Sukta 33

33.1

Darbhah, 1-5 bhriguh, darbhah, 1 jagati, 2, 5 trishtup, 3 arshi panktih, 4 astarapanktih

स॒ह॒स्रा॒र्घः श॒तका॑ण्डः॒ पय॑स्वान॒पाम॒ग्निर्वी॒रुधां॑ राज॒सूय॑म्।
स नो॒ऽयं द॒र्भः परि॑ पातु वि॒श्वतो॑ दे॒वो म॒णिरायु॑षा॒ सं सृ॑जाति नः ॥१॥

Sahasrarghah shatakandah payasvanapamagnirvirudham rajasuyam
Sa noyam darbhah pari patu vishvato devo manirayusha sam srijati nah

33.2

घृ॒तादुल्लु॑प्तो॒ मधु॑मा॒न् पय॑स्वान् भूमिदृं॒होऽच्यु॑तश्च्यावयि॒ष्णुः ।
नु॒दन्त्स॒पत्ना॒नध॑रांश्च कृ॒ण्वन् दर्भा रो॑ह मह॒तामि॑न्द्रि॒येण॑ ॥२॥

Ghritadullupto madhuman payasvan bhumidrinhochyutashchyavayishnuh
Nudantsapatnanadharanshcha krinvan darbha roha mahatamindriyena

33.3

त्वं भूमि॒मत्ये॒ष्योज॑सा॒ त्वं वेद्यां॑ सीदसि॒ चारु॑रध्व॒रे।
त्वां प॒वित्र॒मृष॑योऽभरन्त॒ त्वं पुनीहि दुरि॒तान्य॒स्मत् ॥३॥

Tvam bhumimatyeshyojasa tvam vedyam sidasi charuradhvare
Tvam pavitramrishayobharanta tvam punihi duritanyasmat

33.4

ती॒क्ष्णो राजा॑ विषास॒ही र॑क्षो॒हा वि॒श्वच॑र्षणिः ।
ओजो॑ दे॒वानां॒ बल॑मु॒ग्रमे॒तत् तं ते॑ बध्नामि ज॒रसे॑ स्व॒स्तये॑ ॥४॥

Tikshno raja vishasahi rakshoha vishvacharshanih
Ojo devanam balamugrametat tam te badhnami jarase svastaye

33.5

द॒र्भेण॒ त्वं कृ॑णवद् वी॒र्याऽणि द॒र्भं बिभ्र॑दा॒त्मना॒ मा व्य॑थिष्ठाः ।
अति॑ष्ठाया॒ वर्च॒साधा॒न्यान्त्सूर्य॑ इ॒वा भा॑हि प्र॒दिश॒श्चत॑स्रः ॥५॥

Darbhena tvam krinavad viryani darbham bibhradatmana ma vyathishthah
Atishthaya varchasadhanyantsurya iva bhahi pradishashchatasrah