Sukta 168

168.1

4 anilo vatayanah, vayuh, trishtup

वात॑स्य॒ नु म॑हि॒मानं॒ रथ॑स्य रु॒जन्ने॑ति स्त॒नय॑न्नस्य॒ घोष॑ः ।
दि॒वि॒स्पृग्या॑त्यरु॒णानि॑ कृ॒ण्वन्नु॒तो ए॑ति पृथि॒व्या रे॒णुमस्य॑न् ॥१॥

Vatasya nu mahimanam rathasya rujanneti stanayannasya ghoshah
Divisprigyatyarunani krinvannuto eti prithivya renumasyan

168.2

सं प्रेर॑ते॒ अनु॒ वात॑स्य वि॒ष्ठा ऐनं॑ गच्छन्ति॒ सम॑नं॒ न योषा॑ः ।
ताभि॑ः स॒युक्स॒रथं॑ दे॒व ई॑यते॒ऽस्य विश्व॑स्य॒ भुव॑नस्य॒ राजा॑ ॥२॥

Sam prerate anu vatasya vishtha ainam gachchhanti samanam na yoshah
Tabhih sayuksaratham deva iyatesya vishvasya bhuvanasya raja

168.3

अ॒न्तरि॑क्षे प॒थिभि॒रीय॑मानो॒ न नि वि॑शते कत॒मच्च॒नाह॑ः ।
अ॒पां सखा॑ प्रथम॒जा ऋ॒तावा॒ क्व॑ स्विज्जा॒तः कुत॒ आ ब॑भूव ॥३॥

Antarikshe pathibhiriyamano na ni vishate katamachchanahah
Apam sakha prathamaja ritava kva svijjatah kuta a babhuva

168.4

आ॒त्मा दे॒वानां॒ भुव॑नस्य॒ गर्भो॑ यथाव॒शं च॑रति दे॒व ए॒षः ।
घोषा॒ इद॑स्य शृण्विरे॒ न रू॒पं तस्मै॒ वाता॑य ह॒विषा॑ विधेम ॥४॥

Atma devanam bhuvanasya garbho yathavasham charati deva eshah
Ghosha idasya shrinvire na rupam tasmai vataya havisha vidhema