Sukta 166

166.1

5 rishabho vairajah, rishabhah shakvaro va, sapatnghnam, anushtup, 5 mahapanktih

ऋ॒ष॒भं मा॑ समा॒नानां॑ स॒पत्ना॑नां विषास॒हिम् । ह॒न्तारं॒ शत्रू॑णां कृधि वि॒राजं॒ गोप॑तिं॒ गवा॑म् ॥१॥

Rishabham ma samananam sapatnanam vishasahim, hantaram shatrunam kridhi virajam gopatim gavam

अ॒हम॑स्मि सपत्न॒हेन्द्र॑ इ॒वारि॑ष्टो॒ अक्ष॑तः । अ॒धः स॒पत्ना॑ मे प॒दोरि॒मे सर्वे॑ अ॒भिष्ठि॑ताः ॥२॥

Ahamasmi sapatnahendra ivarishto akshatah, adhah sapatna me padorime sarve abhishthitah

अत्रै॒व वोऽपि॑ नह्याम्यु॒भे आर्त्नी॑ इव॒ ज्यया॑ । वाच॑स्पते॒ नि षे॑धे॒मान्यथा॒ मदध॑रं॒ वदा॑न् ॥३॥

Atraiva vopi nahyamyubhe artni iva jyaya, vachaspate ni shedhemanyatha madadharam vadan

अ॒भि॒भूर॒हमाग॑मं वि॒श्वक॑र्मेण॒ धाम्ना॑ । आ व॑श्चि॒त्तमा वो॑ व्र॒तमा वो॒ऽहं समि॑तिं ददे ॥४॥

Abhibhurahamagamam vishvakarmena dhamna, a vashchittama vo vratama voham samitim dade

यो॒ग॒क्षे॒मं व॑ आ॒दाया॒ऽहं भू॑यासमुत्त॒म आ वो॑ मू॒र्धान॑मक्रमीम् ।
अ॒ध॒स्प॒दान्म॒ उद्व॑दत म॒ण्डूका॑ इवोद॒कान्म॒ण्डूका॑ उद॒कादि॑व ॥५॥

Yogakshemam va adayaham bhuyasamuttama a vo murdhanamakramim
Adhaspadanma udvadata manduka ivodakanmanduka udakadiva