UtshovChapter 46
46.1
वैशंपायन उवाच
एवं सनत्सुजातेन विदुरेण च धीमता
सार्धं कथयतो राज्ञः सा व्यतीयाय शर्वरी
Vaishampayana uvacha
Evam sanatsujatena vidurena cha dhimata
Sardham kathayato ragyah sa vyatiyaya sharvari
46.2
तस्यां रजन्यां व्युष्टायां राजानः सर्व एव ते
सभामाविविशुर्हृष्टाः सूतस्योपदिदृक्षया
Tasyam rajanyam vyushtayam rajanah sarva eva te
Sabhamavivishurhrishtah sutasyopadidrikshaya
46.3
शुश्रूषमाणाः पार्थानां वचो धर्मार्थसंहितम्
धृतराष्ट्रमुखाः सर्वे ययू राजसभां शुभाम्
Shushrushamanah parthanam vacho dharmarthasanhitam
Dhritarashtramukhah sarve yayu rajasabham shubham
46.4
सुधावदातां विस्तीर्णां कनकाजिरभूषिताम्
चन्द्रप्रभां सुरुचिरां सिक्तां परमवारिणा
Sudhavadatam vistirnam kanakajirabhushitam
Chandraprabham suruchiram siktam paramavarina
46.5
रुचिरैरासनैः स्तीर्णां काञ्चनैर्दारवैरपि
अश्मसारमयैर्दान्तैः स्वास्तीर्णैः सोत्तरच्छदैः
Ruchirairasanaih stirnam kanchanairdaravairapi
Ashmasaramayairdantaih svastirnaih sottarachchhadaih
46.6
भीष्मो द्रोणः कृपः शल्यः कृतवर्मा जयद्रथः
अश्वत्थामा विकर्णश्च सोमदत्तश्च बाह्लिकः
Bhishmo dronah kripah shalyah kritavarma jayadrathah
Ashvatthama vikarnashcha somadattashcha bahlikah
46.7
विदुरश्च महाप्राज्ञो युयुत्सुश्च महारथः
सर्वे च सहिताः शूराः पार्थिवा भरतर्षभ
धृतराष्ट्रं पुरस्कृत्य विविशुस्तां सभां शुभाम्
Vidurashcha mahapragyo yuyutsushcha maharathah
Sarve cha sahitah shurah parthiva bharatarshabha
Dhritarashtram puraskritya vivishustam sabham shubham
46.8
दुःशासनश्चित्रसेनः शकुनिश्चापि सौबलः
दुर्मुखो दुःसहः कर्ण उलूकोऽथ विविंशतिः
Duhshasanashchitrasenah shakunishchapi saubalah
Durmukho duhsahah karna ulukotha vivinshatih
46.9
कुरुराजं पुरस्कृत्य दुर्योधनममर्षणम्
विविशुस्तां सभां राजन्सुराः शक्रसदो यथा
Kururajam puraskritya duryodhanamamarshanam
Vivishustam sabham rajansurah shakrasado yatha
46.10
आविशद्भिस्तदा राजञ्शूरैः परिघबाहुभिः
शुशुभे सा सभा राजन्सिंहैरिव गिरेर्गुहा
Avishadbhistada rajanshuraih parighabahubhih
Shushubhe sa sabha rajansinhairiva girerguha
46.11
ते प्रविश्य महेष्वासाः सभां समितिशोभनाः
आसनानि महार्हाणि भेजिरे सूर्यवर्चसः
Te pravishya maheshvasah sabham samitishobhanah
Asanani maharhani bhejire suryavarchasah
46.12
आसनस्थेषु सर्वेषु तेषु राजसु भारत
द्वाःस्थो निवेदयामास सूतपुत्रमुपस्थितम्
Asanastheshu sarveshu teshu rajasu bharata
Dvahstho nivedayamasa sutaputramupasthitam
46.13
अयं स रथ आयाति योऽयासीत्पाण्डवान्प्रति
दूतो नस्तूर्णमायातः सैन्धवैः साधुवाहिभिः
Ayam sa ratha ayati yoyasitpandavanprati
Duto nasturnamayatah saindhavaih sadhuvahibhih
46.14
उपयाय तु स क्षिप्रं रथात्प्रस्कन्द्य कुण्डली
प्रविवेश सभां पूर्णां महीपालैर्महात्मभिः
Upayaya tu sa kshipram rathatpraskandya kundali
Pravivesha sabham purnam mahipalairmahatmabhih
46.15
संजय उवाच
प्राप्तोऽस्मि पाण्डवान्गत्वा तद्विजानीत कौरवाः
यथावयः कुरून्सर्वान्प्रतिनन्दन्ति पाण्डवाः
Sanjaya uvacha
Praptosmi pandavangatva tadvijanita kauravah
Yathavayah kurunsarvanpratinandanti pandavah
46.16
अभिवादयन्ति वृद्धांश्च वयस्यांश्च वयस्यवत्
यूनश्चाभ्यवदन्पार्थाः प्रतिपूज्य यथावयः
Abhivadayanti vriddhanshcha vayasyanshcha vayasyavat
Yunashchabhyavadanparthah pratipujya yathavayah
46.17
यथाहं धृतराष्ट्रेण शिष्टः पूर्वमितो गतः
अब्रुवं पाण्डवान्गत्वा तन्निबोधत पार्थिवाः
Yathaham dhritarashtrena shishtah purvamito gatah
Abruvam pandavangatva tannibodhata parthivah