Sukta 35

35.1

Jangidah, 1-5 angirah, vanaspatih, anushtup, 3 pathyabrihatih, 4 shakvari nichrit trishtup

इन्द्र॑स्य॒ नाम॑ गृ॒ह्णन्त॒ ऋस॑यो जङ्गि॒डं द॑दुः ।
दे॒वा यं च॒क्रुर्भे॑ष॒जमग्रे॑ विष्कन्ध॒दूष॑णम् ॥१॥

Indrasya nama grihnanta risayo jangidam daduh
Deva yam chakrurbheshajamagre vishkandhadushanam

35.2

स नो॑ रक्षतु जङ्गि॒डो ध॑नपा॒लो धने॑व ।
दे॒वा यं च॒क्रुर्ब्रा॑ह्म॒णाः प॑रि॒पाण॑मराति॒हम् ॥२॥

Sa no rakshatu jangido dhanapalo dhaneva
Deva yam chakrurbrahmanah paripanamaratiham

35.3

दु॒र्हार्दः॒ संघो॑रं॒ चक्षुः॑ पाप॒कृत्वा॑न॒माग॑मम्।
तांस्त्वं स॑हस्रचक्षो प्रतीबो॒धेन॑ नाशय परि॒पाणो॑ऽसि जङ्गि॒डः ॥३॥

Durhardah sanghoram chakshuh papakritvanamagamam
Tanstvam sahasrachaksho pratibodhena nashaya paripanosi jangidah

35.4

परि॑ मा दि॒वः परि॑ मा पृथि॒व्याः पर्य॒न्तरि॑क्षा॒त् परि॑ मा वी॒रुद्भ्यः॑ ।
परि॑ मा भू॒तात् परि॑ मो॒त भव्या॑द् दि॒शोदि॑शो जङ्गि॒डः पा॑त्व॒स्मान् ॥४॥

Pari ma divah pari ma prithivyah paryantarikshat pari ma virudbhyah
Pari ma bhutat pari mota bhavyad dishodisho jangidah patvasman

35.5

य ऋ॒ष्णवो॑ दे॒वकृ॑ता॒ य उ॒तो व॑वृ॒तेऽन्यः ।
सर्वां॒स्तान् वि॒श्वभे॑षजोऽर॒सां ज॑ङ्गि॒डस्क॑रत् ॥५॥

Ya rishnavo devakrita ya uto vavritenyah
Sarvanstan vishvabheshajorasam jangidaskarat