Utshovঅধ্যায় 12
12.1
দৃশানো রুক্ম উর্ব্যা ব্যদ্যৌদ্ দুর্মর্ষমায়ুঃ শ্রিয়ে রুচানঃ ।
অগ্নিরমৃতো অভবদ্বয়োভির্যদেনং দ্যৌরজনয়ত্সুরেতাঃ ॥১॥
12.2
নক্তোষাসা সমনসা বিরূপে ধাপয়েতে শিশুমেকং সমীচী ।
দ্যাবাক্ষামা রুক্মো অন্তর্বি ভাতি দেবা অগ্নিং ধারয়ন্দ্রবিণোদাঃ ॥২॥
12.3
বিশ্বা রূপাণি প্রতি মুঞ্চতে কবিঃ প্রাসাবীদ্ভদ্রং দ্বিপদে চতুষ্পদে ।
বি নাকমখ্যত্সবিতা বরেণ্যোঽনু প্রয়াণমুষসো বি রাজতি ॥৩॥
12.4
সুপর্ণোঽসি গরুত্মাঁস্ত্রিবৃত্তে শিরো গায়ত্রং চক্ষুর্বৃহদ্রথন্তরে পক্ষৌ ।
স্তোম আত্মা ছন্দাংস্যঙ্গানি যজূঁংষি নাম । সাম তে তনূর্বামদেব্যং যজ্ঞায়জ্ঞিয়ং পুচ্ছং ধিষ্ণ্যাঃ শপাঃ ।
সুপর্ণোঽসি গরুত্মান্দিবং গচ্ছ স্বঃ পত ॥৪॥
12.5
বিষ্ণোঃ ক্রমোঽসি সপত্নহা গায়ত্রং ছন্দ আ রোহ পৃথিবীমনু বি ক্রমস্ব
বিষ্ণোঃ ক্রমোঽস্যভিমাতিহা ত্রৈষ্টুভং ছন্দ আ রোহান্তরিক্ষমনু বি ক্রমস্ব
বিষ্ণোঃ ক্রমোঽস্যরাতীয়তো হন্তা জাগতং ছন্দ আ রোহ দিবমনু বি ক্রমস্ব
বিষ্ণোঃ ক্রমোঽসি শত্রূয়তো হন্তাঽঽনুষ্টুভং ছন্দ আ রোহ দিশোঽনু বি ক্রমস্ব ॥৫॥
12.6
অক্রন্দদগ্নি স্তনয়ন্নিব দ্যৌঃ ক্ষামা রেরিহদ্বীরুধঃ সমঞ্জন্ ।
সদ্যো জজ্ঞানো বি হীমিদ্ধো অখ্যদা রোদসী ভানুনা ভাত্যন্তঃ ॥৬॥
12.7
অগ্নেঽভ্যাবর্তিন্নভি মা নি বর্তস্বায়ুষা বর্চসা প্রজয়া ধনেন ।
সন্যা মেধয়া রয্যা পোষেণ ॥৭॥
12.8
অগ্নে অঙ্গিরঃ শতং তে সন্ত্বাবৃতঃ সহস্রং ত উপাবৃতঃ ।
অধা পোষস্য পোষেণ পুনর্নো নষ্টমা কৃধি পুনর্নো রয়িমা কৃধি ॥৮॥
12.9
পুনরূর্জা নি বর্তস্ব পুনরগ্ন ইষাঽঽয়ুষা । পুনর্নঃ পাহ্যংহসঃ ॥৯॥
12.10
সহ রয্যা নি বর্তস্বাগ্নে পিন্বস্ব ধারয়া । বিশ্বপ্স্ন্যা বিশ্বতস্পরি ॥১০॥
12.11
আ ত্বাঽহার্ষমন্তরভূর্ধ্রুবস্তিষ্ঠাবিচাচলিঃ । বিশস্ত্বা সর্বা বাঞ্ছন্তু মা ত্বদ্রাষ্ট্রমধিভ্রশৎ ॥১১॥
12.12
উদুত্তমং বরুণ পাশমস্মদবাধমং বি মধ্যমং শ্রথায় ।
অথা বয়মাদিত্য ব্রতে তবানাগসো অদিতয়ে স্যাম ॥১২॥
12.13
অগ্রে বৃহন্নুষসামূর্ধ্বো অস্থান্নির্জগন্বান্ তমসো জ্যোতিষাঽঽগাৎ ।
অগ্নির্ভানুনা রুশতা স্বঙ্গ আ জাতো বিশ্বা সদ্মান্যপ্রাঃ ॥১৩॥
12.14
হংসঃ শুচিষদ্বসুরন্তরিক্ষসদ্ধোতা বেদিষদতিথির্দূরোণসৎ ।
নৃষদ্বরসদৃতসদ্ ব্যোমসদব্জা গোজা ঋতজা অদ্রিজা ঋতং বৃহৎ ॥১৪॥
12.15
সীদ ত্বং মাতুরস্যা উপস্থে বিশ্বান্যগ্নে বয়ুনানি বিদ্বান্ ।
মৈনাং তপসা মার্চিষাঽভি শোচীরন্তরস্যাং শুক্রজ্যোতির্বি ভাহি ॥১৫॥
12.16
অন্তরগ্নে রুচা ত্বমুখায়াঃ সদনে স্বে । তস্যাস্ত্বং হরসা তপঞ্জাতবেদঃ শিবো ভব ॥১৬॥
12.17
শিবো ভূত্বা মহ্যমগ্নে অথো সীদ শিবস্ত্বম্ ।
শিবাঃ কৃত্বা দিশঃ সর্বাঃ স্বং যোনিমিহাসদঃ ॥১৭॥
12.18
দিবস্পরি প্রথমং জজ্ঞে অগ্নিরস্মদ্ দ্বিতীয়ং পরি জাতবেদাঃ ।
তৃতীয়মপ্সু নৃমণা অজস্রমিন্ধান এনং জরতে স্বাধীঃ ॥১৮॥
12.19
বিদ্মা তে অগ্নে ত্রেধা ত্রয়াণি বিদ্মা তে ধাম বিভৃতা পুরুত্রা ।
বিদ্মা তে নাম পরমং গুহা যদ্বিদ্মা তমুত্সং যত আজগন্থ ॥১৯॥
12.20
সমুদ্রে ত্বা নৃমণা অপ্স্বন্তর্নৃচক্ষা ঈধে দিবো অগ্ন ঊধন্ ।
তৃতীয়ে ত্বা রজসি তস্থিবাংসমপামুপস্থে মহিষা অবর্ধন্ ॥২০॥
12.21
অক্রন্দদগ্নি স্তনয়ন্নিব দ্যৌঃ ক্ষামা রেরিহদ্বীরুধঃ সমঞ্জন্ ।
সদ্যো জজ্ঞানো বি হীমিদ্ধো অখ্যদা রোদসী ভানুনা ভাত্যন্তঃ ॥২১॥
12.22
শ্রীণামুদারো ধরুণো রয়ীণাং মনীষাণাং প্রার্পণঃ সোমগোপাঃ ।
বসুঃ সূনুঃ সহসো অপ্সু রাজা বি ভাত্যগ্র উষসামিধানঃ ॥২২॥
12.23
বিশ্বস্য কেতুর্ভুবনস্য গর্ভ আ রোদসী অপৃণাজ্জায়মানঃ ।
বীডুং চিদদ্রিমভিনৎ পরায়ঞ্জনা যদগ্নিময়জন্ত পঞ্চ ॥২৩॥
12.24
উশিক্পাবকো অরতিঃ সুমেধা মর্ত্যেষ্বগ্নিরমৃতো নি ধায়ি ।
ইয়র্তি ধূমমরুষং ভরিভ্রদুচ্ছুক্রেণ শোচিষা দ্যামিনক্ষন্ ॥২৪॥
12.25
দৃশানো রুক্ম উর্ব্যা ব্যদ্যৌদ্দুর্মর্ষমায়ুঃ শ্রিয়ে রুচানঃ ।
অগ্নিরমৃতো অভবদ্বয়োভির্যদেনং দ্যৌরজনয়ত্সুরেতাঃ ॥২৫॥
12.26
যস্তে অদ্য কৃণবদ্ভদ্রশোচেঽপূপং দেব ঘৃতবন্তমগ্নে ।
প্র তং নয় প্রতরং বস্যো অচ্ছাভি সুম্নং দেবভক্তং যবিষ্ঠ ॥২৬॥
12.27
আ তং ভজ সৌশ্রবসেষ্বগ্ন উক্থ উক্থ আ ভজ শস্যমানে ।
প্রিয়ঃ সূর্যে প্রিয়ো অগ্না ভবাত্যুজ্জাতেন ভিনদদুজ্জনিত্বৈঃ ॥২৭॥
12.28
ত্বামগ্নে যজমানা অনু দ্যূন্ বিশ্বা বসু দধিরে বার্যাণি ।
ত্বয়া সহ দ্রবিণমিচ্ছমানা ব্রজং গোমন্তমুশিজো বি বব্রুঃ ॥২৮॥
12.29
অস্তাব্যগ্নির্নরাং সুশেবো বৈশ্বানর ঋষিভিঃ সোমগোপাঃ ।
অদ্বেষে দ্যাবাপৃথিবী হুবেম দেবা ধত্ত রয়িমস্মে সুবীরম্ ॥২৯॥
12.30
সমিধাঽগ্নিং দুবস্যত ঘৃতৈর্বোধয়তাতিথিম্ । আঽস্মিন্ হব্যা জুহোতন ॥৩০॥
12.31
উদু ত্বা বিশ্বে দেবা অগ্নে ভরন্তু চিত্তিভিঃ । স নো ভব শিবস্ত্বং সুপ্রতীকো বিভাবসুঃ ॥৩১॥
12.32
প্রেদগ্নে জ্যোতিষ্মান্ যাহি শিবেভিরর্চিভিষ্ট্বম্ ।
বৃহদ্ভির্ভানুভির্ভাসন্মা হিংসীস্তন্বা প্রজাঃ ॥৩২॥
12.33
অক্রন্দদগ্নি স্তনয়ন্নিব দ্যৌঃ ক্ষামা রেরিহদ্বীরুধঃ সমঞ্জন্ ।
সদ্যো জজ্ঞানো বি হীমিদ্ধো অখ্যদা রোদসী ভানুনা ভাত্যন্তঃ ॥৩৩॥
12.34
প্র-প্রায়মগ্নির্ভরতস্য শৃণ্বে বি যত্সূর্যো ন রোচতে বৃহদ্ভাঃ ।
অভি যঃ পূরুং পৃতনাসু তস্থৌ দীদায় দৈব্যো অতিথিঃ শিবো নঃ ॥৩৪॥
12.35
আপো দেবীঃ প্রতি গৃভ্ণীত ভস্মৈতত্স্যোনে কৃণুধ্বং সুরভা উ লোকে ।
তস্মৈ নমন্তাং জনয়ঃ সুপত্নীর্মাতেব পুত্রং বিভৃতাপ্স্বেনৎ ॥৩৫॥
12.36
অপ্স্বগ্নে সধিষ্টব সৌষধীরনু রুধ্যসে । গর্ভে সঞ্জায়সে পুনঃ ॥৩৬॥
12.37
গর্ভো অস্যোষধীনাং গর্ভো বনস্পতীনাম্ । গর্ভো বিশ্বস্য ভূতস্যাগ্নে গর্ভো অপামসি ॥৩৭॥
12.38
প্রসদ্য ভস্মনা যোনিমপশ্চ পৃথিবীমগ্নে । সংসৃজ্য মাতৃভিষ্ট্বং জ্যোতিষ্মান্ পুনরা ঽসদঃ ॥৩৮॥
12.39
পুনরাসদ্য সদনমপশ্চ পৃথিবীমগ্নে । শেষে মাতুর্যথোপস্থেঽন্তরস্যাং শিবতমঃ ॥৩৯॥
12.40
পুনরূর্জা নি বর্তস্ব পুনরগ্ন ইষাঽঽয়ুষা । পুনর্নঃ পাহ্যংহসঃ ॥৪০॥
12.41
সহ রয্যা নি বর্তস্বাগ্নে পিন্বস্ব ধারয়া । বিশ্বপ্স্ন্যা বিশ্বতস্পরি ॥৪১॥
12.42
বোধা মে অস্য বচসো যবিষ্ঠ মংহিষ্ঠস্য প্রভৃতস্য স্বধাবঃ ।
পীয়তি ত্বো অনু ত্বো গৃণাতি বন্দারুষ্টে তন্বং বন্দে অগ্নে ॥৪২॥
12.43
স বোধি সূরির্মঘবা বসুপতে বসুদাবন্ । যুয়োধ্যস্মদ্ দ্বেষাংসি বিশ্বকর্মণে স্বাহা ॥৪৩॥
12.44
পুনস্ত্বাঽঽদিত্যা রুদ্রা বসবঃ সমিন্ধতাং পুনর্ব্রহ্মাণো বসুনীথ যজ্ঞৈঃ ।
ঘৃতেন ত্বং তন্বং বর্ধয়স্ব সত্যাঃ সন্তু যজমানস্য কামাঃ ॥৪৪॥
12.45
অপেত বীত বি চ সর্পতাতো যেঽত্র স্থ পুরাণা যে চ নূতনাঃ ।
অদাদ্যমোঽবসানং পৃথিব্যা অক্রন্নিমং পিতরো লোকমস্মৈ ॥৪৫॥
12.46
সংজ্ঞানমসি কামধরণং ময়ি তে কামধরণং ভূয়াৎ ।
অগ্নের্ভস্মাস্যগ্নেঃ পুরীষমসি । চিত স্থ পরিচিত ঊর্ধ্বচিতঃ শ্রয়ধ্বম্ ॥৪৬॥
12.47
অয়ং সো অগ্নির্যস্মিন্ত্সোমমিন্দ্রঃ সুতং দধে জঠরে বাবশানঃ ।
সহস্রিয়ং বাজমত্যং ন সপ্তিং সসবান্ত্সন্ত্স্তূয়সে জাতবেদঃ ॥৪৭॥
12.48
অগ্নে যত্তে দিবি বর্চঃ পৃথিব্যাং যদোষধীষ্বপ্স্বা যজত্র ।
যেনান্তরিক্ষমুর্বাততন্থ ত্বেষঃ স ভানুরর্ণবো নৃচক্ষাঃ ॥৪৮॥
12.49
অগ্নে দিবো অর্ণমচ্ছা জিগাস্যচ্ছা দেবাঁ২ ঊচিষে ধিষ্ণ্যা যে ।
যা রোচনে পরস্তাৎ সূর্যস্য যাশ্চাবস্তাদুপতিষ্ঠন্ত আপঃ ॥৪৯॥
12.50
পুরীষ্যাসো অগ্নয়ঃ প্রাবণেভিঃ সজোষসঃ । জুষন্তাং যজ্ঞমদ্রুহোঽনমীবা ইষো মহীঃ ॥৫০॥
12.51
ইডামগ্নে পুরুদংসং সনিং গোঃ শশ্বত্তমং হবমানায় সাধ ।
স্যান্নঃ সূনুস্তনয়ো বিজাবাগ্নে সা তে সুমতির্ভূত্বস্মে ॥৫১॥
12.52
অয়ং তে যোনিরৃত্বিয়ো যতো জাতো অরোচথাঃ । তং জানন্নগ্ন আ রোহাথা নো বর্ধয়া রয়িম্ ॥৫২॥
12.53
চিদসি তয়া দেবতয়াঽঙ্গিরস্বদ্ ধ্রুবা সীদ পরিচিদসি তয়া দেবতয়াঽঙ্গিরস্বদ্ ধ্রুবা সীদ ॥৫৩॥
12.54
লোকং পৃণ ছিদ্রং পৃণাথো সীদ ধ্রুবা ত্বম্ । ইন্দ্রাগ্নী ত্বা বৃহস্পতিরস্মিন্ যোনাবসীষদন্ ॥৫৪॥
12.55
তা অস্য সূদদোহসঃ সোম শ্রীণন্তি পৃশ্নয়ঃ । জন্মন্দেবানাং বিশস্ত্রিষ্বা রোচনে দিবঃ ॥৫৫॥
12.56
ইন্দ্রং বিশ্বা অবীবৃধন্ত্সমুদ্রব্যচসং গিরঃ । রথীতমং রথীনাং বাজানাং সত্পতিং পতিম্ ॥৪৬॥
12.57
সমিতং সং কল্পেথাং সংপ্রিয়ৌ রোচিষ্ণূ সুমনস্যমানৌ । ইষমূর্জমভি সংবসানৌ ॥৫৭॥
12.58
সং বাং মনাংসি সং ব্রতা সমু চিত্তান্যাকরম্ ।
অগ্নে পুরীষ্যাধিপা ভব ত্বং ন ইষমূর্জং যজমানায় ধেহি ॥৫৮॥
12.59
অগ্নে ত্বং পুরীষ্যো রয়িমান্ পুষ্টিমাঁ২ অসি । শিবাঃ কৃত্বা দিশঃ সর্বাঃ স্বং যোনিমিহাঽসদঃ ॥৫৯॥
12.60
ভবতং নঃ সমনসৌ সচেতসাবরেপসৌ ।
মা যজ্ঞং হিংসিষ্টং মা যজ্ঞপতিং জাতবেদসৌ শিবৌ ভবতমদ্য নঃ ॥৬০॥
12.61
মাতেব পুত্রং পৃথিবী পুরীষ্যমগ্নিং স্বে যোনাবভারুখা ।
তাং বিশ্বৈর্দেবৈরৃতুভিঃ সংবিদানঃ প্রজাপতির্বিশ্বকর্মা বি মুঞ্চতু ॥৬১॥
12.62
অসুন্বন্তময়জমানমিচ্ছ স্তেনস্যেত্যামন্বিহি তস্করস্য ।
অন্যমস্মদিচ্ছ সা ত ইত্যা নমো দেবি নিরৃতে তুভ্যমস্তু ॥৬২॥
12.63
নমঃ সু তে নিরৃতে তিগ্মতেজোঽয়স্ময়ং বি চৃতা বন্ধমেতম্ ।
যমেন ত্বং যম্যা সংবিদানোত্তমে নাকে অধি রোহয়ৈনম্ ॥৬৩॥
12.64
যস্যাস্তে ঘোর আসঞ্জুহোম্যেষাং বন্ধানামবসর্জনায় ।
যাং ত্বা জনো ভূমিরিতি প্রমন্দতে নিরৃতিং ত্বাঽহং পরিবেদ বিশ্বতঃ ॥৬৪॥
12.65
যং তে দেবী নিরৃতিরাববন্ধ পাশং গ্রীবাস্ববিচৃত্যম্ ।
তং তে বি ষ্যাম্যায়ুষো ন মধ্যাদথৈতং পিতুমদ্ধি প্রসূতঃ । নমো ভূত্যৈ যেদং চকার ॥৬৫॥
12.66
নিবেশনঃ সঙ্গমনো বসূনাং বিশ্বা রূপাঽভি চষ্টে শচীভিঃ ।
দেব ইব সবিতা সত্যধর্মেন্দ্রো ন তস্থৌ সমরে পথীনাম্ ॥৬৬॥
12.67
সীরা যুঞ্জন্তি কবয়ো যুগা বি তন্বতে পৃথক্ । ধীরা দেবেষু সুম্নয়া ॥৬৭॥
12.68
যুনক্ত সীরা বি যুগা তনুধ্বং কৃতে যোনৌ বপতেহ বীজম্ ।
গিরা চ শ্রুষ্টিঃ সভরা অসন্নো নেদীয় ইত্সৃণ্যঃ পক্বমেয়াৎ ॥৬৮॥
12.69
শুনং সু ফালা বি কৃষন্তু ভূমিং শুনং কীনাশা অভি যন্তু বাহৈঃ ।
শুনাসীরা হবিষা তোশমানা সুপিপ্পলা ওষধীঃ কর্তনাস্মৈ ॥৬৯॥
12.70
ঘৃতেন সীতা মধুনা সমজ্যতাং বিশ্বৈর্দেবৈরনুমতা মরুদ্ভিঃ ।
ঊর্জস্বতী পয়সা পিন্বমানাস্মান্ত্সীতে পয়সাঽভ্যা ববৃত্স্ব ॥৭০॥
12.71
লাঙ্গলং পবীরবত্সুশেবং সোমপিত্সরু । তদুদ্বপতি গামবিং প্রফর্ব্যং চ পীবরীং প্রস্থাবদ্রথবাহণম্ ॥৭১॥
12.72
কামং কামদুঘে ধুক্ষ্ব মিত্রায় বরুণায় চ । ইন্দ্রায়াশ্বিভ্যাং পূষ্ণে প্রজাভ্য ওষধীভ্যঃ ॥৭২॥
12.73
বি মুচ্যধ্বমঘ্ন্যা দেবয়ানা অগন্ম তমসস্পারমস্য |জ্যোতিরাপাম ॥৭৩॥
12.74
সজূরব্দো অয়বোভিঃ সজূরুষা অরুণীভিঃ | সজোষসাবশ্বিনা দংসোভিঃ সজূঃ সূর এতশেন সজূর্বৈশ্বানর ইডয়া ঘৃতেন স্বাহা ॥৭৪॥
12.75
যা ওষধীঃ পূর্বা জাতা দেবেভ্যস্ত্রিয়ুগং পুরা । মনৈ নু বভ্রূণামহং শতং ধামানি সপ্ত চ ॥৭৫॥
12.76
শতং বো অম্ব ধামানি সহস্রমুত বো রুহঃ । অধা শতক্রত্বো যূয়মিমং মে অগদং কৃত ॥৭৬॥
12.77
ওষধীঃ প্রতি মোদধ্বং পুষ্পবতীঃ প্রসূবরীঃ । অশ্বা ইব সজিত্বরীর্বীরুধঃ পারয়িষ্ণ্বঃ ॥৭৭॥
12.78
ওষধীরিতি মাতরস্তদ্বো দেবীরুপ ব্রুবে । সনেয়মশ্বং গাং বাস আত্মানং তব পূরুষ ॥৭৮॥
12.79
অশ্বত্থে বো নিষদনং পর্ণে বো বসতিষ্কৃতা । গোভাজ ইত্কিলাসথ যত্সনবথ পূরুষম্ ॥৭৯॥
12.80
যত্রৌষধীঃ সমগ্মত রাজানঃ সমিতাবিব । বিপ্রঃ স উচ্যতে ভিষগ্রক্ষোহামীবচাতনঃ ॥৮০॥
12.81
অশ্বাবতীং সোমাবতীমূর্জয়ন্তীমুদোজসম্ । আঽবিত্সি সর্বা ওষধীরস্মা অরিষ্টতাতয়ে ॥৮১॥
12.82
উচ্ছুষ্মা ওষধীনাং গাবো গোষ্ঠাদিবেরতে ।
ধনং সনিষ্যন্তীনামাত্মানং তব পূরুষ ॥৮২॥
12.83
ইষ্কৃতির্নাম বো মাতাঽথো যূয়ং স্থ নিষ্কৃতীঃ । সীরাঃ পতত্রিণী স্থন যদাময়তি নিষ্কৃথ ॥৮৩॥
12.84
অতি বিশ্বাঃ পরিষ্ঠা স্তেন ইব ব্রজমক্রমুঃ । ওষধীঃ প্রাচুচ্যবুর্যত্কিং চ তন্বো রপঃ ॥৮৪॥
12.85
যদিমা বাজয়ন্নহমোষধীর্হস্ত আদধে । আত্মা যক্ষ্মস্য নশ্যতি পুরা জীবগৃভো যথা ॥৮৫॥
12.86
যস্যৌষধীঃ প্রসর্পথাঙ্গমঙ্গং পরুষ্পরুঃ । ততো যক্ষ্মং বি বাধধ্ব উগ্রো মধ্যমশীরিব ॥৮৬॥
12.87
সাকং যক্ষ্ম প্র পত চাষেণ কিকিদীবিনা । সাকং বাতস্য ধ্রাজ্যা সাকং নশ্য নিহাকয়া ॥৮৭॥
12.88
অন্যা বো অন্যামবত্বন্যান্যস্যা উপাবত । তাঃ সর্বাঃ সংবিদানা ইদং মে প্রাবতা বচঃ ॥৮৮॥
12.89
যাঃ ফলিনীর্যা অফলা অপুষ্পা যাশ্চ পুষ্পিণীঃ । বৃহস্পতিপ্রসূতাস্তা নো মুঞ্চন্ত্বংহসঃ ॥৮৯॥
12.90
মুঞ্চন্তু মা শপথ্যাদথো বরুণ্যাদুত । অথো যমস্য পড্বীশাত্সর্বস্মাদ্দেবকিল্বিষাৎ ॥৯০॥
12.91
অবপতন্তীরবদন্দিব ওষধয়স্পরি । যং জীবমশ্নবামহৈ ন স রিষ্যাতি পূরুষঃ ॥৯১॥
12.92
যা ওষধীঃ সোমরাজ্ঞীর্বহ্বীঃ শতবিচক্ষণাঃ । তাসামসি ত্বমুত্তমারং কামায় শং হৃদে ॥৯২॥
12.93
যা ওষধীঃ সোমরাজ্ঞীর্বিষ্ঠিতাঃ পৃথিবীমনু । বৃহস্পতিপ্রসূতা অস্যৈ সংদত্ত বীর্যম্ ॥৯৩॥
12.94
যাশ্চেদমুপশৃণ্বন্তি যাশ্চ দূরং পরাগতাঃ । সর্বাঃ সংগত্য বীরুধোঽস্যৈ সংদত্ত বীর্যম্ ॥৯৪॥
12.95
মা বো রিষৎ খনিতা যস্মৈ চাহং খনামি বঃ । দ্বিপাচ্চতুষ্পাদস্মাকং সর্বমস্ত্বনাতুরম্ ॥৯৫॥
12.96
ওষধয়ঃ সমবদন্ত সোমেন সহ রাজ্ঞা । যস্মৈ কৃণোতি ব্রাহ্মণস্তং রাজন্ পারয়ামসি ॥৯৬॥
12.97
নাশয়িত্রী বলাসস্যার্শস উপচিতামসি । অথো শতস্য যক্ষ্মাণাং পাকারোরসি নাশনী ॥৯৭॥
12.98
ত্বাং গন্ধর্বা অখনঁস্ত্বামিন্দ্রস্ত্বাং বৃহস্পতিঃ । ত্বামোষধে সোমো রাজা বিদ্বান্ যক্ষ্মাদমুচ্যত ॥৯৮॥
12.99
সহস্ব মে অরাতীঃ সহস্ব পৃতনায়তঃ । সহস্ব সর্বং পাপ্মানং সহমানাস্যোষধে ॥৯৯॥
12.100
দীর্ঘায়ুস্ত ওষধে খনিতা যস্মৈ চ ত্বা খনাম্যহম্ । অথো ত্বং দীর্ঘায়ুর্ভূত্বা শতবল্শা বিরোহতাৎ ॥১০০॥
12.101
ত্বমুত্তমাস্যোষধে তব বৃক্ষা উপস্তয়ঃ । উপস্তিরস্তু সোঽস্মাকং যো অস্মাঁ২ অভিদাসতি ॥১০১॥
12.102
মা মা হিংসীজ্জনিতা যঃ পৃথিব্যা যো বা দিবং সত্যধর্মা ব্যানট্ ।
যশ্চাপশ্চন্দ্রাঃ প্রথমো জজান কস্মৈ দেবায় হবিষা বিধেম ॥১০২॥
12.103
অভ্যা বর্তস্ব পৃথিবি যজ্ঞেন পয়সা সহ । বপাং তে অগ্নিরিষিতো অরোহৎ ॥১০৩॥
12.104
অগ্নে যত্তে শুক্রং যচ্চন্দ্রং যত্পূতং যচ্চ যজ্ঞিয়ম্ ।
তদ্দেবেভ্যো ভরামসি ॥১০৪॥
12.105
ইষমূর্জমহমিত আদমৃতস্য যোনিং মহিষস্য ধারাম্ ।
আ মা গোষু বিশত্বা তনূষু জহামি সেদিমনিরামমীবাম্ ॥১০৫॥
12.106
অগ্নে তব শ্রবো বয়ো মহি ভ্রাজন্তে অর্চয়ো বিভাবসো ।
বৃহদ্ভানো শবসা বাজমুক্থ্যং দধাসি দাশুষে কবে ॥১০৬॥
12.107
পাবকবর্চাঃ শুক্রবর্চা অনূনবর্চা উদিয়র্ষি ভানুনা ।
পুত্রো মাতরা বিচরন্নুপাবসি পৃণক্ষি রোদসী উভে ॥১০৭॥
12.108
ঊর্জো নপাজ্জাতবেদঃ সুশস্তিভির্মন্দস্ব ধীতিভির্হিতঃ ।
ত্বে ইষঃ সন্দধুর্ভূরিবর্পসশ্চিত্রোতয়ো বামজাতাঃ ॥১০৮॥
12.109
ইরজ্যন্নগ্নে প্রথয়স্ব জন্তুভিরস্মে রায়ো অমর্ত্য ।
স দর্শতস্য বপুষো বি রাজসি পৃণক্ষি সানসিং ক্রতুম্ ॥১০৯॥
12.110
ইষ্কর্তারমধ্বরস্য প্রচেতসং ক্ষয়ন্তং রাধসো মহঃ ।
রাতিং বামস্য সুভগাং মহীমিষং দধাসি সানসিং রয়িম্ ॥১১০॥
12.111
ঋতাবানং মহিষং বিশ্বদর্শতমগ্নিং সুম্নায় দধিরে পুরো জনাঃ ।
শ্রুত্কর্ণং সপ্রথস্তমং ত্বা গিরা দৈব্যং মানুষা যুগা ॥১১১॥
12.112
আ প্যায়স্ব সমেতু তে বিশ্বতঃ সোম বৃষ্ণ্যম্ । ভবা বাজস্য সঙ্গথে ॥১১২॥
12.113
সং তে পয়াংসি সমু যন্তু বাজাঃ সং বৃষ্ণ্যান্যভিমাতিষাহঃ ।
আপ্যায়মানো অমৃতায় সোম দিবি শ্রবাংস্যুত্তমানি ধিষ্ব ॥১১৩॥
12.114
আ প্যায়স্ব মদিন্তম সোম বিশ্বেভিরংশুভিঃ । ভবা নঃ সপ্রথস্তমঃ সখা বৃধে ॥১১৪॥
12.115
আ তে বত্সো মনো যমত্পরমাচ্চিত্সধস্থাৎ । অগ্নে ত্বাঙ্কাময়া গিরা ॥১১৫॥
12.116
তুভ্যং তা অঙ্গিরস্তম বিশ্বাঃ সুক্ষিতয়ঃ পৃথক্ । অগ্নে কামায় যেমিরে ॥১১৬॥
12.117
অগ্নিঃ প্রিয়েষু ধামসু কামো ভূতস্য ভব্যস্য । সম্রাডেকো বি রাজতি ॥১১৭॥