সূক্ত 168

168.1

৪ অনিলো বাতায়নঃ। বায়ুঃ। ত্রিষ্টুপ্।

বাতস্য নু মহিমানং রথস্য রুজন্নেতি স্তনয়ন্নস্য ঘোষঃ ।
দিবিস্পৃগ্যাত্যরুণানি কৃণ্বন্নুতো এতি পৃথিব্যা রেণুমস্যন্ ॥১॥

168.2

সং প্রেরতে অনু বাতস্য বিষ্ঠা ঐনং গচ্ছন্তি সমনং ন যোষাঃ ।
তাভিঃ সয়ুক্সরথং দেব ঈয়তেঽস্য বিশ্বস্য ভুবনস্য রাজা ॥২॥

168.3

অন্তরিক্ষে পথিভিরীয়মানো ন নি বিশতে কতমচ্চনাহঃ ।
অপাং সখা প্রথমজা ঋতাবা ক্ব স্বিজ্জাতঃ কুত আ বভূব ॥৩॥

168.4

আত্মা দেবানাং ভুবনস্য গর্ভো যথাবশং চরতি দেব এষঃ ।
ঘোষা ইদস্য শৃণ্বিরে ন রূপং তস্মৈ বাতায় হবিষা বিধেম ॥৪॥