Utshovঅধ্যায় 17
17.1
অশ্মন্নূর্জং পর্বতে শিশ্রিয়াণামদ্ভ্য ওষধীভ্যো বনস্পতিভ্যো অধি সম্ভৃতং পয়ঃ ।
তাং ন ইষমূর্জং ধত্ত মরুতঃ সংররাণাঃ অশ্মঁস্তে ক্ষুন্ময়ি ত ঊর্গ্যং দ্বিষ্মস্তং তে শুগৃচ্ছতু ॥১॥
17.2
ইমা মে অগ্ন ইষ্টকা ধেনবঃ সন্ত্বেকা চ দশ চ দশ চ শতং চ শতং চ সহস্রং চ সহস্রং চায়ুতং চায়ুতং চ নিয়ুতং চ নিয়ুতং চ প্রয়ুতং চার্বুদং চ ন্যর্বুদং সমুদ্রশ্চ মধ্যং চান্তশ্চ পরার্ধশ্চৈতা মে অগ্ন ইষ্টকা ধেনবঃ সন্ত্বমুত্রামুষ্মিঁল্লোকে ॥২॥
17.3
ঋতব স্থ ঋতাবৃধ ঋতুষ্ঠা স্থ ঋতাবৃধঃ ।
ঘৃতশ্চ্যুতো মধুশ্চ্যুতো বিরাজো নাম কামদুঘা অক্ষীয়মাণাঃ ॥৩॥
17.4
সমুদ্রস্য ত্বাঽবকয়াগ্নে পরি ব্যয়ামসি । পাবকো অস্মভ্যং শিবো ভব ॥৪॥
17.5
হিমস্য ত্বা জরায়ুণাঽগ্নে পরি ব্যয়ামসি । পাবকো অস্মভ্যং শিবো ভব ॥৫॥
17.6
উপ জ্মন্নুপ বেতসেঽব তর নদীষ্বা । অগ্নে পিত্তমপামসি মণ্ডূকি তাভিরা গহি সেমং নো যজ্ঞং পাবকবর্ণং শিবং কৃধি ॥৬॥
17.7
অপামিদং ন্যয়নং সমুদ্রস্য নিবেশনম্ ।
অন্যাঁস্তে অস্মত্তপন্তু হেতয়ঃ পাবকো অস্মভ্যং শিবো ভব ॥৭॥
17.8
অগ্নে পাবক রোচিষা মন্দ্রয়া দেব জিহ্বয়া । আ দেবান্ বক্ষি যক্ষি চ ॥৮॥
17.9
স নঃ পাবক দীদিবোঽগ্নে দেবাঁ২ ইহা বহ ।
উপ যজ্ঞং হবিশ্চ নঃ ॥৯॥
17.10
পাবকয়া যশ্চিতয়ন্ত্যা কৃপা ক্ষামন্ রুরুচ উষসো ন ভানুনা ।
তূর্বন্ ন যামন্নেতশস্য নূ রণ আ যো ঘৃণে ন ততৃষাণো অজরঃ ॥১০॥
17.11
নমস্তে হরসে শোচিষে নমস্তে অস্ত্বর্চিষে ।
অন্যাঁস্তে অস্মত্তপন্তু হেতয়ঃ পাবকো অস্মভ্যং শিবো ভব ॥১১॥
17.12
নৃষদে বেডপ্সুষদে বেড্ বর্হিষদে বেড্ বনসদে বেড্ স্বর্বিদে বেট্ ॥১২॥
17.13
যে দেবা দেবানাং যজ্ঞিয়া যজ্ঞিয়ানাং সংবত্সরীণমুপ ভাগমাসতে ।
অহুতাদো হবিষো যজ্ঞে অস্মিন্ত্স্বয়ং পিবন্তু মধুনো ঘৃতস্য ॥১৩॥
17.14
যে দেবা দেবেষ্বধি দেবত্বমায়ন্ যে ব্রহ্মণঃ পুর এতারো অস্য ।
যেভ্যো ন ঋতে পবতে ধাম কিঞ্চন ন তে দিবো ন পৃথিব্যা অধি স্নুষু ॥১৪॥
17.15
প্রাণদা অপানদা ব্যানদা বর্চোদা বরিবোদাঃ ।
অন্যাঁস্তে অস্মত্তপন্তু হেতয়ঃ পাবকো অস্মভ্যং শিবো ভব ॥১৫॥
17.16
অগ্নিস্তিগ্মেন শোচিষা যাসদ্বিশ্বং ন্যত্রিণম্ । অগ্নির্নো বনতে রয়িম্ ॥১৬॥
17.17
য ইমা বিশ্বা ভুবনানি জুহ্বদৃষির্হোতা ন্যসীদৎ পিতা নঃ ।
স আশিষা দ্রবিণমিচ্ছমানঃ প্রথমচ্ছদবরাঁ২ আ বিবেশ ॥১৭॥
17.18
কিংস্বিদাসীদধিষ্ঠানমারম্ভণং কতমত্স্বিত্কথাঽঽসীৎ ।
যতো ভূমিং জনয়ন্ বিশ্বকর্মা বি দ্যামৌর্ণোন্মহিনা বিশ্বচক্ষাঃ ॥১৮॥
17.19
বিশ্বতশ্চক্ষুরুত বিশ্বতোমুখো বিশ্বতোবাহুরুত বিশ্বতস্পাৎ ।
সং বাহুভ্যাং ধমতি সং পতত্রৈর্দ্যাবাভূমী জনয়ন্ দেব একঃ ॥১৯॥
17.20
কিংস্বিদ্বনং ক উ স বৃক্ষ আস যতো দ্যাবাপৃথিবী নিষ্টতক্ষুঃ ।
মনীষিণো মনসা পৃচ্ছতেদু তদ্যদধ্যতিষ্ঠদ্ভুবনানি ধারয়ন্ ॥২০॥
17.21
যা তে ধামানি পরমাণি যাঽবমা যা মধ্যমা বিশ্বকর্মন্নুতেমা ।
শিক্ষা সখিভ্যো হবিষি স্বধাবঃ স্বয়ং যজস্ব তন্বং বৃধানঃ ॥২১॥
17.22
বিশ্বকর্মন্ হবিষা বাবৃধানঃ স্বয়ং যজস্ব পৃথিবীমুত দ্যাম্ ।
মুহ্যন্ত্বন্যে অভিতঃ সপত্না ইহাস্মাকং মঘবা সূরিরস্তু ॥২২॥
17.23
বাচস্পতিং বিশ্বকর্মাণমূতয়ে মনোজুবং বাজে অদ্যা হুবেম ।
স নো বিশ্বানি হবনানি জোষদ্বিশ্বশম্ভূরবসে সাধুকর্মা ॥২৩॥
17.24
বিশ্বকর্মন্ হবিষা বর্ধনেন ত্রাতারমিন্দ্রমকৃণোরবধ্যম্ ।
তস্মৈ বিশঃ সমনমন্ত পূর্বীরয়মুগ্রো বিহব্যো যথাঽসৎ ॥২৪॥
17.25
চক্ষুষঃ পিতা মনসা হি ধীরো ঘৃতমেনে অজনন্নম্নমানে ।
যদেদন্তা অদদৃহন্ত পূর্ব আদিদ্ দ্যাবাপৃথিবী অপ্রথেতাম্ ॥২৫॥
17.26
বিশ্বকর্মা বিমনা আদ্বিহায়া ধাতা বিধাতা পরমোত সন্দৃক্ ।
তেষামিষ্টানি সমিষা মদন্তি যত্রা সপ্ত ঋষীন্ পর একমাহুঃ ॥২৬॥
17.27
যো নঃ পিতা জনিতা যো বিধাতা ধামানি বেদ ভুবনানি বিশ্বা ।
যো দেবানাং নামধা এক এব তং সম্প্রশ্নং ভুবনা যন্ত্যন্যা ॥২৭॥
17.28
ত আঽয়জন্ত দ্রবিণং সমস্মা ঋষয়ঃ পূর্বে জরিতারো ন ভূনা ।
অসূর্তে সূর্তে রজসি নিষত্তে যে ভূতানি সমকৃণ্বন্নিমানি ॥২৮॥
17.29
পরো দিবা পর এনা পৃথিব্যা পরো দেবেভিরসুরৈর্যদস্তি ।
কংস্বিদ্ গর্ভং প্রথমং দধ্র আপো যত্র দেবাঃ সমপশ্যন্ত পূর্বে ॥২৯॥
17.30
তমিদ্গর্ভং প্রথমং দধ্র আপো যত্র দেবাঃ সমগচ্ছন্ত বিশ্বে ।
অজস্য নাভাবধ্যেকমর্পিতং যস্মিন্ বিশ্বানি ভুবনানি তস্থুঃ ॥৩০॥
17.31
ন তং বিদাথ য ইমা জজানান্যদ্যুষ্মাকমন্তরং বভূব ।
নীহারেণ প্রাবৃতা জল্প্যা চাসুতৃপ উক্থশাসশ্চরন্তি ॥৩১॥
17.32
বিশ্বকর্মা হ্যজনিষ্ট দেব আদিদ্গন্ধর্বো অভবদ্ দ্বিতীয়ঃ ।
তৃতীয়ঃ পিতা জনিতৌষধীনামপাং গর্ভং ব্যদধাৎ পুরুত্রা ॥৩২॥
17.33
আশুঃ শিশানো বৃষভো ন ভীমো ঘনাঘনঃ ক্ষোভণশ্চর্ষণীনাম্ ।
সংক্রন্দনোঽনিমিষ একবীরঃ শতং সেনা অজয়ৎ সাকমিন্দ্রঃ ॥৩৩॥
17.34
সংক্রন্দনেনানিমিষেণ জিষ্ণুনা যুত্কারেণ দুশ্চ্যবনেন ধৃষ্ণুনা ।
তদিন্দ্রেণ জয়ত তত্সহধ্বং যুধো নর ইষুহস্তেন বৃষ্ণা ॥৩৪॥
17.35
স ইষুহস্তৈঃ স নিষঙ্গিভির্বশী সংস্রষ্টা স যুধ ইন্দ্রো গণেন ।
সংসৃষ্টজিত্সোমপা বাহুশর্ধ্যুগ্রধন্বা প্রতিহিতাভিরস্তা ॥৩৫॥
17.36
বৃহস্পতে পরি দীয়া রথেন রক্ষোহাঽমিত্রাঁ২ অপবাধমানঃ ।
প্রভঞ্জন্ত্সেনাঃ প্রমৃণো যুধা জয়ন্নস্মাকমেধ্যবিতা রথানাম্ ॥৩৬॥
17.37
বলবিজ্ঞায় স্থবিরঃ প্রবীরঃ সহস্বান্ বাজী সহমান উগ্রঃ ।
অভিবীরো অভিসত্বা সহোজা জৈত্রমিন্দ্র রথমা তিষ্ঠ গোবিৎ ॥৩৭॥
17.38
গোত্রভিদং গোবিদং বজ্রবাহুং জয়ন্তমজ্ম প্রমৃণন্তমোজসা ।
ইমং সজাতা অনু বীরয়ধ্বমিন্দ্রং সখায়ো অনু সং রভধ্বম্ ॥৩৮॥
17.39
অভি গোত্রাণি সহসা গাহমানোঽদয়ো বীরঃ শতমন্যুরিন্দ্রঃ ।
দুশ্চ্যবনঃ পৃতনাষাডয়ুধ্যোঽস্মাকং সেনা অবতু প্র যুত্সু ॥৩৯॥
17.40
ইন্দ্র আসাং নেতা বৃহস্পতির্দক্ষিণা যজ্ঞঃ পুর এতু সোমঃ ।
দেবসেনানামভিভঞ্জতীনাং জয়ন্তীনাং মরুতো যন্ত্বগ্রম্ ॥৪০॥
17.41
ইন্দ্রস্য বৃষ্ণো বরুণস্য রাজ্ঞ আদিত্যানাং মরুতাং শর্ধ উগ্রম্ ।
মহামনসাং ভুবনচ্যবানাং ঘোষো দেবানাং জয়তামুদস্থাৎ ॥৪১॥
17.42
উদ্ধর্ষয় মঘবন্নায়ুধান্যুত্সত্বনাং মামকানাং মনাংসি ।
উদ্বৃত্রহন্ বাজিনাং বাজিনান্যুদ্রথানাং জয়তাং যন্তু ঘোষাঃ ॥৪২॥
17.43
অস্মাকমিন্দ্রঃ সমৃতেষু ধ্বজেষ্বস্মাকং যা ইষবস্তা জয়ন্তু ।
অস্মাকং বীরা উত্তরে ভবন্ত্বস্মাঁ২ উ দেবা অবতা হবেষু ॥৪৩॥
17.44
অমীষাং চিত্তং প্রতিলোভয়ন্তী গৃহাণাঙ্গান্যপ্বে পরেহি ।
অভি প্রেহি নির্দহ হৃত্সু শোকৈরন্ধেনামিত্রাস্তমসা সচন্তাম্ ॥৪৪॥
17.45
অবসৃষ্টা পরা পত শরব্যে ব্রহ্মসংশিতে । গচ্ছামিত্রান্ প্র পদ্যস্ব মাঽমীষাং কং চনোচ্ছিষঃ ॥৪৫॥
17.46
প্রেতা জয়তা নর ইন্দ্রো বঃ শর্ম যচ্ছতু । উগ্রা বঃ সন্তু বাহবোঽনাধৃষ্যা যথাঽসথ ॥৪৬॥
17.47
অসৌ যা সেনা মরুতঃ পরেষামভ্যৈতি ন ওজসা স্পর্ধমানা ।
তাং গূহত তমসাঽপব্রতেন যথাঽমী অন্যো অন্যং ন জানন্ ॥৪৭॥
17.48
যত্র বাণাঃ সম্পতন্তি কুমারা বিশিখা ইব ।
তন্ন ইন্দ্রো বৃহস্পতিরদিতিঃ শর্ম যচ্ছতু বিশ্বাহা শর্ম যচ্ছতু ॥৪৮॥
17.49
মর্মাণি তে বর্মণা ছাদয়ামি সোমস্ত্বা রাজাঽমৃতেনানুবস্তাম্ ।
উরোর্বরীয়ো বরুণস্তে কৃণোতু জয়ন্তং ত্বাঽনু দেবা মদন্তু ॥৪৯॥
17.50
উদেনমুত্তরাং নয়াগ্নে ঘৃতেনাহুত । রায়স্পোষেণ সং সৃজ প্রজয়া চ বহুং কৃধি ॥৫০॥
17.51
ইন্দ্রেমং প্রতরাং নয় সজাতানামসদ্বশী । সমেনং বর্চসা সৃজ দেবানাং ভাগদা অসৎ ॥৫১॥
17.52
যস্য কুর্মো গৃহে হবিস্তমগ্নে বর্ধয়া ত্বম্ । তস্মৈ দেবা অধি ব্রুবন্নয়ং চ ব্রহ্মণস্পতিঃ ॥৫২॥
17.53
উদু ত্বা বিশ্বে দেবা অগ্নে ভরন্তু চিত্তিভিঃ । স নো ভব শিবস্ত্বং সুপ্রতীকো বিভাবসুঃ ॥৫৩॥
17.54
পঞ্চ দিশো দৈবীর্যজ্ঞমবন্তু দেবীরপামতিং দুর্মতিং বাধমানাঃ ।
রায়স্পোষে যজ্ঞপতিমাভজন্তী রায়স্পোষে অধি যজ্ঞো অস্থাৎ ॥৫৪॥
17.55
সমিদ্ধে অগ্নাবধি মামহান উক্থপত্র ঈড্যো গৃভীতঃ ।
তপ্তং ঘর্মং পরিগৃহ্যায়জন্তোর্জা যদ্যজ্ঞময়জন্ত দেবাঃ ॥৫৫॥
17.56
দৈব্যায় ধর্ত্রে জোষ্ট্রে দেবশ্রীঃ শ্রীমনাঃ শতপয়াঃ ।
পরিগৃহ্য দেবা যজ্ঞমায়ন্ দেবা দেবেভ্যো অধ্বর্যন্তো অস্থুঃ ॥৫৬॥
17.57
বীতং হবিঃ শমিতং শমিতা যজধ্যৈ তুরীয়ো যজ্ঞো যত্র হব্যমেতি ।
ততো বাকা আশিষো নো জুষন্তাম্ ॥৫৭॥
17.58
সূর্যরশ্মির্হরিকেশঃ পুরস্তাত্সবিতা জ্যোতিরুদয়াঁ২ অজস্রম্ ।
তস্য পূষা প্রসবে যাতি বিদ্বান্ত্সম্পশ্যন্বিশ্বা ভুবনানি গোপাঃ ॥৫৮॥
17.59
বিমান এষ দিবো মধ্য আস্ত আপপ্রিবান্ রোদসী অন্তরিক্ষম্ ।
স বিশ্বাচীরভি চষ্টে ঘৃতাচীরন্তরা পূর্বমপরং চ কেতুম্ ॥৫৯॥
17.60
উক্ষা সমুদ্রো অরুণঃ সুপর্ণঃ পূর্বস্য যোনিং পিতুরা বিবেশ ।
মধ্যে দিবো নিহিতঃ পৃশ্নিরশ্মা বি চক্রমে রজসস্পাত্যন্তৌ ॥৬০॥
17.61
ইন্দ্রং বিশ্বা অবীবৃধন্ত্সমুদ্রব্যচসং গিরঃ ।
রথীতমং রথীনাং বাজানাং সত্পতিং পতিম্ ॥৬১॥
17.62
দেবহূর্যজ্ঞ আ চ বক্ষত্সুম্নহূর্যজ্ঞ আ চ বক্ষৎ । যক্ষদগ্নির্দেবো দেবাঁ২ আ চ বক্ষৎ ॥৬২॥
17.63
বাজস্য মা প্রসব উদ্গ্রাভেণোদগ্রভীৎ । অধা সপত্নানিন্দ্রো মে নিগ্রাভেণাধরাঁ২ অকঃ ॥৬৩॥
17.64
উদ্গ্রাভং চ নিগ্রাভং চ ব্রহ্ম দেবা অবীবৃধন্ ।
অধা সপত্নানিন্দ্রাগ্নী মে বিষূচীনান্ব্যস্যতাম্ ॥৬৪॥
17.65
ক্রমধ্বমগ্নিনা নাকমুখ্যং হস্তেষু বিভ্রতঃ ।
দিবস্পৃষ্ঠং স্বর্গত্বা মিশ্রা দেবেভিরাধ্বম্ ॥৬৫॥
17.66
প্রাচীমনু প্রদিশং প্রেহি বিদ্বানগ্নেরগ্নে পুরো অগ্নির্ভবেহ ।
বিশ্বা আশা দীদ্যানো বি ভাহ্যূর্জং নো ধেহি দ্বিপদে চতুষ্পদে ॥৬৬॥
17.67
পৃথিব্যা অহমুদন্তরিক্ষমাঽরুহমন্তরিক্ষাদ্দিবমারুহম্ ।
দিবো নাকস্য পৃষ্ঠাৎ স্বর্জ্যোতিরগামহম্ ॥৬৭॥
17.68
স্বর্যন্তো নাপেক্ষন্ত আ দ্যাং রোহন্তি রোদসী ।
যজ্ঞং যে বিশ্বতোধারং সুবিদ্বাংসো বিতেনিরে ॥৬৮॥
17.69
অগ্নে প্রেহি প্রথমো দেবয়তাং চক্ষুর্দেবানামুত মর্ত্যানাম্ ।
ইয়ক্ষমাণা ভৃগুভিঃ সজোষাঃ স্বর্যন্তু যজমানাঃ স্বস্তি ॥৬৯॥
17.70
নক্তোষাসা সমনসা বিরূপে ধাপয়েতে শিশুমেকং সমীচী ।
দ্যাবাক্ষামা রুক্মো অন্তর্বি ভাতি দেবা অগ্নিং ধারয়ন্ দ্রবিণোদাঃ ॥৭০॥
17.71
অগ্নে সহস্রাক্ষ শতমূর্ধঞ্ছতং তে প্রাণাঃ সহস্রং ব্যানাঃ ।
ত্বং সাহস্রস্য রায় ঈশিষে তস্মৈ তে বিধেম বাজায় স্বাহা ॥৭১॥
17.72
সুপর্ণোঽসি গরুত্মান্ পৃষ্ঠে পৃথিব্যাঃ সীদ ।
ভাসাঽন্তরিক্ষমা পৃণ জ্যোতিষা দিবমুত্তভান তেজসা দিশ উদ্দৃংহ ॥৭২॥
17.73
আজুহ্বানঃ সুপ্রতীকঃ পুরস্তাদগ্নে স্বং যোনিমা সীদ সাধুয়া ।
অস্মিন্ত্সধস্থে অধ্যুত্তরস্মিন্বিশ্বে দেবা যজমানশ্চ সীদত ॥৭৩॥
17.74
তাং সবিতুর্বরেণ্যস্য চিত্রামাঽহং বৃণে সুমতিং বিশ্বজন্যাম্ ।
যামস্য কণ্বো অদুহত্প্রপীনাং সহস্রধারাং পয়সা মহীং গাম্ ॥৭৪॥
17.75
বিধেম তে পরমে জন্মন্নগ্নে বিধেম স্তোমৈরবরে সধস্থে ।
যস্মাদ্যোনেরুদারিথা যজে তং প্র ত্বে হবীংষি জুহুরে সমিদ্ধে ॥৭৫॥
17.76
প্রেদ্ধো অগ্নে দীদিহি পুরো নঽজস্রয়া সূর্ম্যা যবিষ্ঠ । ত্বাং শশ্বন্ত উপ যন্তি বাজাঃ ॥৭৬॥
17.77
অগ্নে তমদ্যাশ্বং ন স্তোমৈঃ ক্রতুং ন ভদ্রং হৃদিস্পৃশম্ । ঋধ্যামা ত ওহৈঃ ॥৭৭॥
17.78
চিত্তিং জুহোমি মনসা ঘৃতেন যথা দেবা ইহাগমন্বীতিহোত্রা ঋতাবৃধঃ ।
পত্যে বিশ্বস্য ভূমনো জুহোমি বিশ্বকর্মণে বিশ্বাহাঽদাভ্যং হবিঃ ॥৭৮॥
17.79
সপ্ত তে অগ্নে সমিধঃ সপ্ত জিহ্বাঃ সপ্ত ঋষয়ঃ সপ্ত ধাম প্রিয়াণি ।
সপ্ত হোত্রাঃ সপ্তধা ত্বা যজন্তি সপ্ত যোনীরা পৃণস্ব ঘৃতেন স্বাহা ॥৭৯॥
17.80
শুক্রজ্যোতিশ্চ চিত্রজ্যোতিশ্চ সত্যজ্যোতিশ্চ জ্যোতিষ্মাঁশ্চ । শুক্রশ্চ ঋতপাশ্চাত্যংহাঃ ॥৮০॥
17.81
ঈদৃঙ্ চান্যাদৃঙ্ চ সদৃঙ্ চ প্রতিসদৃঙ্ চ । মিতশ্চ সম্মিতশ্চ সভরাঃ ॥৮১॥
17.82
ঋতশ্চ সত্যশ্চ ধ্রুবশ্চ ধরুণশ্চ । ধর্তা চ বিধর্তা চ বিধারয়ঃ ॥৮২॥
17.83
ঋতজিচ্চ সত্যজিচ্চ সেনজিচ্চ সুষেণশ্চ । অন্তিমিত্রশ্চ দূরে অমিত্রশ্চ গণঃ ॥৮৩॥
17.84
ঈদৃক্ষাস এতাদৃক্ষাস ঊ ষু ণঃ সদৃক্ষাসঃ প্রতিসদৃক্ষাস এতন ।
মিতাসশ্চ সম্মিতাসো নো অদ্য সভরসো মরুতো যজ্ঞে অস্মিন্ ॥৮৪॥
17.85
স্বতবাঁশ্চ প্রঘাসী চ সান্তপনশ্চ গৃহমেধী চ । ক্রীডী চ শাকী চোজ্জেষী ॥৮৫॥
17.86
ইন্দ্রং দৈবীর্বিশো মরুতোঽনুবর্ত্মানোঽভবন্যথেন্দ্রং দৈবীর্বিশো মরুতোঽনুবর্ত্মানোঽভবন্ ।
এবমিমং যজমানং দৈবীশ্চ বিশো মানুষীশ্চানুবর্ত্মানো ভবন্তু ॥৮৬॥
17.87
ইমং স্তনমূর্জস্বন্তং ধয়াপাং প্রপীনমগ্নে সরিরস্য মধ্যে ।
উত্সং জুষস্ব মধুমন্তমর্বন্ত্সমুদ্রিয়ং সদনমা বিশস্ব ॥৮৭॥
17.88
ঘৃতং মিমিক্ষে ঘৃতমস্য যোনির্ঘৃতে শ্রিতো ঘৃতম্বস্য ধাম ।
অনুষ্বধমা বহ মাদয়স্ব স্বাহাকৃতং বৃষভ বক্ষি হব্যম্ ॥৮৮॥
17.89
সমুদ্রাদূর্মির্মধুমাঁ২ উদারদুপাংশুনা সমমৃতত্বমানট্ ।
ঘৃতস্য নাম গুহ্যং যদস্তি জিহ্বা দেবানামমৃতস্য নাভিঃ ॥৮৯॥
17.90
বয়ং নাম প্র ব্রবামা ঘৃতস্যাস্মিন্ যজ্ঞে ধারয়ামা নমোভিঃ ।
উপ ব্রহ্মা শৃণবচ্ছস্যমানং চতুঃশৃঙ্গোঽবমীদ্গৌর এতৎ ॥৯০॥
17.91
চত্বারি শৃঙ্গা ত্রয়ো অস্য পাদা দ্বে শীর্ষে সপ্ত হস্তাসো অস্য ।
ত্রিধা বদ্ধো বৃষভো রোরবীতি মহো দেবো মর্ত্যাঁ২ আ বিবেশ ॥৯১॥
17.92
ত্রিধা হিতং পণিভির্গুহ্যমানং গবি দেবাসো ঘৃতমন্ববিন্দন্ ।
ইন্দ্র একং সূর্য একং জজান বেনাদেকং স্বধয়া নিষ্টতক্ষুঃ ॥৯২॥
17.93
এতা অর্ষন্তি হৃদ্যাত্সমুদ্রাচ্ছতব্রজা রিপুণা নাবচক্ষে ।
ঘৃতস্য ধারা অভি চাকশীমি হিরণ্যয়ো বেতসো মধ্য আসাম্ ॥৯৩॥
17.94
সম্যক্ স্রবন্তি সরিতো ন ধেনা অন্তর্হৃদা মনসা পূয়মানাঃ ।
এতে অর্ষন্ত্যূর্ময়ো ঘৃতস্য মৃগা ইব ক্ষিপণোরীষমাণাঃ ॥৯৪॥
17.95
সিন্ধোরিব প্রাধ্বনে শূঘনাসো বাতপ্রমিয়ঃ পতয়ন্তি যহ্বাঃ ।
ঘৃতস্য ধারা অরুষো ন বাজী কাষ্ঠা ভিন্দন্নূর্মিভিঃ পিন্বমানঃ ॥৯৫॥
17.96
অভি প্রবন্ত সমনেব যোষাঃ কল্যাণ্যঃ স্ময়মানাসো অগ্নিম্ ।
ঘৃতস্য ধারাঃ সমিধো নসন্ত তা জুষাণো হর্যতি জাতবেদাঃ ॥৯৬॥
17.97
কন্যা ইব বহতুমেতবা উ অঞ্জ্যঞ্জানা অভি চাকশীমি ।
যত্র সোমঃ সূয়তে যত্র যজ্ঞো ঘৃতস্য ধারা অভি তত্পবন্তে ॥৯৭॥
17.98
অভ্যর্ষত সুষ্টুতিং গব্যমাজিমস্মাসু ভদ্রা দ্রবিণানি ধত্ত ।
ইমং যজ্ঞং নয়ত দেবতা নো ঘৃতস্য ধারা মধুমত্পবন্তে ॥৯৮॥
17.99
ধামং তে বিশ্বং ভুবনমধি শ্রিতমন্তঃ সমুদ্রে হৃদ্যন্তরায়ুষি ।
অপামনীকে সমিথে য আভৃতস্তমশ্যাম মধুমন্তং ত ঊর্মিম্ ॥৯৯॥