সূক্ত 33

33.1

দর্ভঃ। ১-৫ ভৃগুঃ। দর্ভঃ। ১ জগতী, ২, ৫ ত্রিষ্টুপ্, ৩ আর্ষী পঙ্ক্তিঃ, ৪ আস্তারপঙ্ক্তিঃ।

সহস্রার্ঘঃ শতকাণ্ডঃ পয়স্বানপামগ্নির্বীরুধাং রাজসূয়ম্।
স নোঽয়ং দর্ভঃ পরি পাতু বিশ্বতো দেবো মণিরায়ুষা সং সৃজাতি নঃ ॥১॥

33.2

ঘৃতাদুল্লুপ্তো মধুমান্ পয়স্বান্ ভূমিদৃংহোঽচ্যুতশ্চ্যাবয়িষ্ণুঃ ।
নুদন্ত্সপত্নানধরাংশ্চ কৃণ্বন্ দর্ভা রোহ মহতামিন্দ্রিয়েণ ॥২॥

33.3

ত্বং ভূমিমত্যেষ্যোজসা ত্বং বেদ্যাং সীদসি চারুরধ্বরে।
ত্বাং পবিত্রমৃষয়োঽভরন্ত ত্বং পুনীহি দুরিতান্যস্মৎ ॥৩॥

33.4

তীক্ষ্ণো রাজা বিষাসহী রক্ষোহা বিশ্বচর্ষণিঃ ।
ওজো দেবানাং বলমুগ্রমেতৎ তং তে বধ্নামি জরসে স্বস্তয়ে ॥৪॥

33.5

দর্ভেণ ত্বং কৃণবদ্ বীর্যাঽণি দর্ভং বিভ্রদাত্মনা মা ব্যথিষ্ঠাঃ ।
অতিষ্ঠায়া বর্চসাধান্যান্ত্সূর্য ইবা ভাহি প্রদিশশ্চতস্রঃ ॥৫॥