সূক্ত 169

169.1

৪ শবরঃ কাক্ষীবতঃ।গাবঃ। ত্রিষ্টুপ্।

ময়োভূর্বাতো অভি বাতূস্রা ঊর্জস্বতীরোষধীরা রিশন্তাম্ ।
পীবস্বতীর্জীবধন্যাঃ পিবন্ত্ববসায় পদ্বতে রুদ্র মৃল ॥১॥

169.2

যাঃ সরূপা বিরূপা একরূপা যাসামগ্নিরিষ্ট্যা নামানি বেদ ।
যা অঙ্গিরসস্তপসেহ চক্রুস্তাভ্যঃ পর্জন্য মহি শর্ম যচ্ছ ॥২॥

169.3

যা দেবেষু তন্ব১মৈরয়ন্ত যাসাং সোমো বিশ্বা রূপাণি বেদ ।
তা অস্মভ্যং পয়সা পিন্বমানাঃ প্রজাবতীরিন্দ্র গোষ্ঠে রিরীহি ॥৩॥

169.4

প্রজাপতির্মহ্যমেতা ররাণো বিশ্বৈর্দেবৈঃ পিতৃভিঃ সংবিদানঃ ।
শিবাঃ সতীরুপ নো গোষ্ঠমাকস্তাসাং বয়ং প্রজয়া সং সদেম ॥৪॥