অধ্যায় 7

7.1

অথ সপ্তমোঽধ্যায়ঃ ।

বাচস্পতয়ে পবস্ব বৃষ্ণো অংশুভ্যাং গভস্তিপূতঃ ।
দেবো দেবেভ্যঃ পবস্ব যেষাং ভাগোঽসি মধুমতীর্ন ইষস্কৃধি ॥১॥

7.2

যত্তে সোমাদাভ্যং নাম জাগৃবি তস্মৈ তে সোম সোমায় স্বাহা ।
স্বাহোর্বন্তরিক্ষমন্বেমি স্বাঙ্কৃতোঽসি বিশ্বেভ্য ইন্দ্রিয়েভ্যো দিব্যেভ্যঃ পার্থিবেভ্যঃ ॥২॥

7.3

মনস্ত্বাষ্টু স্বাহা ত্বা স্বভবঃ সূর্যায় । দেবেভ্যস্ত্বা মরীচিপেভ্যো দেবাংশো যস্মৈ ত্বেলে ॥
তত্সত্যমুপরিপ্লুতা ভঙ্গেন হতোসৌ ফট্ । প্রাণায় ত্বা ব্যানায় ত্বা ॥৩॥

7.4

(১) ৩
উপয়ামগৃহীতোঽস্যন্তর্যচ্ছ মঘবন্ পাহি সোমম্ । উরুষ্য রায়োবেষো যজস্ব ॥১॥

অন্তস্তে দ্যাবাপৃথিবী দধাম্যন্তর্দধাম্যুর্বন্তরিক্ষম্ ।
সজূর্দেবেভিরবরৈঃ পরৈশ্চান্তর্যামে মঘবন্ মাদয়স্ব ।
স্বাহোর্বন্তরিক্ষমন্বেমি স্বাঙ্কৃতোঽসি বিশ্বেভ্য ইন্দ্রিয়েভ্যো দিব্যেভ্যঃ পার্থিবেভ্যঃ ।
মনস্ত্বাষ্টু স্বাহা ত্বা স্বভবঃ সূর্যায় । দেবেভ্যস্ত্বা মরীচিপেভ্য উদানায় ত্বা ॥২॥

7.6

(২) ৫
আ বায়ো ভূষ শুচিপা উপ নঃ সহস্রং তে নিয়ুতো বিশ্ববার ।
উপো তে অন্ধো মদ্যময়ামি যস্য দেব দধিষে পূর্বপেয়ং বায়বে ত্বা ॥১॥

7.7

ইন্দ্রবায়ূ ইমে সুতা উপ প্রয়োভিরাগতম্ । ইন্দবো বামুশন্তি হি ।
উপয়ামগৃহীতোঽসি বায়ব ইন্দ্রবায়ুভ্যাং ত্বৈষ তে যোনিঃ সজোষোভ্যাং ত্বা ॥২॥

7.8

(৩) ৭
অয়ং বাং মিত্রাবরুণা সুতঃ সোম ঋতাবৃধা । মমেদিহ শ্রুতং হবম্ ।
উপয়ামগৃহীতোঽসি মিত্রাবরুণাভ্যাং ত্বা ॥১॥

7.9

রায়া বয়ং সসবাংসো মদেম হব্যেন দেবা যবসেন গাবঃ ।
তাং ধেনুং মিত্রাবরুণা যুবং নো বিশ্বাহা ধত্তমনপস্ফুরন্তীম্ । এষ তে যোনিরৃতায়ুভ্যাং ত্বা ॥২॥

7.10

(৪) ৯ (৩৪৯)
যা বাং কশা মধুমত্যাশ্বিনা সূনৃতাবতী ।
তয়া যজ্ঞং মিমিক্ষতম্ ।
উপয়ামগৃহীতোঽস্যশ্বিভ্যাং ত্বৈষ তে যোনির্মাধ্বীভ্যাং ত্বা ॥১॥

7.11

(৫) ১০
তং প্রত্নথা পূর্বথা বিশ্বথেমথা জ্যেষ্ঠতাতিং বর্হিষদং স্বর্বিদম্ ।
প্রতীচীনং বৃজনং দোহসে ধুনিমাশুং জয়ন্তমনু যাসু বর্ধসে । উপয়ামগৃহীতোঽসি শণ্ডায় ত্বা ॥১॥

7.12

এষ তে যোনির্বীরতাং পাহ্যপমৃষ্টঃ শণ্ডো দেবাস্ত্বা শুক্রপাঃ প্রণয়ন্ত্বনাধৃষ্টাসি ।
সুবীরো বীরান্ প্রজনয়ন্ পরীহ্যভি রায়স্পোষেণ যজমানম্ ।
সং জগ্মানো দিবা পৃথিব্যা শুক্রঃ শুক্রশোচিষা নিরস্তঃ শণ্ডঃ শুক্রস্যাধিষ্ঠানমসি ॥২॥

7.13

অচ্ছিন্নস্য তে দেব সোম সুবীর্যস্য রায়স্পোষস্য দদিতারঃ স্যাম ।
সা প্রথমা সংস্কৃতির্বিশ্ববারা স প্রথমো বরুণো মিত্রো অগ্নিঃ ॥৩॥

7.14

স প্রথমো বৃহস্পতিশ্চিকিত্বাংস্তস্মা ইন্দ্রায় সুতমা জুহোত স্বাহা ।
তৃম্পন্তু হোত্রা মধোর্যত্স্বিষ্টঁ যত্সুভৃতং যত্স্বাহা ॥৪॥

7.15

(৬) ১৪
অয়ং বেনশ্চোদয়ত্পৃশ্নিগর্ভা জ্যোতির্জরায়ূ রজসো বিমানে ।
ইমমপাং সংগমে সূর্যস্য শিশুং ন বিপ্রা মতিভী রিহন্তি ।
উপয়ামগৃহীতোঽসি মর্কায় ত্বা ॥১॥

7.16

মনো ন যেষু হবনেষু তিগ্মং বিপঃ শচ্যা বনুথো দ্রবন্তা ।
আ যঃ শর্যাভিস্তুবিনৃম্ণো অস্যা শ্রীণীতাদিশং গভস্তৌ ॥২॥

7.17

এষ তে যোনিঃ প্রজাঃ পাহ্যপমৃষ্টো মর্কো দেবাস্ত্বা মন্থিপাঃ প্রণয়ন্ত্বনাধৃষ্টাসি ।
সুপ্রজাঃ প্রজাঃ প্রজনয়ন্ পরীহ্যভি রায়স্পোষেণ যজমানম্ ।
সংজগ্মানো দিবা পৃথিব্যা মন্থী মথিশোচিষা নিরস্তো মর্কো মন্থিনোঽধিষ্ঠানমসি ॥৩॥

7.18

অচ্ছিন্নস্য তে দেব সোম সুবীর্যস্য দদিতারঃ স্যাম।
সা প্রথমা সংস্কৃতির্বিশ্ববারা স প্রথমো বরুণো মিত্রো অগ্নিঃ ॥৪॥

7.19

স প্রথমো বৃহস্পতিশ্চিকিংস্তস্মা ইন্দ্রায় সুতমা জুহোত স্বাহা।
তৃম্পন্তু হোত্রা ভধোর্যত্স্বিষ্টং যত্সুভৃতং যত্স্বাহা ॥৫॥

7.20

(৭) ১৯
যে দেবাসো দিব্যেকাদশ স্থ পৃথিব্যামধ্যেকাদশ স্থ ।
অপ্সুক্ষিতো মহিনৈকাদশ স্থ তে দেবাসো যজ্ঞমিমং জুষধ্বম্ ॥১॥

7.21

উপয়ামগৃহীতোঽস্যাগ্রয়ণোঽসি স্বাগ্রয়ণঃ । পাহি যজ্ঞং পাহি যজ্ঞপতিম্ ॥২॥

7.22

২১(৩৬১)
বিষ্ণুস্ত্বামিন্দ্রিয়েণ পাতু বিষ্ণুং ত্বং পাহ্যভি সবনানি পাহি ।
সোমঃ পবতে সোমঃ পবতে সোমঃ পবতে ॥৩॥

7.23

অস্মৈ ব্রহ্মণে পবতেঽস্মৈ ক্ষত্রায় পবতেঽস্মৈ সুন্বতে যজমানায় পবতে ।
ইষ ঊর্জে পবতেঽদ্ভ্য ওষধীভ্যঃ পবতে দ্যাবাপৃথিবীভ্যাং পবতে সুভূতায় পবতে ব্রহ্মবর্চসায় পবতে।
বিশ্বেভ্যস্ত্বা দেবেভ্যঃ এষ তে যোনির্বিশ্বেভ্যস্ত্বা দেবেভ্যঃ ॥৪॥

7.24

(৮) ২৩
উপয়ামগৃহীতোঽসীন্দ্রায় ত্বা বৃহদ্বতে বয়স্বত উক্থায়ুবং গৃহ্ণামি ।
যত্ত ইন্দ্র বৃহদ্বয়স্তস্মৈ ত্বা বিষ্ণবে ত্বৈষতে যোনিরুক্থেভ্যস্ত্বা ॥১॥

7.25

দেবেভ্যস্ত্বা দেবায়ুবং গৃহ্ণামি যজ্ঞস্যায়ুষে মিত্রাবরুণাভ্যাং ত্বা দেবায়ুবং গৃহ্ণামি যজ্ঞস্যায়ুষে ।
ইন্দ্রায় ত্বা দেবায়ুবং গৃহ্ণামি যজ্ঞস্যায়ুষ ইন্দ্রাগ্নিভ্যাং ত্বা দেবায়ুবং গৃহ্ণামি যজ্ঞস্যায়ুষে ।
ইন্দ্রায় ত্বা দেবায়ুবং গৃহ্ণামি যজ্ঞস্যায়ুষ ইন্দ্রাবরুণাভ্যাং ত্বা দেবায়ুবং গৃহ্ণামি যজ্ঞস্যায়ুষে ।
ইন্দ্রাবৃহস্পতিভ্যাং ত্বা দেবায়ুবং গৃহ্ণামি যজ্ঞস্যায়ুষ ইন্দ্রাবিষ্ণুভ্যাং ত্বা দেবায়ুবং গৃহ্ণামি যজ্ঞস্যায়ুষে ॥২॥

7.26

(৯) ২৫
মূর্ধানং দিবো অরতিং পৃথিব্যা বৈশ্বানরমৃত আ জাতমগ্নিম্ ।
কবিং সম্রাজমতিথিং জনানামাসন্না পাত্রং জনয়ন্ত দেবাঃ ॥১॥

7.27

উপয়ামগৃহীতোঽসি ধ্রুবোঽসি ধ্রুবক্ষিতির্ধ্রুবাণাং ধ্রুবতমোঽচ্যুতানামচ্যুতক্ষিত্তমঃ ।
এষ তে যোনির্বৈশ্বানরায় ত্বা ॥২॥

7.28

ধ্রুবং ধ্রুবেণ মনসা বাচা সোমমবনয়ামি । অথা ন ইন্দ্র ইদ্বিশো সপত্নাঃ সমনসস্করৎ ॥৩॥

7.29

(১০) ২৮
যস্তে দ্রপ্স স্কন্দতি যস্তে অংশুর্গ্রাবচ্যুতো ধিষণয়োরুপস্থাৎ ।
অধ্বর্যোর্বা পরি বা যঃ পবিত্রাত্তং তে জুহোমি মনসা বষট্কৃতং স্বাহা দেবানামুত্ক্রমণমসি ॥১॥

7.30

(১১) ২৯
উপয়ামগৃহীতোঽসি মধবে ত্বোপয়ামগৃহীতোঽসি মাধবায় ত্বা ।
উপয়ামগৃহীতোঽসি শুক্রায় ত্বোপয়ামগৃহীতোঽসি শুচয়ে ত্বা ।
উপয়ামগৃহীতোঽসি নভসে ত্বোপয়ামগৃহীতোঽসি নভস্যায় ত্বা ।
উপয়ামগৃহীতোঽসীষে ত্বোপয়ামগৃহীতো স্যূর্জে ত্বা ।
উপয়ামগৃহীতোঽসি সহসে ত্বোপয়ামগৃহীতোঽসি সহস্যায় ত্বা ।
উপয়ামগৃহীতোঽসি তপসে ত্বোপয়ামগৃহীতোঽসি তপস্যায় ত্বা ।
উপয়ামগৃহীতোঽস্যং হসস্পতয়ে ত্বা ॥১॥