Utshovঅধ্যায় 5
5.1
অগ্নেস্তনূরসি বিষ্ণবে ত্বা সোমস্য তনূরসি বিষ্ণবে ত্বা ঽতিথেরাতিথ্যমসি বিষ্ণবে ত্বা শ্যেনায় ত্বা সোমভৃতে বিষ্ণবে ত্বাঽগ্নয়ে ত্বা রায়স্পোষদে বিষ্ণবে ত্বা ॥১॥
5.2
অগ্নের্জনিত্রমসি বৃষণৌ স্থ উর্বশ্যস্যায়ুরসি পুরূরবা অসি । গায়ত্রেণ ত্বা ছন্দসা মন্থামি ত্রৈষ্টুভেন ত্বা ছন্দসা মন্থামি জাগতেন ত্বা ছন্দসা মন্থামি ॥২॥
5.3
ভবতং নঃ সমনসৌ সচেতসাবরেপসৌ । মা যজ্ঞং হিংসিষ্টং মা যজ্ঞপতিং জাতবেদসৌ শিবৌ ভবতমদ্য নঃ ॥৩॥
5.4
অগ্নাবগ্নিশ্চরতি প্রবিষ্ট ঋষীণাং পুত্রো অভিশস্তিপাবা । স নঃ স্যোনঃ সুয়জা যজেহ দেবেভ্যো হব্যং সদমপ্রয়ুচ্ছন্ত্স্বাহা ॥৪॥
5.5
আপতয়ে ত্বা পরিপতয়ে গৃহ্ণামি তনূনপ্ত্রে শাক্বরায় শক্বন ওজিষ্ঠায় । অনাধৃষ্টমস্যনাধৃষ্যং দেবানামোজোঽনভিশস্ত্যভিশস্তিপা অনভিশস্তেন্যমঞ্জসা সত্যমুপগেষং স্বিতে মা ধাঃ ॥৫॥
5.6
অগ্নে ব্রতপাস্ত্বে ব্রতপা যা তব তনূরিয়ং সা ময়ি যো মম তনূরেষা সা ত্বয়ি । সহ নৌ ব্রতপতে ব্রতান্যনু মে দীক্ষাং দীক্ষাপতির্মন্যতামনু তপস্তপস্পতিঃ ॥৬॥
5.7
অjশুরংশুষ্টে দেব সোমাপ্যায়তামিন্দ্রায়ৈকধনবিদে । আ তুভ্যমিন্দ্রঃ প্যায়তামা ত্বমিন্দ্রায় প্যায়স্ব । আ প্যায়য়াস্মান্ত্সখীন্ত্সন্যা মেধয়া স্বস্তি তে দেব সোম সুত্যামশীয় । এষ্টা রায়ঃ প্রেষে ভগায় ঋতমৃতবাদিভ্যো নমো দ্যাবাপৃথিবীভ্যাম্ ॥৭॥
5.8
যা তে অগ্নেঽয়ঃশয়া তনূর্বর্ষিষ্ঠা গহ্বরেষ্ঠা । উগ্রং বচো অপাবধীত্ত্বেষং বচো অপাবধীত্স্বাহা ।
যা তে অগ্নে রজঃশয়া তনূর্বর্ষিষ্ঠা গহ্বরেষ্ঠা । উগ্রং বচো অপাবধীত্ত্বেষং বচো অপাবধীত্স্বাহা ।
যা তে অগ্নে হরিশয়া তনূর্বর্ষিষ্ঠা গহ্বরেষ্ঠা । উগ্রং বচো অপাবধীত্ত্বেষং বচো অপাবধীত্স্বাহা ॥৮॥
5.9
তপ্তায়নী মেঽসি বিত্তায়নী মেঽস্যবতান্মা নাথিতাদবতান্মা ব্যথিতাৎ । বিদেদগ্নির্নভো নামা ঽগ্নে অঙ্গির আয়ুনা নাম্নেহি
যোঽস্যাং পৃথিব্যামসি যত্তেঽনাধৃষ্টং নাম যজ্ঞিয়ং তেন ত্বা দধে বিদেদগ্নির্নভো নামা ঽগ্নে অঙ্গির আয়ুনা নাম্নেহি
যো দ্বিতীয়স্যাং পৃথিব্যামসি যত্তেঽনাধৃষ্টং নাম যজ্ঞিয়ং তেন ত্বা দধে বিদেদগ্নির্নভো নামা ঽগ্নে অঙ্গির আয়ুনা নাম্নেহি যস্তৃতীয়স্যাং পৃথিব্যামসি যত্তেঽনাধৃষ্টং নাম যজ্ঞিয়ং তেন ত্বা দধে । অনু ত্বা দেববীতয়ে ॥৯॥
5.10
সিjহ্যসি সপত্নসাহী দেবেভ্যঃ কল্পস্ব সিjহ্যসি সপত্নসাহী দেবেভ্যঃশুন্ধস্ব সিjহ্যসি সপত্নসাহী দেবেভ্যঃ শুম্ভস্ব ॥১০॥
5.11
ইন্দ্রঘোষস্ত্বা বসুভিঃ পুরস্তাত্পাতু প্রচেতাস্ত্বা রুদ্রৈঃ পশ্চাত্পাতু মনোজবাস্ত্বা পিতৃভির্দক্ষিণতঃ পাতু
বিশ্বকর্মা ত্বাঽঽদিত্যৈরুত্তরতঃ পাত্বিদমহং তপ্তং বার্বহির্ধা যজ্ঞান্নিঃ সৃজামি ॥১১॥
5.12
সিjহ্যসি স্বাহা সিjহ্যস্যাদিত্যবনিঃ স্বাহা সিjহ্যসি ব্রহ্মবনিঃ ক্ষত্রবনিঃ স্বাহা
সিjহ্যসি সুপ্রজাবনী রায়স্পোষবনিঃ স্বাহা সিjহ্যস্যাবহ দেবান্ যজমানায় স্বাহা
ভূতেভ্যস্ত্বা ॥১২॥
5.13
ধ্রুবোঽসি পৃথিবীং দৃংহ ধ্রুবক্ষিদস্যন্তরিক্ষং দৃংহাচ্যুতক্ষিদসি দিবং দৃংহাগ্নেঃ পুরীষমসি ॥১৩॥
5.14
যুঞ্জতে মন উত যুঞ্জতে ধিয়ো বিপ্রা বিপ্রস্য বৃহতো বিপশ্চিতঃ ।
বি হোত্রা দধে বয়ুনাবিদেক ইন্মহী দেবস্য সবিতুঃ পরিষ্টুতিঃ স্বাহা ॥১৪॥
5.15
ইদং বিষ্ণুর্বি চক্রমে ত্রেধা নি দধে পদম্ । সমূঢমস্য পাংসুরে স্বাহা ॥১৫॥
5.16
ইরাবতী ধেনুমতী হি ভূতং সূয়বসিনী মনবে দশস্যা । ব্যস্কভ্না রোদসী বিষ্ণবেতে দাধর্থ পৃথিবীমভিতো ময়ূখৈঃ স্বাহা ॥১৬॥
5.17
দেবশ্রুতৌ দেবেষ্বা ঘোষতং প্রাচী প্রেতমধ্বরং কল্পয়ন্তী ঊর্ধ্বং যজ্ঞং নয়তং মা জিহ্বরতম্ ।
স্বং গোষ্ঠমা বদতং দেবী দুর্যে আয়ুর্মা নির্বাদিষ্টং প্রজাং মা নির্বাদিষ্টমত্র রমেথাং বর্ষ্মন্ পৃথিব্যাঃ ॥১৭॥
5.18
বিষ্ণোর্নুকং বীর্যাণি প্র বোচং যঃ পার্থিবানি বিমমে রজাংসি ।
যো অস্কভায়দুত্তরং সধস্থং বিচক্রমাণস্ত্রেধোরুগায়ো বিষ্ণবে ত্বা ॥১৮॥
5.19
দিবো বা বিষ্ণ উত বা পৃথিব্যা মহো বা বিষ্ণ উরোরন্তরিক্ষাৎ ।
উভা হি হস্তা বসুনা পৃণস্বা প্র যচ্ছ দক্ষিণাদোত সব্যাদ্বিষ্ণবে ত্বা ॥১৯॥
5.20
প্র তদ্বিষ্ণু স্তবতে বীর্যেণ মৃগো ন ভীমঃ কুচরো গিরিষ্ঠাঃ ।
যস্যোরুষু ত্রিষু বিক্রমণেষ্বধিক্ষিয়ন্তি ভুবনানি বিশ্বা ॥২০॥
5.21
বিষ্ণো ররাটমসি বিষ্ণোঃ শ্নপ্ত্রে স্থো বিষ্ণোঃ স্যূরসি বিষ্ণোর্ধ্রুবোঽসি ।
বৈষ্ণবমসি বিষ্ণবে ত্বা ॥২১॥
5.22
দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ ।
আ দদে নার্যসীদমহং রক্ষসাং গ্রীবা অপি কৃন্তামি ।
বৃহন্নসি বৃহদ্রবা বৃহতীমিন্দ্রায় বাচং বদ ॥২২॥
5.23
রক্ষোহণং বলগহনং বৈষ্ণবী মিদমহং তং বলগমুত্কিরামি যং মে নিষ্ট্যো যমমাত্যো নিচখানেদমহং তং বলগমুত্কিরামি যং মে সমানো যমসমানো নিচখানেদমহং তং বলগমুত্কিরামি যং মে সবন্ধুর্যমসবন্ধুর্নিচখানেদমহং তং বলগমুত্কিরামি যং মে সজাতো যমসজাতো নিচখানোত্কৃত্যাং কিরামি ॥২৩॥
5.24
স্বরাডসি সপত্নহা সত্ররাডস্যভিমাতিহা জনরাডসি রক্ষোহা সর্বরাডস্যমিত্রহা ॥২৪॥
5.25
রক্ষোহণো বো বলগহনঃ প্রোক্ষামি বৈষ্ণবান্ রক্ষোহণো বো বলগহনোঽবনয়ামি বৈষ্ণবান্ রক্ষোহণো বো বলগহনোঽবস্তৃণামি বৈষ্ণবান্
রক্ষোহণৌ বাং বলগহনা উপ দধামি বৈষ্ণবী রক্ষোহণৌ বাং বলগহনৌ পর্যূহামি বৈষ্ণবী বৈষ্ণবমসি বৈষ্ণবা স্থ ॥২৫॥
5.26
দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ । আ দদে নার্যসীদমহং রক্ষসাং গ্রীবা অপি কৃন্তামি ।
যবোঽসি যবয়াস্মদ্দ্বেষো যবয়ারাতীর্দিবে ত্বাঽন্তরিক্ষায় ত্বা পৃথিব্যৈ ত্বা শুন্ধন্তাংল্লোকাঃ পিতৃষদনাঃ পিতৃষদনমসি ॥২৬॥
5.27
উদ্দিবং স্তভানান্তরিক্ষং পৃণ দৃংহস্ব পৃথিব্যাম্ দ্যুতানাস্ত্বা মারুতো মিনোতু মিত্রাবরুণৌ ধ্রুবেণ ধর্মণা ।
ব্রহ্মবনি ত্বা ক্ষত্রবনি রায়স্পোষবনি পর্যূহামি । ব্রহ্ম দৃংহ ক্ষত্রং দৃংহায়ুর্দৃংহ প্রজাং দৃংহ ॥২৭॥
5.28
ধ্রুবাসি ধ্রুবোঽয়ং যজমানোঽস্মিন্নায়তনে প্রজয়া পশুভির্ভূয়াৎ ।
ঘৃতেন দ্যাবাপৃথিবী পূর্যেথামিন্দ্রস্য ছদিরসি বিশ্বজনস্য ছায়া ॥২৮॥
5.29
পরি ত্বা গির্বণো গির ইমা ভবন্তু বিশ্বতঃ। বৃদ্ধায়ুমনু বৃদ্ধয়ো জুষ্টা ভবন্তু জুষ্টয়ঃ ॥২৯॥
5.30
ইন্দ্রস্য স্যূরসীন্দ্রস্য ধ্রুবোঽসি । ঐন্দ্রমসি বৈশ্বদেবমসি ॥৩০॥
5.31
বিভূরসি প্রবাহণো বহ্নিরসি হব্যবাহনঃ । শ্বাত্রোঽসি প্রচেতাস্তুথোঽসি বিশ্ববেদাঃ ॥৩১॥
5.32
উশিগসি কবিরঙ্ঘারিরসি বম্ভারিরবস্যূরসি দুবস্বাঞ্ছুন্ধ্যূরসি মার্জালীয়ঃ সম্রাডসি কৃশানুঃ পরিষদ্যোঽসি পবমানো নভোঽসি প্রতক্বা
মৃষ্টোঽসি হব্যসূদন ঋতধামাঽসি স্বর্জ্যোতিঃ ॥৩২॥
5.33
সমুদ্রোঽসি বিশ্বব্যচা অজোঽস্যেকপাদহিরসি বুধ্ন্যো বাগস্যৈন্দ্রমসি সদোঽস্যৃতস্য দ্বারৌ মা মা সনতাপ্তমধ্বনামধ্বপতে প্র মা তির স্বস্তি মেঽস্মিন্পথি দেবয়ানে ভূয়াৎ ॥৩৩॥
5.34
মিত্রস্য মা চক্ষুষেক্ষধ্বমগ্নয়ঃ সগরাঃ সগরা স্থ সগরেণ নাম্না রৌদ্রেণানীকেন পাত মাঽগ্নয়ঃ পিপৃত মাঽগ্নয়ো গোপায়ত মা নমো বোঽস্তু মা মা হিংসিষ্ট ॥৩৪॥
5.35
জ্যোতিরসি বিশ্বরূপং বিশ্বেষাং দেবানাং সমিৎ । ত্বং সোম তনূকৃদ্ভ্যো দ্বেষোভ্যোঽন্যকৃতেভ্য উরু যন্তাসি বরূথং স্বাহা
জুষাণো অপ্তুরাজ্যস্য বেতু স্বাহা ॥৩৫॥
5.36
অগ্নে নয় সুপথা রায়ে অস্মান্বিশ্বানি দেব বয়ুনানি বিদ্বান্ ।
যুয়োধ্যস্মজ্জুহুরাণমেনো ভূয়িষ্ঠাং তে নম উক্তিং বিধেম ॥৩৬॥
5.37
অয়ং নো অগ্নির্বরিবস্কৃণোত্বয়ং মৃধঃ পুর এতু প্রভিন্দন্ ।
অয়ং বাজাঞ্জয়তু বাজসাতাবয়ং শত্রূঞ্জয়তু জর্হৃষাণঃ স্বাহা ॥৩৭॥
5.38
উরু বিষ্ণো বি ক্রমস্বোরু ক্ষয়ায় নস্কৃধি ।
ঘৃতং ঘৃতয়োনে পিব প্রপ্র যজ্ঞপতিং তির স্বাহা ॥৩৮॥
5.39
দেব সবিতরেষ তে সোমস্তং রক্ষস্ব মা ত্বা দভন্ ।
এতত্ত্বং দেব সোম দেবো দেবাঁ২ উপাগা ইদমহং মনুষ্যান্ত্সহ রায়স্পোষেণ স্বাহা নির্বরুণস্য পাশান্মুচ্যে ॥৩৯॥
5.40
অগ্নে ব্রতপাস্ত্বে ব্রতপা যা তব তনূর্ময্যভূদেষা সা ত্বয়ি যো মম তনূস্ত্বয্যভূদিয়ং সা ময়ি ।
যথায়থং নৌ ব্রতপতে ব্রতান্যনু মে দীক্ষাং দীক্ষাপতিরমংস্তানু তপস্তপস্পতিঃ ॥৪০॥
5.41
উরু বিষ্ণো বি ক্রমস্বোরু ক্ষয়ায় নস্কৃধি । ঘৃতং ঘৃতয়োনে পিব প্রপ্র যজ্ঞপতিং তির স্বাহা ॥৪১॥
5.42
অত্যন্যাঁ২ অগাং নান্যাঁ২ উপাগামর্বাক্ ত্বা পরেভ্যোঽবিদং পরোঽবরেভ্যঃ ।
তং ত্বা জুষামহে দেব বনস্পতে দেবয়জ্যায়ৈ দেবাস্ত্বা দেবয়জ্যায়ৈ জুষন্তাং বিষ্ণবে ত্বা ।
ওষধে ত্রায়স্ব স্বধিতে মৈনং হিংসীঃ ॥৪২॥
5.43
দ্যাং মা লেখীরন্তরিক্ষং মা হিংসীঃ পৃথিব্যা সম্ভব ।
অয়ং হি ত্বা স্বধিতিস্তেতিজানঃ প্রণিনায় মহতে সৌভগায় ।
অতস্ত্বং দেব বনস্পতে শতবল্শো বি রোহ সহস্রবল্শা বি বয়ং রুহেম ॥৪৩॥