Utshovঅধ্যায় 20
20.1
ক্ষত্রস্য যোনিরসি ক্ষত্রস্য নাভিরসি । মা ত্বা হিংসীন্মা মা হিংসীঃ ॥১॥
20.2
নি ষসাদ ঘৃতব্রতো বরুণঃ পস্ত্যাস্বা । সাম্রাজ্যায় সুক্রতুঃ । মৃত্যোঃ পাহি বিদ্যোত্পাহি ॥২॥
20.3
দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ ।
অশ্বিনোর্ভৈষজ্যেন তেজসে ব্রহ্মবর্চসায়াভি ষিঞ্চামি সরস্বত্যৈ ভৈষজ্যেন বীর্যায়ান্নাদ্যায়াভি ষিঞ্চামীন্দ্রস্যেন্দ্রিয়েণ বলায় শ্রিয়ৈ যশসেঽভি ষিঞ্চামি ॥৩॥
20.4
কোঽসি কতমোঽসি কস্মৈ ত্বা কায় ত্বা । সুশ্লোক সুমঙ্গল সত্যরাজন্ ॥৪॥
20.5
শিরো মে শ্রীর্যশো মুখং ত্বিষিঃ কেশাশ্চ শ্মশ্রূণি । রাজা মে প্রাণো অমৃতং সম্রাট্ চক্ষুর্বিরাট্ শ্রোত্রম্ ॥৫॥
20.6
জিহ্বা মে ভদ্রং বাঙ্মহো মনো মন্যুঃ স্বরাড্ ভামঃ । মোদাঃ প্রমোদা অঙ্গুলীরঙ্গানি মিত্রং মে সহঃ ॥৬॥
20.7
বাহূ মে বলমিন্দ্রিয়ং হস্তৌ মে কর্ম বীর্যম্ । আত্মা ক্ষত্রমুরো মম ॥৭॥
20.8
পৃষ্ঠীর্মে রাষ্ট্রমুদরমংসৌ গ্রীবাশ্চ শ্রোণী । ঊরূ অরত্নী জানুনী বিশো মেঽঙ্গানি সর্বতঃ ॥৮॥
20.9
নাভির্মে চিত্তং বিজ্ঞানং পায়ুর্মেঽপচিতির্ভসৎ । আনন্দনন্দাবাণ্ডৌ মে ভগঃ সৌভাগ্যং পসঃ ।
জঙ্ঘাভ্যাং পদ্ভ্যাং ধর্মোঽস্মি বিশি রাজা প্রতিষ্ঠিতঃ ॥৯॥
20.10
প্রতি ক্ষত্রে প্রতি তিষ্ঠামি রাষ্ট্রে প্রত্যশ্বেষু প্রতি তিষ্ঠামি গোষু ।
প্রত্যঙ্গেষু প্রতি তিষ্ঠাম্যাত্মন্ প্রতি প্রাণেষু প্রতি তিষ্ঠামি পুষ্টে প্রতি দ্যাবাপৃথিব্যোঃ প্রতি তিষ্ঠামি যজ্ঞে ॥১॥
20.11
০।।
ত্রয়া দেবা একাদশ ত্রয়স্ত্রিংশাঃ সুরাধসঃ ।
বৃহস্পতিপুরোহিতা দেবস্য সবিতুঃ সবে । দেবা দেবৈরবন্তু মা ॥১১॥
20.12
প্রথমা দ্বিতীয়ৈর্দ্বিতীয়াস্তৃতীয়ৈস্তৃতীয়াঃ সত্যেন সত্যং যজ্ঞেন যজ্ঞো যজুর্ভির্যজূংষি সামভিঃ সামান্যৃগ্ভিরৃচঃ পুরোঽনুবাক্যাভিঃ পুরোঽনুবাক্যা যাজ্যাভির্যাজ্যা বষট্কারৈর্বষট্কারা আহুতিভিরাহুতয়ো মে কামান্ত্সমর্ধয়ন্তু ভূঃ স্বাহা ॥১২॥
20.13
লোমানি প্রয়তির্মম ত্বঙ্ম আনতিরাগতিঃ । মাংসং ম উপনতির্বস্বস্থি মজ্জা ম আনতিঃ ॥১৩॥
20.14
যদ্দেবা দেবহেডনং দেবাসশ্চকৃমা বয়ম্ । অগ্নির্মা তস্মাদেনসো বিশ্বান্মুঞ্চত্বংহসঃ ॥১৪॥
20.15
যদি দিবা যদি নক্তমেনাংসি চকৃমা বয়ম্ । বায়ুর্মা তস্মাদেনসো বিশ্বান্মুঞ্চত্বংহসঃ ॥১৫॥
20.16
যদি জাগ্রদ্যদি স্বপ্ন এনাংসি চকৃমা বয়ম্ । সূর্যো মা তস্মাদেনসো বিশ্বান্মুঞ্চত্বংহসঃ ॥১৬॥
20.17
যদ্গ্রামে যদরণ্যে যত্সভায়াং যদিন্দ্রিয়ে ।
যচ্ছূদ্রে যদর্যে যদেনশ্চকৃমা বয়ং যদেকস্যাধি ধর্মণি তস্যাবয়জনমসি ॥১৭॥
20.18
যদাপো অঘ্ন্যা ইতি বরুণেতি শপামহে ততো বরুণ নো মুঞ্চ । অবভৃথ নিচুম্পুণ নিচেরুরসি নিচুম্পুণঃ ।
অব দেবৈর্দেবকৃতমেনোঽয়ক্ষ্যব মর্ত্যৈর্মর্ত্যকৃতং পুরুরাব্ণো দেব রিষস্পাহি ॥১৮॥
20.19
সমুদ্রে তে হৃদয়মপ্স্বন্তঃ সং ত্বা বিশন্ত্বোষধীরুতাপঃ ।
সুমিত্রিয়া ন আপ ওষধয়ঃ সন্তু দুর্মিত্রিয়াস্তস্মৈ সন্তু যোঽস্মান্দ্বেষ্টি যং চ বয়ং দ্বিষ্মঃ ॥১৯॥
20.20
দ্রুপদাদিব মুমুচানঃ স্বিন্নঃ স্নাতো মলাদিব । পূতং পবিত্রেণেবাজ্যমাপঃ শুন্ধন্তু মৈনসঃ ॥২০॥
20.21
উদ্বয়ং তমসস্পরি স্বঃ পশ্যন্ত উত্তরম্ । দেবং দেবত্রা সূর্যমগন্ম জ্যোতিরুত্তমম্ ॥২১॥
20.22
অপো অদ্যান্বচারিষং রসেন সমসৃক্ষ্মহি ।
পয়স্বানগ্ন আঽগমং তং মা সং সৃজ বর্চসা প্রজয়া চ ধনেন চ ॥২২॥
20.23
এধোঽস্যেধিষীমহি সমিদসি তেজোঽসি তেজো ময়ি ধেহি ।
সমাববর্তি পৃথিবী সমুষাঃ সমু সূর্যঃ । সমু বিশ্বমিদং জগৎ ।
বৈশ্বানরজ্যোতির্ভূয়াসং বিভূন্ কামান্ ব্যশ্নবৈ ভূঃ স্বাহা ॥২৩॥
20.24
অভ্যা দধামি সমিধমগ্নে ব্রতপতে ত্বয়ি ।
ব্রতং চ শ্রদ্ধাং চোপৈমীন্ধে ত্বা দীক্ষিতো অহম্ ॥২৪॥
20.25
যত্র ব্রহ্ম চ ক্ষত্রং চ সম্যঞ্চো চরতঃ সহ ।
তঁল্লোকং পুণ্যং প্রজ্ঞেষং যত্র দেবাঃ সহাগ্নিনা ॥২৫॥
20.26
যত্রেন্দ্রশ্চ বায়ুশ্চ সম্যঞ্চো চরতঃ সহ । তঁল্লোকং পুণ্যং প্রজ্ঞেষং যত্র সেদির্ন বিদ্যতে ॥২৬॥
20.27
অংশুনা তে অংশুঃ পৃচ্যতাং পরুষা পরুঃ । গন্ধস্তে সোমমবতু মদায় রসো অচ্যুতঃ ॥২৭॥
20.28
সিঞ্চন্তি পরি ষিঞ্চন্ত্যুত্সিঞ্চন্তি পুনন্তি চ । সুরায়ৈ বভ্র্বৈ মদে কিন্ত্বো বদতি কিন্ত্বঃ ॥২৮॥
20.29
ধানাবন্তং করম্ভিণমপূপবন্তমুক্থিনম্ । ইন্দ্র প্রাতর্জুষস্ব নঃ ॥২৯॥
20.30
বৃহদিন্দ্রায় গায়ত মরুতো বৃত্রহন্তমম্ । যেন জ্যোতিরজনয়ন্নৃতাবৃধো দেবং দেবায় জাগৃবি ॥৩০॥
20.31
অধ্বর্যো অদ্রিভিঃ সুতং সোমং পবিত্র আ নয় । পুনাহীন্দ্রায় পাতবে ॥৩১॥
20.32
যো ভূতানামধিপতির্যস্মিঁল্লোকা অধি শ্রিতাঃ ।
য ঈশে মহতো মহাঁস্তেন গৃহ্ণামি ত্বামহং ময়ি গৃহ্ণামি ত্বামহম্ ॥৩২॥
20.33
উপয়ামগৃহীতোঽস্যশ্বিভ্যাং ত্বা সরস্বত্যৈ ত্বেন্দ্রায় ত্বা সুত্রাম্ণ এষ তে যোনিরশ্বিভ্যাং ত্বা সরস্বত্যৈ ত্বেন্দ্রায় ত্বা সুত্রাম্ণে ॥৩৩॥
20.34
প্রাণপা মে অপানপাশ্চক্ষুষ্পাঃ শ্রোত্রপাশ্চ মে ।
বাচো মে বিশ্বভেষজো মনসোঽসি বিলায়কঃ ॥৩৪॥
20.35
অশ্বিনকৃতস্য তে সরস্বতিকৃতস্যেন্দ্রেণ সুত্রাম্ণা কৃতস্য ।
উপহূত উপহূতস্য ভক্ষয়ামি ॥৩৫॥
20.36
সমিদ্ধ ইন্দ্র উষসামনীকে পুরোরুচা পূর্বকৃদ্বাবৃধানঃ ।
ত্রিভির্দেবৈস্ত্রিংশতা বজ্রবাহুর্জঘান বৃত্রং বি দুরো ববার ॥৩৬॥
20.37
নরাশংসঃ প্রতি শূরো মিমানস্তনূনপাত্প্রতি যজ্ঞস্য ধাম ।
গোভির্বপাবান্ মধুনা সমঞ্জন্ হিরণ্যৈশ্চন্দ্রী যজতি প্রচেতাঃ ॥৩৭॥
20.38
ঈডিতো দেবৈর্হরিবাঁ২ অভিষ্টিরাজুহ্বানো হবিষা শর্ধমানঃ ।
পুরন্দরো গোতভিদ্বজ্রবাহুরা যাতু যজ্ঞমুপ নো জুষাণঃ ॥৩৮॥
20.39
জুষাণো বর্হির্হরিবান্ ন ইন্দ্রঃ প্রাচীনং সীদৎ প্রদিশা পৃথিব্যাঃ ।
উরুপ্রথাঃ প্রথমানং স্যোনমাদিত্যৈরক্তং বসুভিঃ সজোষাঃ ॥৩৯॥
20.40
ইন্দ্রং দুরঃ কবষ্যো ধাবমানা বৃষাণং যন্তু জনয়ঃ সুপত্নীঃ ।
দ্বারো দেবীরভিতো বি শ্রয়ন্তাং সুবীরা বীরং প্রথমানা মহোভিঃ ॥৪০॥
20.41
উষাসানক্তা বৃহতী বৃহন্তং পয়স্বতী সুদুঘে শূরমিন্দ্রম্ ।
তন্তুং ততং পেশসা সংবয়ন্তী দেবানাং দেবং যজতঃ সুরুক্মে ॥৪১॥
20.42
দৈব্যা মিমানা মনুষঃ পুরুত্রা হোতারাবিন্দ্রং প্রথমা সুবাচা ।
মূর্ধন্ যজ্ঞস্য মধুনা দধানা প্রাচীনং জ্যোতির্হবিষা বৃধাতঃ ॥৪২॥
20.43
তিস্রো দেবীর্হবিষা বর্ধমানা ইন্দ্রং জুষাণা জনয়ো ন পত্নীঃ ।
অচ্ছিন্নং তন্তুং পয়সা সরস্বতীডা দেবী ভারতী বিশ্বতূর্তিঃ ॥৪৩॥
20.44
ত্বষ্টা দধচ্ছুষ্মমিন্দ্রায় বৃষ্ণেঽপাকোঽচিষ্টুর্যশসে পুরূণি ।
বৃষা যজন্বৃষণং ভূরিরেতা মূর্ধন্ যজ্ঞস্য সমনক্তু দেবান্ ॥৪৪॥
20.45
বনস্পতিরবসৃষ্টো ন পাশৈস্ত্মন্যা সমঞ্জঞ্ছমিতা ন দেবঃ ।
ইন্দ্রস্য হব্যৈর্জঠরং পৃণানঃ স্বদাতি যজ্ঞং মধুনা ঘৃতেন ॥৪৫॥
20.46
স্তোকানামিন্দুং প্রতি শূর ইন্দ্রো বৃষায়মাণো বৃষভস্তুরাষাট্ ।
ঘৃতপ্রুষা মনসা মোদমানাঃ স্বাহা দেবা অমৃতা মাদয়ন্তাম্ ॥৪৬॥
20.47
আ যাত্বিন্দ্রোঽবস উপ ন ইহ স্তুতঃ সধমদস্তু শূরঃ ।
বাবৃধানস্তবিষীর্যস্য পূর্বীর্দ্যৌর্ন ক্ষত্রমভিভূতি পুষ্যাৎ ॥৪৭॥
20.48
আ ন ইন্দ্রো দূরাদা ন আসাদভিষ্টিকৃদবসে যাসদুগ্রঃ ।
ওজিষ্ঠেভির্নৃপতির্বজ্রবাহুঃ সঙ্গে সমত্সু তুর্বণিঃ পৃতন্যূন্ ॥৪৮॥
20.49
আ ন ইন্দ্রো হরিভির্যাত্বচ্ছার্বাচীনোঽবসে রাধসে চ ।
তিষ্ঠাতি বজ্রী মঘবা বিরপ্শীমং যজ্ঞমনু নো বাজসাতৌ ॥৪৯॥
20.50
ত্রাতারমিন্দ্রমবিতারমিন্দ্রং হবে – হবে সুহবং শূরমিন্দ্রম্ ।
হ্বয়ামি শক্রং পুরুহূতমিন্দ্রং স্বস্তি নো মঘবা ধাত্বিন্দ্রঃ ॥৫০॥
20.51
ইন্দ্রঃ সুত্রামা স্ববাঁ২ অবোভিঃ সুমৃডীকো ভবতু বিশ্ববেদাঃ ।
বাধতাং দ্বেষো অভয়ং কৃণোতু সুবীর্যস্য পতয়ঃ স্যাম ॥৫১॥
20.52
তস্য বয়ং সুমতৌ যজ্ঞিয়স্যাপি ভদ্রে সৌমনসে স্যাম ।
স সুত্রামা স্ববাঁ২ ইন্দ্রো অস্মে আরাচ্চিদ্ দ্বেষঃ সনুতর্যুয়োতু ॥৫২॥
20.53
আ মন্দ্রৈরিন্দ্র হরিভির্যাহি ময়ূররোমভিঃ ।
মা ত্বা কে চিন্নি যমন্ বিং না পাশিনোঽতি ধন্বেব তাঁ২ ইহি ॥৫৩॥
20.54
এবেদিন্দ্রং বৃষণং বজ্রবাহুং বসিষ্ঠাসো অভ্যর্চন্ত্যর্কৈঃ ।
স ন স্তুতো বীরবদ্ধাতু গোমদ্যূয়ং পাত স্বস্তিভিঃ সদা নঃ ॥৫৪॥
20.55
সমিদ্ধো অগ্নিরশ্বিনা তপ্তো ঘর্মো বিরাট্ সুতঃ । দুহে ধেনুঃ সরস্বতী সোমং শুক্রমিহেন্দ্রিয়ম্ ॥৫৫॥
20.56
তনূপা ভিষজা সুতেঽশ্বিনোভা সরস্বতী । মধ্বা রজাংসীন্দ্রিয়মিন্দ্রায় পথিভির্বহান্ ॥৫৬॥
20.57
ইন্দ্রায়েন্দুং সরস্বতী নরাশংসেন নগ্নহুম্ । অধাতামশ্বিনা মধু ভেষজং ভিষজা সুতে ॥৫৭॥
20.58
আজুহ্বানা সরস্বতীন্দ্রায়েন্দ্রিয়াণি বীর্যম্ । ইডাভিরশ্বিনাবিষং সমূর্জং সং রয়িং দধুঃ ॥৫৮॥
20.59
অশ্বিনা নমুচেঃ সুতং সোমং শুক্রং পরিস্রুতা । সরস্বতী তমা ঽভরদ্বর্হিষেন্দ্রায় পাতবে ॥৫৯॥
20.60
কবষ্যো ন ব্যচস্বতীরশ্বিভ্যাং ন দুরো দিশঃ । ইন্দ্রো ন রোদসী উভে দুহে কামান্ত্সরস্বতী ॥৬০॥
20.61
উষাসানক্তমশ্বিনা দিবেন্দ্র সায়মিন্দ্রিয়ৈঃ । সঞ্জানানে সুপেশসা সমঞ্জাতে সরস্বত্যা ॥৬১॥
20.62
পাতং নো অশ্বিনা দিবা পাহি নক্তং সরস্বতি । দৈব্যা হোতারা ভিষজা পাতমিন্দ্রং সচা সুতে ॥৬২॥
20.63
তিস্রস্ত্রেধা সরস্বত্যশ্বিনা ভারতীডা । তীব্রং পরিস্রুতা সোমমিন্দ্রায় সুষুবুর্মদম্ ॥৬৩॥
20.64
অশ্বিনা ভেষজং মধু ভেষজং নঃ সরস্বতী । ইন্দ্রে ত্বষ্টা যশঃ শ্রিয়ং রূপং-রূপমধুঃ সুতে ॥৬৪॥
20.65
ঋতুথেন্দ্রো বনস্পতিঃ শশমানঃ পরিস্রুতা । কীলালমশ্বিভ্যাং মধু দুহে ধেনুঃ সরস্বতী ॥৬৫॥
20.66
গোভির্ন সোমমশ্বিনা মাসরেণ পরিস্রুতা । সমধাতং সরস্বত্যা স্বাহেন্দ্রে সুতং মধু ॥৬৬॥
20.67
অশ্বিনা হবিরিন্দ্রিয়ং নমুচের্ধিয়া সরস্বতী । আ শুক্রমাসুরাদ্বসু মঘমিন্দ্রায় জভ্রিরে ॥৬৭॥
20.68
যমশ্বিনা সরস্বতী হবিষেন্দ্রমবর্ধয়ন্ । স বিভেদ বলং মঘং নমুচাবাসুরে সচা ॥৬৮॥
20.69
তমিন্দ্রং পশবঃ সচাশ্বিনোভা সরস্বতী । দধানা অভ্যনূষত হবিষা যজ্ঞ ইন্দ্রিয়ৈঃ ॥৬৯॥
20.70
য ইন্দ্র ইন্দ্রিয়ং দধুঃ সবিতা বরুণো ভগঃ । স সুত্রামা হবিষ্পতির্যজমানায় সশ্চত ॥৭০॥
20.71
সবিতা বরুণো দধদ্যজমানায় দাশুষে । আদত্ত নমুচের্বসু সুত্রামা বলমিন্দ্রিয়ম্ ॥৭১॥
20.72
বরুণঃ ক্ষত্রমিন্দ্রিয়ং ভগেন সবিতা শ্রিয়ম্ । সুত্রামা যশসা বলং দধানা যজ্ঞমাশত ॥৭২॥
20.73
অশ্বিনা গোভিরিন্দ্রিয়মশ্বেভির্বীর্যং বলম্ । হবিষেন্দ্রং সরস্বতী যজমানমবর্ধয়ন্ ॥৭৩॥
20.74
তা নাসত্যা সুপেশসা হিরণ্যবর্তনী নরা । সরস্বতী হবিষ্মতীন্দ্র কর্মসু নোঽবত ॥৭৪॥
20.75
তা ভিষজা সুকর্মণা সা সুদুঘা সরস্বতী । স বৃত্রহা শতক্রতুরিন্দ্রায় দধুরিন্দ্রিয়ম্ ॥৭৫॥
20.76
যুবং সুরামমশ্বিনা নমুচাবাসুরে সচা । বিপিপানাঃ সরস্বতীন্দ্রং কর্মস্বাবত ॥৭৬॥
20.77
পুত্রমিব পিতরাবশ্বিনোভেন্দ্রাবথুঃ কাব্যৈর্দংসনাভিঃ ।যত্সুরামং ব্যপিবঃ শচীভিঃ সরস্বতী ত্বা মঘবন্নভিষ্ণক্ ॥৭৭॥
20.78
যস্মিন্নশ্বাস ঋষভাস উক্ষণো বশা মেষা অবসৃষ্টাস আহুতাঃ ।
কীলালপে সোমপৃষ্ঠায় বেধসে হৃদা মতিং জনয় চারুমগ্নয়ে ॥৭৮॥
20.79
অহাব্যগ্নে হবিরাস্যে তে স্রুচীব ঘৃতং চম্বীব সোমঃ ।
বাজসনিং রয়িমস্মে সুবীরং প্রশস্তং ধেহি যশসং বৃহন্তম্ ॥৭৯॥
20.80
অশ্বিনা তেজসা চক্ষুঃ প্রাণেন সরস্বতী বীর্যম্ । বাচেন্দ্রো বলেনেন্দ্রায় দধুরিন্দ্রিয়ম্ ॥৮০॥
20.81
গোমদূ ষু ণাসত্যাশ্বাবদ্যাতমশ্বিনা । বর্তী রুদ্রা নৃপায্যম্ ॥৮১॥
20.82
ন যত্পরো নান্তর আদধর্ষদ্বৃষণ্বসূ । দুঃশংসো মর্ত্যো রিপুঃ ॥৮২॥
20.83
তা ন আ বোঢমশ্বিনা রয়িং পিশঙ্গসংদৃশম্ । ধিষ্ণ্যা বরিবোবিদম্ ॥৮৩॥
20.84
পাবকা নঃ সরস্বতী বাজেভির্বাজিনীবতী । যজ্ঞং বষ্টু ধিয়াবসুঃ ॥৮৪॥
20.85
চোদয়িত্রী সূনৃতানাং চেতন্তী সুমতীনাম্ । যজ্ঞং দধে সরস্বতী ॥৮৫॥
20.86
মহো অর্ণঃ সরস্বতী প্র চেতয়তি কেতুনা । ধিয়ো বিশ্বা বি রাজতি ॥৮৬॥
20.87
ইন্দ্রা যাহি চিত্রভানো সুতা ইমে ত্বায়বঃ । অণ্বীভিস্তনা পূতাসঃ ॥৮৭॥
20.88
ইন্দ্রা যাহি ধিয়েষিতো বিপ্রজূতঃ সুতাবতঃ । উপ ব্রহ্মাণি বাঘতঃ ॥৮৮॥
20.89
ইন্দ্রা যাহি তূতুজান উপ ব্রহ্মাণি হরিবঃ । সুতে দধিষ্ব নশ্চনঃ ॥৮৯॥
20.90
অশ্বিনা পিবতাং মধু সরস্বত্যা সজোষসা ।
ইন্দ্রঃ সুত্রামা বৃত্রহা জুষন্তাং সোম্যং মধু ॥৯০॥