সূক্ত 35

35.1

জঙ্গিডঃ। ১-৫ অঙ্গিরাঃ। বনস্পতিঃ। অনুষ্টুপ্, ৩ পথ্যাবৃহতীঃ, ৪ শক্বরী নিচৃৎ ত্রিষ্টুপ্।

ইন্দ্রস্য নাম গৃহ্ণন্ত ঋসয়ো জঙ্গিডং দদুঃ ।
দেবা যং চক্রুর্ভেষজমগ্রে বিষ্কন্ধদূষণম্ ॥১॥

35.2

স নো রক্ষতু জঙ্গিডো ধনপালো ধনেব ।
দেবা যং চক্রুর্ব্রাহ্মণাঃ পরিপাণমরাতিহম্ ॥২॥

35.3

দুর্হার্দঃ সংঘোরং চক্ষুঃ পাপকৃত্বানমাগমম্।
তাংস্ত্বং সহস্রচক্ষো প্রতীবোধেন নাশয় পরিপাণোঽসি জঙ্গিডঃ ॥৩॥

35.4

পরি মা দিবঃ পরি মা পৃথিব্যাঃ পর্যন্তরিক্ষাৎ পরি মা বীরুদ্ভ্যঃ ।
পরি মা ভূতাৎ পরি মোত ভব্যাদ্ দিশোদিশো জঙ্গিডঃ পাত্বস্মান্ ॥৪॥

35.5

য ঋষ্ণবো দেবকৃতা য উতো ববৃতেঽন্যঃ ।
সর্বাংস্তান্ বিশ্বভেষজোঽরসাং জঙ্গিডস্করৎ ॥৫॥