Sukta 169

169.1

4 shabarah kakshivatah, gavah, trishtup

म॒यो॒भूर्वातो॑ अ॒भि वा॑तू॒स्रा ऊर्ज॑स्वती॒रोष॑धी॒रा रि॑शन्ताम् ।
पीव॑स्वतीर्जी॒वध॑न्याः पिबन्त्वव॒साय॑ प॒द्वते॑ रुद्र मृळ ॥१॥

Mayobhurvato abhi vatusra urjasvatiroshadhira rishantam
Pivasvatirjivadhanyah pibantvavasaya padvate rudra mrila

याः सरू॑पा॒ विरू॑पा॒ एक॑रूपा॒ यासा॑म॒ग्निरिष्ट्या॒ नामा॑नि॒ वेद॑ ।
या अङ्गि॑रस॒स्तप॑से॒ह च॒क्रुस्ताभ्य॑ः पर्जन्य॒ महि॒ शर्म॑ यच्छ ॥२॥

Yah sarupa virupa ekarupa yasamagnirishtya namani veda
Ya angirasastapaseha chakrustabhyah parjanya mahi sharma yachchha

या दे॒वेषु॑ त॒न्व१मैर॑यन्त॒ यासां॒ सोमो॒ विश्वा॑ रू॒पाणि॒ वेद॑ ।
ता अ॒स्मभ्यं॒ पय॑सा॒ पिन्व॑मानाः प्र॒जाव॑तीरिन्द्र गो॒ष्ठे रि॑रीहि ॥३॥

Ya deveshu tanva1mairayanta yasam somo vishva rupani veda
Ta asmabhyam payasa pinvamanah prajavatirindra goshthe ririhi

प्र॒जाप॑ति॒र्मह्य॑मे॒ता ररा॑णो॒ विश्वै॑र्दे॒वैः पि॒तृभि॑ः संविदा॒नः ।
शि॒वाः स॒तीरुप॑ नो गो॒ष्ठमाक॒स्तासां॑ व॒यं प्र॒जया॒ सं स॑देम ॥४॥

Prajapatirmahyameta rarano vishvairdevaih pitribhih sanvidanah
Shivah satirupa no goshthamakastasam vayam prajaya sam sadema