Utshovঅধ্যায় 27
27.1
সমাস্ত্বাগ্ন ঋতবো বর্ধয়ন্তু সংবত্সরা ঋষয়ো যানি সত্যা ।
সং দিব্যেন দীদিহি রোচনেন বিশ্বা আ ভাহি প্রদিশশ্চতস্রঃ ॥১॥
27.2
সং চেধ্যস্বাগ্নে প্র চ বোধয়ৈনমুচ্চ তিষ্ঠ মহতে সৌভগায় ।
মা চ রিষদুপসত্তা তে অগ্নে ব্রহ্মাণস্তে যশসঃ সন্তু মান্যে ॥২॥
27.3
ত্বামগ্নে বৃণতে ব্রাহ্মণা ইমে শিবো অগ্নে সংবরণে ভবা নঃ ।
সপত্নহা নো অভিমাতিজিচ্চ স্বে গয়ে গাগৃহ্যপ্রয়ুচ্ছন্ ॥৩॥
27.4
ইহৈবাগ্নে অধি ধারয়া রয়িং মা ত্বা নি ক্রন্পূর্বচিতো নিকারিণঃ ।
ক্ষত্রমগ্নে সুয়মমস্তু তুভ্যমুপসত্তা বর্ধতাং তে অনিষ্টৃতঃ ॥৪॥
27.5
ক্ষত্রেণাগ্নে স্বায়ুঃ সং রভস্ব মিত্রেণাগ্নে মিত্রধেয়ে যতস্ব ।
সজাতানাং মধ্যমস্থা এধি রাজ্ঞামগ্নে বিহব্যো দীদিহীহ ॥৫॥
27.6
অতি নিহো অতি স্রিধোঽত্যচিত্তিমত্যরাতিমগ্নে ।
বিশ্বা হ্যগ্নে দুরিতা সহস্বাথাস্মভ্যং সহবীরাং রয়িং দাঃ ॥৬॥
27.7
অনাধৃষ্যো জাতবেদা অনিষ্টৃতো বিরাডগ্নে ক্ষত্রভৃদ্দীদিহীহ ।
বিশ্বা আশাঃ প্রমুঞ্চন্মানুষীর্ভিয়ঃ শিবেভিরদ্য পরি পাহি নো বৃধে ॥৭॥
27.8
বৃহস্পতে সবিতর্বোধয়ৈনং সংশিতং চিত্সন্তরাং সং শিশাধি ।
বর্ধয়ৈনং মহতে সৌভগায় বিশ্ব এনমনু মদন্তু দেবাঃ ॥৮॥
27.9
অমুত্রভূয়াদধ যদ্যমস্য বৃহস্পতে অভিশস্তেরমুঞ্চঃ ।
প্রত্যৌহতামশ্বিনা মৃত্যুমস্মাদ্দেবানামগ্নে ভিষজা শচীভিঃ ॥৯॥
27.10
উদ্বয়ং তমসস্পরি স্বঃ পশ্যন্ত উত্তরম্ ।
দেবং দেবত্রা সূর্যমগন্ম জ্যোতিরুত্তমম্ ॥১০॥
27.11
ঊর্ধ্বা অস্য সমিধো ভবন্ত্যূর্ধ্বা শুক্রা শোচীংষ্যগ্নেঃ ।
দ্যুমত্তমা সুপ্রতীকস্য সূনোঃ ॥১১॥
27.12
তনূনপাদসুরো বিশ্ববেদা দেবো দেবেষু দেবঃ ।
পথো অনক্তু মধ্বা ঘৃতেন ॥১২॥
27.13
মধ্বা যজ্ঞং নক্ষসে প্রীণানো নরাশংসো অগ্নে ।
সুকৃদ্দেবঃ সবিতা বিশ্ববারঃ ॥১৩॥
27.14
অচ্ছায়মেতি শবসা ঘৃতেনেডানো বহ্নির্নমসা ।
অগ্নিং স্রুচো অধ্বরেষু প্রয়ত্সু ॥১৪॥
27.15
স যক্ষদস্য মহিমানমগ্নেঃ স ঈং মন্দ্রা সুপ্রয়সঃ ।
বসুশ্চেতিষ্ঠো বসুধাতমশ্চ ॥১৫॥
27.16
দ্বারো দেবীরন্বস্য বিশ্বে ব্রতা দদন্তে অগ্নেঃ ।
উরুব্যচসো ধাম্না পত্যমানাঃ ॥১৬॥
27.17
তে অস্য যোষণে দিব্যে ন যোনা উষাসানক্তা ।
ইমং যজ্ঞমবতামধ্বরং নঃ ॥১৭॥
27.18
দৈব্যা হোতারা ঊর্ধ্বমধ্বরং নোঽগ্নের্জুহ্বামভি গৃণীতম্ ।
কৃণুতং নঃ স্বিষ্টম্ ॥১৮॥
27.19
তিস্রো দেবীর্বর্হিরেদং সদন্ত্বিডা সরস্বতী ভারতী ।
মহী গৃণানা ॥১৯॥
27.20
তন্নস্তুরীপমদ্ভুতং পুরুক্ষু ত্বষ্টা সুবীর্যম্ ।
রায়স্পোষং বি ষ্যতু নাভিমস্মে ॥২০॥
27.21
বনস্পতেঽব সৃজা ররাণস্ত্মনা দেবেষু ।
অগ্নির্হব্যং শমিতা সূদয়াতি ॥২১॥
27.22
অগ্নে স্বাহা কৃণুহি জাতবেদ ইন্দ্রায় হব্যম্ ।
বিশ্বে দেবা হবিরিদং জুষন্তাম্ ॥২২॥
27.23
পীবো অন্না রয়িবৃধঃ সুমেধাঃ শ্বেতঃ সিষক্তি নিয়ুতামভিশ্রীঃ ।
তে বায়বে সমনসো বি তস্থুর্বিশ্বেন্নরঃ স্বপত্যানি চক্রুঃ ॥২৩॥
27.24
রায়ে নু যং জজ্ঞতূ রোদসীমে রায়ে দেবী ধিষণা ধাতি দেবম্ ।
অধ বায়ুং নিয়ুতঃ সশ্চত স্বা উত শ্বেতং বসুধিতিং নিরেকে ॥২৪॥
27.25
আপো হ যদ্বৃহতীর্বিশ্বমায়ন্ গর্ভং দধানা জনয়ন্তীরগ্নিম্ ।
ততো দেবানাং সমবর্ততাসুরেকঃ কস্মৈ দেবায় হবিষা বিধেম ॥২৫॥
27.26
যশ্চিদাপো মহিনা পর্যপশ্যদ্দক্ষং দধানা জনয়ন্তীর্যজ্ঞম্ ।
যো দেবেষ্বধি দেব এক আসীৎ কস্মৈ দেবায় হবিষা বিধেম ॥২৬॥
27.27
প্র যাভির্যাসি দাশ্বাংসমচ্ছা নিয়ুদ্ভির্বায়বিষ্টয়ে দুরোণে ।
নি নো রয়িং সুভোজসং যুবস্ব নি বীরং গব্যমশ্ব্যং চ রাধঃ ॥২৭॥
27.28
আ নো নিয়ুদ্ভিঃ শতিনীভিরধ্বরং সহস্রিণীভিরুপ যাহি যজ্ঞম্ ।
বায়ো অস্মিন্ত্সবনে মাদয়স্ব যূয়ং পাত স্বস্তিভিঃ সদা নঃ ॥২৮॥
27.29
নিয়ুত্বান্বায়বা গহ্যয়ং শুক্রো অয়ামি তে ।
গন্তাসি সুন্বতো গৃহম্ ॥২৯॥
27.30
বায়ো শুক্রো অয়ামি তে মধ্বো অগ্রং দিবিষ্টিষু ।
আ যাহি সোমপীতয়ে স্পার্হো দেব নিয়ুত্বতা ॥৩০॥
27.31
বায়ুরগ্রেগা যজ্ঞপ্রীঃ সাকং গন্মনসা যজ্ঞম্ ।
শিবো নিয়ুদ্ভিঃ শিবাভিঃ ॥৩১॥
27.32
বায়ো যে তে সহস্রিণো রথাসস্তেভিরা গহি ।
নিয়ুত্বান্ত্সোমপীতয়ে ॥৩২॥
27.33
একয়া চ দশভিশ্চ স্বভূতে দ্বাভ্যামিষ্টয়ে বিংশতী চ ।
তিসৃভিশ্চ বহসে ত্রিংশতা চ নিয়ুদ্ভির্বায়বিহ তা বি মুঞ্চ ॥৩৩॥
27.34
তব বায়বৃতস্পতে ত্বষ্টুর্জামাতরদ্ভুত ।
অবাংস্যা বৃণীমহে ॥৩৪॥
27.35
অভি ত্বা শূর নোনুমোঽদুগ্ধা ইব ধেনবঃ ।
ঈশানমস্য জগতঃ স্বর্দৃশমীশানমিন্দ্র তস্থুষঃ ॥৩৫॥
27.36
ন ত্বাবাঁ২ অন্যো দিব্যো ন পার্থিবো ন জাতো ন জনিষ্যতে ।
অশ্বায়ন্তো মঘবন্নিন্দ্র বাজিনো গব্যন্তস্ত্বা হবামহে ॥৩৬॥
27.37
ত্বামিদ্ধি হবামহে সাতৌ বাজস্য কারবঃ ।
ত্বাং বৃত্রেষ্বিন্দ্র সত্পতিং নরস্ত্বাং কাষ্ঠাস্বর্বতঃ ॥৩৭॥
27.38
স ত্বং নশ্চিত্র বজ্রহস্ত ধৃষ্ণুয়া মহ স্তবানো অদ্রিবঃ ।
গামশ্বং রথ্যমিন্দ্র সং কির সত্রা বাজং ন জিগ্যুষে ॥৩৮॥
27.39
কয়া নশ্চিত্র আ ভুবদূতী সদাবৃধঃ সখা ।
কয়া শচিষ্ঠয়া বৃতা ॥৩৯॥
27.40
কস্ত্বা সত্যো মদানাং মংহিষ্ঠো মত্সদন্ধসঃ ।
দৃঢা চিদারুজে বসু ॥৪০॥
27.41
অভী ষু ণঃ সখীনামবিতা জরিতৄণাম্ ।
শতং ভবাস্যূতয়ে ॥৪১॥
27.42
যজ্ঞা-যজ্ঞা বো অগ্নয়ে গিরা-গিরা চ দক্ষসে ।
প্র-প্র বয়মমৃতং জাতবেদসং প্রিয়ং মিত্রং ন শংসিষম্ ॥৪২॥
27.43
পাহি নো অগ্ন একয়া পাহ্যুত দ্বিতীয়য়া ।
পাহি গীর্ভিস্তিসৃভিরূর্জাং পতে পাহি চতসৃভির্বসো ॥৪৩॥
27.44
ঊর্জো নপাতং স হিনায়মস্ময়ুর্দাশেম হব্যদাতয়ে ।
ভুবদ্বাজেষ্ববিতা ভুবদ্বৃধ উত ত্রাতা তনূনাম্ ॥৪৪॥
27.45
সংবত্সরোঽসি পরিবত্সরোঽসীদাবত্সরোঽসীদ্বত্সরোঽসি বত্সরোঽসি ।
উষসস্তে কল্পন্তামহোরাত্রাস্তে কল্পন্তামর্ধমাসাস্তে কল্পন্তাং মাসাস্তে কল্পন্তামৃতবস্তে কল্পন্তাং সংবত্সরস্তে কল্পতাম্ । প্রেত্যা এত্যৈ সং চাঞ্চ প্র চ সারয় ।
সুপর্ণচিদসি তয়া দেবতয়াঽঙ্গিরস্বদ্ ধ্রুবঃ সীদ ॥৪৫॥