অধ্যায় 36

36.1

অথ ষট্ত্রিংশোঽধ্যায়ঃ।

ঋচং বাচং প্র পদ্যে মনো যজুঃ প্র পদ্যে সাম প্রাণং প্র পদ্যে চক্ষুঃ শ্রোত্রং প্র পদ্যে ।
বাগোজঃ সহৌজো ময়ি প্রাণাপানৌ ॥১॥

36.2

যন্মে ছিদ্রং চক্ষুষো হৃদয়স্য মনসো বাতিতৃণ্ণং বৃহস্পতির্মে তদ্দধাতু ।
শং নো ভবতু ভুবনস্য যস্পতিঃ ॥২॥

36.3

ভূর্ভুবঃ স্বঃ । তত্সবিতুর্বরেণ্যং ভর্গো দেবস্য ধীমহি । ধিয়ো যো নঃ প্রচোদয়াৎ ॥৩॥

36.4

কয়া নশ্চিত্র আ ভুবদূতী সদাবৃধঃ সখা । কয়া শচিষ্ঠয়া বৃতা ॥৪॥

36.5

কস্ত্বা সত্যো মদানাং মং হিষ্ঠো মত্সদন্ধসঃ । দৃলহা চিদারুজে বসু ॥৫॥

36.6

অভী ষু ণঃ সখীনামবিতা জরিতৄণাম্ । শতং ভবাস্যূতিভিঃ ॥৬॥

36.7

কয়া ত্বং ন ঊত্যাভি প্র মন্দসে বৃষন্ । কয়া স্তোতৃভ্য আ ভর ॥৭॥

36.8

ইন্দ্রো বিশ্বস্য রাজতি । শং নো অস্তু দ্বিপদে শং চতুষ্পদে ॥৮॥

36.9

শং নো মিত্রঃ শং বরুণঃ শং নো ভবত্বর্যমা । শং ন ইন্দ্রো বৃহস্পতিঃ শং নো বিষ্ণুরুরুক্রমঃ ॥৯॥

36.10

শং নো বাতঃ পবতাং শং নস্তপতু সূর্যঃ । শং নঃ কনিক্রদদ্দেবঃ পর্জন্যো অভি বর্ষতু ॥১০॥

36.11

১০॥
অহানি শং ভবন্তু নঃ শং রাত্রীঃ প্রতি ধীয়তাম্ ।
শং ন ইন্দ্রাগ্নী ভবতামবোভিঃ শং ন ইন্দ্রাবরুণা রাতহব্যা ।
শং ন ইন্দ্রাপূষণা বাজসাতৌ শমিন্দ্রাসোমা সুবিতায় শং যোঃ ॥১১॥

36.12

শং নো দেবীরভিষ্টয় আপো ভবন্তু পীতয়ে । শং যোরভি স্রবন্তু নঃ ॥১২॥

36.13

স্যোনা পৃথিবি নো ভবানৃক্ষরা নিবেশনী । যচ্ছা নঃ শর্ম সপ্রথাঃ ॥১৩॥

36.14

আপো হি ষ্ঠা ময়োভুবস্তা ন ঊর্জে দধাতন । মহে রণায় চক্ষসে ॥১৪॥

36.15

যো বঃ শিবতমো রসস্তস্য ভাজয়তেহ নঃ । উশতীরিব মাতরঃ ॥১৫॥

36.16

তস্মা অরং গমাম বো যস্য ক্ষয়ায় জিন্বথ । আপো জনয়থা চ নঃ ॥১৬॥

36.17

দ্যৌঃ শান্তিরন্তরিক্ষং শান্তিঃ পৃথিবী শান্তিরাপঃ শান্তিরোষধয়ঃ শান্তিঃ ।
বনস্পতয়ঃ শান্তি শান্তিরেব শান্তিঃ ॥১৭॥

36.18

দৃতে দৃং হ মা মিত্রস্য মা চক্ষুষা সর্বাণি ভূতানি সমীক্ষন্তাম্ ।
মিত্রস্যাহং চক্ষুষা সর্বাণি ভূতানি সমীক্ষে । মিত্রস্য চক্ষুষা সমীক্ষামহে ॥১৮॥

36.19

দৃতে দৃং হ মা । জ্যোক্তে সংদৃশি জীব্যাসং জ্যোক্তে সংদৃশি জীব্যাসম্ ॥১৯॥

36.20

নমস্তে হরসে শোচিষে নমস্তে অস্ত্বর্চিষে ।
অন্যাংস্তে অস্মত্তপন্তু হেতয়ঃ পাবকো অস্মভ্যং শিবো ভব ॥২০॥

36.21

২০(২০০৫)
নমস্তে অস্তু বিদ্যুতে নমস্তে স্তনয়িত্নবে ।
নমস্তে ভগবন্নস্তু যতঃ স্বঃ সমীহসে ॥২১॥

36.22

যতোয়তঃ সমীহসে ততো নো অভয়ং কুরু ।
শং নঃ কুরু প্রজাভ্যোঽভয়ং নঃ পশুভ্যঃ ॥২২॥

36.23

সুমিত্রিয়া ন আপ ওষধয়ঃ সন্তু দুর্মিত্রিয়াস্তস্মৈ সন্তু ।
যোঽস্মান্দ্বেষ্টি যং চ বয়ং দ্বিষ্মঃ ॥২৩॥

36.24

তচ্চক্ষুর্দেবহিতং পুরস্তাচ্ছুক্রমুচ্চরৎ ।
পশ্যেম শরদঃ শতং জীবেম শরদঃ শতং শৃণুয়াম শরদঃ শতম্ ॥২৪॥

36.25

(১)২৪(২০০৯)
॥ইতি শুক্লয়জুঃকাণ্বসংহিতায়াং ষট্ত্রিংশোঽধ্যায়ঃ ॥৩॥