অধ্যায় 9

9.1

দেব সবিতঃ প্রসুব যজ্ঞং প্রসুব যজ্ঞপতিং ভগায় ।
দিব্যো গন্ধর্বঃ কেতুপূঃ কেতং নঃ পুনাতু বাচস্পতির্বাজং নঃ স্বদতু স্বাহা ॥১॥

ধ্রুবসদং ত্বা নৃষদং মনঃসদমুপয়ামগৃহীতোঽসীন্দ্রায় ত্বা জুষ্টং গৃহ্ণাম্যেষ তে যোনিরিন্দ্রায় ত্বা জুষ্টতমম্ ।
অপ্সুষদং ত্বা ঘৃতসদং ব্যোমসদমুপয়ামগৃহীতোঽসীন্দ্রায় ত্বা জুষ্টং গৃহ্ণাম্যেষ তে যোনিরিন্দ্রায় ত্বা জুষ্টতমম্ ।
পৃথিবীসদং ত্বাঽন্তরিক্ষসদং দিবিসদং দেবসদং নাকসদমুপয়ামগৃহীতোঽসীন্দ্রায় ত্বা জুষ্টং গৃহ্ণাম্যেষ তে যোনিরিন্দ্রায় ত্বা জুষ্টতমম্ ॥২॥

9.3

অপাং রসমুদ্বয়সং সূর্যে সন্তং সমাহিতম্ । অপাং রসস্য যো রসস্তং বো গৃহ্ণাম্যুত্তমমুপয়ামগৃহীতো সীন্দ্রায় ত্বা জুষ্টং গৃহ্ণাম্যেষ তে যোনিরিন্দ্রায় ত্বা জুষ্টতমম্ ॥৩॥

9.4

গ্রহা ঊর্জাহুতয়ো ব্যন্তো বিপ্রায় মতিম্ । তেষাং বিশিপ্রিয়াণাং বোঽহমিষমূর্জং সমগ্রভমুপয়ামগৃহীতোঽসীন্দ্রায় ত্বা জুষ্টং গৃহ্ণাম্যেষ তে যোনিরিন্দ্রায় ত্বা জুষ্টতমম্ । সম্পৃচৌ স্থঃ সং মা ভদ্রেণ পৃঙ্ক্তং বিপৃচৌ স্থো বি মা পাপ্মনা পৃঙ্ক্তম্ ॥৪॥

9.5

ইন্দ্রস্য বজ্রোঽসি বাজসাস্ত্বয়ায়ং বাজং সেৎ । বাজস্য নু প্রসবে মাতরং মহীমদিতিং নাম বচসা করামহে ।
যস্যামিদং বিশ্বং ভুবনমাবিবেশ তস্যাং নো দেবঃ সবিতা ধর্ম সাবিষৎ ॥৫॥

9.6

অপ্স্বন্তরমৃতমপ্সু ভেষজমপামুত প্রশস্তিষ্বশ্বা ভবত বাজিনঃ ।
দেবীরাপো যো ব ঊর্মিঃ প্রতূর্তিঃ ককুন্মান্ বাজসাস্তেনায়ং বাজং সেৎ ॥৬॥

9.7

বাতো বা মনো বা গন্ধর্বাঃ সপ্তবিংশতিঃ । তে অগ্রেঽশ্বময়ুঞ্জঁস্তে অস্মিঞ্জবমা দধুঃ ॥৭॥

9.8

বাতরংহা ভব বাজিন্যুজ্যমান ইন্দ্রস্যেব দক্ষিণঃ শ্রিয়ৈধি ।
যুঞ্জন্তু ত্বা মরুতো বিশ্ববেদস আ তে ত্বষ্টা পত্সু জবং দধাতু ॥৮॥

9.9

জবো যস্তে বাজিন্নিহিতো গুহা যঃ শ্যেনে পরীত্তো অচরচ্চ বাতে ।
তেন নো বাজিন্ বলবান্ বলেন বাজজিচ্চ ভব সমনে চ পারয়িষ্ণুঃ ।
বাজিনো বাজজিতো বাজং সরিষ্যন্তো বৃহস্পতের্ভাগমবজিঘ্রত ॥৯॥

9.10

দেবস্যাহং সবিতুঃ সবে সত্যসবসো বৃহস্পতেরুত্তমং নাকং রুহেয়ম্ ।
দেবস্যাহং সবিতুঃ সবে সত্যসবস ইন্দ্রস্যোত্তমং নাকং রুহেয়ম্ ।
দেবস্যাহং সবিতুঃ সবে সত্যপ্রসবসো বৃহস্পতেরুত্তমং নাকমরুহম্ ।
দেবস্যাহং সবিতুঃ সবে সত্যপ্রসবস ইন্দ্রস্যোত্তমং নাকমরুহম্ ॥১০॥

9.11

বৃহস্পতে বাজং জয় বৃহস্পতয়ে বাচং বদত বৃহস্পতিং বাজং জাপয়ত ।
ইন্দ্র বাজং জয়েন্দ্রায় বাচং বদতেন্দ্রং বাজং জাপয়ত ॥১১॥

9.12

এষা বঃ সা সত্যা সংবাগভূদ্যয়া বৃহস্পতিং বাজমজীজপতাজীজপত বৃহস্পতিং বাজং বনস্পতয়ো বিমুচ্যধ্বম্ ।
এষা বঃ সা সত্যা সংবাগভূদ্যয়েন্দ্রং বাজমজীজপতাজীজপতেন্দ্রং বাজং বনস্পতয়ো বিমুচ্যধ্বম্ ॥১২॥

9.13

দেবস্যাহং সবিতুঃ সবে সত্যপ্রসবসো বৃহস্পতের্বাজজিতো বাজং জেষম্ ।
বাজিনো বাজজিতোঽধ্বন স্কভ্নুবন্তো যোজনা মিমানাঃ কাষ্ঠাং গচ্ছত ॥১৩॥

9.14

এষ স্য বাজী ক্ষিপণিং তুরণ্যতি গ্রীবায়াং বদ্ধো অপিকক্ষ আসনি ।
ক্রতুং দধিক্রা অনু সংসনিষ্যদত্পথামঙ্কাংস্যন্বাপনীপণৎ স্বাহা ॥১৪॥

9.15

উত স্মাস্য দ্রুবতস্তুরণ্যতঃ পর্ণং ন বেরনুবাতি প্রগর্ধিনঃ ।
শ্যেনস্যেব ধ্রজতো অঙ্কসং পরি দধিক্রাব্ণঃ সহোর্জা তরিত্রতঃ স্বাহা ॥১৫॥

9.16

শং নো ভবন্তু বাজিনো হবেষু দেবতাতা মিতদ্রবঃ স্বর্কাঃ ।
জম্ভয়ন্তোঽহিং বৃকং রক্ষাসি সনেম্যস্মদ্যুয়বন্নমীবাঃ ॥১৬॥

9.17

তে নো অর্বন্তো হবনশ্রুতো হবং বিশ্বে শৃণ্বন্তু বাজিনো মিতদ্রবঃ ।
সহস্রসা মেধসাতা সনিষ্যবো মহো যে ধনং সমিথেষু জভ্রিরে ॥১৭॥

9.18

বাজে-বাজেঽবত বাজিনো নো ধনেষু বিপ্রা অমৃতা ঋতজ্ঞাঃ ।
অস্য মধ্বঃ পিবত মাদয়ধ্বং তৃপ্তা যাত পথিভির্দেবয়ানৈঃ ॥১৮॥

9.19

আ মা বাজস্য প্রসবো জগম্যাদেমে দ্যাবাপৃথিবী বিশ্বরূপে ।
আ মা গন্তাং পিতরা মাতরা চা মা সোমো অমৃতত্বেন গম্যাৎ ।
বাজিনো বাজজিতো বাজং সসৃবাংসো বৃহস্পতের্ভাগমবজিঘ্রত নিমৃজানাঃ ॥১৯॥

9.20

আপয়ে স্বাহা স্বাপয়ে স্বাহা ঽপিজায় স্বাহা ক্রতবে স্বাহা বসবে স্বাহা ঽহর্পতয়ে স্বাহা
ঽহ্নে মুগ্ধায় স্বাহা মুগ্ধায় বৈনংশিনায় স্বাহা বিনংশিন আন্ত্যায়নায় স্বাহা ঽন্ত্যায় ভৌবনায় স্বাহা ভুবনস্য পতয়ে স্বাহাঽধিপতয়ে স্বাহা ॥২০॥

9.21

আয়ুর্যজ্ঞেন কল্পতাং প্রাণো যজ্ঞেন কল্পতাং চক্ষুর্যজ্ঞেন কল্পতাতাংং শ্রোত্রং যজ্ঞেন কল্পতাং পৃষ্ঠং যজ্ঞেন কল্পতাং যজ্ঞো যজ্ঞেন কল্পতাম্ ।
প্রজাপতেঃ প্রজা অভূম স্বর্দেবা অগন্মামৃতা অভূম ॥২১॥

9.22

অস্মে বো অস্ত্বিন্দ্রিয়মস্মে নৃম্ণমুত ক্রতুরস্মে বর্চাংসি সন্তু বঃ । নমো মাত্রে পৃথিব্যৈ নমো মাত্রে পৃথিব্যা ইয়ং তে রাড্ যন্তাঽসি যমনো ধ্রুবোঽসি ধরুণঃ । কৃষ্যৈ ত্বা ক্ষেমায় ত্বা রয্যৈ ত্বা পোষায় ত্বা ॥২২॥

9.23

বাজস্যেমং প্রসবঃ সুষুবেঽগ্রে সোমং রাজানমোষধীষ্বপ্সু । তা অস্মভ্যং মধুমতীর্ভবন্তু বয়ং রাষ্ট্রে জাগৃয়াম পুরোহিতাঃ স্বাহা ॥২৩॥

9.24

বাজস্যেমাং প্রসবঃ শিশ্রিয়ে দিবমিমা চ বিশ্বা ভুবনানি সম্রাট্ ।
অদিত্সন্তং দাপয়তি প্রজানন্ত্স নো রয়িং সর্ববীরং নি যচ্ছতু স্বাহা ॥২৪॥

9.25

বাজস্য নু প্রসব আ বভূবেমা চ বিশ্বা ভুবনানি সর্বতঃ ।
সনেমি রাজা পরি যাতি বিদ্বান্ প্রজাং পুষ্টিং বর্ধয়মানো অস্মে স্বাহা ॥২৫॥

9.26

সোমং রাজানমবসেঽগ্নিমন্বারভামহে | আদিত্যান্বিষ্ণুং সূর্যং ব্রহ্মাণং চ বৃহস্পতিং স্বাহা ॥২৬॥

9.27

অর্যমণং বৃহস্পতিমিন্দ্রং দানায় চোদয় । বাচং বিষ্ণুং সরস্বতীং সবিতারং চ বাজিনং স্বাহা ॥২৭॥

9.28

অগ্নে অচ্ছা বদেহ নঃ প্রতি নঃ সুমনা ভব । প্র নো যচ্ছ সহস্রজিত্ত্বং হি ধনদা অসি স্বাহা ॥২৮॥

9.29

প্র নো যচ্ছত্বর্যমা প্র পূষা প্র বৃহস্পতিঃ । প্র বাগ্দেবী দদাতু নঃ স্বাহা ॥২৯॥

9.30

দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ ।
সরস্বত্যৈ বাচো যন্তুর্যন্ত্রিয়ে দধামি বৃহস্পতেষ্ট্বা সাম্রাজ্যেনাভি ষিঞ্চাম্যসৌ ॥৩০॥

9.31

অগ্নিরেকাক্ষরেণ প্রাণমুদজয়ত্তমুজ্জেষমশ্বিনৌ দ্ব্যক্ষরেণ দ্বিপদো মনুষ্যানুদজয়তাং তানুজ্জেষং বিষ্ণুস্ত্র্যক্ষরেণ ত্রীঁল্লোকানুদজয়ত্তানুজ্জেষংং
সোমশ্চতুরক্ষরেণ চতুষ্পদঃ পশূনুদজয়ত্তানুজ্জেষম্ ॥৩১॥

9.32

পূষা পঞ্চাক্ষরেণ পঞ্চ দিশ উদজয়ত্তা উজ্জেষংং সবিতা ষডক্ষরেণ ষডৃতূনুদজয়ত্তানুজ্জেষং মরুতঃ সপ্তাক্ষরেণ সপ্ত গ্রাম্যান্ পশূনুদজয়ঁস্তানুজ্জেষং বৃহস্পতিরষ্টাক্ষরেণ গায়ত্রীমুদজয়ত্তামুজ্জেষম্ ॥৩২॥

9.33

মিত্রো নবাক্ষরেণ ত্রিবৃতং স্তোমমুদজয়ত্তমুজ্জেষং বরুণো দশাক্ষরেণ বিরাজমুদজয়ত্তামুজ্জেষমিন্দ্র একাদশাক্ষরেণ ত্রিষ্টুভমুদজয়ত্তামুজ্জেষং
বিশ্বে দেবা দ্বাদশাক্ষরেণ জগতীমুদজয়ঁস্তামুজ্জেষম্ ॥৩৩॥

9.34

বসবস্ত্রয়োদশাক্ষরেণ ত্রয়োদশং স্তোমমুদজয়ঁস্তমুজ্জেষংং রুদ্রাশ্চতুর্দশাক্ষরেণ চতুর্দশং স্তোমমুদজয়ঁস্তমুজ্জেষমাদিত্যাঃ পঞ্চদশাক্ষরেণ পঞ্চদশং স্তোমমুদজয়ঁস্তমুজ্জেষমদিতিঃ ষোডশাক্ষরেণ ষোডশং স্তোমমুদজয়ত্তমুজ্জেষং প্রজাপতিঃ সপ্তদশাক্ষরেণ সপ্তদশং স্তোমমুদজয়ত্তমুজ্জেষম্ ॥৩৪॥

9.35

এষ তে নিরৃতে ভাগস্তং জুষস্ব স্বাহাঽগ্নিনেত্রেভ্যো দেবেভ্যঃ পুরঃ সদ্ভ্যঃ স্বাহা যমনেত্রেভ্যো দেবেভ্যো দক্ষিণাসদ্ভ্যঃ স্বাহা বিশ্বদেবনেত্রেভ্যো দেবেভ্যঃ পশ্চাত্সদ্ভ্যঃ স্বাহা মিত্রাবরুণনেত্রেভ্যো বা মরুন্নেত্রেভ্যো বা দেবেভ্য উত্তরাসদ্ভ্যঃ স্বাহা সোমনেত্রেভ্যো দেবেভ্য উপরিসদ্ভ্যো দুবস্বদ্ভ্যঃ স্বাহা ॥৩৫॥

9.36

যে দেবা অগ্নিনেত্রাঃ পুরঃ সদস্তেভ্যঃ স্বাহা যে দেবা যমনেত্রা দক্ষিণাসদস্তেভ্যঃ স্বাহা যে দেবা বিশ্বদেবনেত্রাঃ পশ্চাত্সদস্তেভ্যঃ স্বাহা যে দেবা মিত্রাবরুণনেত্রা বা মরুন্নেত্রা বোত্তরাসদস্তেভ্যঃ স্বাহা যে দেবাঃ সোমনেত্রা উপরিসদো দুবস্বন্তস্তেভ্যঃ স্বাহা ॥৩৬॥