Utshovঅধ্যায় 6
6.1
দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ । আ দদে নার্যসীদমহং রক্ষসাং গ্রীবা অপি কৃন্তামি ।
যবোঽসি যবয়াস্মদ্ দ্বেষো যবয়ারাতীর্দিবে ত্বাঽন্তরিক্ষায় ত্বা পৃথিব্যৈ ত্বা শুন্ধন্তাঁল্লোকাঃ পিতৃষদনাঃ ।
পিতৃষদনমসি ॥১॥
6.2
অগ্রেণীরসি স্বাবেশ উন্নেতৄণামেতস্য বিত্তাদধি ত্বা স্থাস্যতি দেবস্ত্বা সবিতা মধ্বানক্তু সুপিপ্পলাভ্যস্ত্বৌষধীভ্যঃ ।
দ্যামগ্রেণাস্পৃক্ষ আন্তরিক্ষং মধ্যেনাপ্রাঃ পৃথিবীমুপরেণাদৃংহীঃ ॥২॥
6.3
যা তে ধামান্যুশ্মসি গমধ্যৈ যত্র গাবো ভূরিশৃঙ্গা অয়াসঃ । অত্রাহ তদুরুগায়স্য বিষ্ণোঃ পরমং পদমব ভারি ভূরি ।
ব্রহ্মবনি ত্বা ক্ষত্রবনি রায়স্পোষবনি পর্যূহামি । ব্রহ্ম দৃংহ ক্ষত্রং দৃংহায়ুর্দৃংহ প্রজাং দৃংহ ॥২॥
6.4
বিষ্ণোঃ কর্মাণি পশ্যত যতো ব্রতানি পস্পশে । ইন্দ্রস্য যুজ্যঃ সখা ॥৪॥
6.5
তদ্বিষ্ণোঃ পরমং পদং সদা পশ্যন্তি সূরয়ো ।দিবীব চক্ষুরাততম্ ॥৫॥
6.6
পরিবীরসি পরি ত্বা দৈবীর্বিশো ব্যয়ন্তাং পরীমং যজমানj রায়ো মনুষ্যাণাম্ ।
দিবঃ সূনুরস্যেষ তে পৃথিব্যাঁল্লোক আরণ্যস্তে পশুঃ ॥৬॥
6.7
উপাবীরস্যুপ দেবান্দৈবীর্বিশঃ প্রাগুরুশিজো বহ্নিতমান্ । দেব ত্বষ্টর্বসু রম হব্যা তে স্বদন্তাম্ ॥৭॥
6.8
রেবতী রমধ্বং বৃহস্পতে ধারয়া বসূনি । ঋতস্য ত্বা দেবহবিঃ পাশেন প্রতি মুঞ্চামি ধর্ষা মানুষঃ ॥৮॥
6.9
দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ । অগ্নীষোমাভ্যাং জুষ্টং নি যুনজ্মি । অদ্ভ্যস্ত্বৌষধীভ্যোঽনু ত্বা মাতা মন্যতামনু পিতাঽনু ভ্রাতা সগর্ভ্যোঽনু সখা সয়ূথ্যঃ । অগ্নীষোমাভ্যাং ত্বা জুষ্টং প্রোক্ষামি ॥৯॥
6.10
অপাং পেরুরস্যাপো দেবীঃ স্বদন্তু স্বাত্তং চিত্সদ্দেবহবিঃ । সং তে প্রাণো বাতেন গচ্ছতাjসমঙ্গানি যজত্রৈঃ সং যজ্ঞপতিরাশিষা ॥১০॥
6.11
ঘৃতেনাক্তৌ পশূঁস্ত্রায়েথাj রেবতি যজমানে প্রিয়ং ধা আ বিশ । উরোরন্তরিক্ষাত্সজূর্দেবেন বাতেনাস্য হবিষস্ত্মনা যজ সমস্য তন্বা ভব ।
বর্ষো বর্ষীয়সি যজ্ঞে যজ্ঞপতিং ধাঃ স্বাহা দেবেভ্যো দেবেভ্যঃ স্বাহা ॥১১॥
6.12
মাহির্ভূর্মা পৃদাকুর্নমস্ত আতানানর্বা প্রেহি । ঘৃতস্য কুল্যা উপ ঋতস্য পথ্যা অনু ॥১২॥
6.13
দেবীরাপঃ শুদ্ধা বোঢ্বj সুপরিবিষ্টা দেবেষু সুপরিবিষ্টা বয়ং পরিবেষ্টারো ভূয়াস্ম ॥১৩॥
6.14
বাচং তে শুন্ধামি প্রাণং তে শুন্ধামি চক্ষুস্তে শুন্ধামি শ্রোত্রং তে শুন্ধামি নাভিং তে শুন্ধামি মেঢ্রং তে শুন্ধামি পায়ুং তে শুন্ধামি চরিত্রাঁস্তে শুন্ধামি ॥১৪॥
6.15
মনস্ত আ প্যায়তাং বাক্ত আ প্যায়তাং প্রাণস্ত আ প্যায়তাং চক্ষুস্ত আ প্যায়তাংj
শ্রোত্রং ত আ প্যায়তাম্ । যত্তে ক্রূরং যদাস্থিতং তত্ত আ প্যায়তাং নিষ্ট্যায়তাং তত্তে শুধ্যতু শমহোভ্যঃ ।
ওষধে ত্রায়স্ব স্বধিতে মৈনং হিংসীঃ ॥১৫॥
6.16
রক্ষসাং ভাগোঽসি নিরস্তj রক্ষ ইদমহং রক্ষোঽভি তিষ্ঠামীদমহং রক্ষোঽব বাধ ইদমহং রক্ষোঽধমং তমো নয়ামি ।
ঘৃতেন দ্যাবাপৃথিবী প্রোর্ণুবাথাং বায়ো বে স্তোকানামগ্নিরাজ্যস্য বেতু স্বাহা স্বাহাকৃতে ঊর্ধ্বনভসং মারুতং গচ্ছতম্ ॥১৬॥
6.17
ইদমাপঃ প্র বহতাবদ্যং চ মলং চ যৎ । যচ্চাভিদুদ্রোহানৃতং যচ্চ শেপে অভীরুণম্ ।
আপো মা তস্মাদেনসঃ পবমানশ্চ মুঞ্চতু ॥১৭॥
6.18
সং তে মনো মনসা সং প্রাণঃ প্রাণেন গচ্ছতাম্ । রেডস্যগ্নিষ্ট্বা শ্রীণাত্বাপস্ত্বা
সমরিণন্বাতস্য ত্বা ধ্রাজ্যৈ পূষ্ণো রংহ্যা ঊষ্মণো ব্যথিষৎ প্রয়ুতং দ্বেষঃ ॥১৮॥
6.19
ঘৃতং ঘৃতপাবানঃ পিবত বসাং বসাপাবানঃ পিবতান্তরিক্ষস্য হবিরসি স্বাহা ।
দিশঃ প্রদিশঃ আদিশো বিদিশ উদ্দিশো দিগ্ভ্যঃ স্বাহা ॥১৯॥
6.20
ঐন্দ্রঃ প্রাণো অঙ্গে অঙ্গে নি দীধ্যদৈন্দ্র উদানো অঙ্গে অঙ্গে নিধীতঃ । দেব ত্বষ্টর্ভূরি তে সং সমেতু সলক্ষ্মা যদ্বিষুরূপং ভবাতি ।
দেবত্রা যন্তমবসে সখায়োঽনু ত্বা মাতা পিতরো মদন্তু ॥২০॥
6.21
সমুদ্রং গচ্ছ স্বাহা ঽন্তরিক্ষং গচ্ছ স্বাহা দেবং সবিতারং গচ্ছ স্বাহা মিত্রাবরুণৌ গচ্ছ স্বাহা
ঽহোরাত্রে গচ্ছ স্বাহা ছন্দাংসি গচ্ছ স্বাহা দ্যাবাপৃথিবী গচ্ছ স্বাহা যজ্ঞং গচ্ছ স্বাহা সোমং গচ্ছ স্বাহা দিব্যং নভো গচ্ছ স্বাহা ঽগ্নিং বৈশ্বানরং গচ্ছ স্বাহা মনো মে হার্দি যচ্ছ দিবং তে ধূমো গচ্ছতু স্বর্জ্যোতিঃ পৃথিবীং ভস্মনাঽঽপৃণ স্বাহা ॥২১॥
6.22
মাঽপো মৌষধীর্হিংসীর্ধাম্নো ধাম্নো রাজঁস্ততো বরুণ নো মুঞ্চ । যদাহুরঘ্ন্যা ইতি বরুণেতি শপামহে ততো বরুণ নো মুঞ্চ ।
সুমিত্রিয়া ন আপ ওষধয়ঃ সন্তু দুর্মিত্রিয়াস্তস্মৈ সন্তু যোস্মান্দ্বেষ্টি যং চ বয়ং দ্বিষ্মঃ ॥২২॥
6.23
হবিষ্মতীরিমা আপো হবিষ্মাঁ২ আ বিবাসতি । হবিষ্মান্ দেবো অধ্বরো হবিষ্মাঁ২ অস্তু সূর্যঃ ॥২৩॥
6.24
অগ্নের্বোঽপন্নগৃহস্য সদসি সাদয়ামীন্দ্রাগ্ন্যোর্ভাগধেয়ী স্থ মিত্রাবরুণয়োর্ভাগধেয়ী স্থ বিশ্বেষাং দেবানাং ভাগধেয়ী স্থ । অমূর্যা উপ সূর্যে যাভির্বা সূর্যঃ সহ । তা নো হিন্বন্ত্বধ্বরম্ ॥২৪॥
6.25
হৃদে ত্বা মনসে ত্বা দিবে ত্বা সূর্যায় ত্বা । ঊর্ধ্বমিমমধ্বরং দিবি দেবেষু হোত্রা যচ্ছ ॥২৫॥
6.26
সোম রাজন্ বিশ্বাস্ত্বং প্রজা উপাবরোহ বিশ্বাস্ত্বাং প্রজা উপাবরোহন্তু ।
শৃণোত্বগ্নিঃ সমিধা হবং মে শৃণ্বন্ত্বাপো ধিষণাশ্চ দেবীঃ ।
শ্রোতা গ্রাবাণো বিদুষো ন যজ্ঞং শৃণোতু দেবঃ সবিতা হবং মে স্বাহা ॥২৬॥
6.27
দেবীরাপো অপাং নপাদ্যো ব ঊর্মির্হবিষ্য ইন্দ্রিয়াবান্ মদিন্তমঃ ।
তং দেবেভ্যো দেবত্রা দত্ত শুক্রপেভ্যো যেষাং ভাগ স্থ স্বাহা ॥২৭॥
6.28
কার্ষিরসি সমুদ্রস্য ত্বা ক্ষিত্যা উন্নয়ামি । সমাপো অদ্ভিরগ্মত সমোষধীভিরোষধীঃ ॥২৮॥
6.29
যমগ্নে পৃত্সু মর্ত্যমবা বাজেষু যং জুনাঃ । স যন্তা শশ্বতীরিষঃ স্বাহা ॥২৯॥
6.30
দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ । আ দদে রাবাসি গভীরমিমমধ্বরং কৃধীন্দ্রায় সুষূতমম্ ।
উত্তমেন পবিনোর্জস্বন্তং মধুমন্তং পয়স্বন্তং নিগ্রাভ্যা স্থ দেবশ্রুতস্তর্পয়ত মা ॥৩০॥
6.31
মনো মে তর্পয়ত বাচং মে তর্পয়ত প্রাণং মে তর্পয়ত চক্ষুর্মে তর্পয়ত শ্রোত্রং মে তর্পয়তাত্মানং মে তর্পয়ত প্রজাং মে তর্পয়ত পশূন্মে তর্পয়ত গণান্মে তর্পয়ত গণা মে মা বি তৃষন্ ॥৩১॥
6.32
ইন্দ্রায় ত্বা বসুমতে রুদ্রবত ইন্দ্রায় ত্বা ঽঽদিত্যবত ইন্দ্রায় ত্বা ঽভিমাতিঘ্নে ।
শ্যেনায় ত্বা সোমভৃতে ঽগ্নয়ে ত্বা রায়স্পোষদে ॥৩২॥
6.33
যত্তে সোম দিবি জ্যোতির্যত্পৃথিব্যাং যদুরাবন্তরিক্ষে । তেনাস্মৈ যজমানায়োরু রায়ে কৃধ্যধি দাত্রে বোচঃ ॥৩৩॥
6.34
শ্বাত্রা স্থ বৃত্রতুরো রাধোগূর্তা অমৃতস্য পত্নীঃ । তা দেবীর্দেবত্রেমং যজ্ঞং নয়তোপহূতাঃ সোমস্য পিবত ॥৩৪॥
6.35
মা ভের্মা সং বিক্থা ঊর্জং ধত্স্ব ধিষণে বীড্বী সতী বীডয়েথামূর্জং দধাথাম্ । পাপ্মা হতো ন সোমঃ ॥৩৫॥
6.36
প্রাগপাগুদগধরাক্সর্বতস্ত্বা দিশ আ ধাবন্তু । অম্ব নিষ্পর সমরীর্বিদাম্ ॥৩৬॥
6.37
ত্বমঙ্গ প্রশংসিষো দেবঃ শবিষ্ঠ মর্ত্যম্ । ন ত্বদন্যো মঘবন্নস্তি মর্ডিতেন্দ্র ব্রবীমি তে বচঃ ॥৩৭॥