Adhyaya 9

9.1

Atha navamodhyayah

प्रा॒णाय॑ मे वर्चो॒दा वर्च॑से पवस्व व्या॒नाय॑ मे वर्चो॒दा वर्च॑से पवस्व ।
उ॒दा॒नाय॑ मे वर्चो॒दा वर्च॑से पवस्व वा॒चे मे॑ वर्चो॒दा वर्च॑से पवस्व ॥१॥

Pranaya me varchoda varchase pavasva vyanaya me varchoda varchase pavasva
Udanaya me varchoda varchase pavasva vache me varchoda varchase pavasva

9.2

क्रतू॒दक्षा॑भ्यां मे वर्चो॒दा वर्च॑से पवस्व॒ श्रोत्रा॑य मे वर्चो॒दा वर्च॑से पवस्व ।
चक्षु॑र्भ्यां मे वर्चो॒दसौ॒ वर्च॑से पवेथाम् ॥२॥

Kratudakshabhyam me varchoda varchase pavasva shrotraya me varchoda varchase pavasva
Chakshurbhyam me varchodasau varchase pavetham

9.3

आ॒त्मने॑ मे वर्चो॒दा वर्च॑से पव॒स्वौज॑से मे वर्चो॒दा वर्च॑से पव॒स्वायु॑षे मे वर्चो॒दा वर्च॑से पवस्व ।
विश्वा॑भ्यो मे प्र॒जाभ्यो॑ वर्चो॒दसौ॒ वर्च॑से पवेथाम् ॥३॥

Atmane me varchoda varchase pavasvaujase me varchoda varchase pavasvayushe me varchoda varchase pavasva
Vishvabhyo me prajabhyo varchodasau varchase pavetham

9.4

को॑ऽसि कत॒मो॑ऽसि॒ कस्या॑सि॒ को नामा॑सि ।
यस्य॑ ते॒ नामामन्म॑हि॒ यं त्वा॒ सोमे॒नाती॑तृपाम ॥४॥

Kosi katamosi kasyasi ko namasi
Yasya te namamanmahi yam tva somenatitripama

9.5

भूर्भुवः॒ स्वः॑ सुप्र॒जाः प्र॒जया॑ भूयासम् । सु॒वीरो॑ वी॒रैः सु॒पोषः॒ पोषैः॑ ॥५॥

Bhurbhuvah svah suprajah prajaya bhuyasam, suviro viraih suposhah poshaih

9.6

(१) ५
उदु॒ त्यं जा॒तवे॑दसं दे॒वं व॑हन्ति के॒तवः॑ । दृ॒शे विश्वा॑य॒ सूर्य॑म् ॥१॥

(1) 5
Udu tyam jatavedasam devam vahanti ketavah, drishe vishvaya suryam

9.7

चि॒त्रं दे॒वाना॒मुद॑गा॒दनी॑कं॒ चक्षु॑र्मि॒त्रस्य॒ वरु॑णस्या॒ग्नेः ।
आ प्रा॒ द्यावा॑पृथि॒वी अ॒न्तरि॑क्ष॒ᳪ सूर्य॑ आ॒त्मा जग॑तस्त॒स्थुष॑श्च ॥२॥

Chitram devanamudagadanikam chakshurmitrasya varunasyagneh
A pra dyavaprithivi antariksham surya atma jagatastasthushashcha

9.8

अग्ने॒ नय॑ सु॒पथा॑ रा॒ये अ॒स्मान् विश्वा॑नि देव व॒युना॑नि वि॒द्वान् ।
यु॒यो॒ध्य॒स्मज्जु॑हुरा॒णमेनो॒ भूयि॑ष्ठां ते॒ नम॑ उक्तिं विधेम ॥३॥

Agne naya supatha raye asman vishvani deva vayunani vidvan
Yuyodhyasmajjuhuranameno bhuyishtham te nama uktim vidhema

9.9

अ॒यं नो॑ अ॒ग्निर्वरि॑वस्कृणोत्व॒यं मृधः॑ पु॒र ए॑तु प्रभि॒न्दन् ।
अ॒यं वाजां॑ जयतु॒ वाज॑साता अ॒यᳪ शत्रूं॑ जयतु॒ जर्हृ॑षाणः॒ स्वाहा॑ ॥४॥

Ayam no agnirvarivaskrinotvayam mridhah pura etu prabhindan
Ayam vajam jayatu vajasata ayam shatrum jayatu jarhrishanah svaha

9.10

९ (४२१)
रू॒पेण॑ वो रू॒पम॒भ्यागां॑ तु॒थो वो॑ वि॒श्ववे॑दा॒ विभ॑जतु । ऋ॒तस्य॑ प॒था प्रेत॑ च॒न्द्रद॑क्षिणाः ॥५॥

9 (421)
Rupena vo rupamabhyagam tutho vo vishvaveda vibhajatu, ritasya patha preta chandradakshinah

9.11

वि स्वः॒ पश्य॒व्य॒न्तरि॑क्षं॒ यत॑स्व सद॒स्यैः॑ ।ब्रा॒ह्म॒णम॒द्य वि॑देय पितृ॒मन्तं॑ पैतृम॒त्यमृषि॑मार्षे॒यᳪ सु॒धातु॑दक्षिणम् ॥६॥

Vi svah pashyavyantariksham yatasva sadasyaih, brahmanamadya videya pitrimantam paitrimatyamrishimarsheyam sudhatudakshinam

9.12

अ॒स्मद्रा॑ता देव॒त्रा ग॑च्छ प्रदा॒तार॒मावि॑श । अ॒ग्नये॑ त्वा॒ मह्यं॒ वरु॑णो ददातु॒ सो॑ऽमृत॒त्वम॑श्यात् ॥७॥

Asmadrata devatra gachchha pradataramavisha, agnaye tva mahyam varuno dadatu somritatvamashyat

9.13

आयु॑र्दा॒त्र ए॑धि॒ मयो॒ मह्यं॑ प्रतिग्रही॒त्रे । रु॒द्राय॑ त्वा॒ मह्यं॒ वरु॑णो ददातु॒ सो॑ऽमृत॒त्वम॑श्यात् । प्रा॒णो दा॒त्र ए॑धि॒ मयो॒ मह्यं॑ प्रतिग्रही॒त्रे। बृह॒स्पत॑ये त्वा॒ मह्यं॒ वरु॑णो ददातु॒ सो॑ऽमृत॒त्वम॑श्यात् । त्वग्दा॒त्र ए॑धि॒ मयो॒ मह्यं॑ प्रतिग्रही॒त्रे ।
य॒माय॑ त्वा॒ मह्यं॒ वरु॑णो ददातु॒ सो॑ऽमृत॒त्वम॑श्यात् । वयो॑ दा॒त्र ए॑धि॒ मयो॒ मह्यं॑ प्रतिग्रही॒त्रे ॥८॥

Ayurdatra edhi mayo mahyam pratigrahitre, rudraya tva mahyam varuno dadatu somritatvamashyat, prano datra edhi mayo mahyam pratigrahitre, brihaspataye tva mahyam varuno dadatu somritatvamashyat, tvagdatra edhi mayo mahyam pratigrahitre
Yamaya tva mahyam varuno dadatu somritatvamashyat, vayo datra edhi mayo mahyam pratigrahitre

9.14

को॑ऽदा॒त्कस्मा॑ अदा॒त्कामो॑ऽदा॒त्कामा॑यादात् । कामो॑ दा॒ता कामः॑ प्रतिग्रही॒ता कामै॒तत्ते॒ तव॑ काम स॒ता भु॑नजामहै ॥९॥

Kodatkasma adatkamodatkamayadat, kamo data kamah pratigrahita kamaitatte tava kama sata bhunajamahai

9.15

(२) १४
समि॑न्द्र णो॒ मन॑सा नेषि॒ गोभिः॒ सᳪ सू॒रिभि॑र्मघव॒न्त्सᳪस्व॒स्त्या ।
सं ब्रह्म॑णा दे॒वकृ॑तं॒ यदस्ति॒ सं दे॒वाना॑ᳪ सुम॒तौ य॒ज्ञिया॑नाम् ॥१॥

(2) 14
Samindra no manasa neshi gobhih sam suribhirmaghavantsansvastya
Sam brahmana devakritam yadasti sam devanam sumatau yagyiyanam

9.16

सं वर्च॑सा॒ पय॑सा॒ सं त॒नूभि॒रग॑न्महि॒ मन॑सा॒ सᳪ शि॒वेन॑ ।
त्वष्टा॑ सु॒दत्रो॒ विद॑धातु॒ रायोऽनु॑मार्ष्टु त॒न्वो॒ यद्विलि॑ष्टम् ॥२॥

Sam varchasa payasa sam tanubhiraganmahi manasa sam shivena
Tvashta sudatro vidadhatu rayonumarshtu tanvo yadvilishtam

9.17

धा॒ता रा॒तिः स॑वि॒तेदं जु॑षन्तां प्र॒जाप॑तिर्निधि॒पा दे॒वो अ॒ग्निः ।
त्वष्टा॒ विष्णुः॑ प्र॒जया॑ सᳪररा॒णो यज॑मानाय॒ द्रवि॑णं दधातु ॥३॥

Dhata ratih savitedam jushantam prajapatirnidhipa devo agnih
Tvashta vishnuh prajaya sanrarano yajamanaya dravinam dadhatu

9.18

सु॒गा वो॑ देवाः॒ सद॑ना अकर्म॒ य आ॑ज॒ग्मेदᳪ सव॑नं जुषा॒णाः ।
भर॑माणा॒ वह॑माना ह॒वीᳪष्य॒स्मे ध॑त्त वसवो॒ वसू॑नि ॥४॥

Suga vo devah sadana akarma ya ajagmedam savanam jushanah
Bharamana vahamana havinshyasme dhatta vasavo vasuni

9.19

याँ३ आव॑ह उश॒तो दे॑व दे॒वाᳪस्तान्प्रेर॑य॒ स्वे अ॑ग्ने स॒धस्थे॑ ।
ज॒क्षि॒वाᳪसः॑ पपि॒वाᳪस॑श्च॒ विश्वेऽसुं॑ घ॒र्मᳪ स्व॒राति॑ष्ठ॒तानु॑ ॥५॥

Yan3 avaha ushato deva devanstanpreraya sve agne sadhasthe
Jakshivansah papivansashcha vishvesum gharmam svaratishthatanu

9.20

व॒यᳪ हि त्वा॑ प्रय॒ति य॒ज्ञे अ॒स्मिन्नग्ने॒ होता॑र॒मवृ॑णीमही॒ह ।
ऋध॑गया॒ ऋध॑गु॒ताश॑मिष्ठाः प्रजा॒नन्य॒ज्ञमुप॑याहि वि॒द्वान् ॥६॥

Vayam hi tva prayati yagye asminnagne hotaramavrinimahiha
Ridhagaya ridhagutashamishthah prajananyagyamupayahi vidvan

9.21

देवा॑ गातुविदो गा॒तुमि॒त्त्वा गा॒तुमि॑त । मन॑सस्पत इ॒मं दे॑व य॒ज्ञᳪ स्वाहा॒ वाते॑ धाः ॥७॥

Deva gatuvido gatumittva gatumita, manasaspata imam deva yagyam svaha vate dhah

9.22

यज्ञ॑ य॒ज्ञं ग॑च्छ य॒ज्ञप॑तिं गच्छ॒ स्वां योनिं॑ गच्छ॒ स्वाहा॑ ।
ए॒ष ते॑ य॒ज्ञो य॑ज्ञपते स॒हसू॑क्तवाकः॒ सर्व॑वीर॒स्तं जु॑षस्व॒ स्वाहा॑ ॥८॥

Yagya yagyam gachchha yagyapatim gachchha svam yonim gachchha svaha
Esha te yagyo yagyapate sahasuktavakah sarvavirastam jushasva svaha

9.23

(३) २२ (४३४)
माहि॑र्भू॒र्मा पृदा॑कुः । उ॒रुᳪ हि राजा॒ वरु॑णश्च॒कार॒ सूर्या॑य॒ पन्था॒मन्वे॑त॒वा उ॑ ।
अ॒पदे॒ पादा॒ प्रति॑धातवेऽकरु॒ताप॑व॒क्ता हृ॑दया॒विध॑श्चित् । नमो॒ वरु॑णाया॒भिष्ठि॑तो॒ वरु॑णस्य॒ पाशः॑ ॥१॥

(3) 22 (434)
Mahirbhurma pridakuh, urum hi raja varunashchakara suryaya panthamanvetava u
Apade pada pratidhatavekarutapavakta hridayavidhashchit, namo varunayabhishthito varunasya pashah

9.24

अ॒ग्नेरनी॑कम॒प आवि॑वेशा॒पां नपा॑त् प्रति॒रक्ष॑न्नसु॒र्य॑म् । दमे॑दमे स॒मिधं॑ यक्ष्यग्ने॒ प्रति॑ ते जि॒ह्वा घृ॒तमुच्च॑रण्य॒त् स्वाहा॑ ॥२॥

Agneranikamapa aviveshapam napat pratirakshannasuryam, damedame samidham yakshyagne prati te jihva ghritamuchcharanyat svaha

9.25

स॒मु॒द्रे ते॒ हृद॑यम॒प्स्व॒न्तः सं त्वा॑ विश॒न्त्वोष॑धीरु॒तापः॑ ।
य॒ज्ञस्य॑ त्वा यज्ञपते सू॒क्तोक्तौ॑ नमोवा॒के वि॑धेम॒ यत् स्वाहा॑ ॥३॥

Samudre te hridayamapsvantah sam tva vishantvoshadhirutapah
Yagyasya tva yagyapate suktoktau namovake vidhema yat svaha

9.26

देवी॑राप ए॒ष वो॒ गर्भ॒स्तᳪ सुप्री॑त॒ᳪ सुभृ॑तं बिभृत ।
देव॑ सोमै॒ष ते॑ लो॒कः परि॑ च॒ वक्षि॒ शं च॑ वक्षि । अव॑भृथ निचुम्पुण निचे॒रुर॑सि निचुम्पुण ।
अव॑ दे॒वैर्दे॒वकृ॑त॒मेनो॑ऽयासिष॒मव॒ मर्त्यै॒र्मर्त्य॑कृतं पुरु॒राव्णो॑ देव रि॒षस्पा॑हि । दे॒वाना॑ᳪ स॒मिद॑सि ॥४॥

Devirapa esha vo garbhastam supritam subhritam bibhrita
Deva somaisha te lokah pari cha vakshi sham cha vakshi, avabhritha nichumpuna nicherurasi nichumpuna
Ava devairdevakritamenoyasishamava martyairmartyakritam pururavno deva rishaspahi, devanam samidasi

9.27

(४) २६
एज॑तु॒ दश॑मास्यो॒ गर्भो॑ ज॒रायु॑णा स॒ह ।
यथा॒यं वा॒युरेज॑ति॒ यथा॑ समु॒द्र एज॑त्ये॒वायं दश॑मास्यो॒ अस्र॑ज्ज॒रायु॑णा स॒ह ॥१॥

(4) 26
Ejatu dashamasyo garbho jarayuna saha
Yathayam vayurejati yatha samudra ejatyevayam dashamasyo asrajjarayuna saha

9.28

यस्या॑स्ते य॒ज्ञियो॒ गर्भो॒ यस्या॒ योनि॑र्हिर॒ण्ययी॑ । अङ्गा॒न्यह्रु॑ता॒ यस्य॒ तं मा॒त्रा सम॑जीगम॒ᳪ स्वाहा॑ ॥२॥

Yasyaste yagyiyo garbho yasya yonirhiranyayi, anganyahruta yasya tam matra samajigamam svaha

9.29

पु॒रु॒द॒स्मो विषु॑रूप॒ इन्दु॑र॒न्तर्म॑हि॒मान॑मानञ्ज॒ धीरः॑ ।
एक॑पदीं द्वि॒पदीं॑ त्रि॒पदीं॒ चतु॑ष्पदीम॒ष्टाप॑दीं॒ भुव॒नानु॑ प्रथन्ता॒ᳪ स्वाहा॑ ॥३॥

Purudasmo vishurupa indurantarmahimanamananja dhirah
Ekapadim dvipadim tripadim chatushpadimashtapadim bhuvananu prathantam svaha

9.30

मरु॑तो॒ यस्य॒ हि क्षये॑ पा॒था दि॒वो वि॑महसः । स सु॑गो॒पात॑मो॒ जनः॑ ॥४॥

Maruto yasya hi kshaye patha divo vimahasah, sa sugopatamo janah

9.31

म॒ही द्यौः॑ पृ॑थि॒वी च॑ न इ॒मं य॒ज्ञं मि॑मिक्षताम् । पि॒पृ॒तां नो॒ भरी॑मभिः ॥५॥

Mahi dyauh prithivi cha na imam yagyam mimikshatam, pipritam no bharimabhih

9.32

(५) ३१
आजि॑घ्र क॒लशं॑ म॒ह्या त्वा॑ विश॒न्त्विन्द॑वः। पुन॑रू॒र्जा निव॑र्तस्व॒ सा नः॑ स॒हस्रं॑ धुक्ष्वो॒रुधा॑रा॒ पय॑स्वती॒ पुन॒र्मावि॑शताद्र॒यिः ॥१॥

(5) 31
Ajighra kalasham mahya tva vishantvindavah, punarurja nivartasva sa nah sahasram dhukshvorudhara payasvati punarmavishatadrayih

9.33

हव्ये॒ काम्य॒ इळे॒ रन्ते॒ चन्द्रे॒ ज्योतेऽदि॑ते॒ सर॑स्वति॒ महि॒ विश्रु॑ति ।
ए॒ता ते॑ अघ्न्ये॒ नामा॑नि दे॒वेषु॑ मा सु॒कृतं॑ ब्रूतात् ॥२॥

Havye kamya ile rante chandre jyotedite sarasvati mahi vishruti
Eta te aghnye namani deveshu ma sukritam brutat

9.34

इ॒ह रति॑रि॒ह र॑मध्वमि॒ह धृति॑रि॒ह स्वधृ॑तिः॒ स्वाहा॑ ।
उ॒प॒सृ॒जं ध॒रुणं॑ मा॒त्रे ध॒रुणो॑ मा॒तरं॒ धय॑न्रा॒यस्पोष॑म॒स्मासु॑ दीधर॒त् स्वाहा॑ ॥३॥

Iha ratiriha ramadhvamiha dhritiriha svadhritih svaha
Upasrijam dharunam matre dharuno mataram dhayanrayasposhamasmasu didharat svaha

9.35

अग॑न्म॒ ज्योति॑र॒मृता॑ अभूम॒ दिवं॑ पृथि॒व्या अध्यारु॑हाम् । अवि॑दाम दे॒वान्त्स्व॒र्ज्योतिः॑ ॥४॥

Aganma jyotiramrita abhuma divam prithivya adhyaruham, avidama devantsvarjyotih

9.36

३५ (४४७)
यु॒वं तमि॑न्द्रापर्वता पुरो॒युधा॒ यो नः॑ पृत॒न्यादप॒ तंत॒मिद्ध॑तं॒ वज्रे॑ण॒ तंत॒मिद्ध॑तम् ।
दू॒रे च॒त्ताय॑ छन्त्स॒द्गह॑नं॒ यदिन॑क्षद॒स्माक॒ᳪ शत्रू॒न् परि॑ शूर वि॒श्वतो॑ द॒र्मा द॑र्शीष्ट वि॒श्वतः॑ ॥५॥

35 (447)
Yuvam tamindraparvata puroyudha yo nah pritanyadapa tantamiddhatam vajrena tantamiddhatam
Dure chattaya chhantsadgahanam yadinakshadasmakam shatrun pari shura vishvato darma darshishta vishvatah

9.37

भूर्भुवः॒ स्वः॑ सुप्र॒जाः प्र॒जया॑ भूयासम् । सु॒वीरो॑ वी॒रैः सु॒पोषः॒ पोषैः॑ ॥६॥

Bhurbhuvah svah suprajah prajaya bhuyasam, suviro viraih suposhah poshaih

9.38

(६) ३७
प॒र॒मे॒ष्ठ्य॒भिधी॑तः प्र॒जाप॑तिर्वा॒चि व्याहृ॑ताया॒मन्धो॒ अच्छे॑तः सवि॒ता स॒न्याम् । वि॒श्वक॑र्मा दी॒क्षायां॑ पू॒षा सो॑म॒क्रय॑ण्याम् ॥१॥

(6) 37
Parameshthyabhidhitah prajapatirvachi vyahritayamandho achchhetah savita sanyam, vishvakarma dikshayam pusha somakrayanyam

9.39

इन्द्र॑श्च म॒रुत॑श्च क्र॒यायो॒पोत्थि॑तः । असु॑रः प॒ण्यमा॑नो मि॒त्रः क्री॒तः ॥२॥

Indrashcha marutashcha krayayopotthitah, asurah panyamano mitrah kritah

9.40

विष्णुः॑ शिपिवि॒ष्ट ऊ॒रा आस॑न् नो॒ विष्णु॑र्न॒रन्धि॑षः प्रो॒ह्यमा॑णः । सोम॒ आग॑तो॒ वरु॑ण आस॒न्द्यामास॑न्नः ॥३॥

Vishnuh shipivishta ura asan no vishnurnarandhishah prohyamanah, soma agato varuna asandyamasannah

9.41

अ॒ग्निराग्नी॑ध्र॒ इन्द्रो॑ हवि॒र्धाने॑ । अथ॑र्वोपावह्रि॒यमा॑णो॒ विश्वे॑ दे॒वा अ॒ᳪशुषु॑ न्यु॒प्यमा॑नेषु ॥४॥

Agniragnidhra indro havirdhane, atharvopavahriyamano vishve deva anshushu nyupyamaneshu

9.42

विष्णु॑राप्रीत॒पा आ॑प्या॒य्यमा॑नो य॒मः सू॒यमा॑नो॒ विष्णुः॑ संभ्रि॒यमा॑णः । वा॒युः पू॒यमा॑नः शु॒क्रः पू॒तः ॥५॥

Vishnurapritapa apyayyamano yamah suyamano vishnuh sambhriyamanah, vayuh puyamanah shukrah putah

9.43

शु॒क्रः क्षी॑र॒श्रीर्म॒न्थी स॑क्तु॒श्रीः । विश्वे॑ दे॒वाश्च॑म॒सेषू॑न्नी॒तोऽसु॒र्होमा॒योद्य॑तः ॥६॥

Shukrah kshirashrirmanthi saktushrih, vishve devashchamaseshunnitosurhomayodyatah

9.44

रु॒द्रो हू॒यमा॑नो॒ वातो॒ऽभ्यावृ॑त्तो नृ॒चक्षाः॒ प्रति॑ख्यातो भ॒क्षः पी॒तः पि॒तरो॑ नाराश॒ᳪ साः सा॒द्यमा॑नः ।
सिन्धु॑रवभृ॒थायोद्य॑तः समु॒द्रो॑ऽभ्यवह्रि॒यमा॑णः । स॑लि॒लः प्रप्लु॑तः ॥७॥

Rudro huyamano vatobhyavritto nrichakshah pratikhyato bhakshah pitah pitaro narasham sah sadyamanah
Sindhuravabhrithayodyatah samudrobhyavahriyamanah, salilah praplutah

9.45

ययो॒रोज॑सा स्कभि॒ता रजा॑ᳪसि वी॒र्ये॑भिर्वी॒रत॑मा॒ शवि॑ष्ठा ।
या पत्ये॑ते॒ अप्र॑तीता॒ सहो॑भि॒र्विष्णू॑ अग॒न्वरु॑णा पू॒र्वहू॑तौ ॥८॥

Yayorojasa skabhita rajansi viryebhirviratama shavishtha
Ya patyete apratita sahobhirvishnu aganvaruna purvahutau

9.46

दे॒वान् दिव॑मगन्य॒ज्ञस्ततो॑ मा॒ द्रवि॑णमष्टु मनु॒ष्या॑न॒न्तरि॑क्षमगन्य॒ज्ञस्ततो॑ मा॒ द्रवि॑णमष्टु ।
पि॒तॄन् पृ॑थि॒वीम॑गन्य॒ज्ञः ततो॑ मा॒ द्रवि॑णमष्टु॒ यं कं च॑ लो॒कमग॑न्य॒ज्ञस्ततो॑ मे भ॒द्रम॑भूत् ॥९॥

Devan divamaganyagyastato ma dravinamashtu manushyanantarikshamaganyagyastato ma dravinamashtu
Pitrin prithivimaganyagyah tato ma dravinamashtu yam kam cha lokamaganyagyastato me bhadramabhut

9.47

(७) ४६ (४५८)
॥इति शुक्लयजुः काण्वसंहितायां नवमोऽध्यायः॥ (९)

(7) 46 (458)
, Iti shuklayajuh kanvasanhitayam navamodhyayah, (9)