অধ্যায় 8

8.1

অথাষ্টমোঽধ্যায়ঃ ।

কদা চন স্তরীরসি নেন্দ্র সশ্চসি দাশুষে ।
উপোপেন্নু মঘবন্ভূয় ইন্নু তে দানং দেবস্য পৃচ্যত আদিত্যেভ্যস্ত্বা ॥১॥

8.2

কদা চন প্রয়ুচ্ছস্যুভে নিপাসি জন্মনী ।
তুরীয়াদিত্য সবনং ত ইন্দ্রিয়মাতস্থা অমৃতং দিব্যাদিত্যেভ্যস্ত্বা ॥২॥

8.3

যজ্ঞো দেবানাং প্রত্যেতি সুম্নমাদিত্যাসো ভবতা মৃলয়ন্তঃ ।
আ বোঽর্বাচী সুমতির্ববৃত্যাদংহোশ্চিদ্যা বরিবোবিত্তরাসদাদিত্যেভ্যস্ত্বা ।
বিবস্বাঁ৩ আদিত্যৈষ তে সোমপীথস্তস্মিন্ মত্স্ব ॥৩॥

8.4

(১)
শ্রদস্মৈ নরো বচসে দধাতন যদাশীর্দা দম্পতী বামমশ্নুতঃ ।
পুমান্ পুত্রো জায়তে বিন্দতে বস্বধা বিশ্বাহারপ এধতে গৃহে ॥১॥

8.5

(২) ৪
বামমদ্য সবিতর্বামমু শ্বো দিবেদিবে বামমস্মভ্যং সাবীঃ ।
বামস্য হি ক্ষয়স্য দেব ভূরেরয়া ধিয়া বামভাজঃ স্যাম ॥১॥

8.6

(৩) ৫
উপয়ামগৃহীতোঽসি সাবিত্রোঽসি চনোধাশ্চনো ময়ি ধেহি ।
জিন্ব যজ্ঞং জিন্ব যজ্ঞপতিং ভগায় সবিত্রে ত্বা ॥১॥

8.7

(৪) ৬
উপয়ামগৃহীতোঽসি সুশর্মাসি সুপ্রতিষ্ঠানো বৃহদুক্ষায় নমঃ ।
বিশ্বেভ্যস্ত্বা দেবেভ্য এষ তে যোনির্বিশ্বেভ্যস্ত্বা দেবেভ্যঃ ॥১॥

8.8

(৫) ৭
উপয়ামগৃহীতোঽসি বৃহস্পতিসুতস্য তে দেব সোম।
ইন্দ ইন্দ্রিয়াবতঃ পত্নীবতো গ্রহাঁ৩ ঋধ্যাসম্ ॥১॥

8.9

অহং পরস্তাদহমবস্তাদ্যদন্তরিক্ষং তদু মে পিতাস ।
অহং সূর্যমুভয়তো দদর্শাহং দেবানাং পরমং গুহা যৎ ॥২॥

8.10

অগ্নে বাক্পত্নি সজূর্দেবেন ত্বষ্ট্রা ।সোমং পিব স্বাহা ॥৩॥

8.11

প্রজাপতির্বৃষাসি রেতোধা রেতো ময়ি ধেহি । প্রজাপতেস্তে বৃষ্ণো রেতোধসো রেতোধামশীয় ॥৪॥

8.12

(৬) ১১
উপয়ামগৃহীতোঽসি হরিরসি হারিয়োজনো হরিভ্যাং ত্বা ।
হর্যোর্ধানা স্থ সহসো মা ইন্দ্রায় ॥১॥

8.13

যস্তে দেব সোমশ্বসনির্ভক্ষো যো গোসনিঃ ।
তস্য ত ইষ্টয়জুষ স্তুতস্তোমস্য শস্তোক্থস্যোপহূত উপহূতস্য ভক্ষয়ামি ॥২॥

8.14

(৭) ১৩ (৩৯৩)
যুক্ষ্বা হি কেশিনা হরী বৃষণা কক্ষ্যপ্রা । অথা ন ইন্দ্র সোমপা গিরামুপশ্রুতিং চর ।
উপয়ামগৃহীতোঽসীন্দ্রায় ত্বা ষোলশিন ।
এষ তে যোনিরিন্দ্রায় ত্বা ষোলশিনে ॥১॥

8.15

(৮) ১৪
আতিষ্ঠ বৃত্রহন্ রথং যুক্তা তে ব্রহ্মণা হরী । অর্বাচীনং সু তে মনোগ্রাবা কৃণোতু বগ্নুনা ।
উপয়ামগৃহীতোঽসীন্দ্রায় ত্বা ষোলশিন এষ তে যোনিরিন্দ্রায় ত্বা ষোলশিনে ॥১॥

8.16

(৯) ১৫
ইন্দ্রমিদ্ধরী বহতোঽপ্রতিধৃষ্টশবসম্ । ঋষীণাং চ স্তুতীরুপ যজ্ঞং চ মানুষাণাম্ ।
উপয়ামগৃহীতোঽসীন্দ্রায় ত্বা ষোলশিন এষ তে যোনিরিন্দ্রায় ত্বা ষোলশিনে ॥১॥

8.17

(১০ ) ১৬
যস্মান্ন জাতঃ পরো অন্যো অস্তি য আবিবেশ ভুবনানি বিশ্বা ।
প্রজাপতিঃ প্রজয়া সংররাণস্ত্রীণি জ্যোতীংষি সচতে স ষোলশী ॥১॥

8.18

ইন্দ্রশ্চ সম্রাড্ বরুণশ্চ রাজা তৌ তে ভক্ষং চক্রতুরগ্র এতম্ ।
তয়োরহমনু ভক্ষং ভক্ষয়ামি বাগ্দেবী জুষাণা সোমস্য তৃপ্যতু সহ প্রাণেন স্বাহা ॥২॥

8.19

(১১) ১৮
অগ্ন আয়ূংষি পবস আসুবোর্জমিষং চ নঃ। আরে বাধস্ব দুচ্ছুনাম্।
উপয়ামগৃহীতোঽস্যগ্নয়ে ত্বা বর্চস এষ তে যোনিরগ্নয়ে ত্বা বর্চসে।
অগ্নে বর্চস্বন্বর্চস্বাংস্ত্বং দেবেষ্বসি। বর্চস্বানহং মনুষ্যেষু ভূয়াসম্ ॥১॥

8.20

(১২) ১৯
অগ্নে পবস্ব স্বপা অস্মে বর্চঃ সুবীর্যম্ । দধদ্রয়িং ময়ি পোষম্ । উপয়ামগৃহীতোঽস্যগ্নয়ে ত্বা বর্চস এষ তে যোনিরগ্নয়ে ত্বা বর্চসে ।
অগ্নে বর্চস্বন্বর্চস্বাংস্ত্বং দেবেষ্বসি । বর্চস্বানহং মনুষ্যেষু ভূয়াসম্ ॥১॥

8.21

(১৩) ২০
উত্তিষ্ঠন্নোজসা সহ পীত্বী শিপ্রে অবেপয়ঃ । সোমমিন্দ্র চমূ সুতম্ ।
উপয়ামগৃহীতোঽসীন্দ্রায় ত্বৌজস এষ তে যোনিরিন্দ্রায় ত্বৌজসে ।
ইন্দ্রৌজস্বন্নোজস্বাংস্ত্বং দেবেষ্বসি। ওজস্বানহং মনুষ্যেষু ভূয়াসম্ ॥১॥

8.22

(১৪) ২১
অদৃশ্রমস্য কেতবো বি রশ্ময়ো জনাঁ৩ অনু । ভ্রাজন্তো অগ্নয়ো যথা ।
উপয়ামগৃহীতোঽসি সূর্যায় ত্বা ভ্রাজ এষ তে যোনিঃ সূর্যায় ত্বা ভ্রাজে ।
সূর্য ভ্রাজস্বন্ভ্রাজস্বাংস্ত্বং দেবেষ্বসি । ভ্রাজস্বানহং মনুষ্যেষু ভূয়াসম্ ॥১॥

8.23

(১৫) ২২
উদু ত্যং জাতবেদসং দেবং বহন্তি কেতবঃ । দৃশে বিশ্বায় সূর্যম্ ।
উপয়ামগৃহীতোঽসি সূর্যায় ত্বা ভ্রাজ এষ তে যোনিঃ সূর্যায় ত্বা ভ্রাজে ।
সূর্য ভ্রাজস্বন্ভ্রাজস্বাংস্ত্বং দেবেষ্বসি । ভ্রাজস্বানহং মনুষ্যেষু ভূয়াসম্ ॥১॥

8.24

(১৬) ২৩ (৪০৩)
চিত্রং দেবানামুদগাদনীকং চক্ষুর্মিত্রস্য বরুণস্যাগ্নেঃ ।
আ প্রা দ্যাবাপৃথিবী অন্তরিক্ষং সূর্য আত্মা জগতস্তস্থুষশ্চ।
উপয়ামগৃহীতোঽসি সূর্যায় ত্বা ভ্রাজ এষ তে যোনিঃ সূর্যায় ত্বা ভ্রাজে ।
সূর্য ভ্রাজস্বন্ভ্রাজস্বাংস্ত্বং দেবেষ্বসি । ভ্রাজস্বানহং মনুষ্যেষু ভূয়াসম্ ॥১॥

8.25

(১৭) ২৪
বি ন ইন্দ্র মৃধো জহি নীচা যচ্ছ পৃতন্যতঃ ।
যো অস্মাঁ৩ অভিদাসত্যধরং গময়া তমঃ ।
উপয়ামগৃহীতোঽসীন্দ্রায় ত্বা বিমৃধ এষ তে যোনিরিন্দ্রায় ত্বা বিমৃধে ॥১॥

8.26

(১৮) ২৫
বাচস্পতিং বিশ্বকর্মাণমূতয়ে মনোজুবং বাজে অদ্যা হুবেম ।
স নো বিশ্বানি হবনানি জোষদ্বিশ্বশম্ভূরবসে সাধুকর্মা ।
উপয়ামগৃহীতোঽসীন্দ্রায় ত্বা বিশ্বকর্মণ এষ তে যোনিরিন্দ্রায় ত্বা বিশ্বকর্মণে ॥১॥

8.27

(১৯) ২৬
বিশ্বকর্মন্হবিষা বাবৃধানঃ স্বয়ং যজস্ব পৃথিবীমুত দ্যাম্ ।
মুহ্যন্ত্বন্যে অভিতঃ সপত্না ইহাস্মাকং মঘবা সুরিরস্তু ।
উপয়ামগৃহীতোঽসীন্দ্রায় ত্বা বিশ্বকর্মণ এষ তে যোনিরিন্দ্রায় ত্বা বিশ্বকর্মণে ॥১॥

8.28

(২০) ২৭
বিশ্বকর্মন্হবিষা বর্ধনেন ত্রাতারমিন্দ্রমকৃণোরয়ুধ্যম্।
তস্মৈ বিশঃ সমনমন্ত পূর্বীরয়মুগ্রো বিহব্যো যথাসৎ ।
উপয়ামগৃহীতোঽসীন্দ্রায় ত্বা বিশ্বকর্মণ এষ তে যোনিরিন্দ্রায় ত্বা বিশ্বকর্মণে ॥১॥

8.29

(২১) ২৮
উপয়ামগৃহীতোঽস্যগ্নয়ে ত্বা গায়ত্রচ্ছন্দসং গৃহ্ণামীন্দ্রায় ত্বা ত্রিষ্টুপ্ছন্দসং গৃহ্ণামি ।
বিশ্বেভ্যস্ত্বা দেবেভ্যো জগচ্ছন্দসং গৃহ্ণাম্যনুষ্টুপ্তেঽভিগরঃ ॥১॥

8.30

ব্রেশীনাং ত্বা পত্মন্নাধূনোমি কুকূননানাং ত্বা পত্মন্নাধূনোমি ভন্দনানাং ত্বা পত্মন্নাধূনোমি মধ্বন্তমানাং ত্বা পত্মন্নাধূনোমি ।
শুক্রং ত্বা শুক্র আধূনোম্যহ্নো রূপে সূর্যস্য রশ্মিষু ॥২॥

8.31

ককুহং রূপং বৃষভস্য রোচতে বৃহত্সোমঃ সোমস্য পুরোগাঃ শুক্রঃ শুক্রস্য পুরোগাঃ ।
যত্তে সোমাদাভ্যং নাম জাগৃবি তস্মৈ ত্বা গৃহ্ণামি তস্মৈ তে সোম সোমায় স্বাহা ॥৩॥

8.32

৩১ (৪১১)
উশিক্ ত্বং দেব সোমাগ্নেঃ প্রিয়ং পাথোঽপীহি বশী ত্বং দেব সোমেন্দ্রস্য প্রিয়ং পাথোঽপীহি ।
অস্মত্সখা ত্বং দেব সোম বিশ্বেষাং দেবানাং প্রিয়ং পাথোঽপীহি ॥৪॥

8.33

(২২) ৩২ (৪১২)
॥ইতি শুক্লয়জুঃ কাণ্বসংহিতায়াং অষ্টমোঽধ্যায়ঃ॥(৮)