সূক্ত 167

167.1

৪ বিশ্বামিত্র-জমদগ্নী। ইন্দ্রঃ, ৩ সোম-বরুণ-বৃহস্পতি-অনুমতি-মঘবত্-ধাতৃ-বিধাতারঃ। জগতী ।

তুভ্যেদমিন্দ্র পরি ষিচ্যতে মধু ত্বং সুতস্য কলশস্য রাজসি ।
ত্বং রয়িং পুরুবীরামু নস্কৃধি ত্বং তপঃ পরিতপ্যাজয়ঃ স্বঃ ॥১॥

167.2

স্বর্জিতং মহি মন্দানমন্ধসো হবামহে পরি শক্রং সুতাঁ উপ ।
ইমং নো যজ্ঞমিহ বোধ্যা গহি স্পৃধো জয়ন্তং মঘবানমীমহে ॥২॥

167.3

সোমস্য রাজ্ঞো বরুণস্য ধর্মণি বৃহস্পতেরনুমত্যা উ শর্মণি ।
তবাহমদ্য মঘবন্নুপস্তুতৌ ধাতর্বিধাতঃ কলশাঁ অভক্ষয়ম্ ॥৩॥

167.4

প্রসূতো ভক্ষমকরং চরাবপি স্তোমং চেমং প্রথমঃ সূরিরুন্মৃজে ।
সুতে সাতেন যদ্যাগমং বাং প্রতি বিশ্বামিত্রজমদগ্নী দমে ॥৪॥