অধ্যায় 37

37.1

অথ সপ্তত্রিংশোঽধ্যায়ঃ।

দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ । আ দদে নারিরসি ॥১॥

37.2

যুঞ্জতে মন উত যুঞ্জতে ধিয়ো বিপ্রা বিপ্রস্য বৃহতো বিপশ্চিতঃ ।
বি হোত্রা দধে বয়ুনাবিদেক ইন্মহী দেবস্য সবিতুঃ পরিষ্টুতিঃ স্বাহা ॥২॥

37.3

দেবী দ্যাবাপৃথিবী মখস্য বামদ্য শিরো রাধ্যাসং দেবয়জনে পৃথিব্যাঃ ।
মখায় ত্বা মখস্য ত্বা শীর্ষ্ণে ॥৩॥

37.4

দেব্যো বম্রিয়ো ভূতস্য প্রথমজা মখস্য বোঽদ্য শিরো রাধ্যাসং দেবয়জনে পৃথিব্যাঃ ।
মখায় ত্বা মখস্য ত্বা শীর্ষ্ণে ॥ ॥৪॥

37.5

ইয়ত্যগ্রে আসীর্মখস্য তেঽদ্য শিরো রাধ্যাসং দেবয়জনে পৃথিব্যাঃ ।
মখায় ত্বা মখস্য ত্বা শীর্ষ্ণে ॥৫॥

37.6

ইন্দ্রস্যৌজ স্থ মখস্য বোঽদ্য শিরো রাধ্যাসং দেবয়জনে পৃথিব্যাঃ ।
মখায় ত্বা মখস্য ত্বা শীর্ষ্ণে । মখায় ত্বা মখস্য ত্বা শীর্ষ্ণে । মখায় ত্বা মখস্য ত্বা শীর্ষ্ণে ॥৬॥

37.7

প্রৈতু ব্রহ্মণস্পতিঃ প্র দেব্যেতু সূনৃতা । অচ্ছা বীরং নর্যং পঙ্ক্তিরাধসং দেবা যজ্ঞং নয়ন্তু নঃ ।
মখায় ত্বা মখস্য ত্বা শীর্ষ্ণে । মখায় ত্বা মখস্য ত্বা শীর্ষ্ণে । মখায় ত্বা মখস্য ত্বা শীর্ষ্ণে ॥৭॥

৭ (২০১৬)
মখস্য শিরোঽসি । মখায় ত্বা মখস্য ত্বা শীর্ষ্ণে । মখস্য শিরোঽসি ।
মখায় ত্বা মখস্য ত্বা শীর্ষ্ণে । মখস্য শিরোঽসি । মখায় ত্বা মখস্য ত্বা শীর্ষ্ণে ।
মখায় ত্বা মখস্য ত্বা শীর্ষ্ণে । মখায় ত্বা মখস্য ত্বা শীর্ষ্ণে । মখায় ত্বা মখস্য ত্বা শীর্ষ্ণে ॥৮॥

37.9

অশ্বস্য ত্বা বৃষ্ণঃ শক্না ধূপয়ামি দেবয়জনে পৃথিব্যাঃ । মখায় ত্বা মখস্য ত্বা শীর্ষ্ণে ।
অশ্বস্য ত্বা বৃষ্ণঃ শক্না ধূপয়ামি দেবয়জনে পৃথিব্যাঃ । মখায় ত্বা মখস্য ত্বা শীর্ষ্ণে ।
অশ্বস্য ত্বা বৃষ্ণঃ শক্না ধূপয়ামি দেবয়জনে পৃথিব্যাঃ । মখায় ত্বা মখস্য ত্বা শীর্ষ্ণে ।
মখায় ত্বা মখস্য ত্বা শীর্ষ্ণে । মখায় ত্বা মখস্য ত্বা শীর্ষ্ণে । মখায় ত্বা মখস্য ত্বা শীর্ষ্ণে ॥৯॥

37.10

ঋজবে ত্বা সাধবে ত্বা সুক্ষিত্যৈ ত্বা । মখায় ত্বা মখস্য ত্বা শীর্ষ্ণে ।
মখায় ত্বা মখস্য ত্বা শীর্ষ্ণে । মখায় ত্বা মখস্য ত্বা শীর্ষ্ণে ॥১০॥

37.11

(১) ১০
যমায় ত্বা মখায় ত্বা সূর্যস্য ত্বা তপসে ।
দেবস্ত্বা সবিতা মধ্বানক্তু পৃথিব্যাঃ সংস্পৃশস্পাহি ।
অর্চিরসি শোচিরসি তপোঽসি ॥১॥

37.12

অনাধৃষ্টা পুরস্তাদগ্নেরাধিপত্য আয়ুর্মে দাঃ পুত্রবতী দক্ষিণত ইন্দ্রস্যাধিপত্যে প্রজাং মে দাঃ ।
সুষদা পশ্চাদ্দেবস্য সবিতুরাধিপত্যে চক্ষুর্মে দা আশ্রুতিরুত্তরতো ধাতুরাধিপত্যে রায়স্পোষং মে দাঃ ।
বিধৃতিরুপরিষ্টাদ্ বৃহস্পতেরাধিপত্য ওজো মে দা বিশ্বাভ্যো মা নাষ্ট্রাভ্যস্পাহি মনোরশ্বাসি ॥১২॥

37.13

স্বাহা মরুদ্ভিঃ পরি শ্রীয়স্ব । দিবঃ সংস্পৃশস্পাহি । মধু মধু মধু ॥৩॥

37.14

(২) ১৩
গর্ভো দেবানাং পিতা মতীনাং পতিঃ প্রজানাম্ ।
সং দেবো দেবেন সবিত্রা গত সং সূর্যেণ রোচতে ॥১॥

37.15

সমগ্নিরগ্নিনা গত সং দৈবেন সবিত্রা সং সূর্যেণারোচিষ্ট ।
স্বাহা সমগ্নিস্তপসা গত সং দৈব্যেন সবিত্রা সং সূর্যেণারূরুচত ॥২॥

37.16

ধর্তা দিবো বি ভাতি তপসস্পৃথিব্যাং ধর্তা দেবো দেবানামমর্ত্যস্তপোজাঃ ।
বাচমস্মে নি যচ্ছ দেবায়ুবম্ ॥৩॥

37.17

অপশ্যং গোপামনিপদ্যমানমা চ পরা চ পথিভিশ্চরন্তম্ ।
স সধ্রীচীঃ স বিষূচীর্বসান আ বরীবর্ত্তি ভুবনেষ্বন্তঃ ॥৪॥

37.18

১৭ (২০২৬)
বিশ্বাসাং ভুবাং পতে বিশ্বস্য মনসস্পতে বিশ্বস্য বচসস্পতে সর্বস্য বচসস্পতে ।
দেবশ্রুত্ত্বং দেব ঘর্ম দেবো দেবান্পাহ্যত্র প্রাবীরনু বাং দেববীতয়ে।
মধু মাধ্বীভ্যাং মধু মাধূচীভ্যাম্ ।
হৃদে ত্বা মনসে ত্বা দিবে ত্বা সূর্যায় ত্বা । ঊর্ধ্বো অধ্বরং দিবি দেবেষু ধেহি ॥৫॥