gopathah, ratrih, anushtup, 1 tripadarshi gayatri, 2 tripada viradanushtup, 3 brihatigarbhanushtup, 5 pathyapanktih

अथो॒ यानि॑ च॒ यस्मा॑ ह॒ यानि॑ चा॒न्तः प॑री॒णहि॑ ।
तानि॑ ते॒ परि॑ दद्मसि ॥१॥

Atho yani cha yasma ha yani chantah parinahi
Tani te pari dadmasi

रात्रि॒ मात॑रु॒षसे॑ नः॒ परि॑ देहि ।
उ॒षा नो॒ अह्ने॒ परि॑ ददा॒त्वह॒स्तुभ्यं॑ विभावरि ॥२॥

Ratri matarushase nah pari dehi
Usha no ahne pari dadatvahastubhyam vibhavari

यत् किं चे॒दं प॒तय॑ति यत् किं चे॒दं स॑रीसृ॒पम्।
यत् किं च॒ पर्व॑ताया॒सत्वं॒ तस्मा॒त् त्वं रा॑त्रि पाहि नः ॥३॥

Yat kim chedam patayati yat kim chedam sarisripam
Yat kim cha parvatayasatvam tasmat tvam ratri pahi nah

सा प॒श्चात् पा॑हि॒ सा पु॒रः सोत्त॒राद॑ध॒रादु॒त।
गो॒पाय॑ नो विभावरि स्तो॒तार॑स्त इ॒ह स्म॑सि ॥४॥

Sa pashchat pahi sa purah sottaradadharaduta
Gopaya no vibhavari stotarasta iha smasi

ये रात्रि॑मनु॒तिष्ठ॑न्ति॒ ये च॑ भू॒तेषु॒ जाग्र॑ति ।
प॒शून् ये सर्वा॒न् रक्ष॑न्ति॒ ते न॑ आ॒त्मसु॑ जाग्रति॒ ते नः॑ प॒शुषु॑ जाग्रति ॥५॥

Ye ratrimanutishthanti ye cha bhuteshu jagrati
Pashun ye sarvan rakshanti te na atmasu jagrati te nah pashushu jagrati

वेद॒ वै रा॑त्रि ते॒ नाम॑ घृ॒ताची॒ नाम॒ वा अ॑सि ।
तां त्वां भ॒रद्वा॑जो वेद॒ सा नो॑ वि॒त्तेऽधि॑ जाग्रति ॥६॥

Veda vai ratri te nama ghritachi nama va asi
Tam tvam bharadvajo veda sa no vittedhi jagrati