Chapter 190

190.1

युधिष्ठिर उवाच
गतीनामुत्तमा प्राप्तिः कथिता जापकेष्विह
एकैवैषा गतिस्तेषामुत यान्त्यपरामपि

Yudhishthira uvacha
Gatinamuttama praptih kathita japakeshviha
Ekaivaisha gatisteshamuta yantyaparamapi

भीष्म उवाच
शृणुष्वावहितो राजञ्जापकानां गतिं विभो
यथा गच्छन्ति निरयमनेकं पुरुषर्षभ

Bhishma uvacha
Shrinushvavahito rajanjapakanam gatim vibho
Yatha gachchhanti nirayamanekam purusharshabha

यथोक्तमेतत्पूर्वं यो नानुतिष्ठति जापकः
एकदेशक्रियश्चात्र निरयं स निगच्छति

Yathoktametatpurvam yo nanutishthati japakah
Ekadeshakriyashchatra nirayam sa nigachchhati

अवज्ञानेन कुरुते न तुष्यति न शोचति
ईदृशो जापको याति निरयं नात्र संशयः

Avagyanena kurute na tushyati na shochati
Idrisho japako yati nirayam natra sanshayah

अहंकारकृतश्चैव सर्वे निरयगामिनः
परावमानी पुरुषो भविता निरयोपगः

Ahankarakritashchaiva sarve nirayagaminah
Paravamani purusho bhavita nirayopagah

अभिध्यापूर्वकं जप्यं कुरुते यश्च मोहितः
यत्राभिध्यां स कुरुते तं वै निरयमृच्छति

Abhidhyapurvakam japyam kurute yashcha mohitah
Yatrabhidhyam sa kurute tam vai nirayamrichchhati

अथैश्वर्यप्रवृत्तः सञ्जापकस्तत्र रज्यते
स एव निरयस्तस्य नासौ तस्मात्प्रमुच्यते

Athaishvaryapravrittah sanjapakastatra rajyate
Sa eva nirayastasya nasau tasmatpramuchyate

रागेण जापको जप्यं कुरुते तत्र मोहितः
यत्रास्य रागः पतति तत्र तत्रोपजायते

Ragena japako japyam kurute tatra mohitah
Yatrasya ragah patati tatra tatropajayate

दुर्बुद्धिरकृतप्रज्ञश्चले मनसि तिष्ठति
चलामेव गतिं याति निरयं वाधिगच्छति

Durbuddhirakritapragyashchale manasi tishthati
Chalameva gatim yati nirayam vadhigachchhati

अकृतप्रज्ञको बालो मोहं गच्छति जापकः
स मोहान्निरयं याति तत्र गत्वानुशोचति

Akritapragyako balo moham gachchhati japakah
Sa mohannirayam yati tatra gatvanushochati

दृढग्राही करोमीति जप्यं जपति जापकः
न संपूर्णो न वा युक्तो निरयं सोऽधिगच्छति

Dridhagrahi karomiti japyam japati japakah
Na sampurno na va yukto nirayam sodhigachchhati

युधिष्ठिर उवाच
अनिमित्तं परं यत्तदव्यक्तं ब्रह्मणि स्थितम्
सद्भूतो जापकः कस्मात्स शरीरमथाविशेत्

Yudhishthira uvacha
Animittam param yattadavyaktam brahmani sthitam
Sadbhuto japakah kasmatsa shariramathavishet

भीष्म उवाच
दुष्प्रज्ञानेन निरया बहवः समुदाहृताः
प्रशस्तं जापकत्वं च दोषाश्चैते तदात्मकाः

Bhishma uvacha
Dushpragyanena niraya bahavah samudahritah
Prashastam japakatvam cha doshashchaite tadatmakah