অধ্যায় 9

9.1

অথ নবমোঽধ্যায়ঃ ।

প্রাণায় মে বর্চোদা বর্চসে পবস্ব ব্যানায় মে বর্চোদা বর্চসে পবস্ব ।
উদানায় মে বর্চোদা বর্চসে পবস্ব বাচে মে বর্চোদা বর্চসে পবস্ব ॥১॥

9.2

ক্রতূদক্ষাভ্যাং মে বর্চোদা বর্চসে পবস্ব শ্রোত্রায় মে বর্চোদা বর্চসে পবস্ব ।
চক্ষুর্ভ্যাং মে বর্চোদসৌ বর্চসে পবেথাম্ ॥২॥

9.3

আত্মনে মে বর্চোদা বর্চসে পবস্বৌজসে মে বর্চোদা বর্চসে পবস্বায়ুষে মে বর্চোদা বর্চসে পবস্ব ।
বিশ্বাভ্যো মে প্রজাভ্যো বর্চোদসৌ বর্চসে পবেথাম্ ॥৩॥

9.4

কোঽসি কতমোঽসি কস্যাসি কো নামাসি ।
যস্য তে নামামন্মহি যং ত্বা সোমেনাতীতৃপাম ॥৪॥

9.5

ভূর্ভুবঃ স্বঃ সুপ্রজাঃ প্রজয়া ভূয়াসম্ । সুবীরো বীরৈঃ সুপোষঃ পোষৈঃ ॥৫॥

9.6

(১) ৫
উদু ত্যং জাতবেদসং দেবং বহন্তি কেতবঃ । দৃশে বিশ্বায় সূর্যম্ ॥১॥

9.7

চিত্রং দেবানামুদগাদনীকং চক্ষুর্মিত্রস্য বরুণস্যাগ্নেঃ ।
আ প্রা দ্যাবাপৃথিবী অন্তরিক্ষং সূর্য আত্মা জগতস্তস্থুষশ্চ ॥২॥

9.8

অগ্নে নয় সুপথা রায়ে অস্মান্ বিশ্বানি দেব বয়ুনানি বিদ্বান্ ।
যুয়োধ্যস্মজ্জুহুরাণমেনো ভূয়িষ্ঠাং তে নম উক্তিং বিধেম ॥৩॥

9.9

অয়ং নো অগ্নির্বরিবস্কৃণোত্বয়ং মৃধঃ পুর এতু প্রভিন্দন্ ।
অয়ং বাজাং জয়তু বাজসাতা অয়ং শত্রূং জয়তু জর্হৃষাণঃ স্বাহা ॥৪॥

9.10

৯ (৪২১)
রূপেণ বো রূপমভ্যাগাং তুথো বো বিশ্ববেদা বিভজতু । ঋতস্য পথা প্রেত চন্দ্রদক্ষিণাঃ ॥৫॥

9.11

বি স্বঃ পশ্যব্যন্তরিক্ষং যতস্ব সদস্যৈঃ ।ব্রাহ্মণমদ্য বিদেয় পিতৃমন্তং পৈতৃমত্যমৃষিমার্ষেয়ং সুধাতুদক্ষিণম্ ॥৬॥

9.12

অস্মদ্রাতা দেবত্রা গচ্ছ প্রদাতারমাবিশ । অগ্নয়ে ত্বা মহ্যং বরুণো দদাতু সোঽমৃতত্বমশ্যাৎ ॥৭॥

9.13

আয়ুর্দাত্র এধি ময়ো মহ্যং প্রতিগ্রহীত্রে । রুদ্রায় ত্বা মহ্যং বরুণো দদাতু সোঽমৃতত্বমশ্যাৎ । প্রাণো দাত্র এধি ময়ো মহ্যং প্রতিগ্রহীত্রে। বৃহস্পতয়ে ত্বা মহ্যং বরুণো দদাতু সোঽমৃতত্বমশ্যাৎ । ত্বগ্দাত্র এধি ময়ো মহ্যং প্রতিগ্রহীত্রে ।
যমায় ত্বা মহ্যং বরুণো দদাতু সোঽমৃতত্বমশ্যাৎ । বয়ো দাত্র এধি ময়ো মহ্যং প্রতিগ্রহীত্রে ॥৮॥

9.14

কোঽদাত্কস্মা অদাত্কামোঽদাত্কামায়াদাৎ । কামো দাতা কামঃ প্রতিগ্রহীতা কামৈতত্তে তব কাম সতা ভুনজামহৈ ॥৯॥

9.15

(২) ১৪
সমিন্দ্র ণো মনসা নেষি গোভিঃ সং সূরিভির্মঘবন্ত্সংস্বস্ত্যা ।
সং ব্রহ্মণা দেবকৃতং যদস্তি সং দেবানাং সুমতৌ যজ্ঞিয়ানাম্ ॥১॥

9.16

সং বর্চসা পয়সা সং তনূভিরগন্মহি মনসা সং শিবেন ।
ত্বষ্টা সুদত্রো বিদধাতু রায়োঽনুমার্ষ্টু তন্বো যদ্বিলিষ্টম্ ॥২॥

9.17

ধাতা রাতিঃ সবিতেদং জুষন্তাং প্রজাপতির্নিধিপা দেবো অগ্নিঃ ।
ত্বষ্টা বিষ্ণুঃ প্রজয়া সংররাণো যজমানায় দ্রবিণং দধাতু ॥৩॥

9.18

সুগা বো দেবাঃ সদনা অকর্ম য আজগ্মেদং সবনং জুষাণাঃ ।
ভরমাণা বহমানা হবীংষ্যস্মে ধত্ত বসবো বসূনি ॥৪॥

9.19

যাঁ৩ আবহ উশতো দেব দেবাংস্তান্প্রেরয় স্বে অগ্নে সধস্থে ।
জক্ষিবাংসঃ পপিবাংসশ্চ বিশ্বেঽসুং ঘর্মং স্বরাতিষ্ঠতানু ॥৫॥

9.20

বয়ং হি ত্বা প্রয়তি যজ্ঞে অস্মিন্নগ্নে হোতারমবৃণীমহীহ ।
ঋধগয়া ঋধগুতাশমিষ্ঠাঃ প্রজানন্যজ্ঞমুপয়াহি বিদ্বান্ ॥৬॥

9.21

দেবা গাতুবিদো গাতুমিত্ত্বা গাতুমিত । মনসস্পত ইমং দেব যজ্ঞং স্বাহা বাতে ধাঃ ॥৭॥

9.22

যজ্ঞ যজ্ঞং গচ্ছ যজ্ঞপতিং গচ্ছ স্বাং যোনিং গচ্ছ স্বাহা ।
এষ তে যজ্ঞো যজ্ঞপতে সহসূক্তবাকঃ সর্ববীরস্তং জুষস্ব স্বাহা ॥৮॥

9.23

(৩) ২২ (৪৩৪)
মাহির্ভূর্মা পৃদাকুঃ । উরুং হি রাজা বরুণশ্চকার সূর্যায় পন্থামন্বেতবা উ ।
অপদে পাদা প্রতিধাতবেঽকরুতাপবক্তা হৃদয়াবিধশ্চিৎ । নমো বরুণায়াভিষ্ঠিতো বরুণস্য পাশঃ ॥১॥

9.24

অগ্নেরনীকমপ আবিবেশাপাং নপাৎ প্রতিরক্ষন্নসুর্যম্ । দমেদমে সমিধং যক্ষ্যগ্নে প্রতি তে জিহ্বা ঘৃতমুচ্চরণ্যৎ স্বাহা ॥২॥

9.25

সমুদ্রে তে হৃদয়মপ্স্বন্তঃ সং ত্বা বিশন্ত্বোষধীরুতাপঃ ।
যজ্ঞস্য ত্বা যজ্ঞপতে সূক্তোক্তৌ নমোবাকে বিধেম যৎ স্বাহা ॥৩॥

9.26

দেবীরাপ এষ বো গর্ভস্তং সুপ্রীতং সুভৃতং বিভৃত ।
দেব সোমৈষ তে লোকঃ পরি চ বক্ষি শং চ বক্ষি । অবভৃথ নিচুম্পুণ নিচেরুরসি নিচুম্পুণ ।
অব দেবৈর্দেবকৃতমেনোঽয়াসিষমব মর্ত্যৈর্মর্ত্যকৃতং পুরুরাব্ণো দেব রিষস্পাহি । দেবানাং সমিদসি ॥৪॥

9.27

(৪) ২৬
এজতু দশমাস্যো গর্ভো জরায়ুণা সহ ।
যথায়ং বায়ুরেজতি যথা সমুদ্র এজত্যেবায়ং দশমাস্যো অস্রজ্জরায়ুণা সহ ॥১॥

9.28

যস্যাস্তে যজ্ঞিয়ো গর্ভো যস্যা যোনির্হিরণ্যয়ী । অঙ্গান্যহ্রুতা যস্য তং মাত্রা সমজীগমং স্বাহা ॥২॥

9.29

পুরুদস্মো বিষুরূপ ইন্দুরন্তর্মহিমানমানঞ্জ ধীরঃ ।
একপদীং দ্বিপদীং ত্রিপদীং চতুষ্পদীমষ্টাপদীং ভুবনানু প্রথন্তাং স্বাহা ॥৩॥

9.30

মরুতো যস্য হি ক্ষয়ে পাথা দিবো বিমহসঃ । স সুগোপাতমো জনঃ ॥৪॥

9.31

মহী দ্যৌঃ পৃথিবী চ ন ইমং যজ্ঞং মিমিক্ষতাম্ । পিপৃতাং নো ভরীমভিঃ ॥৫॥

9.32

(৫) ৩১
আজিঘ্র কলশং মহ্যা ত্বা বিশন্ত্বিন্দবঃ। পুনরূর্জা নিবর্তস্ব সা নঃ সহস্রং ধুক্ষ্বোরুধারা পয়স্বতী পুনর্মাবিশতাদ্রয়িঃ ॥১॥

9.33

হব্যে কাম্য ইলে রন্তে চন্দ্রে জ্যোতেঽদিতে সরস্বতি মহি বিশ্রুতি ।
এতা তে অঘ্ন্যে নামানি দেবেষু মা সুকৃতং ব্রূতাৎ ॥২॥

9.34

ইহ রতিরিহ রমধ্বমিহ ধৃতিরিহ স্বধৃতিঃ স্বাহা ।
উপসৃজং ধরুণং মাত্রে ধরুণো মাতরং ধয়ন্রায়স্পোষমস্মাসু দীধরৎ স্বাহা ॥৩॥

9.35

অগন্ম জ্যোতিরমৃতা অভূম দিবং পৃথিব্যা অধ্যারুহাম্ । অবিদাম দেবান্ত্স্বর্জ্যোতিঃ ॥৪॥

9.36

৩৫ (৪৪৭)
যুবং তমিন্দ্রাপর্বতা পুরোয়ুধা যো নঃ পৃতন্যাদপ তংতমিদ্ধতং বজ্রেণ তংতমিদ্ধতম্ ।
দূরে চত্তায় ছন্ত্সদ্গহনং যদিনক্ষদস্মাকং শত্রূন্ পরি শূর বিশ্বতো দর্মা দর্শীষ্ট বিশ্বতঃ ॥৫॥

9.37

ভূর্ভুবঃ স্বঃ সুপ্রজাঃ প্রজয়া ভূয়াসম্ । সুবীরো বীরৈঃ সুপোষঃ পোষৈঃ ॥৬॥

9.38

(৬) ৩৭
পরমেষ্ঠ্যভিধীতঃ প্রজাপতির্বাচি ব্যাহৃতায়ামন্ধো অচ্ছেতঃ সবিতা সন্যাম্ । বিশ্বকর্মা দীক্ষায়াং পূষা সোমক্রয়ণ্যাম্ ॥১॥

9.39

ইন্দ্রশ্চ মরুতশ্চ ক্রয়ায়োপোত্থিতঃ । অসুরঃ পণ্যমানো মিত্রঃ ক্রীতঃ ॥২॥

9.40

বিষ্ণুঃ শিপিবিষ্ট ঊরা আসন্ নো বিষ্ণুর্নরন্ধিষঃ প্রোহ্যমাণঃ । সোম আগতো বরুণ আসন্দ্যামাসন্নঃ ॥৩॥

9.41

অগ্নিরাগ্নীধ্র ইন্দ্রো হবির্ধানে । অথর্বোপাবহ্রিয়মাণো বিশ্বে দেবা অংশুষু ন্যুপ্যমানেষু ॥৪॥

9.42

বিষ্ণুরাপ্রীতপা আপ্যায্যমানো যমঃ সূয়মানো বিষ্ণুঃ সংভ্রিয়মাণঃ । বায়ুঃ পূয়মানঃ শুক্রঃ পূতঃ ॥৫॥

9.43

শুক্রঃ ক্ষীরশ্রীর্মন্থী সক্তুশ্রীঃ । বিশ্বে দেবাশ্চমসেষূন্নীতোঽসুর্হোমায়োদ্যতঃ ॥৬॥

9.44

রুদ্রো হূয়মানো বাতোঽভ্যাবৃত্তো নৃচক্ষাঃ প্রতিখ্যাতো ভক্ষঃ পীতঃ পিতরো নারাশং সাঃ সাদ্যমানঃ ।
সিন্ধুরবভৃথায়োদ্যতঃ সমুদ্রোঽভ্যবহ্রিয়মাণঃ । সলিলঃ প্রপ্লুতঃ ॥৭॥

9.45

যয়োরোজসা স্কভিতা রজাংসি বীর্যেভির্বীরতমা শবিষ্ঠা ।
যা পত্যেতে অপ্রতীতা সহোভির্বিষ্ণূ অগন্বরুণা পূর্বহূতৌ ॥৮॥

9.46

দেবান্ দিবমগন্যজ্ঞস্ততো মা দ্রবিণমষ্টু মনুষ্যানন্তরিক্ষমগন্যজ্ঞস্ততো মা দ্রবিণমষ্টু ।
পিতৄন্ পৃথিবীমগন্যজ্ঞঃ ততো মা দ্রবিণমষ্টু যং কং চ লোকমগন্যজ্ঞস্ততো মে ভদ্রমভূৎ ॥৯॥

9.47

(৭) ৪৬ (৪৫৮)
॥ইতি শুক্লয়জুঃ কাণ্বসংহিতায়াং নবমোঽধ্যায়ঃ॥ (৯)