অধ্যায় 21

21.1

ইমং মে বরুণ শ্রুধী হবমদ্যা চ মৃডয় । ত্বামস্বস্যুরা চকে ॥১॥

21.2

তত্ত্বা যামি ব্রহ্মণা বন্দমানস্তদা শাস্তে যজমানো হবির্ভিঃ ।
অহেডমানো বরুণেহ বোধ্যুরুশংস মা ন আয়ুঃ প্র মোষীঃ ॥২॥

21.3

ত্বং নো অগ্নে বরুণস্য বিদ্বান্ দেবস্য হেডো ব যাসিসীষ্ঠাঃ ।
যজিষ্ঠো বহ্নিতমঃ শোশুচানো বিশ্বা দ্বেষাংসি প্র মুমুগ্ধ্যস্মৎ ॥৩॥

21.4

স ত্বং নো অগ্নেঽবমো ভবোতী নেদিষ্ঠো অস্যা উষসো ব্যুষ্টৌ ।
অব যক্ষ্ব নো বরুণং ররাণো বীহি মৃডীক সুহবো ন এধি ॥৪॥

21.5

মহীমূ ষু মাতরং সুব্রতানামৃতস্য পত্নীমবসে হুবেম ।
তুবিক্ষত্রামজরন্তীমুরূচীং সুশর্মাণমদিতিং সুপ্রণীতিম্ ॥৫॥

21.6

সুত্রামাণং পৃথিবীং দ্যামনেহসং সুশর্মাণমদিতি সুপ্রণীতিম্ ।
দৈবীং নাবং স্বরিত্রামনাগসমস্রবন্তীমা রুহেমা স্বস্তয়ে ॥৬॥

21.7

সুনাবমা রুহেয়মস্রবন্তীমনাগসম্ । শতারিত্রাং স্বস্তয়ে ॥৭॥

21.8

আ নো মিত্রাবরুণা ঘৃতৈর্গব্যূতিমুক্ষতম্ । মধ্বা রজাংসি সুক্রতূ ॥৮॥

21.9

প্র বাহবা সিসৃতং জীবসে ন আ নো গব্যূতিমুক্ষতং ঘৃতেন ।
আ মা জনে শ্রবয়তং যুবানা শ্রুতং মে মিত্রাবরুণা হবেমা ॥৯॥

21.10

শং নো ভবন্তু বাজিনো হবেষু দেবতাতা মিতদ্রবঃ স্বর্কাঃ ।
জম্ভয়ন্তোঽহিং বৃকং রক্ষাংসি সনেম্যস্মদ্যুয়বন্নমীবাঃ ॥১০॥

21.11

বাজে-বাজেঽবত বাজিনো নো ধনেষু বিপ্রা অমৃতা ঋতজ্ঞাঃ ।
অস্য মধ্বঃ পিবত মাদয়ধ্বং তৃপ্তা যাত পথিভির্দেবয়ানৈঃ ॥১১॥

21.12

সমিদ্ধো অগ্নিঃ সমিধা সুসমিদ্ধো বরেণ্যঃ ।
গায়ত্রী ছন্দ ইন্দ্রিয়ং ত্র্যবির্গৌর্বয়ো দধুঃ ॥১২॥

21.13

তনূনপাচ্ছুচিব্রতস্তনূপাশ্চ সরস্বতী ।
উষ্ণিহা ছন্দ ইন্দ্রিয়ং দিত্যবাড্গৌর্বয়ো দধুঃ ॥১৩॥

21.14

ইডাভিরগ্নিরীড্যঃ সোমো দেবো অমর্ত্যঃ । অনুষ্টুপ্ছন্দ ইন্দ্রিয়ং পঞ্চাবির্গৌর্বয়ো দধুঃ ॥১৪॥

21.15

সুবর্হিরগ্নিঃ পূষণ্বান্ত্স্তীর্ণবর্হিরমর্ত্যঃ । বৃহতী ছন্দ ইন্দ্রিয়ং ত্রিবত্সো গৌর্বয়ো দধুঃ ॥১৫॥

21.16

দুরো দেবীর্দিশো মহীর্ব্রহ্মা দেবো বৃহস্পতিঃ ।
পঙ্ক্তিশ্ছন্দ ইহেন্দ্রিয়ং তুর্যবাড্গৌর্বয়ো দধুঃ ॥১৬॥

21.17

উষে যহ্বী সুপেশসা বিশ্বে দেবা অমর্ত্যাঃ ।
ত্রিষ্টুপ্ছন্দ ইহেন্দ্রিয়ং পষ্ঠবাড্গৌর্বয়ো দধুঃ ॥১৭॥

21.18

দৈব্যা হোতারা ভিষজেন্দ্রেণ সয়ুজা যুজা ।
জগতী ছন্দ ইন্দ্রিয়মনড্বান্গৌর্বয়ো দধুঃ ॥১৮॥

21.19

তিস্র ইডা সরস্বতী ভারতী মরুতো বিশঃ ।
বিরাট্ ছন্দ ইহেন্দ্রিয়ং ধেনুর্গৌর্ন বয়ো দধুঃ ॥১৯॥

21.20

ত্বষ্টা তুরীপো অদ্ভুত ইন্দ্রাগ্নী পুষ্টিবর্ধনা ।
দ্বিপদা ছন্দ ইন্দ্রিয়মুক্ষা গৌর্ন বয়ো দধুঃ ॥২০॥

21.21

শমিতা নো বনস্পতিঃ সবিতা প্রসুবন্ ভগম্ ।
ককুপ্ছন্দ ইহেন্দ্রিয়ং বশা বেহদ্বয়ো দধুঃ ॥২১॥

21.22

স্বাহা যজ্ঞং বরুণঃ সুক্ষত্রো ভেষজং করৎ ।
অতিচ্ছন্দা ইন্দ্রিয়ং বৃহদৃষভো গৌর্বয়ো দধুঃ ॥২২॥

21.23

বসন্তেন ঋতুনা দেবা বসববস্ত্রিবৃতা স্তুতাঃ ।
রথন্তরেণ তেজসা হবিরিন্দ্রে বয়ো দধুঃ ॥২৩॥

21.24

গ্রীষ্মেণ ঋতুনা দেবা রুদ্রাঃ পঞ্চদশে স্তুতাঃ ।
বৃহতা যশসা বলং হবিরিন্দ্রে বয়ো দধুঃ ॥২৪॥

21.25

বর্ষাভিরৃতুনাঽঽদিত্যা স্তোমে সপ্তদশে স্তুতাঃ ।
বৈরূপেণ বিশৌজসা হবিরিন্দ্রে বয়ো দধুঃ ॥২৫॥

21.26

শারদেন ঋতুনা দেবা একবিংশ ঋভব স্তুতাঃ ।
বৈরাজেন শ্রিয়া শ্রিয়ং হবিরিন্দ্রে বয়ো দধুঃ ॥২৬॥

21.27

হেমন্তেন ঋতুনা দেবাস্ত্রিণবে মরুত স্তুতাঃ ।
বলেন শক্বরীঃ সহো হবিরিন্দ্রে বয়ো দধুঃ ॥২৭॥

21.28

শৈশিরেণ ঋতুনা দেবাস্ত্রয়স্ত্রিংশেঽমৃতা স্তুতাঃ ।
সত্যেন রেবতীঃ ক্ষত্রং হবিরিন্দ্রে বয়ো দধুঃ ॥২৮॥

21.29

হোতা যক্ষত্সমিধাঽগ্নিমিডস্পদেঽশ্বিনেন্দ্রং সরস্বতীমজো ধূম্রো ন গোধূমৈঃ কুবলৈর্ভেষজং মধু শষ্পৈর্ন তেজ ইন্দ্রিয়ং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥২৯॥

21.30

হোতা যক্ষত্তনূনপাত্সরস্বতীমবির্মেষো ন ভেষজং পথা মধুমতা ভরন্নশ্বিনেন্দ্রায় বীর্যং বদরৈরুপবাকাভির্ভেষজং তোক্মভিঃ পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৩০॥

21.31

হোতা যক্ষন্নরাশংসং ন নগ্নহুং পতিং সুরয়া ভেষজং মেষঃ সরস্বতী ভিষগ্রথো ন চন্দ্রয়শ্বিনোর্বপা ইন্দ্রস্য বীর্যং বদরৈরুপবাকাভির্ভেষজং তোক্মভিঃ পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৩১॥

21.32

হোতা যক্ষদিডেডিত আজুহ্বানঃ সরস্বতীমিন্দ্রং বলেন বর্ধয়ন্নৃষভেণ গবেন্দ্রিয়মশ্বিনেন্দ্রায় ভেষজং যবৈ র্কর্কন্ধুভির্মধু লাজৈর্ন মাসরং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৩২॥

21.33

হোতা যক্ষদ্বর্হিরূর্ণম্ম্রদা ভিষঙ্নাসত্যা ভিষজাঽশ্বিনাঽশ্বা শিশুমতী ভিষগ্ধেনুঃ সরস্বতী ভিষগ্দুহ ইন্দ্রায় ভেষজং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৩॥

৩ ।।
হোতা যক্ষদ্দুরো দিশঃ কবষ্যো ন ব্যচস্বতীরশ্বিভ্যাং ন দুরো দিশ ইন্দ্রো ন রোদসী দুঘে দুহে ধেনুঃ সরস্বত্যশ্বিনেন্দ্রায় ভেষজং শুক্রং ন জ্যোতিরিন্দ্রিয়ং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৩৪॥

21.35

হোতা যক্ষত্সুপেশসোষে নক্তং দিবাঽশ্বিনা সমঞ্জাতে সরস্বত্যা ত্বিষিমিন্দ্রে ন ভেষজং শ্যেনো ন রজসা হৃদা শ্রিয়া ন মাসরং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৩৫॥

21.36

হোতা যক্ষদ্দৈব্যা হোতারা ভিষজাঽশ্বিনেন্দ্রং ন জাগৃবি দিবা নক্তং ন ভেষজৈঃ শূষং সরস্বতী ভিষক্ সীসেন দুহ ইন্দ্রিয়ং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৩৬॥

21.37

হোতা যক্ষত্তিস্রো দেবীর্ন ভেষজং ত্রয়স্ত্রিধাতবোঽপসো রূপমিন্দ্রে হিরণ্যয়মশ্বিনেডা ন ভারতী বাচা সরস্বতী মহ ইন্দ্রায় দুহ ইন্দ্রিয়ং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৩৭॥

21.38

হোতা যক্ষৎ সুরেরসমৃষভং নর্যাপসং ত্বষ্টারমিন্দ্রমশ্বিনা ভিষজং ন সরস্বতীমোজো ন জূতিরিন্দ্রিয়ং বৃকো ন রভসো ভিষগ্ যশঃ সুরয়া ভেষজং শ্রিয়া ন মাসরং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৩৮॥

21.39

হোতা যক্ষদ্বনস্পতিং শমিতারং শতক্রতুং ভীমং ন মন্যুং রাজানং ব্যাঘ্রং নমসাঽশ্বিনা ভামং সরস্বতী ভিষগিন্দ্রায় দুহ ইন্দ্রিয়ং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৩৯॥

21.40

হোতা যক্ষদগ্নিং স্বাহাঽঽজ্যস্য স্তোকানাং স্বাহা মেদসাং পৃথক্ স্বাহা ছাগমশ্বিভ্যাং স্বাহা মেষং সরস্বত্যৈ স্বাহ ঋষভমিন্দ্রায় সিংহায় সহস ইন্দ্রিয়ং স্বাহাঽগ্নিং ন ভেষজং স্বাহা সোমমিন্দ্রিয়ং স্বাহেন্দ্রং সুত্রামাণ সবিতারং বরুণং ভিষজাং পতিং স্বাহা বনস্পতিং প্রিয়ং পাথো ন ভেষজং স্বাহা দেবা আজ্যপা জুষাণো অগ্নির্ভেষজং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৪০॥

21.41

হোতা যক্ষদশ্বিনৌ ছাগস্য বপায়া মেদসো জুষেতাং হবির্হোতর্যজ ।
হোতা যক্ষত্সরস্বতীং মেষস্য বপায়া মেদসো জুষতাং হবির্হোতর্যজ ।
হোতা যক্ষদিন্দ্রমৃষভস্য বপায়া মেদসো জুষতাং হবির্হোতর্যজ ॥৪১॥

21.42

হোতা যক্ষদশ্বিনৌ সরস্বতীমিন্দ্রং সুত্রামাণমিমে সোমাঃ সুরামাণশ্ছাগৈর্ন মেষৈরৃষভৈঃ সুতাঃ শষ্পৈর্ন তোক্মভির্লাজৈর্মহস্বন্তো মদা মাসরেণ পরিষ্কৃতাঃ শুক্রাঃ পয়স্বন্তোঽমৃতাঃ প্রস্থিতা বো মধুশ্চুতস্তানশ্বিনা সরস্বতীন্দ্রঃ সুত্রামা বৃত্রহা জুষন্তাং সোম্যং মধু পিবন্তু ব্যন্তু হোতর্যজ ॥৪২॥

21.43

হোতা যক্ষদশ্বিনৌ ছাগস্য হবিষ আত্তামদ্য মধ্যতো মেদ উদ্ভৃতং পুরা দ্বেষোভ্যঃ পুরা পৌরুষেয্যা গৃভো ঘস্তাং নূনং ঘাসে অজ্রাণাং যবসপ্রথমানাং সুমত্ক্ষরাণাং শতরুদ্রিয়াণামগ্নিষ্বাত্তানাং পীবোপবসানাং পার্শ্বতঃ শ্রোণিতঃ শিতামত উত্সাদতোঽঙ্গাদঙ্গাদবত্তানাং করত এবাশ্বিনা জুষেতাং হবির্হোতর্যজ ॥৪৩॥

21.44

হোতা যক্ষৎ সরস্বতীং মেষস্য হবিষ আবয়দদ্য মধ্যতো মেদ উদ্ভৃতং পুরা দ্বেষোভ্যঃ পুরা পৌরুষেয্যা গৃভো ঘসন্নূনং ঘাসে অজ্রাণাং যবসপ্রথমানাং সুমত্ক্ষরাণাং শতরুদ্রিয়াণামগ্নিষ্বাত্তানাং পীবোপবসনানাং পার্শ্বতঃ শ্রোণিতঃ শিতামত উত্সাদতোঽঙ্গাদঙ্গাদবত্তানাং করদেবং সরস্বতী জুষতাং হবির্হোতর্যজ ॥৪৪॥

21.45

হোতা যক্ষদিন্দ্রমৃষভস্য হবিষ আবয়দদ্য মধ্যতো মেদ উদ্ভৃতং পুরা দ্বেষোভ্যঃ পুরা পৌরুষেয্যা গৃভো ঘসন্নূনং ঘাসে অজ্রাণাং যবসপ্রথমানাং সুমত্ক্ষরাণাং শতরুদ্রিয়াণামগ্নিষ্বাত্তানাং পীবোপবসানানাং পার্শ্বতঃ শ্রোণিতঃ শিতামত উত্সাদতোঽঙ্গাদঙ্গাদবত্তানাং করদেবমিন্দ্রো জুষতাং হবির্হোতর্যজ ॥৪৫॥

21.46

হোতা যক্ষদ্বনস্পতিমভি হি পিষ্টতময়া রভিষ্ঠয়া রশনয়াধিত । যত্রাশ্বিনোশ্ছাগস্য হবিষঃ প্রিয়া ধামানি যত্র সরস্বত্যা মেষস্য হবিষঃ প্রিয়া ধামানি যত্রেন্দ্রস্য ঋষভস্য হবিষঃ প্রিয়া ধামানি যত্রাগ্নেঃ প্রিয়া ধামানি যত্র সোমস্য প্রিয়া ধামানি যত্রেন্দ্রস্য সুত্রাম্ণঃ প্রিয়া ধামানি যত্র সবিতুঃ প্রিয়া ধামানি যত্র বরুণস্য প্রিয়া ধামানি যত্র বনস্পতেঃ প্রিয়া পাথাংসি যত্র দেবানামাজ্যপানাং প্রিয়া ধামানি যত্রাগ্নের্হোতুঃ প্রিয়া ধামানি তত্রৈতান্প্রস্তুত্যেবোপস্তুত্যেবোপাবস্রক্ষদ্রভীয়স ইব কৃত্বী করদেবং দেবো বনস্পতির্জুষতাং হবির্হোতর্যজ ॥৪৬॥

21.47

হোতা যক্ষদগ্নিং স্বিষ্টকৃতময়াডগ্নিরশ্বিনোশ্ছাগস্য হবিষঃ প্রিয়া ধামান্যয়াট্ সরস্বত্যা মেষস্য হবিষঃ প্রিয়া ধামান্যয়াডিন্দ্রস্য ঋষভস্য হবিষঃ প্রিয়া ধামান্যয়াডগ্নেঃ প্রিয়া ধামান্যয়াট্ সোমস্য প্রিয়া ধামান্যয়াডিন্দ্রস্য সুত্রাম্ণঃ প্রিয়া ধামান্যয়াট্ সবিতুঃ প্রিয়া ধামান্যয়াড্ বরুণস্য প্রিয়া ধামান্যয়াড্ বনস্পতেঃ প্রিয়া পাথাংস্যয়াড্ দেবানামাজ্যপানাং প্রিয়া ধামানি যক্ষদগ্নের্হোতুঃ প্রিয়া ধামানি যক্ষৎ স্বং মহিমানমায়জতামেজ্যা ইষঃ কৃণোতু সো অধ্বরা জাতবেদা জুষতাং হবির্হোতর্যজ ॥৪৭॥

21.48

দেবং বর্হিঃ সরস্বতী সুদেবমিন্দ্রে অশ্বিনা ।
তেজো ন চক্ষুরক্ষ্যোর্বর্হিষা দধুরিন্দ্রিয়ং বসুবনে বসুধেয়স্য ব্যন্তু যজ ॥৪৮॥

21.49

দেবীর্দ্বারো অশ্বিনা ভিষজেন্দ্রে সরস্বতী ।
প্রাণং ন বীর্যং নসি দ্বারো দধুরিন্দ্রিয়ং বসুবনে বসুধেয়স্য ব্যন্তু যজ ॥৪৯॥

21.50

দেবী উষাসাবশ্বিনা সুত্রামেন্দ্রে সরস্বতী ।
বলং ন বাচমাস্য উষাভ্যাং দধুরিন্দ্রিয়ং বসুবনে বসুধেয়স্য ব্যন্তু যজ ॥৫০॥

21.51

দেবী জোষ্ট্রী সরস্বত্যশ্বিনেন্দ্রমবর্ধয়ন্ ।
শ্রোত্রং ন কর্ণয়োর্যশো জোষ্ট্রীভ্যাং দধুরিন্দ্রিয়ং বসুবনে বসুধেয়স্য ব্যন্তু যজ ॥৫১॥

21.52

দেবী ঊর্জাহুতী দুঘে সুদুঘেন্দ্রে সরস্বত্যশ্বিনা ভিষজাঽবতঃ ।
শুক্রং ন জ্যোতি স্তনয়োরাহুতী ধত্ত ইন্দ্রিয়ং বসুবনে বসুধেয়স্য ব্যন্তু যজ ॥৫২॥

21.53

দেবা দেবানাং ভিষজা হোতারাবিন্দ্রমশ্বিনা ।
বষট্কারৈঃ সরস্বতী ত্বিষিং ন হৃদয়ে মতিং হোতৃভ্যাং দধুরিন্দ্রিয়ং বসুবনে বসুধেয়স্য ব্যন্তু যজ ॥৫৩॥

21.54

দেবীস্তিস্রস্তিস্রো দেবীরশ্বিনেডা সরস্বতী ।
শূষং ন মধ্যে নাভ্যামিন্দ্রায় দধুরিন্দ্রিয়ং বসুবনে বসুধেয়স্য ব্যন্তু যজ ॥৫৪॥

21.55

দেব ইন্দ্রো নরাশংসস্ত্রিবরূথঃ সরস্বত্যশ্বিভ্যামীয়তে রথঃ ।
রেতো ন রূপমমৃতং জনিত্রমিন্দ্রায় ত্বষ্টা দধদিন্দ্রিয়াণি বসুবনে বসুধেয়স্য ব্যন্তু যজ ॥৫৫॥

21.56

দেবো দেবৈর্বনস্পতির্হিরণ্যপর্ণো অশ্বিভ্যাং সরস্বত্যা সুপিপ্পল ইন্দ্রায় পচ্যতে মধু ।
ওজো ন জূতিরৃষভো ন ভামং বনস্পতির্নো দধদিন্দ্রিয়াণি বসুবনে বসুধেয়স্য ব্যন্তু যজ ॥৫৬॥

21.57

দেবং বর্হির্বারিতীনামধ্বরে স্তীর্ণমশ্বিভ্যামূর্ণম্রদাঃ সরস্বত্যা স্যোনমিন্দ্র তে সদঃ ।
ঈশায়ৈ মন্যুং রাজানং বর্হিষা দধুরিন্দ্রিয়ং বসুবনে বসুধেয়স্য ব্যন্তু যজ ॥৫৭॥

21.58

দেবো অগ্নিঃ স্বিষ্টকৃদ্দেবান্যক্ষদ্যথায়থং হোতারাবিন্দ্রমশ্বিনা বাচা বাচং সরস্বতীমগ্নিং সোমং স্বিষ্টকৃৎ স্বিষ্ট ইন্দ্রঃ সুত্রামা সবিতা বরুণো ভিষগিষ্টো দেবো বনস্পতিঃ স্বিষ্টা দেবা আজ্যপাঃ স্বিষ্টো অগ্নিরগ্নিনা হোতা হোত্রে স্বিষ্টকৃদ্যশো ন দধদিন্দ্রিয়মূর্জমপচিতিং স্বধাং বসুবনে বসুধেয়স্য ব্যন্তু যজ ॥৫৮॥