সূক্ত 36

36.1

শতবারো মণিঃ। ১-৬ ব্রহ্মা। শতবারঃ। অনুষ্টুপ্।

শতবারো অনীনশদ্ যক্ষ্মান্ রক্ষাংসি তেজসা ।
আরোহন্ বর্চসা সহ মণির্দুর্ণামচাতনঃ ॥১॥

36.2

শৄঙ্গাভ্যাং রক্ষো নুদতে মূলেন যাতুধান্যঃ ।
মধ্যেন যক্ষ্মং বাধতে নৈনং পাপ্মাতি তত্রতি ॥২॥

36.3

যে যক্ষ্মাসো অর্ভকা মহান্তো যে চ শব্দিনঃ ।
সর্বান্ দুর্ণামহা মণিঃ শতবারো অনীনশৎ ॥৩॥

36.4

শতং বীরানজনয়চ্ছতং যক্ষ্মানপাবপৎ।
দুর্ণাম্নঃ সর্বান্ হত্বাব রক্ষাংসি ধূনুতে ॥৪॥

36.5

হিরণ্যশৃঙ্গ ঋষভঃ শাতবারো অয়ং মণিঃ ।
দুর্ণাম্নঃ সর্বাংস্তৃড্ঢ্বাব রক্ষাংস্যক্রমীৎ ॥৫॥

36.6

শতমহং দুর্ণাম্নীনাং গন্ধর্বাপ্সরসাং শতম্।
শতং শশ্বন্বতীনাং শতবারেণ বারয়ে ॥৬॥