Utshovঅধ্যায় 26
26.1
অগ্নিশ্চ পৃথিবী চ সন্নতে তে মে সং নমতামদো বায়ুশ্চান্তরিক্ষং চ সন্নতে তে মে সং নমতামদ
আদিত্যশ্চ দ্যৌশ্চ সন্নতে তে মে সং নমতামদ আপশ্চ বরুণশ্চ সন্নতে তে মে সং নমতামদঃ ।
সপ্ত সংসদো অষ্টমী ভূতসাধনী । সকামাঁ২অধ্বনস্কুরু সংজ্ঞানমস্তু মেঽমুনা ॥১॥
26.2
যথেমাং বাচং কল্যাণীমাবদানি জনেভ্যঃ ।
ব্রহ্মরাজন্যাভ্যাং শূদ্রায় চার্যায় চ স্বায় চারণায় চ ।
প্রিয়ো দেবানাং দক্ষিণায়ৈ দাতুরিহ ভূয়াসময়ং মে কামঃ সমৃধ্যতামুপ মাদো নমতু ॥২॥
26.3
বৃহস্পতে অতি যদর্যো অর্হাদ্ দ্যুমদ্বিভাতি ক্রতুমজ্জনেষু ।
যদ্দীদয়চ্ছবস ঋতপ্রজাত তদস্মাসু দ্রবিণং ধেহি চিত্রম্ ।
উপয়ামগৃহীতোঽসি বৃহস্পতয়ে ত্বৈষ তে যোনির্বৃহস্পতয়ে ত্বা ॥৩॥
26.4
ইন্দ্র গোমন্নিহা যাহি পিবা সোমং শতক্রতো । বিদ্যদ্ভির্গ্রাবভিঃ সুতম্ ।
উপয়ামগৃহীতোঽসীন্দ্রায় ত্বা গোমত এষ তে যোনিরিন্দ্রায় ত্বা গোমতে ॥৪॥
26.5
ইন্দ্রা যাহি বৃত্রহন্পিবা সোমং শতক্রতো । গোমদ্ভির্গ্রাবভিঃ সুতম্ ।
উপয়ামগৃহীতোঽসীন্দ্রায় ত্বা গোমত এষ তে যোনিরিন্দ্রায় ত্বা গোমতে ॥৫॥
26.6
ঋতাবানং বৈশ্বানরমৃতস্য জ্যোতিষস্পতিম্ । অজস্রং ঘর্মমীমহে ।
উপয়ামগৃহীতোঽসি বৈশ্বানরায় ত্বৈষ তে যোনির্বৈশ্বানরায় ত্বা ॥৬॥
26.7
বৈশ্বানরস্য সুমতৌ স্যাম রাজা হি কং ভুবনানামভিশ্রীঃ ।
ইতো জাতো বিশ্বমিদং বি চষ্টে বৈশ্বানরো যততে সূর্যেণ ।
উপয়ামগৃহীতোঽসি বৈশ্বানরায় ত্বৈষ তে যোনির্বৈশ্বানরায় ত্বা ॥৭॥
26.8
বৈশ্বানরো ন ঊতয় আ প্র যাতু পরাবতঃ । অগ্নিরুক্থেন বাহসা ।
উপয়ামগৃহীতোঽসি বৈশ্বানরায় ত্বৈষ তে যোনির্বৈশ্বানরায় ত্বা ॥৮॥
26.9
অগ্নিরৃষিঃ পবমানঃ পাঞ্চজন্যঃ পুরোহিতঃ । তমীমহে মহাগয়ম্ ।
উপয়ামগৃহীতোঽস্যগ্নয়ে ত্বা বর্চস এষ তে যোনিরগ্নয়ে ত্বা বর্চসে ॥৯॥
26.10
মহাঁ২ ইন্দ্রো বজ্রহস্তঃ ষোডশী শর্ম যচ্ছতু । হন্তু পাপ্মানং যোঽস্মান্দ্বেষ্টি ।।
উপয়ামগৃহীতোঽসি মহেন্দ্রায় ত্বৈষ তে যোনির্মহেন্দ্রায় ত্বা ॥১০॥
26.11
তং বো দস্মমৃতীষহং বসোর্মন্দানমন্ধসঃ । অভি বত্সং ন স্বসরেষু ধেনব ইন্দ্রং গীর্ভির্নবামহে ॥১১॥
26.12
যদ্বাহিষ্ঠং তদগ্নয়ে বৃহদর্চ বিভাবসো । মহিষীব ত্বদ্রয়িস্ত্বদ্বাজা উদীরতে ॥১২॥
26.13
এহ্যূ ষু ব্রবাণি তেঽগ্ন ইত্থেতরা গিরঃ । এভির্বর্ধাস ইন্দুভিঃ ॥১৩॥
26.14
ঋতবস্তে যজ্ঞং বি তন্বন্তু মাসা রক্ষন্তু তে হবিঃ ।
সংবত্সরস্তে যজ্ঞং দধাতু নঃ প্রজাং চ পরি পাতু নঃ ॥১৪॥
26.15
উপহ্বরে গিরীণাং সঙ্গমে চ নদীনাম্ । ধিয়া বিপ্রো অজায়ত ॥১৫॥
26.16
উচ্চা তে জাতমন্ধসো দিবি সদ্ভূম্যা দদে । উগ্রং শর্ম মহি শ্রবঃ ॥১৬॥
26.17
স ন ইন্দ্রায় যজ্যবে বরুণায় মরুদ্ভ্যঃ । বরিবোবিত্পরি স্রব ॥১৭॥
26.18
এনা বিশ্বান্যর্য আ দ্যুম্নানি মানুষাণাম্ । সিষাসন্তো বনামহে ॥১৮॥
26.19
অনু বীরৈরনু পুষ্যাস্ম গোভিরন্বশ্বৈরনু সর্বেণ পুষ্টৈঃ ।
অনু দ্বিপদাঽনু চতুষ্পদা বয়ং দেবা নো যজ্ঞমৃতুথা নয়ন্তু ॥১৯॥
26.20
অগ্নে পত্নীরিহা বহ দেবানামুশতীরুপ । ত্বষ্টারং সোমপীতয়ে ॥২০॥
26.21
অভি যজ্ঞং গৃণীহি নো গ্নাবো নেষ্টঃ পিব ঋতুনা ।
ত্বং হি রত্নধা অসি ॥২১॥
26.22
দ্রবিণোদাঃ পিপীষতি জুহোত প্র চ তিষ্ঠত । নেষ্ট্রাদৃতুভিরিষ্যত ॥২২॥
26.23
তবায়ং সোমস্ত্বমেহ্যর্বাড্ শশ্বত্তমং সুমনা অস্য পাহি ।
অস্মিন্ যজ্ঞে বর্হিষ্যা নিষদ্যা দধিষ্বেমং জঠর ইন্দুমিন্দ্র ॥২৩॥
26.24
অমেব নঃ সুহবা আ হি গন্তন নি বর্হিষি সদতনা রণিষ্টন ।
অথা মন্দস্ব জুজুষাণো অন্ধসস্ত্বষ্টর্দেবেভির্জনিভিঃ সুমদ্গণঃ ॥২৪॥
26.25
স্বাদিষ্ঠয়া মদিষ্ঠয়া পবস্ব সোম ধারয়া । ইন্দ্রায় পাতবে সুতঃ ॥২৫॥
26.26
রক্ষোহা বিশ্বচর্ষণিরভি যোনিময়োহতে । দ্রোণে সধস্থমাসদৎ ॥২৬॥