Utshovঅধ্যায় 8
8.1
উপয়ামগৃহীতোঽস্যাদিত্যেভ্যস্ত্বা । বিষ্ণ উরুগায়ৈষ তে সোমস্তং রক্ষস্ব মা ত্বা দভন্ ॥১॥
8.2
কদা চন স্তরীরসি নেন্দ্র সশ্চসি দাশুষে ।
উপোপেন্নু মঘবন্ ভূয় ইন্নু তে দানং দেবস্য পৃচ্যত আদিত্যেভ্যস্ত্বা ॥২॥
8.3
কদা চন প্র যুচ্ছস্যুভে নি পাসি জন্মনী ।
তুরীয়াদিত্য সবনং ত ইন্দ্রিয়মাতস্থাবমৃতং দিব্যাদিত্যেভ্যস্ত্বা ॥৩॥
8.4
যজ্ঞো দেবানাং প্রত্যেতি সুম্নমাদিত্যাসো ভবতা মৃডয়ন্তঃ ।
আ বোঽর্বাচী সুমতির্ববৃত্যাদহোশ্চিদ্যা বরিবোবিত্তরাসদাদিত্যেভ্যস্ত্বা ॥৪॥
8.5
বিবস্বন্নাদিত্যৈষ তে সোমপীথস্তস্মিন্ মত্স্ব ।
শ্রদস্মৈ নরো বচসে দধাতন যদাশীর্দা দম্পতী বামমশ্নুতঃ ।
পুমান্ পুত্রো জায়তে বিন্দতে বস্বধা বিশ্বাহারপ এধতে গৃহে ॥৫॥
8.6
বামমদ্য সবিতর্বামমু শ্বো দিবে দিবে বামমস্মভ্যং সাবীঃ ।
বামস্য হি ক্ষয়স্য দেব ভূরেরয়া ধিয়া বামভাজঃ স্যাম ॥৬॥
8.7
উপয়ামগৃহীতোঽসি সাবিত্রোঽসি চনোধাশ্চনোধা অসি চনো ময়ি ধেহি ।
জিন্ব যজ্ঞং জিন্ব যজ্ঞপতিং ভগায় দেবায় ত্বা সবিত্রে ॥৭॥
8.8
উপয়ামগৃহীতোঽসি সুশর্মাঽসি সুপ্রতিষ্ঠানো বৃহদুক্ষায় নমঃ ।
বিশ্বেভ্যস্ত্বা দেবেভ্য এষ তে যোনির্বিশ্বেভ্যস্ত্বা দেবেভ্যঃ ॥৮॥
8.9
উপয়ামগৃহীতোঽসি বৃহস্পতিসুতস্য দেব সোম ত ইন্দোরিন্দ্রিয়াবতঃ পত্নীবতো গ্রহাঁ২ ঋধ্যাসম্ ।
অহং পরস্তাদহমবস্তাদ্যদন্তরিক্ষং তদু মে পিতাঽভূৎ ।
অহং সূর্যমুভয়তো দদর্শাহং দেবানাং পরমং গুহা যৎ ॥৯॥
8.10
অগ্না৩ই পত্নীবন্ত্সজূর্দেবেন ত্বষ্ট্রা সোমং পিব স্বাহা ।
প্রজাপতির্বৃষাঽসি রেতোধা রেতো ময়ি ধেহি প্রজাপতেস্তে বৃষ্ণো রেতোধসো রেতোধামশীয় ॥১০॥
8.11
উপয়ামগৃহীতোঽসি হরিরসি হারিয়োজনো হরিভ্যাং ত্বা । হর্যোর্ধানা স্থ সহসোমা ইন্দ্রায় ॥১১॥
8.12
যস্তে অশ্বসনির্ভক্ষো যো গোসনিস্তস্য ত ইষ্টয়জুষ স্তুতসোমস্য শস্তোক্থস্যোপহূতস্যোপহূতো ভক্ষয়ামি ॥১২॥
8.13
দেবকৃতস্যৈনসোঽবয়জনমসি মনুষ্যকৃতস্যৈনসোঽবয়জনমসি পিতৃকৃতস্যৈনসোঽবয়জনমস্যাত্মকৃতস্যৈনসোঽবয়জনমস্যেনস এনসোঽবয়জনমসি ।
যচ্চাহমেনো বিদ্বাঁশ্চকার যচ্চাবিদ্বাঁস্তস্য সর্বস্যৈনসোঽবয়জনমসি ॥১৩॥
8.14
সং বর্চসা পয়সা সং তনূভিরগন্মহি মনসা সং শিবেন ।
ত্বষ্টা সুদত্রো বি দধাতু রায়োঽনুমার্ষ্টু তন্বো যদ্বিলিষ্টম্ ॥১৪॥
8.15
সমিন্দ্র ণো মনসা নেষি গোভিঃ সং সূরিভির্মঘবন্ত্সং স্বস্ত্যা ।
সং ব্রহ্মণা দেবকৃতং যদস্তি সং দেবানাং সুমতৌ যজ্ঞিয়ানাং স্বাহা ॥১৫॥
8.16
সং বর্চসা পয়সা সং তনূভিরগন্মহি মনসা সং শিবেন ।
ত্বষ্টা সুদত্রো বি দধাতু রায়োঽনুমার্ষ্টু তন্বো যদ্বিলিষ্টম্ ॥১৬॥
8.17
ধাতা রাতিঃ সবিতেদং জুষন্তাং প্রজাপতির্নিধিপা দেবো অগ্নিঃ ।
ত্বষ্টা বিষ্ণুঃ প্রজয়া সংররাণা যজমানায় দ্রবিণং দধাত স্বাহা ॥১৭॥
8.18
সুগা বো দেবাঃ সদনা অকর্ম য আজগ্মেদং সবনং জুষাণাঃ ।
ভরমাণা বহমানা হবীংষ্যস্মে ধত্ত বসবো বসূনি স্বাহা ॥১৮॥
8.19
যাঁ২ আঽবহ উশতো দেব দেবাঁস্তান্ প্রেরয় স্বে অগ্নে সধস্থে ।
জক্ষিবাংসঃ পপিবাjসশ্চ বিশ্বেঽসুং ঘর্মং স্বরাতিষ্ঠতানু স্বাহা ॥১৯॥
8.20
বয়ং হি ত্বা প্রয়তি যজ্ঞে অস্মিন্নগ্নে হোতারমবৃণীমহীহ ।
ঋধগয়া ঋধগুতাশমিষ্ঠাঃ প্রজানন্ যজ্ঞমুপ যাহি বিদ্বান্ত্স্বাহা ॥২০॥
8.21
দেবা গাতুবিদো গাতুং বিত্ত্বা গাতুমিত । মনসস্পত ইমং দেব যজ্ঞং স্বাহা বাতে ধাঃ ॥২১॥
8.22
যজ্ঞ যজ্ঞং গচ্ছ যজ্ঞপতিং গচ্ছ স্বাং যোনিং গচ্ছ স্বাহা ।
এষ তে যজ্ঞো যজ্ঞপতে সহসূক্তবাকঃ সর্ববীরস্তং জুষস্ব স্বাহা ॥২২॥
8.23
মাহির্ভূর্মা পৃদাকুঃ । উরুং হি রাজা বরুণশ্চকার সূর্যায় পন্থামন্বেতবা উ ।
অপদে পাদা প্রতিধাতবেঽকরুতাপবক্তা হৃদয়াবিধশ্চিৎ ।
নমো বরুণায়াভিষ্ঠিতো বরুণস্য পাশঃ ॥২৩॥
8.24
অগ্নেরনীকমপ আ বিবেশাপাং নপাৎ প্রতিরক্ষন্নসুর্যম্ ।
দমেদমে সমিধং যক্ষ্যগ্নে প্রতি তে জিহ্বা ঘৃতমুচ্চরণ্যৎ স্বাহা ॥২৪॥
8.25
সমুদ্রে তে হৃদয়মপ্স্বন্তঃ সং ত্বা বিশন্ত্বোষধীরুতাপঃ ।
যজ্ঞস্য ত্বা যজ্ঞপতে সূক্তোক্তৌ নমোবাকে বিধেম যত্স্বাহা ॥২৫॥
8.26
দেবীরাপ এষ বো গর্ভস্তং সুপ্রীতং সুভৃতং বিভৃত ।
দেব সোমৈষ তে লোকস্তস্মিঞ্ছং চ বক্ষ্ব পরি চ বক্ষ্ব ॥২৬॥
8.27
অবভৃথ নিচুম্পুণ নিচেরুরসি নিচুম্পুণঃ ।
অব দেবৈর্দেবকৃতমেনোঽয়াসিষমব মর্ত্যৈর্মর্ত্যকৃতং পুরুরাব্ণো দেব রিষস্পাহি ।
দেবানাং সমিদসি ॥২৭॥
8.28
এজতু দশমাস্যো গর্ভো জরায়ুণা সহ । যথাঽয়ং বায়ুরেজতি যথা সমুদ্র এজতি ।
এবায়ং দশমাস্যো অস্রজ্জরায়ুণা সহ ॥২৮॥
8.29
যস্যৈ তে যজ্ঞিয়ো গর্ভো যস্যৈ যোনির্হিরণ্যী ।
অঙ্গান্যহ্রুতা যস্য তং মাত্রা সমজীগমং স্বাহা ॥২৯॥
8.30
পুরুদস্মো বিষুরূপ ইন্দুরন্তর্মহিমানমানঞ্জ ধীরঃ ।
একপদীং দ্বিপদীং ত্রিপদীং চতুষ্পদীমষ্টাপদীং ভুবনানু প্রথন্তাং স্বাহা ॥৩০॥
8.31
মরুতো যস্য হি ক্ষয়ে পাথা দিবো বিমহসঃ । স সুগোপাতমো জনঃ ॥৩১॥
8.32
মহী দ্যৌঃ পৃথিবী চ ন ইমং যজ্ঞং মিমিক্ষতাম্ । পিপৃতাং নো ভরীমভিঃ ॥৩২॥
8.33
আ তিষ্ঠ বৃত্রহন্রথং যুক্তা তে ব্রহ্মণা হরী । অর্বাচীনং সু তে মনো গ্রাবা কৃণোতু বগ্নুনা ।
উপয়ামগৃহীতোঽসীন্দ্রায় ত্বা ষোডশিন এষ তে যোনিরিন্দ্রায় ত্বা ষোডশিনে ॥৩৩॥
8.34
যুক্ষ্বা হি কেশিনা হরী বৃষণা কক্ষ্যপ্রা । অথা ন ইন্দ্র সোমপা গিরামুপশ্রুতিং চর ।
উপয়ামগৃহীতোঽসীন্দ্রায় ত্বা ষোডশিন এষ তে যোনিরিন্দ্রায় ত্বা ষোডশিনে ॥৩৪॥
8.35
ইন্দ্রমিদ্ধরী বহতোঽপ্রতিধৃষ্টশবসম্ । ঋষীণাং চ স্তুতীরুপ যজ্ঞং চ মানুষাণাম্ ।
উপয়ামগৃহীতো সীন্দ্রায় ত্বা ষোডশিনে এষ তে যোনিরিন্দ্রায় ত্বা ষোডশিনে ॥৩৫॥
8.36
যস্মান্ন জাতঃ পরো অন্যো অস্তি য আবিবেশ ভুবনানি বিশ্বা ।
প্রজাপতিঃ প্রজয়া সংররাণস্ত্রীণি জ্যোতীংষি সচতে স ষোডশী ॥৩৬॥
8.37
ইন্দ্রশ্চ সম্রাড্বরুণশ্চ রাজা তৌ তে ভক্ষং চক্রতুরগ্র এতম্ ।
তয়োরহমনু ভক্ষং ভক্ষয়ামি বাগ্দেবী জুষাণা সোমস্য তৃপ্যতু সহ প্রাণেন স্বাহা ॥৩৭॥
8.38
অগ্নে পবস্ব স্বপা অস্মে বর্চঃ সুবীর্যম্ । দধদ্রয়িং ময়ি পোষম্ ।
উপয়ামগৃহীতোঽস্যগ্নয়ে ত্বা বর্চস এষ তে যোনিরগ্নয়ে ত্বা বর্চসে ।
অগ্নে বর্চস্বিন্বর্চস্বাঁস্ত্বং দেবেষ্বসি বর্চস্বানহং মনুষ্যেষু ভূয়াসম্ ॥৩৮॥
8.39
উত্তিষ্ঠন্নোজসা সহ পীত্বী শিপ্রে অবেপয়ঃ । সোমমিন্দ্র চমূ সুতম্ ।
উপয়ামগৃহীতোঽসীন্দ্রায় ত্বৌজস এষ তে যোনিরিন্দ্রায় ত্বৌজসে ।
ইন্দ্রৌজিষ্ঠৌজিষ্ঠস্ত্বং দেবেষ্বস্যোজিষ্ঠোঽহং মনুষ্যেষু ভূয়াসম্ ॥৩৯॥
8.40
অদৃশ্রমস্য কেতবো বি রশ্ময়ো জনাঁ২ অনু । ভ্রাজন্তো অগ্নয়ো যথা ।
উপয়ামগৃহীতোঽসি সূর্যায় ত্বা ভ্রাজায়ৈষ তে যোনিঃ সূর্যায় ত্বা ভ্রাজায় ।
সূর্য ভ্রাজিষ্ঠ ভ্রাজিষ্ঠস্ত্বং দেবেষ্বসি ভ্রাজিষ্ঠোঽহং মনুষ্যেষু ভূয়াসম্ ॥৪০॥
8.41
উদু ত্যং জাতবেদসং দেবং বহন্তি কেতবঃ । দৃশে বিশ্বায় সূর্যম্ ।
উপয়ামগৃহীতোঽসি সূর্যায় ত্বা ভ্রাজায়ৈষ তে যোনিঃ সূর্যায় ত্বা ভ্রাজায় ॥৪১॥
8.42
আ জিঘ্র কলশং মহ্যা ত্বা বিশন্ত্বিন্দবঃ।
পুনরূর্জা নি বর্তস্ব সা নঃ সহস্রং ধুক্ষ্বোরুধারা পয়স্বতী পুনর্মা বিশতাদ্রয়িঃ ॥৪২॥
8.43
ইডে রন্তে হব্যে কাম্যে চন্দ্রে জ্যোতেঽদিতে সরস্বতি মহি বিশ্রুতি ।
এতা তে অঘ্ন্যে নামানি দেবেভ্যো মা সুকৃতং ব্রূতাৎ ॥৪৩॥
8.44
বি ন ইন্দ্র মৃধো জহি নীচা যচ্ছ পৃতন্যতঃ ।
যো অস্মাঁ২ অভিদাসত্যধরং গময়া তমঃ ।
উপয়ামগৃহীতোঽসীন্দ্রায় ত্বা বিমৃধে এষ তে যোনিরিন্দ্রায় ত্বা বিমৃধে ॥৪৪॥
8.45
বাচস্পতিং বিশ্বকর্মাণমূতয়ে মনোজুবং বাজে অদ্যা হুবেম ।
স নো বিশ্বানি হবনানি জোষদ্বিশ্বশম্ভূরবসে সাধুকর্মা ।
উপয়ামগৃহীতোঽসীন্দ্রায় ত্বা বিশ্বকর্মণে
এষ তে যোনিরিন্দ্রায় ত্বা বিশ্বকর্মণে ॥৪৫॥
8.46
বিশ্বকর্মন্ হবিষা বর্ধনেন ত্রাতারমিন্দ্রমকৃণোরবধ্যম্ ।
তস্মৈ বিশঃ সমনমন্ত পূর্বীরয়মুগ্রো বিহব্যো যথাসৎ ।
উপয়ামগৃহীতোঽসীন্দ্রায় ত্বা বিশ্বকর্মণ
এষ তে যোনিরিন্দ্রায় ত্বা বিশ্বকর্মণে ॥৪৬॥
8.47
উপয়ামগৃহীতোঽস্যগ্নয়ে ত্বা গায়ত্রচ্ছন্দসং গৃহ্ণামীন্দ্রায় ত্বা ত্রিষ্টুপ্ছন্দসং গৃহ্ণামি
বিশ্বেভ্যস্ত্বা দেবেভ্যো জগচ্ছন্দসং গৃহ্ণাম্যনুষ্টুপ্তেঽভিগরঃ ॥৪৭॥
8.48
ব্রেশীনাং ত্বা পত্মন্না ধূনোমি কুকূননানাং ত্বা পত্মন্না ধূনোমি ভন্দনানাং ত্বা পত্মন্না ধূনোমি মদিন্তমানাং ত্বা পত্মন্না ধূনোমি মধুন্তমানাং ত্বা পত্মন্না ধূনোমি শুক্রং ত্বা শুক্র আ ধূনোম্যহ্নো রূপে সূর্যস্য রশ্মিষু ॥৪৮॥
8.49
ককুভং রূপং বৃষভস্য রোচতে বৃহচ্ছুক্রঃ শুক্রস্য পুরোগাঃ সোমঃ সোমস্য পুরোগাঃ ।
যত্তে সোমাদাভ্যং নাম জাগৃবি তস্মৈ ত্বা গৃহ্ণামি তস্মৈ তে সোম সোমায় স্বাহা ॥৪৯॥
8.50
উশিক্ ত্বং দেব সোমাগ্নেঃ প্রিয়ং পাথোঽপীহি
বশী ত্বং দেব সোমেন্দ্রস্য প্রিয়ং পাথোঽপীহ্যস্মত্সখা ত্বং দেব সোম বিশ্বেষাং দেবানাং প্রিয়ং পাথোঽপীহি ॥৫০॥
8.51
ইহ রতিরিহ রমধ্বমিহ ধৃতিরিহ স্বধৃতিঃ স্বাহা ।
উপসৃজন্ ধরুণং মাত্রে ধরুণো মাতরং ধয়ন্ । রায়স্পোষমস্মাসু দীধরত্স্বাহা ॥৫১॥
8.52
সত্রস্য ঋদ্ধিরস্যগন্ম জ্যোতিরমৃতা অভূম ।
দিবং পৃথিব্যা অধ্যাঽরুহামাবিদাম দেবান্ত্স্বর্জ্যোতিঃ ॥৫২॥
8.53
যুবং তমিন্দ্রাপর্বতা পুরোয়ুধা যো নঃ পৃতন্যাদপ তং তমিদ্ধতং বজ্রেণ তং তমিদ্ধতম্ ।
দূরে চত্তায় ছন্ত্সদ্গহনং যদিনক্ষৎ ।
অস্মাকং শত্রূন্পরি শূর বিশ্বতো দর্মা দর্ষীষ্ট বিশ্বতঃ ।
ভূর্ভুবঃ স্বঃ সুপ্রজাঃ প্রজাভিঃ স্যাম সুবীরা বীরৈঃ সুপোষাঃ পোষৈঃ ॥৫৩॥
8.54
পরমেষ্ঠ্যভিধীতঃ প্রজাপতির্বাচি ব্যাহৃতায়ামন্ধো অচ্ছেতঃ ।
সবিতা সন্যাং বিশ্বকর্মা দীক্ষায়াং পূষা সোমক্রয়ণ্যাম্ ॥৫৪॥
8.55
ইন্দ্রশ্চ মরুতশ্চ ক্রয়ায়োপোত্থিতো ঽসুরঃ পণ্যমানো মিত্রঃ ক্রীতো বিষ্ণুঃ শিপিবিষ্ট উরাবাসন্নো বিষ্ণুর্নরন্ধিষঃ ॥৫৫॥
8.56
প্রোহ্যমাণঃ সোম আগতো বরুণ আসন্দ্যামাসন্নো ঽগ্নিরাগ্নীধ্র ইন্দ্রো হবির্ধানে ঽথর্বোপাবহ্রিয়মাণঃ ॥৫৬॥
8.57
বিশ্বে দেবা অংশুষু ন্যুপ্তো বিষ্ণুরাপ্রীতপা আপ্যায্যমানো যমঃ সূয়মা নো বিষ্ণুঃ সম্ভ্রিয়মাণো বায়ুঃ পূয়মানঃ শুক্রঃ পূতঃ শুক্রঃ ক্ষীরশ্রীর্মন্থী সক্তুশ্রীঃ ॥৫৭॥
8.58
বিশ্বে দেবাশ্চমসেষূন্নীতো ঽসুর্হোমায়োদ্যতো রুদ্রো হূয়মানো বাতোঽভ্যাবৃত্তো নৃচক্ষাঃ প্রতিখ্যাতো
ভক্ষো ভক্ষ্যমাণঃ পিতরো নারাশংসাঃ ॥৫৮॥
8.59
সন্নঃ সিন্ধুরবভৃথায়োদ্যতঃ সমুদ্রোঽভ্যবহ্রিয়মাণঃ সলিলঃ প্রপ্লুতো
যয়োরোজসা স্কভিতা রজাংসি বীর্যেভির্বীরতমা শবিষ্ঠা ।
যা পত্যেতে অপ্রতীতা সহোভির্বিষ্ণূ অগন্বরুণা পূর্বহূতৌ ॥৫৯॥
8.60
দেবান্দিবমগন্যজ্ঞস্ততো মা দ্রবিণমষ্টু মনুষ্যানন্তরিক্ষমগন্যজ্ঞস্ততো মা দ্রবিণমষ্টু
পিতৄন্পৃথিবীমগন্যজ্ঞস্ততো মা দ্রবিণমষ্টু যং কং চ লোকমগন্যজ্ঞস্ততো মে ভদ্রংমভূৎ ॥৬০॥
8.61
চতুস্ত্রিংশত্তন্তবো যে বিতত্নিরে য ইমং যজ্ঞং স্বধয়া দদন্তে ।
তেষাং ছিন্নং সম্বেতদ্দধামি স্বাহা ঘর্মো অপ্যেতু দেবান্ ॥৬১॥
8.62
যজ্ঞস্য দোহো বিততঃ পুরুত্রা সো অষ্টধা দিবমন্বাততান ।
স যজ্ঞ ধুক্ষ্ব মহি মে প্রজা যাং রায়স্পোষং বিশ্বমায়ুরশীয় স্বাহা ॥৬২॥
8.63
আ পবস্ব হিরণ্যবদশ্ববত্সোম বীরবৎ । বাজং গোমন্তমা ভর স্বাহা ॥৬৩॥