Utshovঅধ্যায় 28
28.1
হোতা যক্ষত্সমিধেন্দ্রমিডস্পদে নাভা পৃথিব্যা অধি ।
দিবো বর্ষ্মন্ত্সমিধ্যত ওজিষ্ঠশ্চর্ষণীসহাং বেত্বাজ্যস্য হোতর্যজ ॥১॥
28.2
হোতা যক্ষত্তনূনপাতমূতিভির্জেতারমপরাজিতম্ ।
ইন্দ্রং দেবং স্বর্বিদং পথিভির্মধুমত্তমৈর্নরাশংসেন তেজসা বেত্বাজ্যস্য হোতর্যজ ॥২॥
28.3
হোতা যক্ষদিডাভিরিন্দ্রমীডিতমাজুহ্বানমমর্ত্যম্ ।
দেবো দেবৈঃ সবীর্যো বজ্রহস্তঃ পুরন্দরো বেত্বাজ্যস্য হোতর্যজ ॥৩॥
28.4
হোতা যক্ষদ্বর্হিষীন্দ্রং নিষদ্বরং বৃষভং নর্যাপসম্ ।
বসুভী রুদ্রৈরাদিত্যৈঃ সুয়ুগ্ভির্বর্হিরাসদদ্বেত্বাজ্যস্য হোতর্যজ ॥৪॥
28.5
হোতা যক্ষদোজো ন বীর্যং সহো দ্বার ইন্দ্রমবর্ধয়ন্ ।
সুপ্রায়ণা অস্মিন্যজ্ঞে বি শ্রয়ন্তামৃতাবৃধো দ্বার ইন্দ্রায় মীঢুষে ব্যন্ত্বাজ্যস্য হোতর্যজ ॥৫॥
28.6
হোতা যক্ষদুষে ইন্দ্রস্য ধেনূ সুদুঘে মাতরা মহী ।
সবাতরৌ ন তেজসা বত্সমিন্দ্রমবর্ধতাং বীতামাজ্যস্য হোতর্যজ ॥৬॥
28.7
হোতা যক্ষদ্দৈব্যা হোতারা ভিষজা সখায়া হবিষেন্দ্রং ভিষজ্যতঃ ।
কবী দেবৌ প্রচেতসাবিন্দ্রায় ধত্ত ইন্দ্রিয়ং বীতামাজ্যস্য হোতর্যজ ॥৭॥
28.8
হোতা যক্ষত্তিস্রো দেবীর্ন ভেষজং ত্রয়স্ত্রিধাতবোঽপস ইডা সরস্বতী ভারতী মহীঃ ।
ইন্দ্রপত্নীর্হবিষ্মতীর্ব্যন্ত্বাজ্যস্য হোতর্যজ ॥৮॥
28.9
হোতা যক্ষত্ত্বষ্টারমিন্দ্রং দেবং ভিষজং সুয়জং ঘৃতশ্রিয়ম্ ।
পুরুরূপং সুরেতসং মঘোনমিন্দ্রায় ত্বষ্টা দধদিন্দ্রিয়াণি বেত্বাজ্যস্য হোতর্যজ ॥৯॥
28.10
হোতা যক্ষদ্বনস্পতিং শমিতারং শতক্রতুং ধিয়ো জোষ্টারমিন্দ্রিয়ম্ ।
মধ্বা সমঞ্জন্পথিভিঃ সুগেভিঃ স্বদাতি যজ্ঞং মধুনা ঘৃতেন বেত্বাজ্যস্য হোতর্যজ ॥১০॥
28.11
হোতা যক্ষদিন্দ্রং স্বাহাঽঽজ্যস্য স্বাহা মেদসঃ স্বাহা স্তোকানাং স্বাহা স্বাহাকৃতীনাং স্বাহা হব্যসূক্তীনাম্ ।
স্বাহা দেবা আজ্যপা জুষাণা ইন্দ্র আজ্যস্য ব্যন্তু হোতর্যজ ॥১১॥
28.12
দেবং বর্হিরিন্দ্রং সুদেবং দেবৈর্বীরবত্স্তীর্ণং বেদ্যামবর্ধয়ৎ ।
বস্তোর্বৃতং প্রাক্তোর্ভৃতং রায়া বর্হিষ্মতোঽত্যগাদ্বসুবনে বসুধেয়স্য বেতু যজ ॥১২॥
28.13
দেবীর্দ্বার ইন্দ্রং সঙ্ঘাতে বীড্বীর্যামন্নবর্ধয়ন্ ।
আ বত্সেন তরুণেন কুমারেণ চ মীবতাপার্বাণং রেণুককাটং নুদন্তাং বসুবনে বসুধেয়স্য ব্যন্তু যজ ॥১৩॥
28.14
দেবী উষাসানক্তেন্দ্রং যজ্ঞে প্রয়ত্যহ্বেতাম্ ।
দৈবীর্বিশঃ প্রায়াসিষ্টাং সুপ্রীতে সুধিতে বসুবনে বসুধেয়স্য বীতাং যজ ॥১৪॥
28.15
দেবী জোষ্ট্রী বসুধিতী দেবমিন্দ্রমবর্ধতাম্ ।
অয়াব্যন্যাঘা দ্বেষাংস্যান্যা বক্ষদ্বসু বার্যাণি যজমানায় শিক্ষিতে বসুবনে বসুধেয়স্য বীতাং যজ ॥১৫॥
28.16
দেবী ঊর্জাহুতী দুঘে সুদুঘে পয়সেন্দ্রমবর্ধতাম্ ।
ইষমূর্জমন্যা বক্ষত্সগ্ধিং সপীতিমন্যা নবেন পূর্বং দয়মানে পুরাণেন নবমধাতামূর্জমূর্জাহুতী ঊর্জয়মানে বসু বার্যাণি যজমানায় শিক্ষিতে বসুবনে বসুধেয়স্য বীতাং যজ ॥১৬॥
28.17
দেবা দৈব্যা হোতারা দেবমিন্দ্রমবর্ধতাম্ ।
হতাঘশংসাবাভার্ষ্টাং বসু বার্যাণি যজমানায় শিক্ষিতৌ বসুবনে বসুধেয়স্য বীতাং যজ ॥১৭॥
28.18
দেবীস্তিস্রস্তিস্রো দেবীঃ পতিমিন্দ্রমবর্ধয়ন্ ।
অস্পৃক্ষদ্ভারতী দিবং রুদ্রৈর্যজ্ঞং সরস্বতীডা বসুমতী গৃহান্ বসুবনে বসুধেয়স্য ব্যন্তু যজ ॥১৮॥
28.19
দেব ইন্দ্রো নরাশংসস্ত্রিবরূথস্ত্রিবন্ধুরো দেবমিন্দ্রমবর্ধয়ৎ ।
শতেন শিতিপৃষ্ঠানামাহিতঃ সহস্রেণ প্র বর্ততে মিত্রাবরুণেদস্য হোত্রমর্হতো বৃহস্পতি স্তোত্রমশ্বিনাধ্বর্যবং বসুবনে বসুধেয়স্য বেত্তু যজ ॥১৯॥
28.20
দেবো দেবৈর্বনস্পতির্হিরণ্যপর্ণো মধুশাখঃ সুপিপ্পলো দেবমিন্দ্রমবর্ধয়ৎ ।
দিবমগ্রেণাস্পৃক্ষদান্তরিক্ষং পৃথিবীমদৃংহীদ্বসুবনে বসুধেয়স্য বেতু যজ ॥২০॥
28.21
দেবং বর্হির্বারিতীনাং দেবমিন্দ্রমবর্ধয়ৎ ।
স্বাসস্থমিন্দ্রেণাসন্নমন্যা বর্হীংষ্যভ্যভূদ্বসুবনে বসুধেয়স্য বেতু যজ ॥২১॥
28.22
দেবো অগ্নিঃ স্বিষ্টকৃদ্দেবমিন্দ্রমবর্ধয়ৎ ।
স্বিষ্টং কুর্বন্ত্স্বিষ্টকৃত্স্বিষ্টমদ্য করোতু নো বসুবনে বসুধেয়স্য বেতু যজ ॥২২॥
28.23
অগ্নিমদ্য হোতারমবৃণীতায়ং যজমানঃ পচন্পক্তীঃ পচন্পুরোডাশং বধ্নন্নিন্দ্রায় ছাগম্ ।
সূপস্থা অদ্য দেবো বনস্পতিরভবদিন্দ্রায় ছাগেন । অঘত্তং মেদস্তঃ প্রতি পচতাগ্রভীদবীবৃধত্পুরোডাশেন ।
ত্বামদ্য ঋষে ॥২৩॥
28.24
হোতা যক্ষত্সমিধানং মহদ্যশঃ সুসমিদ্ধং বরেণ্যমগ্নিমিন্দ্রং বয়োধসম্ ।
গায়ত্রীং ছন্দ ইন্দ্রিয়ং ত্র্যবিং গাং বয়ো দধদ্বেত্বাজ্যস্য হোতর্যজ ॥২৪॥
28.25
হোতা যক্ষত্তনূনপাতমুদ্ভিদং যং গর্ভমদিতির্দধে শুচিমিন্দ্রং বয়োধসম্ ।
উষ্ণিহং ছন্দ ইন্দ্রিয়ং দিত্যবাহং গাং বয়ো দধদ্বেত্বাজ্যস্য হোতর্যজ ॥২৫॥
28.26
হোতা যক্ষদীডেন্যমীডিতং বৃত্রহন্তমমিডাভিরীড্যঁ সহঃ সোমমিন্দ্রঁ বয়োধসম্ ।
অনুষ্টুভং ছন্দ ইন্দ্রিয়ং পঞ্চাবিং গাং বয়ো দধদ্বেত্বাজ্যস্য হোতর্যজ ॥২৬॥
28.27
হোতা যক্ষত্সুবর্হিষং পূষণ্বন্তমমর্ত্যং সীদন্তং বর্হিষি প্রিয়েঽমৃতেন্দ্রং বয়োধসম্ ।
বৃহতীং ছন্দ ইন্দ্রিয়ং ত্রিবত্সং গাং বয়ো দধদ্বেত্বাজ্যস্য হোতর্যজ ॥২৭॥
28.28
হোতা যক্ষদ্ব্যচস্বতীঃ সুপ্রায়ণা ঋতাবৃধো দ্বারো দেবীর্হিরণ্যয়ীর্ব্রহ্মাণমিন্দ্রং বয়োধসম্ ।
পঙ্ক্তিং ছন্দ ইহেন্দ্রিয়ং তুর্যবাহং গাং বয়ো দধদ্ব্যন্ত্বাজ্যস্য হোতর্যজ ॥২৮॥
28.29
হোতা যক্ষত্সুপেশসা সুশিল্পে বৃহতী উভে নক্তোষাসা ন দর্শতে বিশ্বমিন্দ্রং বয়োধসম্ ।
ত্রিষ্টুভং ছন্দ ইহেন্দ্রিয়ং পষ্ঠবাহং গাং বয়ো দধদ্বীতামাজ্যস্য হোতর্যজ ॥২৯॥
28.30
হোতা যক্ষত্প্রচেতসা দেবানামুত্তমং যশো হোতারা দৈব্যা কবী সয়ুজেন্দ্রং বয়োধসম্ ।
জগতীং ছন্দ ইন্দ্রিয়মনড্বাহং গাং বয়ো দধদ্বীতামাজ্যস্য হোতর্যজ ॥৩০॥
28.31
হোতা যক্ষত্পেশস্বতীস্তিস্রো দেবীর্হিরণ্যয়ীর্ভারতীর্বৃহতীর্মহীঃ পতিমিন্দ্রং বয়োধসম্ ।
বিরাজং ছন্দ ইহেন্দ্রিয়ং ধেনুং গাং ন বয়ো দধদ্ব্যন্ত্বাজ্যস্য হোতর্যজ ॥৩১॥
28.32
হোতা যক্ষত্সুরেতসং ত্বষ্টারং পুষ্টিবর্ধনং রূপাণি বিভ্রতং পৃথক্ পুষ্টিমিন্দ্রং বয়োধসম্ ।
দ্বিপদং ছন্দ ইন্দ্রিয়মুক্ষাণং গাং ন বয়ো দধদ্বেত্বাজ্যস্য হোতর্যজ ॥৩২॥
28.33
হোতা যক্ষদ্বনস্পতিং শমিতারং শতক্রতুং হিরণ্যপর্ণমুক্থিনং রশনাং বিভ্রতং বশিং ভগমিন্দ্রং বয়োধসম্ ।
ককুভং ছন্দ ইহেন্দ্রিয়ং বশাং বেহতং গাং বয়ো দধদ্বেত্বাজ্যস্য হোতর্যজ ॥৩৩॥
28.34
হোতা যক্ষত্স্বাহাকৃতীরগ্নিং গৃহপতিং পৃথগ্বরুণং ভেষজং কবিং ক্ষত্রমিন্দ্রং বয়োধসম্ ।
অতিচ্ছন্দসং ছন্দ ইন্দ্রিয়ং বৃহদৃষভং গাং বয়ো দধদ্ব্যন্ত্বাজ্যস্য হোতর্যজ ॥৩৪॥
28.35
দেবং বর্হির্বয়োধসং দেবমিন্দ্রমবর্ধয়ৎ ।
গায়ত্র্যা ছন্দসেন্দ্রিয়ং চক্ষুরিন্দ্রে বয়ো দধদ্বসুবনে বসুধেয়স্য বেতু যজ ॥৩৫॥
28.36
দেবীর্দ্বারো বয়োধসং শুচিমিন্দ্রমবর্ধয়ন্ ।
উষ্ণিহা ছন্দসেন্দ্রিয়ং প্রাণমিন্দ্রে বয়ো দধদ্বসুবনে বসুধেয়স্য ব্যন্তু যজ ॥৩৬॥
28.37
দেবী উষাসানক্তা দেবমিন্দ্রং বয়োধসং দেবী দেবমবর্ধতাম্ ।
অনুষ্টুভা ছন্দসেন্দ্রিয়ং বলমিন্দ্রে বয়ো দধদ্বসুবনে বসুধেয়স্য বীতাং যজ ॥৩৭॥
28.38
দেবী জোষ্ট্রী বসুধিতী দেবমিন্দ্রং বয়োধসং দেবী দেবমবর্ধতাম্ ।
বৃহত্যা ছন্দসেন্দ্রিয়ং শ্রোত্রমিন্দ্রে বয়ো দধদ্বসুবনে বসুধেয়স্য বীতাং যজ ॥৩৮॥
28.39
দেবী ঊর্জাহুতী দুঘে সুদুঘে পয়সেন্দ্রং বয়োধসং দেবী দেবমবর্ধতাম্ ।
পঙ্ক্ত্যা ছন্দসেন্দ্রিয়ং শুক্রমিন্দ্রে বয়ো দধদ্বসুবনে বসুধেয়স্য বীতাং যজ ॥৩৯॥
28.40
দেবা দৈব্যা হোতারা দেবমিন্দ্রং বয়োধসং দেবৌ দেবমবর্ধতাম্ ।
ত্রিষ্টুভা ছন্দসেন্দ্রিয়ং ত্বিষিমিন্দ্রে বয়ো দধদ্বসুবনে বসুধেয়স্য বীতাং যজ ॥৪০॥
28.41
দেবীস্তিস্রস্তিস্রো দেবীর্বয়োধসং পতিমিন্দ্রমবর্ধয়ন্ ।
জগত্যা ছন্দসেন্দ্রিয়ং শূষমিন্দ্রে বয়ো দধদ্বসুবনে বসুধেয়স্য ব্যন্তু যজ ॥৪১॥
28.42
দেবো নরাশংসো দেবমিন্দ্রং বয়োধসং দেবো দেবমবর্ধয়ৎ ।
বিরাজা ছন্দসেন্দ্রিয়ং রুপমিন্দ্রে বয়ো দধদ্বসুবনে বসুধেয়স্য বেতু যজ ॥৪২॥
28.43
দেবো বনস্পতির্দেবমিন্দ্রং বয়োধসং দেবো দেবমবর্ধয়ৎ ।
দ্বিপদা ছন্দসেন্দ্রিয়ং ভগমিন্দ্রে বয়ো দধদ্বসুবনে বসুধেয়স্য বেতু যজ ॥৪৩॥
28.44
দেবং বর্হির্বারিতীনাং দেবমিন্দ্রং বয়োধসং দেবং দেবমবর্ধয়ৎ ।
ককুভা ছন্দসেন্দ্রিয়ং যশ ইন্দ্রে বয়ো দধদ্বসুবনে বসুধেয়স্য বেতু যজ ॥৪৪॥
28.45
দেবো অগ্নিঃ স্বিষ্টকৃদ্দেবমিন্দ্রং বয়োধসং দেবমবর্ধয়ৎ ।
অতিচ্ছন্দসা ছন্দসেন্দ্রিয়ং ক্ষত্রমিন্দ্রে বয়ো দধদ্বসুবনে বসুধেয়স্য বেতু যজ ॥৪৫॥
28.46
অগ্নিমদ্য হোতারমবৃণীতায়ং যজমানঃ পচন্পক্তীঃ পচন্পুরোডাশং বধ্নন্নিন্দ্রায় বয়োধসে ছাগম্ ।
সূপস্থা অদ্য দেবো বনস্পতিরভবদিন্দ্রায় বয়োধসে ছাগেন ।
অঘত্তং মেদস্তঃ প্রতিপচতাগ্রভীদবীবৃধত্পুরোডাশেন । ত্বামদ্য ঋষে ॥৪৬॥