Utshovঅধ্যায় 19
19.1
স্বাদ্বীং ত্বা স্বাদুনা তীব্রাং তীব্রেণামৃতামমৃতেন । মধুমতীং মধুমতা সৃজামি সং সোমেন ।
সোমোঽস্যশ্বিভ্যাং পচ্যস্ব সরস্বত্যৈ পচ্যস্বেন্দ্রায় সুত্রাম্ণে পচ্যস্ব ॥১॥
19.2
পরীতো ষিঞ্চতা সুতং সোমো য উত্তমং হবিঃ ।
দধন্বা যো নর্যো অপ্স্বন্তরা সুষাব সোমমদ্রিভিঃ ॥২॥
19.3
বায়োঃ পূতঃ পবিত্রেণ প্রত্যঙ্ক্সোমো অতিদ্রুতঃ । ইন্দ্রস্য যুজ্যঃ সখা ॥৩॥
19.4
পুনাতি তে পরিস্রুতং সোমং সূর্যস্য দুহিতা । বারেণ শশ্বতা তনা ॥৪॥
19.5
ব্রহ্ম ক্ষত্রং পবতে তেজ ইন্দ্রিয়ং সুরয়া সোমঃ সুত আসুতো মদায় ।
শুক্রেণ দেব দেবতাঃ পিপৃগ্ধি রসেনান্নং যজমানায় ধেহি ॥৫॥
19.6
কুবিদঙ্গ যবমন্তো যবং চিদ্যথা দান্ত্যনুপূর্বং বিয়ূয় ।
ইহেহৈষাং কৃণুহি ভোজনানি যে বর্হিষো নম উক্তিং যজন্তি ।
উপয়ামগৃহীতোঽস্যশ্বিভ্যাং ত্বা সরস্বত্যৈ ত্বেন্দ্রায় ত্বা সুত্রাম্ণ এষ তে যোনিস্তেজসে ত্বা বীর্যায় ত্বা বলায় ত্বা ॥৬॥
19.7
নানা হি বাং দেবহিতং সদস্কৃতং মা সং সৃক্ষাথাং পরমে ব্যোমন্ ।
সুরা ত্বমসি শুষ্মিণী সোম এষ মা মা হিংসীঃ স্বাং যোনিমাবিশন্তী ॥৭॥
19.8
উপয়ামগৃহীতোঽস্যাশ্বিনং তেজঃ সারস্বতং বীর্যমৈন্দ্রং বলম্ ।
এষ তে যোনির্মোদায় ত্বা ঽঽনন্দায় ত্বা মহসে ত্বা ॥৮॥
19.9
তেজোঽসি তেজো ময়ি ধেহি বীর্যমসি বীর্যং ময়ি ধেহি বলমসি বলং ময়ি ধেহ্যোজোঽস্যোজো ময়ি ধেহি মন্যুরসি মন্যুং ময়ি ধেহি সহোঽসি সহো ময়ি ধেহি ॥৯॥
19.10
যা ব্যাঘ্রং বিষূচিকোভৌ বৃকং চ রক্ষতি । শ্যেনং পতত্রিণং সিংহং সেমং পাত্বংহসঃ ॥১০॥
19.11
যদাপিপেষ মাতরং পুত্রঃ প্রমুদিতো ধয়ন্ । এতত্তদগ্নে অনৃণো ভবাম্যহতৌ পিতরৌ ময়া ।
সম্পৃচ স্থ সং মা ভদ্রেণ পৃঙ্ক্ত বিপৃচ স্থ বি মা পাপ্মনা পৃঙ্ক্ত ॥১১॥
19.12
দেবা যজ্ঞমতন্বত ভেষজং ভিষজাঽশ্বিনা । বাচা সরস্বতী ভিষগিন্দ্রায়েন্দ্রিয়াণি দধতঃ ॥১২॥
19.13
দীক্ষায়ৈ রূপং শষ্পাণি প্রায়ণীয়স্য তোক্মানি । ক্রয়স্য রূপং সোমস্য লাজাঃ সোমাংশবো মধু ॥১৩॥
19.14
আতিথ্যরূপং মাসরং মহাবীরস্য নগ্নহুঃ । রূপমুপসদামেতত্তিস্রো রাত্রীঃ সুরাঽঽসুতা ॥১৪॥
19.15
সোমস্য রূপং ক্রীতস্য পরিস্রুত্পরি ষিচ্যতে । অশ্বিভ্যাং দুগ্ধং ভেষজমিন্দ্রায়ৈন্দ্রং সরস্বত্যা ॥১৫॥
19.16
আসন্দী রূপং রাজাসন্দ্যৈ বেদ্যৈ কুম্ভী সুরাধানী । অন্তর উত্তরবেদ্যা রূপং কারোতরো ভিষক্ ॥১৬॥
19.17
বেদ্যা বেদিঃ সমাপ্যতে বর্হিষা বর্হিরিন্দ্রিয়ম্ । যূপেন যূপ আপ্যতে প্রণীতো অগ্নিরগ্নিনা ॥১৭॥
19.18
হবির্ধানং যদশ্বিনাঽঽগ্নীধ্রং যত্সরস্বতী । ইন্দ্রায়ৈন্দ্রং সদস্কৃতং পত্নীশালং গার্হপত্যঃ ॥১৮॥
19.19
প্রৈষেভিঃ প্রৈষানাপ্নোত্যাপ্রীভিরাপ্রীর্যজ্ঞস্য । প্রয়াজেভিরনুয়াজান্ বষট্কারেভিরাহুতীঃ ॥১৯॥
19.20
পশুভিঃ পশূনাপ্নোতি পুরোডাশৈর্হবীংষ্যা । ছন্দোভিঃ সামিধেনীর্যাজ্যাভির্বষট্কারান্ ॥২০॥
19.21
ধানাঃ করম্ভঃ সক্তবঃ পরীবাপঃ পয়ো দধি । সোমস্য রূপং হবিষ আমিক্ষা বাজিনং মধু ॥২১॥
19.22
ধানানাং রূপং কুবলং পরীবাপস্য গোধূমাঃ । সক্তূনাং রূপং বদরমুপবাকাঃ করম্ভস্য ॥২২॥
19.23
পয়সো রূপং যদ্যবা দধ্নো রূপং কর্কন্ধূনি । সোমস্য রূপং বাজিনং সৌম্যস্য রূপমামিক্ষা ॥২৩॥
19.24
আ শ্রাবয়েতি স্তোত্রিয়াঃ প্রত্যাশ্রাবো অনুরূপঃ । যজেতি ধায্যারূপং প্রগাথা যেয়জামহাঃ ॥২৪॥
19.25
অর্ধ – ঋচৈরুক্থানাং রূপং পদৈরাপ্নোতি নিবিদঃ । প্রণবৈঃ শস্ত্রাণাং রূপং পয়সা সোম আপ্যতে ॥২৫॥
19.26
অশ্বিভ্যাং প্রাতঃ সবনমিন্দ্রেণৈন্দ্রং মাধ্যংন্দিনম্ । বৈশ্বদেবং সরস্বত্যা তৃতীয়মাপ্তং সবনম্ ॥২৬॥
19.27
বায়ব্যৈর্বায়ব্যান্যাপ্নোতি সতেন দ্রোণকলশম্ । কুম্ভীভ্যামম্ভৃণৌ সুতে স্থালীভি স্থালীরাপ্নোতি ॥২৭॥
19.28
যজুর্ভিরাপ্যন্তে গ্রহা গ্রহৈ স্তোমাশ্চ বিষ্টুতীঃ । ছন্দোভিরুক্থাশস্ত্রাণি সাম্নাবভৃথ আপ্যতে ॥২৮॥
19.29
ইডাভির্ভক্ষানাপ্নোতি সূক্তবাকেনাশিষঃ । শংয়ুনা পত্নীসংয়াজান্ত্সমিষ্টয়জুষা সংস্থাম্ ॥২৯॥
19.30
ব্রতেন দীক্ষামাপ্নোতি দীক্ষয়াঽঽপ্নোতি দক্ষিণাম্ । দক্ষিণা শ্রদ্ধামাপ্নোতি শ্রদ্ধয়া সত্যমাপ্যতে ॥৩০॥
19.31
এতাবদ্রূপং যজ্ঞস্য যদ্দেবৈর্ব্রহ্মণা কৃতম্ । তদেতত্সর্বমাপ্নোতি যজ্ঞে সৌত্রামণী সুতে ॥৩১॥
19.32
সুরাবন্তং বর্হিষদং সুবীরং যজ্ঞং হিন্বন্তি মহিষা নমোভিঃ ।
দধানাঃ সোমং দিবি দেবতাসু মদেমেন্দ্রঁ যজমানাঃ স্বর্কাঃ ॥৩২॥
19.33
যস্তে রসঃ সম্ভৃত ওষধীষু সোমস্য শুষ্মঃ সুরয়া সুতস্য । তেন জিন্ব যজমানং মদেন সরস্বতীমশ্বিনাবিন্দ্রমগ্নিম্ ॥৩৩॥
19.34
যমশ্বিনা নমুচেরাসুরাদধি সরস্বত্যসুনোদিন্দ্রিয়ায় ।
ইমং তং শুক্রং মধুমন্তমিন্দুং সোমং রাজানমিহ ভক্ষয়ামি ॥৩৪॥
19.35
যদত্র রিপ্তং রসিনঃ সুতস্য যদিন্দ্রো অপিবচ্ছচীভিঃ ।
অহং তদস্য মনসা শিবেন সোমং রাজানমিহ ভক্ষয়ামি ॥৩৫॥
19.36
পিতৃভ্যঃ স্বধায়িভ্যঃ স্বধা নমঃ পিতামহেভ্যঃ স্বধায়িভ্যঃ স্বধা নমঃ প্রপিতামহেভ্যঃ স্বধায়িভ্যঃ স্বধা নমঃ । অক্ষন্ পিতরো ঽমীমদন্ত পিতরো ঽতীতৃপন্ত পিতরঃ পিতরঃ শুন্ধধ্বম্ ॥৩৬॥
19.37
পুনন্তু মা পিতরঃ সোম্যাসঃ পুনন্তু মা পিতামহাঃ পুনন্তু প্রপিতামহাঃ । পবিত্রেণ শতায়ুষা ।
পুনন্তু মা পিতামহাঃ পুনন্তু প্রপিতামহাঃ । পবিত্রেণ শতায়ুষা বিশ্বমায়ুর্ব্যশ্নবৈ ॥৩৭॥
19.38
অগ্ন আয়ূ ংষি পবস আ সুবোর্জমিষং চ নঃ । আরে বাধস্ব দুচ্ছুনাম্ ॥৩৮॥
19.39
পুনন্তু মা দেবজনাঃ পুনন্তু মনসা ধিয়ঃ । পুনন্তু বিশ্বা ভূতানি জাতবেদঃ পুনীহি মা ॥৩৯॥
19.40
পবিত্রেণ পুনীহি মা শুক্রেণ দেব দীদ্যৎ । অগ্নে ক্রত্বা ক্রতূঁ১ রনু ॥৪০॥
19.41
যত্তে পবিত্রমর্চিষ্যগ্নে বিততমন্তরা । ব্রহ্ম তেন পুনাতু মা ॥৪১॥
19.42
পবমানঃ সো অদ্য নঃ পবিত্রেণ বিচর্ষণিঃ । যঃ পোতা স পুনাতু মা ॥৪২॥
19.43
উভাভ্যাং দেব সবিতঃ পবিত্রেণ সবেন চ । মাং পুনীহি বিশ্বতঃ ॥৪৩॥
19.44
বৈশ্বদেবী পুনতী দেব্যাগাদ্যস্যামিমা বহ্ব্যস্তন্বো বীতপৃষ্ঠাঃ ।
তয়া মদন্তঃ সধমাদেষু বয়ং স্যাম পতয়ো রয়ীণাম্ ॥৪৪॥
19.45
যে সমানাঃ সমনসঃ পিতরো যমরাজ্যে । তেষাঁল্লোকঃ স্বধা নমো যজ্ঞো দেবেষু কল্পতাম্ ॥৪৫॥
19.46
যে সমানাঃ সমনসো জীবা জীবেষু মামকাঃ । তেষাং শ্রীর্ময়ি কল্পতামস্মিঁল্লোকে শতং সমাঃ ॥৪৬॥
19.47
দ্বে সৃতী অশৃণবং পিতৄণামহং দেবানামুত মর্ত্যানাম্ ।
তাভ্যামিদং বিশ্বমেজত্সমেতি যদন্তরা পিতরং মাতরং চ ॥৪৭॥
19.48
ইদং হবিঃ প্রজননং মে অস্তু দশবীরং সর্বগণং স্বস্তয়ে ।
আত্মসনি প্রজাসনি পশুসনি লোকসন্যভয়সনি ।
অগ্নিঃ প্রজাং বহুলাং মে করোত্বন্নং পয়ো রেতো অস্মাসু ধত্ত ॥৪৮॥
19.49
উদীরতামবর উত্পরাস উন্মধ্যমাঃ পিতরঃ সোম্যাসঃ ।
অসুং য ঈয়ুরবৃকা ঋতজ্ঞাস্তে নোঽবন্তু পিতরো হবেষু ॥৪৯॥
19.50
অঙ্গিরসো নঃ পিতরো নবগ্বা অথর্বাণো ভৃগবঃ সোম্যাসঃ ।
তেষাং বয়ং সুমতৌ যজ্ঞিয়ানামপি ভদ্রে সৌমনসে স্যাম ॥৫০॥
19.51
যে নঃ পূর্বে পিতরঃ সোম্যাসোঽনূহিরে সোমপীথং বসিষ্ঠাঃ ।
তেভির্যমঃ সররাণো হবীংষ্যুশন্নুশদ্ভিঃ প্রতিকামমত্তু ॥৫১॥
19.52
ত্বং সোম প্র চিকিতো মনীষা ত্বং রজিষ্ঠমনু নেষি পন্থাম্ ।
তব প্রণীতী পিতরো ন ইন্দো দেবেষু রত্নমভজন্ত ধীরাঃ ॥৫২॥
19.53
ত্বয়া হি নঃ পিতরঃ সোম পূর্বে কর্মাণি চক্রুঃ পবমান ধীরাঃ ।
বন্বন্নবাতঃ পরিধীঁ১ রপোর্ণু বীরেভিরশ্বৈর্মঘবা ভবা নঃ ॥৫৩॥
19.54
ত্বং সোম পিতৃভিঃ সংবিদানোঽনু দ্যাবাপৃথিবী আ ততন্থ ।
তস্মৈ ত ইন্দো হবিষা বিধেম বয়ং স্যাম পতয়ো রয়ীণাম্ ॥৫৪॥
19.55
বর্হিষদঃ পিতর ঊত্য র্বাগিমা বো হব্যা চকৃমা জুষধ্বম্ ।
ত আ গতাবসা শন্তমেনাথা নঃ শং যোররপো দধাত ॥৫৫॥
19.56
আঽহং পিতৄন্ত্সুবিদত্রাঁ২ অবিত্সি নপাতং চ বিক্রমণং চ বিষ্ণোঃ ।
বর্হিষদো যে স্বধয়া সুতস্য ভজন্ত পিত্বস্ত ইহাগমিষ্ঠাঃ ॥৫৬॥
19.57
উপহূতাঃ পিতরঃ সোম্যাসো বর্হিষ্যেষু নিধিষু প্রিয়েষু ।
ত আ গমন্তু ত ইহ শ্রুবন্ত্বধি ব্রুবন্তু তেঽবন্ত্বস্মান্ ॥৫৭॥
19.58
আ যন্তু নঃ পিতরঃ সোম্যাসোঽগ্নিষ্বাত্তাঃ পথিভির্দেবয়ানৈঃ ।
অস্মিন্ যজ্ঞে স্বধয়া মদন্তোঽধি ব্রুবন্তু তেঽবন্ত্বস্মান্ ॥৫৮॥
19.59
অগ্নিষ্বাত্তাঃ পিতর এহ গচ্ছত সদঃ – সদঃ সদত সুপ্রণীতয়ঃ ।
অত্তা হবীংষি প্রয়তানি বর্হিষ্যথা রয়িং সর্ববীরং দধাতন ॥৫৯॥
19.60
যে অগ্নিষ্বাত্তা যে অনগ্নিষ্বাত্তা মধ্যে দিবঃ স্বধয়া মাদয়ন্তে ।
তেভ্যঃ স্বরাডসুনীতিমেতাং যথাবশং তন্বং কল্পয়াতি ॥৬০॥
19.61
অগ্নিষ্বাত্তানৃতুমতো হবামহে নারাশংসে সোমপীথং য আশুঃ ।
তে নো বিপ্রাসঃ সুহবা ভবন্তু বয়ং স্যাম পতয়ো রয়ীণাম্ ॥৬১॥
19.62
আচ্যা জানু দক্ষিণতো নিষদ্যেমং যজ্ঞমভি গৃণীত বিশ্বে ।
মা হিংসিষ্ট পিতরঃ কেন চিন্নো যদ্ব আগঃ পুরুষতা করাম ॥৬২॥
19.63
আসীনাসো অরুণীনামুপস্থে রয়িং ধত্ত দাশুষে মর্ত্যায় ।
পুত্রেভ্যঃ পিতরস্তস্য বস্বঃ প্র যচ্ছত ত ইহোর্জং দধাত ॥৬৩॥
19.64
যমগ্নে কব্যবাহন ত্বং চিন্মন্যসে রয়িম্ । তন্নো গীর্ভিঃ শ্রবায্যং দেবত্রা পনয়া যুজম্ ॥৬৪॥
19.65
যো অগ্নিঃ কব্যবাহনঃ পিতৄন্ যক্ষদৃতাবৃধঃ ।
প্রেদু হব্যানি বোচতি দেবেভ্যশ্চ পিতৃভ্য আ ॥৬৫॥
19.66
ত্বমগ্ন ঈডিতঃ কব্যবাহনাবাড্ঢব্যানি সুরভীণি কৃত্বী ।
প্রাদাঃ পিতৃভ্যঃ স্বধয়া তে অক্ষন্নদ্ধি ত্বং দেব প্রয়তা হবীংষি ॥৬৬॥
19.67
যে চেহ পিতরো যে চ নেহ যাঁশ্চ বিদ্ম যাঁ২ উ চ ন প্রবিদ্ম ।
ত্বং বেত্থ যতি তে জাতবেদঃ স্বধাভির্যজ্ঞঁ সুকৃতং জুষস্ব ॥৬৭॥
19.68
ইদং পিতৃভ্যো নমো অস্ত্বদ্য যে পূর্বাসো য উপরাস ঈয়ুঃ ।
যে পার্থিবে রজস্যা নিষত্তা যে বা নূনং সুবৃজনাসু বিক্ষু ॥৬৮॥
19.69
অধা যথা নঃ পিতরঃ পরাসঃ প্রত্নাসো অগ্ন ঋতমাশুষাণাঃ ।
শুচীদয়ন্ দীধিতিমুক্থশাসঃ ক্ষামা ভিন্দন্তো অরুণীরপ ব্রন্ ॥৬৯॥
19.70
উশন্তস্ত্বা নি ধীমহ্যুশন্তঃ সমিধীমহি । উশন্নুশত আ বহ পিতৄন্ হবিষে অত্তবে ॥৭০॥
19.71
অপাং ফেনেন নমুচেঃ শির ইন্দ্রোদবর্তয়ঃ । বিশ্বা যদজয় স্পৃধঃ ॥৭১॥
19.72
সোমো রাজামৃতং সুত ঋজীষেণাজহান্মৃত্যুম্ ।
ঋতেন সত্যমিন্দ্রিয়ং বিপানং শুক্রমন্ধস ইন্দ্রস্যেন্দ্রিয়মিদং পয়োঽমৃতং মধু ॥৭২॥
19.73
অদ্ভ্যঃ ক্ষীরং ব্যপিবৎ ক্রুঙ্ঙাঙ্গিরসো ধিয়া ।
ঋতেন সত্যমিন্দ্রিয়ং বিপানং শুক্রমন্ধস ইন্দ্রস্যেন্দ্রিয়মিদং পয়োঽমৃতং মধু ॥৭৩॥
19.74
সোমমদ্ভ্যো ব্যপিবচ্ছন্দসা হংসঃ শুচিষৎ ।
ঋতেন সত্যমিন্দ্রিয়ং বিপানং শুক্রমন্ধস ইন্দ্রস্যেন্দ্রিয়মিদং পয়োঽমৃতং মধু ॥৭৪॥
19.75
অন্নাত্পরিস্রুতো রসং ব্রহ্মণা ব্যপিবৎ ক্ষত্রং পয়ঃ সোমং প্রজাপতিঃ ।
ঋতেন সত্যমিন্দ্রিয়ং বিপানং শুক্রমন্ধস ইন্দ্রস্যেন্দ্রিয়মিদং পয়োঽমৃতং মধু ॥৭৫॥
19.76
রেতো মূত্রং বি জহাতি যোনিং প্রবিশদিন্দ্রয়িম্ । গর্ভো জরায়ুণাঽঽবৃত উল্বং জহাতি জন্মনা ।
ঋতেন সত্যমিন্দ্রিয়ং বিপানং শুক্রমন্ধস ইন্দ্রস্যেন্দ্রিয়মিদং পয়োঽমৃতং মধু ॥৭৬॥
19.77
দৃষ্ট্বা রূপে ব্যাকরোৎ সত্যানৃতে প্রজাপতিঃ । অশ্রদ্ধামনৃতেঽদধাচ্ছ্রদ্ধাং সত্যে প্রজাপতিঃ ।
ঋতেন সত্যমিন্দ্রিয়ং বিপানং শুক্রমন্ধস ইন্দ্রস্যেন্দ্রিয়মিদং পয়োঽমৃতং মধু ॥৭৭॥
19.78
বেদেন রূপে ব্যপিবৎ সুতাসুতৌ প্রজাপতিঃ ।
ঋতেন সত্যমিন্দ্রিয়ং বিপানং শুক্রমন্ধস ইন্দ্রস্যেন্দ্রিয়মিদং পয়োঽমৃতং মধু ॥৭৮॥
19.79
দৃষ্ট্বা পরিস্রুতো রসং শুক্রেণ শুক্রং ব্যপিবৎ পয়ঃ সোমং প্রজাপতিঃ ।
ঋতেন সত্যমিন্দ্রিয়ং বিপানং শুক্রমন্ধস ইন্দ্রস্যেন্দ্রিয়মিদং পয়োঽমৃতং মধু ॥৭৯॥
19.80
সীসেন তন্ত্রং মনসা মনীষিণ ঊর্ণাসূত্রেণ কবয়ো বয়ন্তি ।
অশ্বিনা যজ্ঞং সবিতা সরস্বতীন্দ্রস্য রূপং বরুণো ভিষজ্যন্ ॥৮০॥
19.81
তদস্য রূপমমৃতং শচীভিস্তস্রো দধুর্দেবতাঃ সংররাণাঃ ।
লোমানি শষ্পৈর্বহুধা ন তোক্মভিস্ত্বগস্য মাংসমভবন্ন লাজাঃ ॥৮১॥
19.82
তদশ্বিনা ভিষজা রুদ্রবর্তনী সরস্বতী বয়তি পেশো অন্তরম্ ।
অস্থি মজ্জানং মাসরৈঃ কারোতরেণ দধতো গবাং ত্বচি ॥৮২॥
19.83
সরস্বতী মনসা পেশলং বসু নাসত্যাভ্যাং বয়তি দর্শতং বপুঃ ।
রসং পরিস্রুতা ন রোহিতং নগ্নহুর্ধীরস্তসরং ন বেম ॥৮৩॥
19.84
পয়সা শুক্রমমৃতং জনিত্রং সুরয়া মূত্রাজ্জনয়ন্ত রেতঃ ।
অপামতিং দুর্মতিং বাধমানা ঊবধ্যং বাতং সব্বং তদারাৎ ॥৮৪॥
19.85
ইন্দ্রঃ সুত্রামা হৃদয়েন সত্যং পুরোডাশেন সবিতা জজান ।
যকৃৎ ক্লোমানং বরুণো ভিষজ্যন্ মতস্নে বায়ব্যৈর্ন মিনাতি পিত্তম্ ॥৮৫॥
19.86
আন্ত্রাণি স্থালীর্মধু পিন্বমানা গুদাঃ পাত্রাণি সুদুঘা ন ধেনুঃ ।
শ্যেনস্য পত্রং ন প্লীহা শচীভিরাসন্দী নাভিরুদরং ন মাতা ॥৮৬॥
19.87
কুম্ভো বনিষ্ঠুর্জনিতা শচীভির্যস্মিন্নগ্রে যোন্যাং গর্ভো অন্তঃ ।
প্লাশির্ব্যক্তঃ শতধার উত্সো দুহে ন কুম্ভী স্বধাং পিতৃভ্যঃ ॥৮৭॥
19.88
মুখং সদস্য শির ইৎ সতেন জিহ্বা পবিত্রমশ্বিনাসন্ত্সরস্বতী ।
চপ্পং ন পায়ুর্ভিষগস্য বালো বস্তির্ন শেপো হরসা তরস্বী ॥৮৮॥
19.89
অশ্বিভ্যাং চক্ষুরমৃতং গ্রহাভ্যাং ছাগেন তেজো হবিষা শৃতেন ।
পক্ষ্মাণি গোধূমৈঃ কুবলৈরুতানি পেশো ন শুক্রমসিতং বসাতে ॥৮৯॥
19.90
অবির্ন মেষো নসি বীর্যায় প্রাণস্য পন্থা অমৃতো গ্রহাভ্যাম্ ।
সরস্বত্যুপবাকৈর্ব্যানং নস্যানি বর্হির্বদরৈর্জজান ॥৯০॥
19.91
ইন্দ্রস্য রূপমৃষভো বলায় কর্ণাভ্যাং শ্রোত্রমমৃতং গ্রহাভ্যাম্ ।
যবা ন বর্হির্ভ্রুবি কেসরাণি কর্কন্ধু জজ্ঞে মধু সারঘং মুখাৎ ॥৯১॥
19.92
আত্মন্নুপস্থে ন বৃকস্য লোম মুখে শ্মশ্রূণি ন ব্যাঘ্রলোম ।
কেশা ন শীর্ষন্যশসে শ্রিয়ৈ শিখা সিংহস্য লোম ত্বিষিরিন্দ্রিয়াণি ॥৯২॥
19.93
অঙ্গান্যাত্মন্ ভিষজা তদশ্বিনাত্মানমঙ্গৈঃ সমধাৎ সরস্বতী ।
ইন্দ্রস্য রূপং শতমানমায়ুশ্চন্দ্রেণ জ্যোতিরমৃতং দধানাঃ ॥৯৩॥
19.94
সরস্বতী যোন্যাং গর্ভমন্তরশ্বিভ্যাং পত্নী সুকৃতং বিভর্তি ।
অপাং রসেন বরুণো ন সাম্নেন্দ্রং শ্রিয়ৈ জনয়ন্নপ্সু রাজা ॥৯৪॥
19.95
তেজঃ পশূনাং হবিরিন্দ্রিয়াবৎ পরিস্রুতা পয়সা সারঘং মধু ।
অশ্বিভ্যাং দুগ্ধং ভিষজা সরস্বত্যা সুতাসুতাভ্যামমৃতঃ সোম ইন্দুঃ ॥৯৫॥