সূক্ত 166

166.1

৫ ঋষভো বৈরাজঃ, ঋষভঃ শাক্বরো বা। সপত্ন্ঘ্নম্। অনুষ্টুপ্ , ৫ মহাপংক্তিঃ।

ঋষভং মা সমানানাং সপত্নানাং বিষাসহিম্ । হন্তারং শত্রূণাং কৃধি বিরাজং গোপতিং গবাম্ ॥১॥

166.2

অহমস্মি সপত্নহেন্দ্র ইবারিষ্টো অক্ষতঃ । অধঃ সপত্না মে পদোরিমে সর্বে অভিষ্ঠিতাঃ ॥২॥

166.3

অত্রৈব বোঽপি নহ্যাম্যুভে আর্ত্নী ইব জ্যয়া । বাচস্পতে নি ষেধেমান্যথা মদধরং বদান্ ॥৩॥

166.4

অভিভূরহমাগমং বিশ্বকর্মেণ ধাম্না । আ বশ্চিত্তমা বো ব্রতমা বোঽহং সমিতিং দদে ॥৪॥

166.5

যোগক্ষেমং ব আদায়াঽহং ভূয়াসমুত্তম আ বো মূর্ধানমক্রমীম্ ।
অধস্পদান্ম উদ্বদত মণ্ডূকা ইবোদকান্মণ্ডূকা উদকাদিব ॥৫॥