Utshovঅধ্যায় 15
15.1
অগ্নে জাতান্ প্র ণুদা নঃ সপত্নান্ প্রত্যজাতান্ নুদ জাতবেদঃ।
অধি নো ব্রূহি সুমনা অহেডঁস্তব স্যাম শর্মঁস্ত্রিবরূথ উদ্ভৌ ॥১॥
15.2
সহসা জাতান্ প্র ণুদা নঃ সপত্নান্ প্রত্যজাতাঞ্জাতবেদো নুদস্ব ।
অধি নো ব্রূহি সুমনস্যমানো বয়ং স্যাম প্র ণুদা নঃ সপত্নান্ ॥২॥
15.3
ষোডশী স্তোম ওজো দ্রবিণং চতুশ্চত্বারিংশ স্তোমো বর্চো দ্রবিণম্ ।
অগ্নেঃ পুরীষমস্যপ্সো নাম তাং ত্বা বিশ্বে অভি গৃণন্তু দেবাঃ ।
স্তোমপৃষ্ঠা ঘৃতবতীহ সীদ প্রজাবদস্মে দ্রবিণা যজস্ব ॥৩॥
15.4
এবশ্ছন্দো বরিবশ্ছন্দঃ শম্ভূশ্ছন্দঃ পরিভূশ্ছন্দ আচ্ছচ্ছন্দো মনশ্ছন্দো
ব্যচশ্ছন্দঃ সিন্ধুশ্ছন্দঃ সমুদ্রশ্ছন্দঃসরিরং ছন্দঃ ককুপ্ছন্দস্ত্রিককুপ্ছন্দঃ কাব্যং ছন্দো
অঙ্কুপং ছন্দো ঽক্ষরপঙ্ক্তিশ্ছন্দঃ পদপঙ্ক্তিশ্ছন্দো বিষ্টারপঙ্ক্তিশ্ছন্দঃ ক্ষুরো ভ্রজশ্ছন্দঃ ॥৪॥
15.5
আচ্ছচ্ছন্দঃ প্রচ্ছচ্ছন্দঃ সংয়চ্ছন্দো বিয়চ্ছন্দো বৃহচ্ছন্দো রথন্তরঞ্ছন্দো নিকায়শ্ছন্দো
বিবধশ্ছন্দো গিরশ্ছন্দো ভ্রজশ্ছন্দঃ সংস্তুপ্ছন্দো ঽনুষ্টুপ্ছন্দ এবশ্ছন্দো বরিবশ্ছন্দো বয়শ্ছন্দো বয়স্কৃচ্ছন্দো বিষ্পর্ধাশ্ছন্দো
বিশালং ছন্দশ্ছদিশ্ছন্দো দূরোহণং ছন্দস্তন্দ্রং ছন্দো অঙ্কাঙ্কং ছন্দঃ ॥৫॥
15.6
রশ্মিনা সত্যায় সত্যং জিন্ব প্রেতিনা ধর্মণা ধর্মং জিন্বান্বিত্যা দিবা দিবং জিন্ব সন্ধিনাঽন্তরিক্ষেণান্তরিক্ষং জিন্ব প্রতিধিনা পৃথিব্যা পৃথিবীং জিন্ব বিষ্টম্ভেন বৃষ্ট্যা বৃষ্টিং জিন্ব প্রবয়াঽহ্নাঽহর্জিন্বানুয়া রাত্র্যা রাত্রীং জিন্বোশিজা বসুভ্যো বসূঞ্জিন্ব প্রকেতেনাদিত্যেভ্য আদিত্যাঞ্জিন্ব ॥৬॥
15.7
তন্তুনা রায়স্পোষেণ রায়স্পোষং জিন্ব সংসর্পেণ শ্রুতায় শ্রুতং জিন্বৈডেনৌষধীভিরোষধীর্জিন্বোত্তমেন তনূভিস্তনূর্জিন্ব বয়োধসাধীতেনাধীতং জিন্বাভিজিতা তেজসা তেজো জিন্ব ॥৭॥
15.8
প্রতিপদসি প্রতিপদে ত্বা ঽনুপদস্যনুপদে ত্বা সম্পদসি সম্পদে ত্বা তেজোঽসি তেজসে ত্বা ॥৮॥
15.9
ত্রিবৃদসি ত্রিবৃতে ত্বা প্রবৃদসি প্রবৃতে ত্বা বিবৃদসি বিবৃতে ত্বা সবৃদসি সবৃতে ত্বা
ঽঽক্রমোঽস্যাক্রমায় ত্বা সংক্রমোঽসি সংক্রমায় ত্বোত্ক্রমোঽস্যুত্ক্রমায় ত্বোত্ক্রান্তিরস্যুত্ক্রান্ত্যৈ ত্বা
ঽধিপতিনোর্জোর্জং জিন্ব ॥৯॥
15.10
রাজ্ঞ্যসি প্রাচী দিগ্বসবস্তে দেবা অধিপতয়োঽগ্নির্হেতীনাং প্রতিধর্তা ত্রিবৃৎ ত্বা স্তোমঃ পৃথিব্যাং শ্রয়ত্বাজ্যমুক্থমব্যথায়ৈ স্তভ্নাতু রথন্তরং সাম প্রতিষ্ঠিত্যা অন্তরিক্ষ ঋষয়স্ত্বা প্রথমজা দেবেষু দিবো মাত্রয়া বরিম্ণা প্রথন্তু বিধর্তা চায়মধিপতিশ্চ তে ত্বা সর্বে সংবিদানা নাকস্য পৃষ্ঠে স্বর্গে লোকে যজমানং চ সাদয়ন্তু ॥১॥
15.11
০।।
বিরাডসি দক্ষিণা দিগ্রুদ্রাস্তে দেবা অধিপতয় ইন্দ্রো হেতীনাং প্রতিধর্তা পঞ্চদস্ত্বা স্তোমঃ পৃথিব্যাংশ্রয়তু প্র উগমুক্থমব্যথায়ৈ স্তভ্নাতু বৃহত্সাম প্রতিষ্ঠিত্যা অন্তরিক্ষ ঋষয়স্ত্বা প্রথমজা দেবেষু দিবো মাত্রয়া বরিম্ণা প্রথন্তু বিধর্তা চায়মধিপতিশ্চ তে ত্বা সর্বে সংবিদানা নাকস্য পৃষ্ঠে স্বর্গে লোকে যজমানং চ সাদয়ন্তু ॥১১॥
15.12
সম্রাডসি প্রতীচী দিগাদিত্যাস্তে দেবা অধিপতয়ো বরুণো হেতীনাং প্রতিধর্তা সপ্তদশস্ত্বা স্তোমঃ পৃথিব্যাং শ্রয়তু মরুত্বতীয়মুক্থমব্যথায়ৈ স্তভ্নাতু বৈরূপংসাম প্রতিষ্ঠিত্যা অন্তরিক্ষ ঋষয়স্ত্বা প্রথমজা দেবেষু দিবো মাত্রয়া বরিম্ণা প্রথন্তু বিধর্তা চায়মধিপতিশ্চ তে ত্বা সর্বে সংবিদানা নাকস্য পৃষ্ঠে স্বর্গে লোকে যজমানং চ সাদয়ন্তু ॥১২॥
15.13
স্বরাডস্যুদীচী দিঙ্মরুতস্তে দেবা অধিপতয়ঃ সোমো হেতীনাং প্রতিধর্তৈকবিংশস্ত্বা স্তোমঃ পৃথিব্যাং শ্রয়তু নিষ্কেবল্যমুক্থমব্যথায়ৈ স্তভ্নাতু বৈরাজঁ সাম প্রতিষ্ঠিত্যা অন্তরিক্ষ ঋষয়স্ত্বা প্রথমজা দেবেষু দিবো মাত্রয়া বরিম্ণা প্রথন্তু বিধর্তা চায়মধিপতিশ্চ তে ত্বা সর্বে সংবিদানা নাকস্য পৃষ্ঠে স্বর্গে লোকে যজমানং চ সাদয়ন্তু ॥১৩॥
15.14
অধিপত্ন্যসি বৃহতী দিগ্বিশ্বে তে দেবা অধিপতয়ো বৃহস্পতির্হেতীনাং প্রতিধর্তা ত্রিণবত্রয়স্ত্রিংশৌ ত্বা স্তোমৌ পৃথিব্যাং শ্রয়তাং বৈশ্বদেবাগ্নিমারুতে উক্থে অব্যথায়ৈ স্তভ্নীতাং শাক্বররৈবতে সামনী প্রতিষ্ঠিত্যা অন্তরিক্ষ ঋষয়স্ত্বা প্রথমজা দেবেষু দিবো মাত্রয়া বরিম্ণা প্রথন্তু বিধর্তা চায়মধিপতিশ্চ তে ত্বা সর্বে সংবিদানা নাকস্য পৃষ্ঠে স্বর্গে লোকে যজমানং চ সাদয়ন্তু ॥১৪॥
15.15
অয়ং পুরো হরিকেশঃ সূর্যরশ্মিস্তস্য রথগৃত্সশ্চ রথৌজাশ্চ সেনানীগ্রামণ্যৌ |
পুঞ্জিকস্থলা চ ক্রতুস্থলা চাপ্সরসৌ দঙ্ক্ষ্ণবঃ পশবো হেতিঃ পৌরুষেয়ো বধঃ প্রহেতিস্তেভ্যো নমো অস্তু তে নোঽবন্তু তে নো মৃডয়ন্তু তে যং দ্বিষ্মো যশ্চ নো দ্বেষ্টি তমেষাং জম্ভে দধ্মঃ ॥১৫॥
15.16
অয়ং দক্ষিণা বিশ্বকর্মা তস্য রথস্বনশ্চ রথেচিত্রশ্চ সেনানীগ্রামণ্যৌ ।
মেনকা চ সহজন্যা চাপ্সরসৌ যাতুধানা হেতী রক্ষাংসি প্রহেতিস্তেভ্যো নমো অস্তু তে নোঽবন্তু তে নো মৃডয়ন্তু তে যং দ্বিষ্মো যশ্চ নো দ্বেষ্টি তমেষাং জম্ভে দধ্মঃ ॥১৬॥
15.17
অয়ং পশ্চাদ্বিশ্বব্যচাস্তস্য রথপ্রোতশ্চাসমরথশ্চ সেনানীগ্রামণ্যৌ ।
প্রম্লোচন্তী চানুম্লোচন্তী চাপ্সরসৌ ব্যাঘ্রা হেতিঃ সর্পাঃ প্রহেতিস্তেভ্যো নমো অস্তু তে নোঽবন্তু তে নো মৃডয়ন্তু তে যং দ্বিষ্মো যশ্চ নো দ্বেষ্টি তমেষাং জম্ভে দধ্মঃ ॥১৭॥
15.18
অয়মুত্তরাত্সংয়দ্বসুস্তস্য তার্ক্ষ্যশ্চারিষ্টনেমিশ্চ সেনানীগ্রামণ্যৌ ।
বিশ্বাচী চ ঘৃতাচী চাপ্সরসাবাপো হেতির্বাতঃ প্রহেতিস্তেভ্যো নমো অস্তু তে নোঽবন্তু তে নো মৃডয়ন্তু তে যং দ্বিষ্মো যশ্চ নো দ্বেষ্টি তমেষাং জম্ভে দধ্মঃ ॥১৮॥
15.19
অয়মুপর্যর্বাগ্বসুস্তস্য সেনজিচ্চ সুষেণশ্চ সেনানীগ্রামণ্যৌ ।
উর্বশী চ পূর্বচিত্তিশ্চাপ্সরসাববস্ফূর্জন্ হেতির্বিদ্যুত্প্রহেতিস্তেভ্যো নমো অস্তু তে নোঽবন্তু তে নো মৃডয়ন্তু তে যং দ্বিষ্মো যশ্চ নো দ্বেষ্টি তমেষাং জম্ভে দধ্মঃ ॥১৯॥
15.20
অগ্নির্মূর্ধা দিবঃ ককুত্পতিঃ পৃথিব্যা অয়ম্ ।
অপাং রেতাংসি জিন্বতি ॥২০॥
15.21
অয়মগ্নিঃ সহস্রিণো বাজস্য শতিনস্পতিঃ । মূর্ধা কবী রয়ীণাম্ ॥২১॥
15.22
ত্বামগ্নে পুষ্করাদধ্যথর্বা নিরমন্থত । মূর্ধ্নো বিশ্বস্য বাঘতঃ ॥২২॥
15.23
ভুবো যজ্ঞস্য রজসশ্চ নেতা যত্রা নিয়ুদ্ভিঃ সচসে শিবাভিঃ ।
দিবি মূর্ধানং দধিষে স্বর্ষাং জিহ্বামগ্নে চকৃষে হব্যবাহম্ ॥২৩॥
15.24
অবোধ্যগ্নিঃ সমিধা জনানাং প্রতি ধেনুমিবায়তীমুষাসম্ ।
যহ্বা ইব প্র বয়ামুজ্জিহানাঃ প্র ভানবঃ সিস্রতে নাকমচ্ছ ॥২৪॥
15.25
অবোচাম কবয়ে মেধ্যায় বচো বন্দারু বৃষভায় বৃষ্ণে ।
গবিষ্ঠিরো নমসা স্তোমমগ্নৌ দিবীব রুক্মমুরুব্যঞ্চমশ্রেৎ ॥২৫॥
15.26
অয়মিহ প্রথমো ধায়ি ধাতৃভির্হোতা যজিষ্ঠো অধ্বরেষ্বীড্যঃ ।
যমপ্নবানো ভৃগবো বিরুরুচুর্বনেষু চিত্রং বিভ্বং বিশে-বিশে ॥২৬॥
15.27
জনস্য গোপা অজনিষ্ট জাগৃবিরগ্নিঃ সুদক্ষঃ সুবিতায় নব্যসে ।
ঘৃতপ্রতীকো বৃহতা দিবিস্পৃশা দ্যুমদ্বি ভাতি ভরতেভ্যঃ শুচিঃ ॥২৭॥
15.28
ত্বামগ্নে অঙ্গিরসো গুহা হিতমন্ববিন্দঞ্ছিশ্রিয়াণং বনে – বনে ।
স জায়সে মথ্যমানঃ সহো মহত্ত্বামাহুঃ সহসস্পুত্রমঙ্গিরঃ ॥২৮॥
15.29
সখায়ঃ সং বঃ সম্যঞ্চমিষং স্তোমং চাগ্নয়ে ।
বর্ষিষ্ঠায় ক্ষিতীনামূর্জো নপ্ত্রে সহস্বতে ॥২৯॥
15.30
সংসমিদ্যুবসে বৃষন্নগ্নে বিশ্বান্যর্য আ । ইডস্পদে সমিধ্যসে স নো বসূন্যা ভর ॥৩০॥
15.31
ত্বাং চিত্রশ্রবস্তম হবন্তে বিক্ষু জন্তবঃ । শোচিষ্কেশং পুরুপ্রিয়াগ্নে হব্যায় বোঢবে ॥৩১॥
15.32
এনা বো অগ্নিং নমসোর্জো নপাতমা হুবে । প্রিয়ং চেতিষ্ঠমরতিং স্বধ্বরং বিশ্বস্য দূতমমৃতম্ ॥৩২॥
15.33
বিশ্বস্য দূতমমৃতং বিশ্বস্য দূতমমৃতম্ । স যোজতে অরুষা বিশ্বভোজসা স দুদ্রবত্স্বাহুতঃ ॥৩৩॥
15.34
স দুদ্রবত্স্বাহুতঃ স দুদ্রবত্স্বাহুতঃ । সুব্রহ্মা যজ্ঞঃ সুশমী বসূনাং দেবং রাধো জনানাম্ ॥৩৪॥
15.35
অগ্নে বাজস্য গোমত ঈশানঃ সহসো যহো । অস্মে ধেহি জাতবেদো মহি শ্রবঃ ॥৩৫॥
15.36
স ইধানো বসুষ্কবিরগ্নিরীডেন্যো গিরা । রেবদস্মভ্যং পুর্বণীক দীদিহি ॥৩৬॥
15.37
ক্ষপো রাজন্নুত ত্মনাগ্নে বস্তোরুতোষসঃ । স তিগ্মজম্ভ রক্ষসো দহ প্রতি ॥৩৭॥
15.38
ভদ্রো নো অগ্নিরাহুতো ভদ্রা রাতিঃ সুভগ ভদ্রো অধ্বরঃ । ভদ্রা উত প্রশস্তয়ঃ ॥৩৮॥
15.39
ভদ্রা উত প্রশস্তয়ো ভদ্রং মনঃ কৃণুষ্ব বৃত্রতূর্যে । যেনা সমত্সু সাসহঃ ॥৩৯॥
15.40
যেনা সমত্সু সাসহোঽব স্থিরা তনুহি ভূরি শর্ধতাম্ । বনেমা তে অভিষ্টিভিঃ ॥৪০॥
15.41
অগ্নিং তং মন্যে যো বসুরস্তং যং যন্তি ধেনবঃ ।
অস্তমর্বন্ত আশবোঽস্তং নিত্যাসো বাজিন ইষং স্তোতৃভ্য আ ভর ॥৪১॥
15.42
সো অগ্নির্যো বসুর্গৃণে সং যমায়ন্তি ধেনবঃ ।
সমর্বন্তো রঘুদ্রুবঃ সং সুজাতাসঃ সূরয় ইষং স্তোতৃভ্য আ ভর ॥৪২॥
15.43
উভে সুশ্চন্দ্র সর্পিষো দর্বী শ্রীণীষ আসনি ।
উতো ন উত্পুপূর্যা উক্থেষু শবসস্পত ইষং স্তোতৃভ্য আ ভর ॥৪৩॥
15.44
অগ্নে তমদ্যাশ্বং ন স্তোমৈঃ ক্রতুং ন ভদ্রং হৃদিস্পৃশম্ । ঋধ্যামা ত ওহৈঃ ॥৪৪॥
15.45
অধা হ্যগ্নে ক্রতোর্ভদ্রস্য দক্ষস্য সাধোঃ । রথীরৃতস্য বৃহতো বভূথ ॥৪৫॥
15.46
এভির্নো অর্কৈর্ভবা নো অর্বাঙ্ স্বর্ণ জ্যোতিঃ । অগ্নে বিশ্বেভিঃ সুমনা অনীকৈঃ ॥৪৬॥
15.47
অগ্নিং হোতারং মন্যে দাস্বন্তং বসুং সূনুং সহসো জাতবেদসং বিপ্রং ন জাতবেদসম্ ।
য ঊর্ধ্বয়া স্বধ্বরো দেবো দেবাচ্যা কৃপা । ঘৃতস্য বিভ্রাষ্টিমনু বষ্টি শোচিষাঽঽজুহ্বানস্য সর্পিষঃ ॥৪৭॥
15.48
অগ্নে ত্বং নো অন্তম উত ত্রাতা শিবো ভব বরূথ্যঃ ।
বসুরগ্নির্বসুশ্রবা অচ্ছা নক্ষি দ্যুমত্তমং রয়িং দাঃ ।
তং ত্বা শোচিষ্ঠ দীদিবঃ সুম্নায় নূনমীমহে সখিভ্যঃ ॥৪৮॥
15.49
যেন ঋষয়স্তপসা সত্রমায়ন্নিন্ধানা অগ্নিং স্বরাভরন্তঃ ।
তস্মিন্নহং নি দধে নাকে অগ্নিং যমাহুর্মনব স্তীর্ণবর্হিষম্ ॥৪৯॥
15.50
তং পত্নীভিরনু গচ্ছেম দেবাঃ পুত্রৈর্ভ্রাতৃভিরুত বা হিরণ্যৈঃ ।
নাকং গৃভ্ণানাঃ সুকৃতস্য লোকে তৃতীয়ে পৃষ্ঠে অধি রোচনে দিবঃ ॥৫০॥
15.51
আ বাচো মধ্যমরুহদ্ভুরণ্যুরয়মগ্নিঃ সত্পতিশ্চেকিতানঃ ।
পৃষ্ঠে পৃথিব্যা নিহিতো দবিদ্যুতদধস্পদং কৃণুতাং যে পৃতন্যবঃ ॥৫১॥
15.52
অয়মগ্নির্বীরতমো বয়োধাঃ সহস্রিয়ো দ্যোততামপ্রয়ুচ্ছন্ ।
বিভ্রাজমানঃ সরিরস্য মধ্য উপ প্র যাহি দিব্যানি ধাম ॥৫২॥
15.53
সম্প্রচ্যবধ্বমুপ সম্প্রয়াতাগ্নে পথো দেবয়ানান্ কৃণুধ্বম্ ।
পুনঃ কৃণ্বানা পিতরা যুবানাঽন্বাতাংসীৎ ত্বয়ি তন্তুমেতম্ ॥৫৩॥
15.54
উদ্বুধ্যস্বাগ্নে প্রতি জাগৃহি ত্বমিষ্টাপূর্তে সং সৃজেথাময়ং চ ।
অস্মিন্ত্সধস্থে অধ্যুত্তরস্মিন্ বিস্বে দেবা যজমানাশ্চ সীদত ॥৫৪॥
15.55
যেন বহসি সহস্রং যেনাগ্নে সর্ববেদসম্ ।
তেনেমং যজ্ঞং নো নয় স্বর্দেবেষু গন্তবে ॥৫৫॥
15.56
অয়ং তে যোনিরৃত্বিয়ো যতো জাতো অরোচথা । তং জানন্নগ্ন আ রোহাথা নো বর্ধয়া রয়িম্ ॥৫৬॥
15.57
তপশ্চ তপস্যশ্চ শৈশিরাবৃতূ অগ্নেরন্তঃ শ্লেষোঽসি কল্পেতাং দ্যাবাপৃথিবী কল্পন্তামাপ ওষধয়ঃ কল্পন্তামগ্নয়ঃ পৃথঙ্মম জ্যৈষ্ঠ্যায় সব্রতাঃ। যে অগ্নয়ঃ সমনসোঽন্তরা দ্যাবাপৃথিবী ইমে|
শৈশিরাবৃতূ অভিকল্পমানা ইন্দ্রমিব দেবা অভিসংবিশন্তু তয়া দেবতয়াঽঙ্গিরস্বদ্ধ্রুবে সীদতম্ ॥৫৭॥
15.58
পরমেষ্ঠী ত্বা সাদয়তু দিবস্পৃষ্ঠে জ্যোতিষ্মতীম্ । বিশ্বস্মৈ প্রাণায়াপানায় ব্যানায় বিশ্বং জ্যোতির্যচ্ছ ।
সূর্যস্তেঽধিপতিস্তয়া দেবতয়াঽঙ্গিরস্বদ্ ধ্রুবা সীদ ॥৫৮॥
15.59
লোকং পৃণ ছিদ্রং পৃণাথো সীদ ধ্রুবা ত্বম্ । ইন্দ্রাগ্নী ত্বা বৃহস্পতিরস্মিন্যোনাবসীষদন্ ॥৫৯॥
15.60
তা অস্য সূদদোহসঃ সোমং শ্রীণন্তি পৃশ্নয়ঃ । জন্মন্দেবানাং বিশস্ত্রিষ্বা রোচনে দিবঃ ॥৬০॥
15.61
ইন্দ্রং বিশ্বা অবীবৃধন্ত্সমুদ্রব্যচসং গিরঃ । রথীতমং রথীনাং বাজানাং সত্পতিং পতিম্ ॥৬১॥
15.62
প্রোথদশ্বো ন যবসেঽবিষ্যন্যদা মহঃ সংবরণাদ্বয়স্থাৎ ।
আদস্য বাতো অনুবাতি শোচিরধ স্ম তে ব্রজনং কৃষ্ণমস্তি ॥৬২॥
15.63
আয়োষ্ট্বা সদনে সাদয়াম্যবতশ্ছায়ায়াং সমুদ্রস্য হৃদয়ে ।
রশ্মীবতীং ভাস্বতীমা যা দ্যাং ভাস্যাপৃথিবীমোর্বন্তরিক্ষম্ ॥৬৩॥
15.64
পরমেষ্ঠী ত্বা সাদয়তু দিবস্পৃষ্ঠে ব্যচস্বতীং প্রথস্বতীং দিবং যচ্ছ দিবং দৃংহ দিবং মা হিংসীঃ ।
বিশ্বস্মৈ প্রাণায়াপানায় ব্যানায়োদানায় প্রতিষ্ঠায়ৈ চরিত্রায় ।
সূর্যস্ত্বাঽভি পাতু মহ্যা স্বস্ত্যা ছর্দিষা শন্তমেন তয়া দেবতয়াঽঙ্গিরস্বদ্ ধ্রুবে সীদতম্ ॥৬৪॥
15.65
সহস্রস্য প্রমাঽসি সহস্রস্য প্রতিমাঽসি সহস্রস্যোন্মাঽসি সাহস্রোঽসি সহস্রায় ত্বা ॥৬৫॥