সূক্ত 165

165.1

৫ নৈঋর্তঃ কপোতঃ।বিশ্বেদেবাঃ। ত্রিষ্টুপ্।

দেবাঃ কপোত ইষিতো যদিচ্ছন্দূতো নিৠত্যা ইদমাজগাম ।
তস্মা অর্চাম কৃণবাম নিষ্কৃতিং শং নো অস্তু দ্বিপদে শং চতুষ্পদে ॥১॥

শিবঃ কপোত ইষিতো নো অস্ত্বনাগা দেবাঃ শকুনো গৃহেষু ।
অগ্নির্হি বিপ্রো জুষতাং হবির্নঃ পরি হেতিঃ পক্ষিণী নো বৃণক্তু ॥২॥

হেতিঃ পক্ষিণী ন দভাত্যস্মানাষ্ট্র্যাং পদং কৃণুতে অগ্নিধানে ।
শং নো গোভ্যশ্চ পুরুষেভ্যশ্চাস্তু মা নো হিংসীদিহ দেবাঃ কপোতঃ ॥৩॥

যদুলূকো বদতি মোঘমেতদ্যত্কপোতঃ পদমগ্নৌ কৃণোতি ।
যস্য দূতঃ প্রহিত এষ এতত্তস্মৈ যমায় নমো অস্তু মৃত্যবে ॥৪॥

ঋচা কপোতং নুদত প্রণোদমিষং মদন্তঃ পরি গাং নয়ধ্বম্ ।
সংয়োপয়ন্তো দুরিতানি বিশ্বা হিত্বা ন ঊর্জং প্র পতাত্পতিষ্ঠঃ ॥৫॥