সূক্ত 170

170.1

৪ বিভ্রাট্ সৌর্যঃ। সূর্যঃ। জগতী, ৪ আস্তারপংক্তিঃ।

বিভ্রাড্বৃহত্পিবতু সোম্যং মধ্বায়ুর্দধদ্যজ্ঞপতাববিহ্রুতম্ ।
বাতজূতো যো অভিরক্ষতি ত্মনা প্রজাঃ পুপোষ পুরুধা বি রাজতি ॥১॥

170.2

বিভ্রাড্বৃহত্সুভৃতং বাজসাতমং ধর্মন্দিবো ধরুণে সত্যমর্পিতম্ ।
অমিত্রহা বৃত্রহা দস্যুহন্তমং জ্যোতির্জজ্ঞে অসুরহা সপত্নহা ॥২॥

170.3

ইদং শ্রেষ্ঠং জ্যোতিষাং জ্যোতিরুত্তমং বিশ্বজিদ্ধনজিদুচ্যতে বৃহৎ ।
বিশ্বভ্রাড্ভ্রাজো মহি সূর্যো দৃশ উরু পপ্রথে সহ ওজো অচ্যুতম্ ॥৩॥

170.4

বিভ্রাজঞ্জ্যোতিষা স্ব১রগচ্ছো রোচনং দিবঃ ।
যেনেমা বিশ্বা ভুবনান্যাভৃতা বিশ্বকর্মণা বিশ্বদেব্যাবতা ॥৪॥