Utshovঅধ্যায় 14
14.1
ধ্রুবক্ষিতির্ধ্রুবয়োনির্ধ্রুবাঽসি ধ্রুবং যোনিমা সীদ সাধুয়া । উখ্যস্য কেতুং প্রথমং জুষাণাঽশ্বিনাঽধ্বর্যূ সাদয়তামিহ ত্বা ॥১॥
14.2
কুলায়িনী ঘৃতবতী পুরুন্ধিঃ স্যোনে সীদ সদনে পৃথিব্যাঃ ।
অভি ত্বা রুদ্রা বসবো গৃণন্ত্বিমা ব্রহ্ম পীপিহি সৌভগায়াশ্বিনাঽধ্বর্যূ সাদয়তামিহ ত্বা ॥২॥
14.3
স্বৈর্দক্ষৈর্দক্ষপিতেহ সীদ দেবানাং সুম্নে বৃহতে রণায় ।
পিতেবৈধি সূনব আ সুশেবা স্বাবেশা তন্বা সং বিশস্বাশ্বিনাঽধ্বর্যূ সাদয়তামিহ ত্বা ॥৩॥
14.4
পৃথিব্যাঃ পুরীষমস্যপ্সো নাম তাং ত্বা বিশ্বে অভি গৃণন্তু দেবাঃ ।
স্তোমপৃষ্ঠা ঘৃতবতীহ সীদ প্রজাবদস্মে দ্রবিণাঽঽয়জস্বাশ্বিনাঽধ্বর্যূ সাদয়তামিহ ত্বা ॥৪॥
14.5
অদিত্যাস্ত্বা পৃষ্ঠে সাদয়াম্যন্তরিক্ষস্য ধর্ত্রীং বিষ্টম্ভনীং দিশামধিপত্নীং ভুবনানাম্ |ঊর্মির্দ্রপ্সো অপামসি বিশ্বকর্মা ত ঋষিরশ্বিনাঽধ্বর্যূ সাদয়তামিহ ত্বা ॥৫॥
14.6
শুক্রশ্চ শুচিশ্চ গ্রৈষ্মাবৃতূ অগ্নেরন্তঃ শ্লেষোঽসি কল্পেতাং দ্যাবাপৃথিবী কল্পন্তামাপ ওষধয়ঃ কল্পন্তামগ্নয়ঃ পৃথঙ্নম জ্যৈষ্ঠ্যায় সব্রতাঃ|
যে অগ্নয়ঃ সমনসোঽন্তরা দ্যাবাপৃথিবী ইমে | গ্রৈষ্মাবৃতূ অভিকল্পমানা ইন্দ্রমিব দেবা অভিসংবিশন্তু তয়া দেবতয়াঽঙ্গিরস্বদ্ ধ্রুবে সীদতম্ ॥৬॥
14.7
সজূরৃতুভিঃ সজূর্বিধাভিঃ সজূর্দেবৈঃ সজূর্দেবৈর্বয়োনাধৈরগ্নয়ে ত্বা বৈশ্বানরায়াশ্বিনাঽধ্বর্যূ সাদয়তামিহ ত্বা
সজূরৃতুভিঃ সজূর্বিধাভিঃ সজূর্বসুভিঃ সজূর্দেবৈর্বয়োনাধৈরগ্নয়ে ত্বা বৈশ্বানরায়াশ্বিনাঽধ্বর্যূ সাদয়তামিহ ত্বা
সজূরৃতুভিঃ সজূর্বিধাভিঃ সজূ রুদ্রৈঃ সজূর্দেবৈর্বয়োনাধৈরগ্নয়ে ত্বা বৈশ্বানরায়াশ্বিনাঽধ্বর্যূ সাদয়তামিহ ত্বা
সজূরৃতুভিঃ সজূর্বিধাভিঃ সজূরাদিত্যৈঃ সজূর্দেবৈর্বয়োনাধৈরগ্নয়ে ত্বা বৈশ্বানরায়াশ্বিনাঽধ্বর্যূ সাদয়তামিহ ত্বা
সজূরৃতুভিঃ সজূর্বিধাভিঃ সজূর্বিশ্বৈর্দেবৈঃ সজূর্দেবৈর্বয়োনাধৈরগ্নয়ে ত্বা বৈশ্বানরায়াশ্বিনাঽধ্বর্যূ সাদয়তামিহ ত্বা ॥৭॥
14.8
প্রাণং মে পাহ্যপানং মে পাহি ব্যানং মে পাহি চক্ষুর্ম উর্ব্যা বি ভাহি শ্রোত্রং মে শ্লোকয় ।
অপঃ পিন্বৌষধীর্জিন্ব দ্বিপাদব চতুষ্পাৎ পাহি দিবো বৃষ্টিমেরয় ॥৮॥
14.9
মূর্ধা বয়ঃ প্রজাপতিশ্ছন্দঃ ক্ষত্রং বয়ো ময়ন্দং ছন্দো বিষ্টম্ভো বয়োঽধিপতিশ্ছন্দো
বিশ্বকর্মা বয়ঃ পরমেষ্ঠী ছন্দো বস্তো বয়ো বিবলং ছন্দো বৃষ্ণির্বয়ো বিশালং ছন্দঃ
পুরুষো বয়স্তন্দ্রং ছন্দো ব্যাঘ্রো বয়োঽনাধৃষ্টং ছন্দঃ সিংহো বয়শ্ছদিশ্ছন্দঃ পষ্ঠবাড্বয়ো বৃহতী ছন্দ উক্ষা বয়ঃ ককুপ্ ছন্দ ঋষভো বয়ঃ সতোবৃহতী ছন্দঃ ॥৯॥
14.10
অনড্বান্বয়ঃ পঙ্ক্তিশ্ছন্দো ধেনুর্বয়ো জগতী ছন্দত্র্যবির্বয়স্ত্রিষ্টুপ্ ছন্দো দিত্যবাড্বয়ো বিরাট্ ছন্দঃ পঞ্চাবির্বয়ো গায়ত্রী ছন্দ স্ত্রিবত্সো বয় উষ্ণিক্ ছন্দঽ স্তুর্যবাড্বয়োঽনুষ্টুপ্ ছন্দো লোকং তা ইন্দ্রম্ ॥১॥
14.11
০।।
ইন্দ্রাগ্নী অব্যথমানামিষ্টকাং দৃংহতং যুবম্ ।
পৃষ্ঠেন দ্যাবাপৃথিবী অন্তরিক্ষং চ বি বাধসে ॥১১॥
14.12
বিশ্বকর্মা ত্বা সাদয়ত্বন্তরিক্ষস্য পৃষ্ঠে ব্যচস্বতীং প্রথস্বতীমন্তরিক্ষং যচ্ছান্তরিক্ষং দৃংহান্তরিক্ষং মা হিংসীঃ । বিশ্বস্মৈ প্রাণায়াপানায় ব্যানায়োদানায় প্রতিষ্ঠায়ৈ চরিত্রায় ।
বায়ুষ্ট্বাঽভি পাতু মহ্যা স্বস্ত্যা ছর্দিষা শন্তমেন তয়া দেবতয়াঽঙ্গিরস্বদ্ ধ্রুবা সীদ ॥১২॥
14.13
রাজ্ঞ্যসি প্রাচী দিগ্বিরাডসি দক্ষিণা দিক্ সম্রাডসি প্রতীচী দিক্ স্বরাডস্যুদীচী দিগধিপত্ন্যসি বৃহতী দিক্ ॥১৩॥
14.14
বিশ্বকর্মা ত্বা সাদয়ত্বন্তরিক্ষস্য পৃষ্ঠে জ্যোতিষ্মতীম্ ।
বিশ্বস্মৈ প্রাণায়াপানায় ব্যানায় বিশ্বং জ্যোতির্যচ্ছ ।
বায়ুষ্টেঽধিপতিস্তয়া দেবতয়াঽঙ্গিরস্বদ্ ধ্রুবা সীদ ॥১৪॥
14.15
নভশ্চ নভস্যশ্চ বার্ষিকাবৃতূ অগ্নেরন্তঃ শ্লেষোঽসি কল্পেতাং দ্যাবাপৃথিবী কল্পন্তামাপ ওষধয়ঃ কল্পন্তামগ্নয়ঃ পৃথঙ্নম জ্যৈষ্ঠ্যায় সব্রতাঃ।
যে অগ্নয়ঃ সমনসোঽন্তরা দ্যাবাপৃথিবী ইমে | বার্ষিকাবৃতূ অভিকল্পমানা ইন্দ্রমিব দেবা অভিসংবিশন্তু তয়া দেবতয়াঽঙ্গিরস্বদ্ ধ্রুবে সীদতম্ ॥১৫॥
14.16
ইষশ্চোর্জশ্চ শারদাবৃতূ অগ্নেরন্তঃ শ্লেষোঽসি কল্পেতাং দ্যাবাপৃথিবী কল্পন্তামাপ ওষধয়ঃ কল্পন্তামগ্নয়ঃ পৃথঙ্নম জ্যৈষ্ঠ্যায় সব্রতাঃ ।
যে অগ্নয়ঃ সমনসোঽন্তরা দ্যাবাপৃথিবী ইমে শারদাবৃতূ অভিকল্পমানা ইন্দ্রমিব দেবা অভিসংবিশন্তু তয়া দেবতয়াঽঙ্গিরস্বদ্ ধ্রুবে সীদতম্ ॥১৬॥
14.17
আয়ুর্মে পাহি প্রাণং মে পাহ্যপানং মে পাহি ব্যানং মে পাহি চক্ষুর্মে পাহি
শ্রোত্রং মে পাহি বাচং মে পিন্ব মনো মে জিন্বাত্মানং মে পাহি জ্যোতির্মে যচ্ছ ॥১৭॥
14.18
মা ছন্দঃ প্রমা ছন্দঃ প্রতিমা ছন্দো অস্রীবয়শ্ছন্দঃ পঙ্ক্তিশ্ছন্দ উষ্ণিক্ ছন্দো
বৃহতী ছন্দো ঽনুষ্টুপ্ ছন্দো বিরাট্ ছন্দো গায়ত্রী ছন্দ স্ত্রিষ্টুপ্ ছন্দো জগতী ছন্দঃ ॥১৮॥
14.19
পৃথিবী ছন্দো ঽন্তরিক্ষং ছন্দো দ্যৌশ্ছন্দঃ সমাশ্ছন্দো নক্ষত্রাণি ছন্দো বাক্ ছন্দো মনশ্ছন্দঃ
কৃষিশ্ছন্দো হিরণ্যং ছন্দো গৌশ্ছন্দো ঽজাশ্ছন্দো ঽশ্বশ্ছন্দঃ ॥১৯॥
14.20
অগ্নির্দেবতা বাতো দেবতা সূর্যো দেবতা চন্দ্রমা দেবতা বসবো দেবতা রুদ্রা দেবতা
ঽঽদিত্যা দেবতা মরুতো দেবতা বিশ্বে দেবা দেবতা বৃহস্পতির্দেবতেন্দ্রো দেবতা বরুণো দেবতা ॥২০॥
14.21
মূর্ধাঽসি রাড্ ধ্রুবাঽসি ধরুণা ধর্ত্র্যসি ধরণী ।
আয়ুষে ত্বা বর্চসে ত্বা কৃষ্যৈ ত্বা ক্ষেমায় ত্বা ॥২১॥
14.22
যন্ত্রী রাড্ যন্ত্র্যসি যমনী ধ্রুবাঽসি ধরিত্রী ।
ইষে ত্বোর্জে ত্বা রয্যৈ ত্বা পোষায় ত্বা লোকং তা ইন্দ্রম্ ॥২২॥
14.23
আশুস্ত্রিবৃদ্ভান্তঃ পঞ্চদশো ব্যোমা সপ্তদশো ধরুণ একবিংশঃ
প্রতূর্তিরষ্টাদশস্তপো নবদশো ঽভীবর্ত্তঃ সবিংশো বর্চো দ্বাবিংশঃ
সম্ভরণস্ত্রয়োবিংশো যোনিশ্চতুর্বিংশো গর্ভাঃ পঞ্চবিংশ ওজস্ত্রিণবঃ
ক্রতুরেকত্রিংশঃ প্রতিষ্ঠা ত্রয়স্ত্রিংশো ব্রধ্নস্য বিষ্টপং চতুস্ত্রিংশো নাকঃ ষট্ত্রিংশো
বিবর্তোঽষ্টাচত্বারিংশো ধর্ত্রং চতুষ্টোমঃ ॥২৩॥
14.24
অগ্নের্ভাগোঽসি দীক্ষায়া আধিপত্যং ব্রহ্ম স্পৃতং ত্রিবৃত্স্তোম
ইন্দ্রস্য ভাগোঽসি বিষ্ণোরাধিপত্যং ক্ষত্রং স্পৃতং পঞ্চদশঃ স্তোমো
নৃচক্ষসাং ভাগোঽসি ধাতুরাধিপত্যং জনিত্রং স্পৃতং সপ্তদশ স্তোমো
মিত্রস্য ভাগোঽসি বরুণস্যাধিপত্যং দিবো বৃষ্টির্বাত স্পৃত একবিংশ স্তোমঃ ॥২৪॥
14.25
বসূনাং ভাগোঽসি রুদ্রাণামাধিপত্যং চতুষ্পাৎ স্পৃতং চতুর্বিংশ স্তোম
আদিত্যানাং ভাগোঽসি মরুতামাধিপত্যং গর্ভা স্পৃতাঃ পঞ্চবিংশ স্তোমো
ঽদিত্যৈ ভাগোঽসি পূষ্ণ আধিপত্যমোজ স্পৃতং ত্রিণব স্তোমো
দেবস্য সবিতুর্ভাগোঽসি বৃহস্পতেরাধিপত্যং সমীচীর্দিশ স্পৃতাশ্চতুষ্টোম স্তোমঃ ॥২৫॥
14.26
যবানাং ভাগোঽস্যয়বানামাধিপত্যং প্রজা স্পৃতাশ্চতুশ্চত্বারিংশ স্তোম
ঋভূণাং ভাগোঽসি বিশ্বেষাং দেবানামাধিপত্যং ভূতং স্পৃতং ত্রয়স্ত্রিংশ স্তোমঃ ॥২৬॥
14.27
সহশ্চ সহস্যশ্চ হৈমন্তিকাবৃতূ অগ্নেরন্তঃ শ্লেষোঽসি কল্পেতাং দ্যাবাপৃথিবী কল্পন্তামাপ ওষধয়ঃ কল্পন্তামগ্নয়ঃ পৃথঙ্নম জ্যৈষ্ঠ্যায় সব্রতাঃ।
যে অগ্নয়ঃ সমনসোঽন্তরা দ্যাবাপৃথিবী ইমে| হৈমন্তিকাবৃতূ অভিকল্পমানা ইন্দ্রমিব দেবা অভিসংবিশন্তু তয়া দেবতয়াঽঙ্গিরস্বদ্ ধ্রুবে সীদতম্ ॥২৭॥
14.28
একয়াস্তুবত প্রজা অধীয়ন্ত প্রজাপতিরধিপতিরাসীৎ তিসৃভিরস্তুবত ব্রহ্মাসৃজ্যত ব্রহ্মণস্পতিরধিপতিরাসীৎ পঞ্চভিরস্তুবত ভূতান্যসৃজ্যন্ত ভূতানাং পতিরধিপতিরাসীৎ সপ্তভিরস্তুবত সপ্ত ঋষয়োঽসৃজ্যন্ত ধাতাঽধিপতিরাসীৎ ॥২৮॥
14.29
নবভিরস্তুবত পিতরোঽসৃজ্যন্তাদিতিরধিপত্ন্যাসীদেকাদশভিরস্তুবত ঋতবোঽসৃজ্যন্তার্তবা অধিপতয় আসঁস্ত্রয়োদশভিরস্তুবত মাসা অসৃজ্যন্ত সংবত্সরোঽধিপতিরাসীৎ পঞ্চদশভিরস্তুবত ক্ষত্রমসৃজ্যতেন্দ্রোঽধিপতিরাসীৎ সপ্তদশভিরস্তুবত গ্রাম্যাঃ পশবোঽসৃজ্যন্ত বৃহস্পতিরধিপতিরাসীৎ ॥২৯॥
14.30
নবদশভিরস্তুবত শূদ্রার্যাবসৃজ্যেতামহোরাত্রে অধিপত্নী আস্তামেকবিংশত্যাস্তুবতৈকশপাঃ পশবোঽসৃজ্যন্ত বরুণোঽধিপতিরাসীৎ
ত্রয়োবিংশত্যাস্তুবত ক্ষুদ্রাঃ পশবোঽসৃজ্যন্ত পূষাঽধিপতিরাসীৎ পঞ্চবিংশত্যাস্তুবতারণ্যাঃ পশবোঽসৃজ্যন্ত বায়ুরধিপতিরাসীৎ
সপ্তবিংশত্যাঽস্তুবত দ্যাবাপৃথিবী ব্যৈতাং বসবো রুদ্রা আদিত্যা অনুব্যায়ঁস্ত এবাধিপতয় আসন্ ॥৩০॥
14.31
নববিংশত্যাঽস্তুবত বনস্পতয়োঽসৃজ্যন্ত সোমোঽধিপতিরাসীদেকত্রিংশতাঽস্তুবত প্রজা অসৃজ্যন্ত যবাশ্চায়বাশ্চাধিপতয় আসঁত্রয়স্ত্রিংশতাঽস্তুবত ভূতান্যশাম্যন্ প্রজাপতিঃ পরমেষ্ঠ্যধিপতিরাসীল্লোকং তা ইন্দ্রম্ ॥৩১॥