Utshovঅধ্যায় 18
18.1
বাজশ্চ মে প্রসবশ্চ মে প্রয়তিশ্চ মে প্রসিতিশ্চ মে ধীতিশ্চ মে ক্রতুশ্চ মে স্বরশ্চ মে শ্লোকশ্চ মে শ্রবশ্চ মে শ্রুতিশ্চ মে জ্যোতিশ্চ মে স্বশ্চ মে যজ্ঞেন কল্পন্তাম্ ॥১॥
18.2
প্রাণশ্চ মেঽপানশ্চ মে ব্যানশ্চ মেঽসুশ্চ মে চিত্তং চ ম আধীতং চ মে বাক্ চ মে মনশ্চ মে চক্ষুশ্চ মে শ্রোত্রং চ মে দক্ষশ্চ মে বলং চ মে যজ্ঞেন কল্পন্তাম্ ॥২॥
18.3
ওজশ্চ মে সহশ্চ ম আত্মা চ মে তনূশ্চ মে শর্ম চ মে বর্ম চ মেঽঙ্গানি চ মেঽস্থীনি চ মে পরূংষি চ মে শরীরাণি চ ম আয়ুশ্চ মে জরা চ মে যজ্ঞেন কল্পন্তাম্ ॥৩॥
18.4
জ্যৈষ্ঠ্যং চ মে আধিপত্যং চ মে মন্যুশ্চ মে ভামশ্চ মেঽমশ্চ মেঽম্ভশ্চ মে জেমা চ মে মহিমা চ মে বরিমা চ মে প্রথিমা চ মে বর্ষিমা চ মে দ্রাঘিমা চ মে বৃদ্ধং চ মে বৃদ্ধিশ্চ মে যজ্ঞেন কল্পন্তাম্ ॥৪॥
18.5
সত্যং চ মে শ্রদ্ধা চ মে জগচ্চ মে ধনং চ মে বিশ্বং চ মে মহশ্চ মে ক্রীডা চ মে মোদশ্চ মে জাতং চ মে জনিষ্যমাণং চ মে সূক্তং চ মে সুকৃতং চ মে যজ্ঞেন কল্পন্তাম্ ॥৫॥
18.6
ঋতং চ মেঽমৃতং চ মে ঽয়ক্ষ্মং চ মে ঽনাময়চ্চ মে জীবাতুশ্চ মে দীর্ঘায়ুত্বং চ মেঽনমিত্রং চ মে ঽভয়ং চ মে সুখং চ মে শয়নং চ মে সূষাশ্চ মে সুদিনং চ মে যজ্ঞেন কল্পন্তাম্ ॥৬॥
18.7
যন্তা চ মে ধর্তা চ মে ক্ষেমশ্চ মে ধৃতিশ্চ মে বিশ্বং চ মে মহশ্চ মে সংবিচ্চ মে জ্ঞাত্রং চ মে সূশ্চ মে প্রসূশচ মে সীরং চ মে লয়শ্চ মে যজ্ঞেন কল্পন্তাম্ ॥৭॥
18.8
শং চ মে ময়শ্চ মে প্রিয়ং চ মেঽনুকামশ্চ মে কামশ্চ মে সৌমনসশ্চ মে ভগশ্চ মে দ্রবিণং চ মে ভদ্রং চ মে শ্রেয়শ্চ মে বসীয়শ্চ মে যশশ্চ মে যজ্ঞেন কল্পন্তাম্ ॥৮॥
18.9
ঊর্ক্ চ মে সূনৃতা চ মে পয়শ্চ মে রসশ্চ মে ঘৃতং চ মে মধু চ মে সগ্ধিশ্চ মে সপীতিশ্চ মে কৃষিশ্চ মে বৃষ্টিশ্চ মে জৈত্রং চ ম ঔদ্ভিদ্যং চ মে যজ্ঞেন কল্পন্তাম্ ॥৯॥
18.10
রয়িশ্চ মে রায়শ্চ মে পুষ্টং চ মে পুষ্টিশ্চ মে বিভু চ মে প্রভু চ মে পূর্ণং চ মে পূর্ণতরং চ মে কুয়বং চ মেঽক্ষিতং চ মেঽন্নং চ মেঽক্ষুচ্চ মে যজ্ঞেন কল্পন্তাম্ ॥১০॥
18.11
বিত্তং চ মে বেদ্যং চ মে ভূতং চ মে ভবিষ্যচ্চ মে সুগং চ মে সুপথ্যং চ ম ঋদ্ধং চ ম ঋদ্ধিশ্চ মে ক্লৃপ্তং চ মে ক্লৃপ্তিশ্চ মে মতিশ্চ মে সুমতিশ্চ মে যজ্ঞেন কল্পন্তাম্ ॥১১॥
18.12
ব্রীহয়শ্চ মে যবাশ্চ মে মাষাশ্চ মে তিলাশ্চ মে মুদ্রাশ্চ মে খল্বাশ্চ মে প্রিয়ঙ্গবশ্চ মেঽণবশ্চ মে শ্যামাকাশ্চ মে নীবারাশ্চ মে গোধূমাশ্চ মে মসূরাশ্চ মে যজ্ঞেন কল্পন্তাম্ ॥১২॥
18.13
অশ্মা চ মে মৃত্তিকা চ মে গিরয়শ্চ মে পর্বতাশ্চ মে সিকতাশ্চ মে বনস্পতয়শ্চ মে হিরণ্যং চ মেঽয়শ্চ মে শ্যামং চ মে লোহং চ মে সীসং চ মে ত্রপু চ মে যজ্ঞেন কল্পন্তাম্ ॥১৩॥
18.14
অগ্নিশ্চ ম আপশ্চ মে বীরুধশ্চ ম ওষধয়শ্চ মে কৃষ্টপচ্যাশ্চ মেঽকৃষ্টপচ্যাশ্চ মে গ্রাম্যাশ্চ মে পশব আরণ্যাশ্চ মে বিত্তং চ মে বিত্তিশ্চ মে ভূতং চ মে ভূতিশ্চ মে যজ্ঞেন কল্পন্তাম্ ॥১৪॥
18.15
বসু চ মে বসতিশ্চ মে কর্ম চ মে শক্তিশ্চ মে ঽর্থশ্চ ম এমশ্চ ম ইত্যা চ মে গতিশ্চ মে যজ্ঞেন কল্পন্তাম্ ॥১৫॥
18.16
অগ্নিশ্চ ম ইন্দ্রশ্চ মে সোমশ্চ ম ইন্দ্রশ্চ মে সবিতা চ ম ইন্দ্রশ্চ মে সরস্বতী চ ম ইন্দ্রশ্চ মে পূষা চ ম ইন্দ্রশ্চ মে বৃহস্পতিশ্চ ম ইন্দ্রশ্চ মে যজ্ঞেন কল্পন্তাম্ ॥১৬॥
18.17
মিত্রশ্চ ম ইন্দ্রশ্চ মে বরুণশ্চ ম ইন্দ্রশ্চ মে ধাতা চ ম ইন্দ্রশ্চ মে ত্বষ্টা চ ম ইন্দ্রশ্চ মে মরুতশ্চ ম ইন্দ্রশ্চ মে বিশ্বে চ মে দেবা ইন্দ্রশ্চ মে যজ্ঞেন কল্পন্তাম্ ॥১৭॥
18.18
পৃথিবী চ ম ইন্দ্রশ্চ মেঽন্তরিক্ষং চ ম ইন্দ্রশ্চ মে দ্যৌশ্চ ম ইন্দ্রশ্চ মে সমাশ্চ ম ইন্দ্রশ্চ মে নক্ষত্রাণি চ ম ইন্দ্রশ্চ মে দিশশ্চ ম ইন্দ্রশ্চ মে যজ্ঞেন কল্পন্তাম্ ॥১৮॥
18.19
অংশুশ্চ মে রশ্মিশ্চ মেঽদাভ্যশ্চ মেঽধিপতিশ্চ ম উপাংশুশ্চ মেঽন্তর্যামশ্চ ম ঐন্দ্রবায়বশ্চ মে মৈত্রাবরুণশ্চ ম আশ্বিনশ্চ মে প্রতিপ্রস্থানশ্চ মে শুক্রশ্চ মে মন্থী চ মে যজ্ঞেন কল্পন্তাম্ ॥১৯॥
18.20
আগ্রয়াণশ্চ মে বৈশ্বদেবশ্চ মে ধ্রুবশ্চ মে বৈশ্বানরশ্চ ম ঐন্দ্রাগ্নশ্চ মে মহাবৈশ্বদেশ্চ মে মরুত্বতীয়াশ্চ মে নিষ্কেবল্যশ্চ মে সাবিত্রশ্চ মে সারস্বতশ্চ মে পাত্নীবতশ্চ মে হারিয়োজনশ্চ মে যজ্ঞেন কল্পন্তাম্ ॥২০॥
18.21
স্রুচশ্চ মে চমসাশ্চ মে বায়ব্যানি চ মে দ্রোণকলশশ্চ মে গ্রাবাণশ্চ মেঽধিষবণে চ মে পূতভৃচ্চ ম আধবনীয়শ্চ মে বেদিশ্চ মে বর্হিশ্চ মেঽবভৃতশ্চ মে স্বগাকারশ্চ মে যজ্ঞেন কল্পন্তাম্ ॥২১॥
18.22
অগ্নিশ্চ মে ঘর্মশ্চ মেঽর্কশ্চ মে সূর্যশ্চ মে প্রাণশ্চ মেঽশ্বমেধশ্চ মে পৃথিবী চ মেঽদিতিশ্চ মে দিতিশ্চ মে দ্যৌশ্চ মেঽঙ্গুলয়ঃ শক্বরয়ো দিশশ্চ মে যজ্ঞেন কল্পন্তাম্ ॥২২॥
18.23
ব্রতং চ ম ঋতবশ্চ মে তপশ্চ মে সংবত্সরশ্চ মেঽহোরাত্রে ঊর্বষ্ঠীবে বৃহদ্রথন্তরে চ মে যজ্ঞেন কল্পন্তাম্ ॥২৩॥
18.24
একা চ মে তিস্রশ্চ মে তিস্রশ্চ মে পঞ্চ চ মে পঞ্চ চ মে সপ্ত চ মে সপ্ত চ মে নব চ মে নব চ ম একাদশ চ ম একাদশ চ মে ত্রয়োদশ চ মে ত্রয়োদশ চ মে পঞ্চদশ চ মে পঞ্চদশ চ মে সপ্তদশ চ মে সপ্তদশ চ মে নবদশ চ মে নবদশ চ ম একবিংশতিশ্চ ম একবিংশতিশ্চ মে ত্রয়োবিংশতিশ্চ মে ত্রয়োবিংশতিশ্চ মে পঞ্চবিংশতিশ্চ মে পঞ্চবিংশতিশ্চ মে সপ্তবিংশতিশ্চ মে সপ্তবিংশতিশ্চ মে নববিংশতিশ্চ মে নববিংশতিশ্চ ম একত্রিংশচ্চ ম একত্রিংশচ্চ মে ত্রয়স্ত্রিংশচ্চ মে যজ্ঞেন কল্পন্তাম্ ॥২৪॥
18.25
চতস্রশ্চ মেঽষ্টৌ চ মেঽষ্টৌ চ মে দ্বাদশ চ মে দ্বাদশ চ মে ষোডশ চ মে ষোডশ চ মে বিংশতিশ্চ মে বিংশতিশ্চ মে চতুর্বিংশতিশ্চ মে চতুর্বিংশতিশ্চ মেঽষ্টাবিংশতিশ্চ মেঽষ্টাবিংশতিশ্চ মে দ্বাত্রিংশচ্চ মে দ্বাত্রিংশচ্চ মে ষট্ত্রিংশচ্চ মে ষট্ত্রিংশচ্চ মে চত্বারিংশচ্চ মে চত্বারিংশচ্চ মে চতুশ্চত্বারিংশচ্চ মে চতুশ্চত্বারিংশচ্চ মেঽষ্টাচত্বারিংশচ্চ মে যজ্ঞেন কল্পন্তাম্ ॥২৫॥
18.26
ত্র্যবিশ্চ মে ত্র্যবী চ মে দিত্যবাট্ চ মে দিত্যৌহী চ মে পঞ্চাবিশ্চ মে পঞ্চাবী চ মে ত্রিবত্সশ্চ মে ত্রিবত্সা চ মে তুর্যবাট্ চ মে তুর্যৌহী চ মে যজ্ঞেন কল্পন্তাম্ ॥২৬॥
18.27
পষ্ঠবাট্ চ মে পষ্ঠৌহী চ ম উক্ষা চ মে বশা চ ম ঋষভশ্চ মে বেহচ্চ মেঽনড্বাঁশ্চ মে ধেনুশ্চ মে যজ্ঞেন কল্পন্তাম্ ॥২৭॥
18.28
বাজায় স্বাহা প্রসবায় স্বাহাঽপিজায় স্বাহা ক্রতবে স্বাহা বসবে স্বাহাঽহর্পতয়ে স্বাহাঽহ্নে মুগ্ধায় স্বাহা মুগ্ধায় বৈনংশিনায় স্বাহা বিনংশিন আন্ত্যায়নায় স্বাহাঽঽন্ত্যায় ভৌবনায় স্বাহা ভুবনস্য পতয়ে স্বাহাঽধিপতয়ে স্বাহা প্রজাপতয়ে স্বাহা ।
ইয়ং তে রাণ্মিত্রায় যন্তাঽসি যমন ঊর্জে ত্বা বৃষ্ট্যৈ ত্বা প্রজানাং ত্বাঽঽধিপত্যায় ॥২৮॥
18.29
আয়ুর্যজ্ঞেন কল্পতাং প্রাণো যজ্ঞেন কল্পতাং চক্ষুর্যজ্ঞেন কল্পতাং শ্রোত্রং যজ্ঞেন কল্পতাং বাগ্যজ্ঞেন কল্পতাং মনো যজ্ঞেন কল্পতামাত্মা যজ্ঞেন কল্পতাং ব্রহ্মা যজ্ঞেন কল্পতাং জ্যোতির্যজ্ঞেন কল্পতাং স্বর্যজ্ঞেন কল্পতাং পৃষ্ঠং যজ্ঞেন কল্পতাং যজ্ঞো যজ্ঞেন কল্পতাম্ ।
স্তোমশ্চ যজুশ্চ ঋক্ চ সাম চ বৃহচ্চ রথন্তরং চ ।
স্বর্দেবা অগন্মামৃতা অভূম প্রজাপতেঃ প্রজা অভূম বেট্ স্বাহা ॥২৯॥
18.30
বাজস্য নু প্রসবে মাতরং মহীমদিতিং নাম বচসা করামহে ।
যস্যামিদং বিশ্বং ভুবনমাবিবেশ তস্যাং নো দেবঃ সবিতা ধর্ম সাবিষৎ ॥৩০॥
18.31
বিশ্বে অদ্য মরুতো বিশ্ব ঊতী বিশ্বে ভবন্ত্বগ্নয়ঃ সমিদ্ধাঃ ।
বিশ্বে নো দেবা অবসাঽঽগমন্তু বিশ্বমস্তু দ্রবিণং বাজো অস্মে ॥৩১॥
18.32
বাজো নঃ সপ্ত প্রদিশশ্চতস্রো বা পরাবতঃ । বাজো নো বিশ্বৈর্দেবৈর্ধনসাতাবিহাবতু ॥৩২॥
18.33
বাজো নো অদ্য প্র সুবাতি দানং বাজো দেবাঁ২ ঋতুভিঃ কল্পয়াতি ।
বাজো হি মা সর্ববীরং জজান বিশ্বা আশা বাজপতির্জয়েয়ম্ ॥৩৩॥
18.34
বাজঃ পুরস্তাদুত মধ্যতো নো বাজো দেবান্ হবিষা বর্ধয়াতি ।
বাজো হি মা সর্ববীরং চকার সর্বা আশা বাজপতির্ভবেয়ম্ ॥৩৪॥
18.35
সং মা সৃজামি পয়সা পৃথিব্যাঃ সং মা সৃজাম্যদ্ভিরোষধীভিঃ । সোঽহং বাজং সনেয়মগ্নে ॥৩৫॥
18.36
পয়ঃ পৃথিব্যাং পয় ওষধীষু পয়ো দিব্যন্তরিক্ষে পয়ো ধাঃ । পয়স্বতীঃ প্রদিশঃ সন্তু মহ্যম্ ॥৩৬॥
18.37
দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ ।
সরস্বত্যৈ বাচো যন্তুর্যন্ত্রেণাগ্নেঃ সাম্রাজ্যেনাভিষিঞ্চামি ॥৩৭॥
18.38
ঋতাষাডৃতধামাঽগ্নির্গন্ধর্বস্তস্যৌষধয়োঽপ্সরসো মুদো নাম ।
স ন ইদং ব্রহ্ম ক্ষত্রং পাতু তস্মৈ স্বাহা বাট্ তাভ্যঃ স্বাহা ॥৩৮॥
18.39
সংহিতো বিশ্বসামা সূর্যো গন্ধর্বস্তস্য মরীচয়োঽপ্সরস আয়ুবো নাম ।
স ন ইদং ব্রহ্ম ক্ষত্রং পাতু তস্মৈ স্বাহা বাট্ তাভ্যঃ স্বাহা ॥৩৯॥
18.40
সুষুম্ণঃ সূর্যরশ্মিশ্চন্দ্রমা গন্ধর্বস্তস্য নক্ষত্রাণ্যপ্সরসো ভেকুরয়ো নাম ।
স ন ইদং ব্রহ্ম ক্ষত্রং পাতু তস্মৈ স্বাহা বাট্ তাভ্যঃ স্বাহা ॥৪০॥
18.41
ইষিরো বিশ্বব্যচা বাতো গন্ধর্বস্তস্যাপো অপ্সরস ঊর্জো নাম ।
স ন ইদং ব্রহ্ম ক্ষত্রং পাতু তস্মৈ স্বাহা বাট্ তাভ্যঃ স্বাহা ॥৪॥
18.42
১ ।।
ভুজ্যুঃ সুপর্ণো যজ্ঞো গন্ধর্বতস্য দক্ষিণা অপ্সরস স্তাবা নাম ।
স ন ইদং ব্রহ্ম ক্ষত্রং পাতু তস্মৈ স্বাহা বাট্ তাভ্যঃ স্বাহা ॥৪২॥
18.43
প্রজাপতির্বিশ্বকর্মা মনো গন্ধর্বস্তস্য ঋক্সামান্যপ্সরস এষ্টয়ো নাম ।
স ন ইদং ব্রহ্ম ক্ষত্রং পাতু তস্মৈ স্বাহা বাট্ তাভ্যঃ স্বাহা ॥৪৩॥
18.44
স নো ভুবনস্য পতে প্রজাপতে যস্য ত উপরি গৃহা যস্য বেহ ।
অস্মৈ ব্রহ্মণেঽস্মৈ ক্ষত্রায় মহি শর্ম যচ্ছ স্বাহা ॥৪৪॥
18.45
সমুদ্রোঽসি নভস্বানার্দ্রদানুঃ শম্ভূর্ময়োভূরভি মা বাহি স্বাহা ।
মারুতোঽসি মরুতাং গণঃ শম্ভূর্ময়োভূরভি মা বাহি স্বাহাঽবস্যূরসি দুবস্বাঞ্ছম্ভূর্ময়োভূরভি মা বাহি স্বাহা ॥৪৫॥
18.46
যাস্তে অগ্নে সূর্যে রুচো দিবমাতন্বন্তি রশ্মিভিঃ ।
তাভির্নো অদ্য সর্বাভী রুচে জনায় নস্কৃধি ॥৪৬॥
18.47
যা বো দেবাঃ সূর্যে রুচো গোষ্বশ্বেষু যা রুচঃ ।
ইন্দ্রাগ্নী তাভিঃ সর্বাভী রুচং নো ধত্ত বৃহস্পতে ॥৪৭॥
18.48
রুচং নো ধেহি ব্রাহ্মণেষু রুচং রাজসু নস্কৃধি । রুচং বিশ্যেষু শূদ্রেষু ময়ি ধেহি রুচা রুচম্ ॥৪৮॥
18.49
তত্ত্বা যামি ব্রহ্মণা বন্দমানস্তদা শাস্তে যজমানো হবির্ভিঃ ।
অহেডমানো বরুণেহ বোধ্যুরুশংস মা ন আয়ুঃ প্র মোষীঃ ॥৪৯॥
18.50
স্বর্ণ ঘর্মঃ স্বাহা স্বর্ণার্কঃ স্বাহা স্বর্ণ শুক্রঃ স্বাহা স্বর্ণ জ্যোতিঃ স্বাহা
স্বর্ণ সূর্যঃ স্বাহা ॥৫০॥
18.51
অগ্নিং যুনজ্মি শবসা ঘৃতেন দিব্যং সুপর্ণং বয়সা বৃহন্তম্ ।
তেন বয়ং গমেম ব্রধ্নস্য বিষ্টপং স্বো রুহাণা অধি নাকমুত্তমম্ ॥৫১॥
18.52
ইমৌ তে পক্ষাবজরৌ পতত্রিণৌ যাভ্যাং রক্ষাংস্যপহংস্যগ্নে ।
তাভ্যাং পতেম সুকৃতামু লোকং যত্র ঋষয়ো জগ্মুঃ প্রথমজাঃ পুরাণাঃ ॥৫২॥
18.53
ইন্দুর্দক্ষঃ শ্যেন ঋতাবা হিরণ্যপক্ষঃ শকুনো ভুরণ্যুঃ ।
মহান্ত্সধস্থে ধ্রুব আ নিষত্তো নমস্তে অস্তু মা মা হিংসীঃ ॥৫৩॥
18.54
দিবো মূর্ধাঽসি পৃথিব্যা নাভিরূর্গপামোষধীনাম্ । বিশ্বায়ুঃ শর্ম সপ্রথা নমস্পথে ॥৫৪॥
18.55
বিশ্বস্য মূর্ধন্নধি তিষ্ঠসি শ্রিতঃ সমুদ্রে তে হৃদয়মপ্স্বায়ুরপো দত্তোদধিং ভিন্ত ।
দিবস্পর্জন্যাদন্তরিক্ষাত্পৃথিব্যাস্ততো নো বৃষ্ট্যাব ॥৫৫॥
18.56
ইষ্টো যজ্ঞো ভৃগুভিরাশীর্দা বসুভিঃ । তস্য ন ইষ্টস্য প্রীতস্য দ্রবিণেহা গমেঃ ॥৫৬॥
18.57
ইষ্টো অগ্নিরাহুতঃ পিপর্তু ন ইষ্টং হবিঃ । স্বগেদং দেবেভ্যো নমঃ ॥৫৭॥
18.58
যদাকূতাত্সমসুস্রোদ্ধৃদো বা মনসো বা সম্ভৃতং চক্ষুষো বা ।
তদনু প্রেত সুকৃতামু লোকং যত্র ঋষয়ো জগ্মুঃ প্রথমজাঃ পুরাণাঃ ॥৫৮॥
18.59
এতং সধস্থ পরি তে দদামি যমাবহাচ্ছেবধিং জাতবেদাঃ ।
অন্বাগন্তা যজ্ঞপতির্বো অত্র তং স্ম জানীত পরমে ব্যোমন্ ॥৫৯॥
18.60
এতং জানাথ পরমে ব্যোমন্ দেবাঃ সধস্থা বিদ রূপমস্য ।
যদাগচ্ছাত্পথিভির্দেবয়ানৈরিষ্টাপূর্তে কৃণবাথাবিরস্মৈ ॥৬০॥
18.61
উদ্বুধ্যস্বাগ্নে প্রতি জাগৃহি ত্বমিষ্টাপূর্তে সং সৃজেথাময়ং চ ।
অস্মিন্ত্সধস্থে অধ্যুত্তরস্মিন্বিশ্বে দেবা যজমানাশ্চ সীদত ॥৬১॥
18.62
যেন বহসি সহস্রং যেনাগ্নে সর্ববেদসম্ । তেনেমং যজ্ঞং নো নয় স্বর্দেবেষু গন্তবে ॥৬২॥
18.63
প্রস্তরেণ পরিধিনা স্রুচা বেদ্যা চ বর্হিষা । ঋচেমং যজ্ঞং নো নয় স্বর্দেবেষু গন্তবে ॥৬৩॥
18.64
যদ্দত্তং যত্পরাদানং যত্পূর্তং যাশ্চ দক্ষিণাঃ । তদগ্নির্বৈশ্বকর্মণঃ স্বর্দেবেষু নো দধৎ ॥৬৪॥
18.65
যত্র ধারা অনপেতা মধোর্ঘৃতস্য চ যাঃ । তদগ্নির্বৈশ্বকর্মণঃ স্বদের্বেষু নো দধৎ ॥৬৫॥
18.66
অগ্নিরস্মি জন্মনা জাতবেদা ঘৃতং মে চক্ষুরমৃতং ম আসন্ ।
অর্কস্ত্রিধাতূ রজসো বিমানোঽজস্রো ঘর্মো হবিরস্মি নাম ॥৬৬॥
18.67
ঋচো নামাস্মি যজূ ংষি নামাস্মি সামানি নামাস্মি ।
যে অগ্নয়ঃ পাঞ্চজন্যা অস্যাং পৃথিব্যামধি ।
তেষামসি ত্বমুত্তমঃ প্র নো জীবাতবে সুব ॥৬৭॥
18.68
বার্ত্রহত্যায় শবসে পৃতনাষাহ্যায় চ । ইন্দ্র ত্বাঽঽবর্তয়ামসি ॥৬৮॥
18.69
সহদানুং পুরুহূত ক্ষিয়ন্তমহস্তমিন্দ্র সং পিণক্ কুণারুম্ ।
অভি বৃত্রং বর্ধমানং পিয়ারুমপাদমিন্দ্র তবসা জঘন্থ ॥৬৯॥
18.70
বি ন ইন্দ্র মৃধো জহি নীচা যচ্ছ পৃতন্যতঃ ।
যো অস্মাঁ২ অভিদাসত্যধরং গময়া তমঃ ॥৭০॥
18.71
মৃগো ন ভীমঃ কুচরো গিরিষ্ঠাঃ পরাবত আ জগন্থা পরস্যাঃ ।
সৃকং সংশায় পবিমিন্দ্র তিগ্মং বি শত্রূন্ তাঢি বি মৃধো নুদস্ব ॥৭১॥
18.72
বৈশ্বানরো ন ঊতয় আ প্র যাতু পরাবতঃ । অগ্নির্নঃ সুষ্টুতীরুপ ॥৭২॥
18.73
পৃষ্টো দিবি পৃষ্টো অগ্নিঃ পৃথিব্যাং পৃষ্টো বিশ্বা ওষধীরা বিবেশ ।
বৈশ্বানরঃ সহসা পৃষ্টো অগ্নিঃ স নো দিবা স রিষস্পাতু নক্তম্ ॥৭৩॥
18.74
অশ্যাম তং কামমগ্নে তবোতী অশ্যাম রয়িং রয়িবঃ সুবীরম্ ।
অশ্যাম বাজমভি বাজয়ন্তোঽশ্যাম দ্যুম্নমজরাজরং তে ॥৭৪॥
18.75
বয়ং তে অদ্য ররিমা হি কামমুত্তানহস্তা নমসোপসদ্য ।
যজিষ্ঠেন মনসা যক্ষি দেবানস্রেধতা মন্মনা বিপ্রো অগ্নে ॥৭৫॥
18.76
ধামচ্ছদগ্নিরিন্দ্রো ব্রহ্মা দেবো বৃহস্পতিঃ । সচেতসো বিশ্বে দেবা যজ্ঞং প্রাবন্তু নঃ শুভে ॥৭৬॥
18.77
ত্বং যবিষ্ঠ দাশুষো নৄঁঃ পাহি শৃণুধী গিরঃ । রক্ষা তোকমুত ত্মনা ॥৭৭॥