Utshovঅধ্যায় 4
4.1
এদমগন্ম দেবয়জনং পৃথিব্যা যত্র দেবাসো অজুষন্ত বিশ্বে । ঋক্সামাভ্যাং সংতরন্তো যজুর্ভী রায়স্পোষেণ সমিষা মদেম । ইমা আপঃ শমু মে সন্তু দেবী রোষধে ত্রায়স্ব স্বধিতে মৈনং হিংসীঃ ॥১॥
4.2
আপো অস্মান্মাতরঃ শুন্ধয়ন্তু ঘৃতেন নো ঘৃতপ্বঃ পুনন্তু ।
বিশ্বj হি রিপ্রং প্রবহন্তি দেবীরুদিদাভ্যঃ শুচিরা পূত এমি ।
দীক্ষাতপসোস্তনূরসি তাং ত্বা শিবাং শগ্মাং পরি দধে ভদ্রং বর্ণং পুষ্যন্ ॥২॥
4.3
মহীনাং পয়োঽসি বর্চোদা অসি বর্চো মে দেহি । বৃত্রস্যাসি কনীনকশ্চক্ষুর্দা অসি চক্ষুর্মে দেহি ॥৩॥
4.4
চিত্পতির্মা পুনাতু বাক্পতির্মা পুনাতু দেবো মা সবিতা পুনাত্বচ্ছিদ্রেণ পবিত্রেণ সূর্যস্য রশ্মিভিঃ ।
তস্য তে পবিত্রপতে পবিত্রপূতস্য যত্কামঃ পুনে তচ্ছকেয়ম্ ॥৪॥
4.5
আ বো দেবাস ঈমহে বামং প্রয়ত্যধ্বরে । আ বো দেবাস আশিষো যজ্ঞিয়াসো হবামহে ॥৫॥
4.6
স্বাহা যজ্ঞং মনসঃ স্বাহোরোরন্তরিক্ষাত্স্বাহা দ্যাবাপৃথিবীভ্যাj স্বাহা বাতাদারভে স্বাহা ॥৬॥
4.7
আকূত্যৈ প্রয়ুজেঽগ্নয়ে স্বাহা মেধায়ৈ মনসেঽগ্নয়ে স্বাহা দীক্ষায়ৈ তপসেঽগ্নয়ে স্বাহা সরস্বত্যৈ পূষ্ণেঽগ্নয়ে স্বাহা ।আপো দেবীর্বৃহতীর্বিশ্বশম্ভুবো দ্যাবাপৃথিবী উরো অন্তরিক্ষ । বৃহস্পতয়ে হবিষা বিধেম স্বাহা ॥৭॥
4.8
বিশ্বো দেবস্য নেতুর্মর্তো বুরীত সখ্যম্ । বিশ্বো রায় ইষুধ্যতি দ্যুম্নং বৃণীত পুষ্যসে স্বাহা ॥৮॥
4.9
ঋক্সাময়োঃ শিল্পে স্থস্তে বামারভে তে মা পাতমাস্য যজ্ঞস্যোদৃচঃ ।
শর্মাসি শর্ম মে যচ্ছ নমস্তে অস্তু মা মা হিংসীঃ ॥৯॥
4.10
ঊর্গস্যাঙ্গিরস্যূর্ণম্ম্রদা ঊর্জং ময়ি ধেহি ।
সোমস্য নীবিরসি বিষ্ণোঃ শর্মাসি শর্ম যজমানস্যেন্দ্রস্য যোনিরসি সুসস্যাঃ কৃষীস্কৃধি ।
উচ্ছ্রয়স্ব বনস্পত ঊর্ধ্বো মা পাহ্যংহস আস্য যজ্ঞস্যোদ্রচঃ ॥১০॥
4.11
ব্রতং কৃণুতাগ্নির্ব্রহ্মাগ্নির্যজ্ঞো বনস্পতির্যজ্ঞিয়ঃ ।
দৈবীং ধিয়ং মনামহে সুমৃডীকামভিষ্টয়ে বর্চোধাং যজ্ঞবাহসং সুতীর্থা নো অসদ্বশে ।
যে দেবা মনোজাতা মনোয়ুজো দক্ষক্রতবস্তে নোঽবন্তু তে নঃ পান্তু তেভ্যঃ স্বাহা ॥১১॥
4.12
শ্বাত্রাঃ পীতা ভবত যূয়মাপো অস্মাকমন্তরুদরে সুশেবাঃ।
তা অস্মভ্যময়ক্ষ্মা অনমীবা অনাগসঃ স্বদন্তু দেবীরমৃতা ঋতাবৃধঃ ॥১২॥
4.13
ইয়ং তে যজ্ঞিয়া তনূরপো মুঞ্চামি ন প্রজাম্ । অjহোমুচঃ স্বাহাকৃতাঃ পৃথিবীমা বিশত
পৃথিব্যা সম্ভব ॥১৩॥
4.14
অগ্নে ত্বং সু জাগৃহি বয়ং সু মন্দিষীমহি । রক্ষা ণো অপ্রয়ুচ্ছন্ প্রবুধে নঃ পুনস্কৃধি ॥১৪॥
4.15
পুনর্মনঃ পুনরায়ুর্ম আঽগন্ পুনঃ প্রাণঃ পুনরাত্মা ম আঽগন্ পুনশ্চক্ষুঃ পুনঃ শ্রোত্রং ম আঽগন্ ।
বৈশ্বানরো অদব্ধস্তনূপা অগ্নির্নঃ পাতু দুরিতাদবদ্যাৎ ॥১৫॥
4.16
ত্বমগ্নে ব্রতপা অসি দেব আ মর্ত্যেষ্বা ।ত্বং যজ্ঞেষ্বীড্যঃ । রাস্বেয়ত্সোমা ভূয়ো ভর দেবো নঃ সবিতা বসোর্দাতা বস্বদাৎ ॥১৬॥
4.17
এষা তে শুক্র তনূরেতদ্বর্চস্তয়া সম্ভব ভ্রাজং গচ্ছ । জূরসি ধৃতা মনসা জুষ্টা বিষ্ণবে ॥১৭॥
4.18
তস্যাস্তে সত্যসবসঃ প্রসবে তন্বো যন্ত্রমশীয় স্বাহা । শুক্রমসি চন্দ্রমস্যমৃতমসি বৈশ্বদেবমসি ॥১৮॥
4.19
চিদসি মনাসি ধীরসি দক্ষিণাসি ক্ষত্রিয়াসি যজ্ঞিয়াস্যদিতিরস্যুভয়তঃশীর্ষ্ণী ।
সা নঃ সুপ্রাচী সুপ্রতীচ্যেধি মিত্রস্ত্বা পদি বধ্নীতাং পূষাঽধ্বনস্পাত্বিন্দ্রায়াধ্যক্ষায় ॥১৯॥
4.20
অনু ত্বা মাতা মন্যতামনু পিতাঽনু ভ্রাতা সগর্ভ্যোঽনু সখা সয়ূথ্যঃ ।
সা দেবি দেবমচ্ছেহীন্দ্রায় সোমং রুদ্রস্ত্বা বর্ত্তয়তু স্বস্তি সোমসখা পুনরেহি ॥২০॥
4.21
বস্ব্যস্যদিতিরস্যাদিত্যাসি রুদ্রাসি চন্দ্রাসি । বৃহস্পতিষ্ট্বা সুম্নে রম্ণাতু রুদ্রো বসুভিরা চকে ॥২১॥
4.22
অদিত্যাস্ত্বা মূর্ধন্নাজিঘর্মি দেবয়জনে পৃথিব্যা ইডায়াস্পদমাসি ঘৃতবৎ স্বাহা ।
অস্মে রমস্বাস্মে তে বন্ধুস্ত্বে রা যো মে রায়ো মা বয়ং রায়স্পোষেণ বিয়ৌষ্ম তোতো রায়ঃ ॥২২॥
4.23
সমখ্যে দেব্যা ধিয়া সং দক্ষিণয়োরুচক্ষসা । মা ম আয়ুঃ প্রমোষীর্মো অহং তব ।
বীরং বিদেয় তব দেবি সংদৃশি ॥২৩॥
4.24
এষ তে গায়ত্রো ভাগ ইতি মে সোমায় ব্রূতাদেষ তে ত্রৈষ্টুভো ভাগ ইতি মে সোমায় ব্রূতাদেষ তে জাগতো ভাগ ইতি মে সোমায় ব্রূতাচ্ছন্দোনামানাj সাম্রাজ্যং গচ্ছেতি মে সোমায় ব্রূতাদাস্মাকোঽসি শুক্রস্তে গ্রহ্যো বিচিতস্ত্বা বি চিন্বন্তু ॥২৪॥
4.25
অভি ত্যং দেবং সবিতারমোণ্যোঃ কবিক্রতুমর্চামি সত্যসবং রত্নধামভি প্রিয়ং মতিং কবিম্ । ঊর্ধ্বা যস্যামতির্ভা অদিদ্যুতত্সবীমনি হিরণ্যপাণিরমিমীত সুক্রতুঃ কৃপা স্বঃ । প্রজাভ্যস্ত্বা প্রজাস্ত্বা ঽনুপ্রাণন্তু প্রজাস্ত্বমনুপ্রাণিহি ॥২৫॥
4.26
শুক্রং ত্বা শুক্রেণ ক্রীণামি চন্দ্রং চন্দ্রেণামৃতমমৃতেন । সগ্মে তে গোরস্মে তে চন্দ্রাণি তপসস্তনূরসি প্রজাপতের্বর্ণঃ পরমেণ ক্রীয়সে সহস্রপোষং পুষেয়ম্ ॥২৬॥
4.27
মিত্রো ন এহি সুমিত্রধ ইন্দ্রস্যোরুমা বিশ দক্ষিণমুশন্নুশন্তং স্যোনঃ স্যোনম্ । স্বান ভ্রাজাঙ্ঘারে বম্ভারে হস্ত সুহস্ত কৃশানবেতে বঃ সোমক্রয়ণাস্তান্রক্ষধ্বং মা বো দভন্ ॥২৭॥
4.28
পরি মাগ্নে দুশ্চরিতাদ্বাধস্বা মা সুচরিতে ভজ । উদায়ুষা স্বায়ুষোদস্থামমৃতাঁ২ অনু ॥২৮॥
4.29
প্রতি পন্থামপদ্মহি স্বস্তিগামনেহসম্ । যেন বিশ্বাঃ পরি দ্বিষো বৃণক্তি বিন্দতে বসু ॥২৯॥
4.30
অদিত্যাস্ত্বগস্যদিত্যৈ সদ আসীদ । অস্তভ্নাদ্দ্যাং বৃষভো অন্তরিক্ষমমিমীত বরিমাণং পৃথিব্যাঃ ।
আঽসীদদ্বিশ্বা ভুবনানি সম্রাড্বিশ্বেত্তানি বরুণস্য ব্রতানি ॥৩০॥
4.31
বনেষু ব্যন্তরিক্ষং ততান বাজমর্বত্সু পয় উস্রিয়াসু । হৃত্সু ক্রতুং বরুণো বিক্ষ্বগ্নিং দিবি সূর্যমদধাৎ সোমমদ্রৌ ॥৩১॥
4.32
সূর্যস্য চক্ষুরারোহাগ্নেরক্ষ্ণঃ কনীনকম্ । যত্রৈত্রশেভিরীয়সে ভ্রাজমানো বিপশ্চিতা ॥৩২॥
4.33
উস্রাবেতং ধূর্ষাহৌ যুজ্যেথামনশ্রূ অবীরহণৌ ব্রহ্মচোদনৌ । স্বস্তি যজমানস্য গৃহান্ গচ্ছতম্ ॥৩৩॥
4.34
ভদ্রো মেঽসি প্রচ্যবস্ব ভুবস্পতে বিশ্বান্যভি ধামানি । মা ত্বা পরিপরিণো বিদন্ মা ত্বা পরিপন্থিনো বিদন্ মা ত্বা বৃকা অঘায়বো বিদন্ । শ্যেনো ভূত্বা পরা পত যজমানস্য গৃহান্ গচ্ছ তন্নৌ সস্কৃতম্ ॥৩৪॥
4.35
নমো মিত্রস্য বরুণস্য চক্ষসে মহো দেবায় তদৃতং সপর্যত । দূরেদৃশে দেবজাতায় কেতবে দিবস্পুত্রায় সূর্যায় শংসত ॥৩৫॥
4.36
বরুণস্যোত্তম্ভনমসি বরুণস্য স্কম্ভসর্জনী স্থো বরুণস্য ঋতসদন্যসি বরুণস্য ঋতসদনমসি
বরুণস্য ঋতসদনমা সীদ ॥৩৬॥
4.37
যা তে ধামানি হবিষা যজন্তি তা তে বিশ্বা পরিভূরস্তু যজ্ঞম্ ।
গয়স্ফ়ানঃ প্রতরণঃ সুবীরোঽবীরহা প্র চরা সোম দুর্যান্ ॥৩৭॥