Utshovঅধ্যায় 7
7.1
বাচস্পতয়ে পবস্ব বৃষ্ণো অjশুভ্যাং গভস্তিপূতঃ । দেবো দেবেভ্যঃ পবস্ব যেষাং ভাগোঽসি ॥১॥
7.2
মধুমতীর্ন ইষস্কৃধি যত্তে সোমাদাভ্যং নাম জাগৃবি তস্মৈ তে সোম সোমায় স্বাহা
স্বাহোর্বন্তরিক্ষমন্বেমি ॥২॥
7.3
স্বাঙ্কৃতোঽসি বিশ্বেভ্য ইন্দ্রিয়েভ্যো দিব্যেভ্যঃ পার্থিবেভ্যো মনস্ত্বাষ্টু স্বাহা
ত্বা সুভব সূর্যায় দেবেভ্যস্ত্বা মরীচিপেভ্যো দেবাংশো যস্মৈ ত্বেডে তত্সত্যমুপরিপ্রুতা ভঙ্গেন হতোঽসৌ ফ়ট্
প্রাণায় ত্বা ব্যানায় ত্বা ॥৩॥
7.4
উপয়ামগৃহীতোঽস্যন্তর্যচ্ছ মঘবন্ পাহি সোমম্ । উরুষ্য রায় এষো যজস্ব ॥৪॥
7.5
অন্তস্তে দ্যাবাপৃথিবী দধাম্যন্তর্দধাম্যুর্বন্তরিক্ষম্ । সজূর্দেবেভিরবরৈঃ পরৈশ্চান্তর্যামে মঘবন্ মাদয়স্ব ॥৫॥
7.6
স্বাঙ্কৃতোঽসি বিশ্বেভ্য ইন্দ্রিয়েভ্যো দিব্যেভ্যঃ পার্থিবেভ্যো মনস্ত্বাষ্টু স্বাহা
ত্বা সুভব সূর্যায় দেবেভ্যস্ত্বা মরীচিপেভ্য উদানায় ত্বা ॥৬॥
7.7
আ বায়ো ভূষ শুচিপা উপ নঃ সহস্রং তে নিয়ুতো বিশ্ববার । উপো তে অন্ধো মদ্যময়ামি যস্য দেব দধিষে পূর্বপেয়ং বায়বে ত্বা ॥৭॥
7.8
ইন্দ্রবায়ূ ইমে সুতা উপ প্রয়োভিরাগতম্ । ইন্দবো বামুশন্তি হি ।
উপয়ামগৃহীতোঽসি বায়ব ইন্দ্রবায়ুভ্যাং ত্বৈষ তে যোনিঃ সজোষোভ্যাং ত্বা ॥৮॥
7.9
অয়ং বাং মিত্রাবরুণা সুতঃ সোম ঋতাবৃধা । মমেদিহ শ্রুতj হবম্ । উপয়ামগৃহীতোঽসি মিত্রাবরুণাভ্যাং ত্বা ॥৯॥
7.10
রায়া বয়ং সসবাংসো মদেম হব্যেন দেবা যবসেন গাবঃ ।
তাং ধেনুং মিত্রাবরুণা যুবং নো বিশ্বাহা ধত্তমনপস্ফ়ুরন্তীমেষ তে যোনিরৃতায়ুভ্যাং ত্বা ॥১০॥
7.11
যা বাং কশা মধুমত্যশ্বিনা সূনৃতাবতী । তয়া যজ্ঞং মিমিক্ষতম্ । উপয়ামগৃহীতোঽস্যশ্বিভ্যাং ত্বৈষ তে যোনির্মাধ্বীভ্যাং ত্বা ॥১১॥
7.12
তং প্রত্নথা পূর্বথা বিশ্বথেমথা জ্যেষ্ঠতাতিং বর্হিষদং স্বর্বিদম্ । প্রতীচীনং বৃজনং দোহসে ধুনিমাশুং জয়ন্তমনু যাসু বর্ধসে ।
উপয়ামগৃহীতোঽসি শণ্ডায় ত্বৈষ তে যোনির্বীরতাং পাহ্যপমৃষ্টঃ শণ্ডো দেবাস্ত্বা শুক্রপাঃ প্র ণয়ন্ত্বনাধৃষ্টাঽসি ॥১২॥
7.13
সুবীরো বীরান্ প্রজনয়ন্ পরীহ্যভি রায়স্পোষেণ যজমানম্ ।
সঞ্জগ্মানো দিবা পৃথিব্যা শুক্রঃ শুক্রশোচিষা নিরস্তঃ শণ্ডঃ শুক্রস্যাধিষ্ঠানমসি ॥১৩॥
7.14
অচ্ছিন্নস্য তে দেব সোম সুবীর্যস্য রায়স্পোষস্য দদিতারঃ স্যাম ।
সা প্রথমা সঁস্কৃতির্বিশ্ববারা স প্রথমো বরুণো মিত্রো অগ্নিঃ ॥১৪॥
7.15
স প্রথমো বৃহস্পতিশ্চিকিত্বাঁস্তস্মা ইন্দ্রায় সুতমা জুহোত স্বাহা ।
তৃম্পন্তু হোত্রা মধ্বো যাঃ স্বিষ্টা যাঃ সুপ্রীতাঃ সুহুতা যত্স্বাহা ঽয়াডগ্নীৎ ॥১৫॥
7.16
অয়ং বেনশ্চোদয়ত্পৃশ্নিগর্ভা জ্যোতির্জরায়ূ রজসো বিমানে ।
ইমমপাং সংগমে সূর্যস্য শিশুং ন বিপ্রা মতিভী রিহন্তি ।
উপয়ামগৃহীতোঽসি মর্কায় ত্বা ॥১৬॥
7.17
মনো ন যেষু হবনেষু তিগ্মং বিপঃ শচ্যা বনুথো দ্রবন্তা ।
আ যঃ শর্যাভিস্তুবিনৃম্ণো অস্যাশ্রীণীতাদিশং গভস্তাবেষ তে যোনিঃ প্রজাঃ
পাহ্যপমৃষ্টো মর্কো দেবাস্ত্বা মন্থিপাঃ প্র ণয়ন্ত্বনাধৃষ্টাসি ॥১৭॥
7.18
সুপ্রজাঃ প্রজাঃ প্রজনয়ন্ পরীহ্যভি রায়স্পোষেণ যজমানম্ ।
সঞ্জগ্মানো দিবা পৃথিব্যা মন্থী মন্থিশোচিষা নিরস্তো মর্কো মন্থিনোঽধিষ্ঠানমসি ॥১৮॥
7.19
যে দেবাসো দিব্যেকাদশ স্থ পৃথিব্যামধ্যেকাদশ স্থ ।
অপ্সুক্ষিতো মহিনৈকাদশ স্থ তে দেবাসো যজ্ঞমিমং জুষধ্বম্ ॥১৯॥
7.20
উপয়ামগৃহীতোঽস্যাগ্রয়ণোঽসি স্বাগ্রয়ণঃ ।
পাহি যজ্ঞং পাহি যজ্ঞপতিং বিষ্ণুস্ত্বামিন্দ্রিয়েণ পাতু বিষ্ণুং ত্বং পাহ্যভি সবনানি পাহি ॥২০॥
7.21
সোমঃ পবতে সোমঃ পবতেঽস্মৈ ব্রহ্মণেঽস্মৈ ক্ষত্রায়াস্মৈ সুন্বতে যজমানায় পবত ইষ ঊর্জে
পবতেঽদ্ভ্য ওষধীভ্যঃ পবতে দ্যাবাপৃথিবীভ্যাং পবতে সুভূতায় পবতে বিশ্বেভ্যস্ত্বা দেবেভ্য
এষ তে যোনির্বিশ্বেভ্যস্ত্বা দেবেভ্যঃ ॥২১॥
7.22
উপয়ামগৃহীতোঽসীন্দ্রায় ত্বা বৃহদ্বতে বয়স্বত উক্থাব্যং গৃহ্ণামি । যত্ত ইন্দ্র বৃহদ্বয়স্তস্মৈ ত্বা বিষ্ণবে ত্বৈষ তে যোনিরুক্থেভ্যস্ত্বা
দেবেভ্যস্ত্বা দেবাব্যং যজ্ঞস্যায়ুষে গৃহ্ণামি ॥২২॥
7.23
মিত্রাবরুণাভ্যাং ত্বা দেবাব্যং যজ্ঞস্যায়ুষে গৃহ্ণামীন্দ্রায় ত্বা দেবাব্যং যজ্ঞস্যায়ুষে গৃহ্ণামীন্দ্রাগ্নিভ্যাং ত্বা দেবাব্যং যজ্ঞস্যায়ুষে গৃহ্ণামীন্দ্রাবরুণাভ্যাং ত্বা দেবাব্যং যজ্ঞস্যায়ুষে গৃহ্ণামীন্দ্রাবৃহস্পতিভ্যাং ত্বা দেবাব্যং যজ্ঞস্যায়ুষে গৃহ্ণামীন্দ্রাবিষ্ণুভ্যাং ত্বা দেবাব্যং যজ্ঞস্যায়ুষে গৃহ্ণামি ॥২৩॥
7.24
মূর্ধানং দিবো অরতিং পৃথিব্যা বৈশ্বানরমৃত আ জাতমগ্নিম্ ।
কবিং সম্রাজমতিথিং জনানামাসন্না পাত্রং জনয়ন্ত দেবাঃ ॥২৪॥
7.25
উপয়ামগৃহীতোঽসি ধ্রুবোঽসি ধ্রুবক্ষিতির্ধ্রুবাণাং ধ্রুবতমোঽচ্যুতানামচ্যুতক্ষিত্তম
এষ তে যোনির্বৈশ্বানরায় ত্বা । ধ্রুবং ধ্রুবেণ মনসা বাচা সোমমব নয়ামি ।
অথা ন ইন্দ্র ইদ্বিশোঽসপত্নাঃ সমনসস্করৎ ॥২৫॥
7.26
যস্তে দ্রপ্স স্কন্দতি যস্তে অjশুর্গ্রাবচ্যুতো ধিষণয়োরুপস্থাৎ ।
অধ্বর্যোর্বা পরি বা যঃ পবিত্রাত্তং তে জুহোমি মনসা বষট্কৃতj স্বাহা দেবানামুত্ক্রমণমসি ॥২৬॥
7.27
প্রাণায় মে বর্চোদা বর্চসে পবস্ব ব্যানায় মে বর্চোদা বর্চসে পবস্বোদানায় মে বর্চোদা বর্চসে পবস্ব বাচে মে বর্চোদা বর্চসে পবস্ব ক্রতূদক্ষাভ্যাং মে বর্চোদা বর্চসে পবস্ব শ্রোত্রায় মে বর্চোদা বর্চসে পবস্ব চক্ষুর্ভ্যাং মে বর্চোদসৌ বর্চসে পবেথাম্ ॥২৭॥
7.28
আত্মনে মে বর্চোদা বর্চসে পবস্বৌজসে মে বর্চোদা বর্চসে পবস্বায়ুষে মে বর্চোদা বর্চসে পবস্ব
বিশ্বাভ্যো মে প্রজাভ্যো বর্চোদসৌ বর্চসে পবেথাম্ ॥২৮॥
7.29
কোঽসি কতমোঽসি কস্যাসি কো নামাসি । যস্য তে নামামন্মহি যং ত্বা সোমেনাতীতৃপাম । ভূর্ভুবঃ স্বঃ সুপ্রজাঃ প্রজাভিঃ স্যাং সুবীরো বীরৈঃ সুপোষঃ পোষৈঃ ॥২৯॥
7.30
উপয়ামগৃহীতোঽসি মধবে ত্বোপয়ামগৃহীতোঽসি মাধবায় ত্বোপয়ামগৃহীতোঽসি শুক্রায় ত্বোপয়ামগৃহীতোঽসি শুচয়ে ত্বোপয়ামগৃহীতোঽসি নভসে ত্বোপয়ামগৃহীতোঽসি নভস্যায় ত্বোপয়ামগৃহীতোঽসীষে ত্বোপয়ামগৃহীতোঽস্যূর্জে ত্বোপয়ামগৃহীতোঽসি সহসে ত্বোপয়ামগৃহীতোঽসি সহস্যায় ত্বোপয়ামগৃহীতোঽসি তপসে ত্বোপয়ামগৃহীতোঽসি তপস্যায় ত্বোপয়ামগৃহীতোঽস্যংহসস্পতয়ে ত্বা ॥৩০॥
7.31
ইন্দ্রাগ্নী আ গতং সুতং গীর্ভির্নভো বরেণ্যম্ । অস্য পাতং ধিয়েষিতা ।
উপয়ামগৃহীতোঽসীন্দ্রাগ্নিভ্যাং ত্বৈষ তে যোনিরিন্দ্রাগ্নিভ্যাং ত্বা ॥৩১॥
7.32
আ ঘা যে অগ্নিমিন্ধতে স্তৃণন্তি বর্হিরানুষক্ । যেষামিন্দ্রো যুবা সখা ।
উপয়ামগৃহীতোঽস্যগ্নীন্দ্রাভ্যাং ত্বৈষ তে যোনিরগ্নীন্দ্রাভ্যাং ত্বা ॥৩২॥
7.33
ওমাসশ্চর্ষণীধৃতো বিশ্বে দেবাস আ গত । দাশ্বাংসো দাশুষঃ সুতম্ ।
উপয়ামগৃহীতোঽসি বিশ্বেভ্যস্ত্বা দেবেভ্য এষ তে যোনির্বিশ্বেভ্যস্ত্বা দেবেভ্যঃ ॥৩৩॥
7.34
বিশ্বে দেবাস আ গত শৃণুতা ম ইমং হবম্ । এদং বর্হির্নিষীদত ।
উপয়ামগৃহীতোঽসি বিশ্বেভ্যস্ত্বা দেবেভ্য এষ তে যোনির্বিশ্বেভ্যস্ত্বা দেবেভ্যঃ ॥৩৪॥
7.35
ইন্দ্র মরুত্ব ইহ পাহি সোমং যথা শার্যাতে অপিবঃ সুতস্য ।
তব প্রণীতী তব শূর শর্মন্না বিবাসন্তি কবয়ঃ সুয়জ্ঞাঃ ।
উপয়ামগৃহীতোঽসীন্দ্রায় ত্বা মরুত্বত এষ তে যোনিরিন্দ্রায় ত্বা মরুত্বতে ॥৩৫॥
7.36
মরুত্বন্তং বৃষভং বাবৃধানমকবারিং দিব্যংশাসমিন্দ্রম্ ।
বিশ্বাসাহমবসে নূতনায়োগ্রংসহোদামিহ তং হুবেম ।
উপয়ামগৃহীতোঽসীন্দ্রায় ত্বা মরুত্বতে এষ তে যোনিরিন্দ্রায় ত্বা মরুত্বতে ।
উপয়ামগৃহীতোঽসি মরুতাং ত্বৌজসে ॥৩৬॥
7.37
সজোষা ইন্দ্র সগণো মরুদ্ভিঃ সোমং পিব বৃত্রহা শূর বিদ্বান্ ।
জহি শত্রূঁ২রপ মৃধো নুদস্বাথাভয়ং কৃণুহি বিশ্বতো নঃ ।
উপয়ামগৃহীতোঽসীন্দ্রায় ত্বা মরুত্বত এষ তে যোনিরিন্দ্রায় ত্বা মরুত্বতে ॥৩৭॥
7.38
মরুত্বাঁ২ ইন্দ্র বৃষভো রণায় পিবা সোমমনুষ্বধং মদায় ।
আ সিঞ্চস্ব জঠরে মধ্ব ঊর্মিং ত্বং রাজাঽসি প্রতিপত্সুতানাম্ ।
উপয়ামগৃহীতোঽসীন্দ্রায় ত্বা মরুত্বত
এষ তে যোনিরিন্দ্রায় ত্বা মরুত্বতে ॥৩৮॥
7.39
মহাঁ২ ইন্দ্রো নৃবদা চর্ষণিপ্রা উত দ্বিবর্হা অমিনঃ সহোভিঃ ।
অস্মদ্রয্গ্বাবৃধে বীর্যায়োরুঃ পৃথুঃ সুকৃতঃ কর্তৃভির্ভূৎ ।
উপয়ামগৃহীতোঽসি মহেন্দ্রায় ত্বৈষ তে যোনির্মহেন্দ্রায় ত্বা ॥৩৯॥
7.40
মহাঁ২ ইন্দ্রো য ওজসা পর্জন্যো বৃষ্টিমাঁ২ ইব । স্তোমৈর্বত্সস্য বাবৃধে ।
উপয়ামগৃহীতোঽসি মহেন্দ্রায় ত্বৈষ তে যোনির্মহেন্দ্রায় ত্বা ॥৪০॥
7.41
উদু ত্যং জাতবেদসং দেবং বহন্তি কেতবঃ । দৃশে বিশ্বায় সূর্যj স্বাহা ॥৪১॥
7.42
চিত্রং দেবানামুদগাদনীকং চক্ষুর্মিত্রস্য বরুণস্যাগ্নেঃ ।
আপ্রা দ্যাবাপৃথিবী অন্তরিক্ষj সূর্য আত্মা জগতস্তস্থুষশ্চ স্বাহা ॥৪২॥
7.43
অগ্নে নয় সুপথা রায়ে অস্মান্বিশ্বানি দেব বয়ুনানি বিদ্বান্ ।
যুয়োধ্যস্মজ্জুহুরাণমেনো ভূয়িষ্ঠাং তে নম উক্তিং বিধেম স্বাহা ॥৪৩॥
7.44
অয়ং নো অগ্নির্বরিবস্কৃণোত্বয়ং মৃধঃ পুর এতু প্রভিন্দন্ ।
অয়ং বাজান্জয়তু বাজসাতাবয়ং শত্রূঞ্জয়তু জর্হৃষাণঃ স্বাহা ॥৪৪॥
7.45
রূপেণ বো রূপমভ্যাগাং তুথো বো বিশ্ববেদা বি ভজতু ।
ঋতস্য পথা প্রেত চন্দ্রদক্ষিণা বি স্বঃ পশ্য ব্যন্তরিক্ষং যতস্ব সদস্যৈঃ ॥৪৫॥
7.46
ব্রাহ্মণমদ্য বিদেয়ং পিতৃমন্তং পৈতৃমত্যমৃষিমার্ষেয়ং সুধাতুদক্ষিণম্ ।
অস্মদ্রাতা দেবত্রা গচ্ছত প্রদাতারমা বিশত ॥৪৬॥
7.47
অগ্নয়ে ত্বা মহ্যং বরুণো দদাতু সোঽমৃতত্ত্বমশীয়ায়ুর্দাত্র এধি ময়ো মহ্যং প্রতিগ্রহীত্রে রুদ্রায় ত্বা মহ্যং বরুণো দদাতু সোঽমৃতত্ত্বমশীয় প্রাণো দাত্র এধি বয়ো মহ্যং প্রতিগ্রহীত্রে বৃহস্পতয়ে ত্বা মহ্যং বরুণো দদাতু সোঽমৃতত্ত্বমশীয় ত্বগ্দাত্র এধি ময়ো মহ্যং প্রতিগ্রহীত্রে
যমায় ত্বা মহ্যং বরুণো দদাতু সোঽমৃতত্ত্বমশীয় হয়ো দাত্র এধি বয়ো মহ্যং প্রতিগ্রহীত্রে ॥৪৭॥
7.48
কোঽদাত্কস্মা অদাত্কামোঽদাত্কামায়াদাৎ ।
কামো দাতা কামঃ প্রতিগ্রহীতা কামৈতত্তে ॥৪৮॥