সূক্ত 34

34.1

জঙ্গিডমণিঃ। ১-১০ অঙ্গিরাঃ। বনস্পতিঃ, লিঙ্গোক্তাঃ। অনুষ্টুপ্।

জাঙ্গিডোঽসি জঙ্গিডো রক্ষিতাসি জঙ্গিডঃ ।
দ্বিপাচ্চতুষ্পাদস্মাকং সর্বং রক্ষতু জঙ্গিডঃ ॥১॥

34.2

যা গৃত্স্যস্ত্রিপঞ্চাশীঃ শতং কৃত্যাকৃতশ্চ যে।
সর্বান্ বিনক্তু তেজসোঽরসাং জঙ্গিডস্করৎ ॥২॥

34.3

অরসং কৃত্রিমং নাদমরসাঃ সপ্ত বিস্রসঃ ।
অপেতো জঙ্গিডামতিমিষুমস্তেব শাতয় ॥৩॥

34.4

কৃত্যাদূষণ এবায়মথো অরাতিদূষণঃ ।
অথো সহস্বাং জঙ্গিডঃ প্র ণ আয়ূংষি তারিষৎ ॥৪॥

34.5

স জঙ্গিডস্য মহিমা পরি ণঃ পাতু বিশ্বতঃ ।
বিষ্কন্ধং যেন সাসহ সংস্কন্ধমোজ ওজসা ॥৫॥

34.6

ত্রিষ্ট্বা দেবা অজনয়ন্ নিষ্ঠিতং ভূম্যামধি ।
তমু ত্বাঙ্গিরা ইতি ব্রাহ্মণাঃ পূর্ব্যা বিদুঃ ॥৬॥

34.7

ন ত্বা পূর্বা ওষধয়ো ন ত্বা তরন্তি যা নবাঃ ।
বিবাধ উগ্রো জঙ্গিডঃ পরিপাণঃ সুমঙ্গলঃ ॥৭॥

34.8

অথোপদান ভগবো জাঙ্গিডামিতবীর্য ।
পুরা ত উগ্রা গ্রসত উপেন্দ্রো বীর্যং দদৌ ॥৮॥

34.9

উগ্র ইৎ তে বনস্পত ইন্দ্র ওজ্মানমাদধৌ ।
অমীবাঃ সর্বাশ্চাতয়ং জহি রক্ষাংস্যোষধে ॥৯॥

34.10

আশরীকং বিশরীকং বলাসং পৃষ্ট্যাময়ম্।
তক্মানং বিশ্বশারদমরসাং জঙ্গিডস্করৎ ॥১০॥