অধ্যায় 38

38.1

অথাষ্টত্রিংশোঽধ্যায়ঃ।

দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ ।
আ দদেঽদিত্যৈ রাস্নাসি ॥১॥

38.2

ইল এহ্যদিত এহি সরস্বত্ত্যেহি । অসাবেহ্যসাবেহ্যসাবেহি ॥২॥

38.3

অদিত্যৈ রাস্নাসীন্দ্রাণ্যা উষ্ণীষঃ । পূষাসি ঘর্মায় দীষ্ব ॥৩॥

38.4

অশ্বিভ্যাং পিন্বস্ব সরস্বত্যৈ পিন্বস্বেন্দ্রায় পিন্বস্ব । স্বাহেন্দ্রবত্স্বাহেন্দ্রবত্স্বাহেন্দ্রবৎ ॥৪॥

38.5

যস্তে স্তনঃ শশয়ো যো ময়োভূর্যো রত্নধা বসুবিদ্যঃ সুদত্রঃ ।
যেন বিশ্বা পুষ্যসি বার্যাণি সরস্বতি তমিহ ধাতবেঽকঃ । উর্বন্তরিক্ষমন্বেমি ॥৫॥

38.6

গায়ত্রং ছন্দোঽসি ত্রৈষ্টুভং ছন্দোঽসি দ্যাবাপৃথিবীভ্যাং ত্বা পরি গৃহ্ণাম্যন্তরিক্ষেণোপ যচ্ছামি ।
ইন্দ্রাশ্বিনা মধুনঃ সারঘস্য ঘর্মং পাত বসবো যজত বাট্ ।
স্বাহা সূর্যস্য রশ্ময়ে বৃষ্টিবনয়ে ॥৬॥

38.7

(১) ৬
সমুদ্রায় ত্বা বাতায় স্বাহা সরিরায় ত্বা বাতায় স্বাহা ।
অনাধৃষ্যায় ত্বা বাতায় স্বাহাপ্রতিধৃষ্যায় ত্বা বাতায় স্বাহা ॥
অবস্যবে ত্বা বাতায় স্বাহাশিমিদায় ত্বা বাতায় স্বাহা ॥১॥

38.8

ইন্দ্রায় ত্বা বসুমতে রুদ্রবতে স্বাহেন্দ্রায় ত্বাদিত্যবতে স্বাহা ।
ইন্দ্রায় ত্বাভিমাতিঘ্নে স্বাহা সবিত্রে ত্ব ঋভুমতে বিভুমতে বাজবতে স্বাহা বৃহস্পতয়ে ত্বা বিশ্বদেব্যাবতে স্বাহা ॥২॥

38.9

৮ (২০৩৭)
যমায় ত্বাঙ্গিরস্বতে পিতৃমতে স্বাহা । স্বাহা ঘর্মায় স্বাহা ঘর্মঃ পিত্রে ॥৩॥

38.10

(৯)
বিশ্বা আশা দক্ষিণসত্সর্বান্দেবানয়ালিহ ।
স্বাহাকৃতস্য ঘর্মস্য মধোঃ পিবতমশ্বিনা ॥৪॥

38.11

দিবি ধা ইমং যজ্ঞমিমং যজ্ঞং দিবি ধাঃ । স্বাহাগ্নয়ে যজ্ঞিয়ায় শং যজুর্ভ্যঃ ॥৫॥

38.12

অশ্বিনা ঘর্মং পাতং হার্দ্বানমহর্দিবাভিরূতিভিঃ ।
তন্ত্রায়িণে নমো দ্যাবাপৃথিবীভ্যাম্ ॥৬॥

38.13

অপাতামশ্বিনা ঘর্মমনু দ্যাবাপৃথিবী অমংসাতাম্ । ইহৈব রাতয়ঃ সন্তু ॥৭॥

38.14

ইষে পিন্বস্বোর্জে পিন্বস্ব ব্রহ্মণে পিন্বস্ব ক্ষত্রায় পিন্বস্ব দ্যাবাপৃথিবীভ্যাং পিন্বস্ব ।
ধর্মাসি সুধর্মামেন্যস্মে নৃম্ণানি ধারয় ব্রহ্ম ধারয় ক্ষত্রং ধারয় বিশং ধারয় ॥৮॥

38.15

(২) ১৪
স্বাহা পূষ্ণে শরসে স্বাহা গ্রাবভ্যঃ স্বাহা প্রতিরবেভ্যঃ ।
স্বাহা পিতৃভ্য ঊর্ধ্ববর্হির্ভ্যো ঘর্মপাবভ্যঃ স্বাহা দ্যাবাপৃথিবীভ্যাং স্বাহা বিশ্বেভ্যো দেবেভ্যঃ ॥১॥

38.16

স্বাহা রুদ্রায় রুদ্রহূতয়ে স্বাহা সং জ্যোতিষা জ্যোতিঃ ।
অহঃ কেতুনা জুষতাং সুজ্যোতির্জ্যোতিষা স্বাহা রাত্রিঃ কেতুনা জুষতাং সুজ্যোতির্জ্যোতিষা স্বাহা ।
মধু হুতমিন্দ্রতমে অগ্না অশ্যাম তে দেব ঘর্ম নমস্তে অস্তু মা মা হিং সীঃ ॥২॥

38.17

(৩) ১৬
অভীমং মহিমা দিবং বিপ্রো বভূব সপ্রথাঃ ।
উত শ্রবসা পৃথিবীং সং সীদস্ব মহাঁ২ অসি রোচস্ব দেববীতমঃ ।
বি ধূমমগ্নে অরুষং মিয়েধ্য সৃজ প্রশস্ত দর্শতম্ ॥১॥

38.18

(৪) ১৭
যা তে ঘর্ম দিব্যা শুগ্যা গায়ত্র্যাং হবির্ধানে । সা ত আ প্যায়তাং নিষ্ট্যায়তাং তস্যৈ তে স্বাহা ।
যা তে ঘর্মান্তরিক্ষে শুগ্যা ত্রিষ্টুভ্যাগ্নীধ্রে । সা ত আ প্যায়তাং নিষ্ট্যায়তাং তস্যৈ তে স্বাহা ।
যা তে ঘর্ম পৃথিব্যাং শুগ্যা জগত্যাং সদস্যা ।
সা ত আ প্যায়তাং নিষ্ট্যায়তাং তস্যৈ তে স্বাহা ॥১॥

38.19

ক্ষত্রস্য ত্বা পরস্পায় ব্রহ্মণস্তন্বং পাহি ।
বিশস্ত্বা ধর্মণা বয়মনু ক্রামাম সুবিতায় নব্যসে ॥২॥

38.20

চতুঃস্রক্তির্নাভিরৃতস্য সপ্রথাঃ স নো বিশ্বায়ুঃ সপ্রথাঃ স নঃ সর্বায়ুঃ সপ্রথাঃ ।
অপ দ্বেষো অপ হ্বরোন্যব্রতস্য সশ্চিম ॥৩॥

38.21

ঘর্মৈতত্তে পুরীষং তেন বর্ধস্ব চা চ প্যায়স্ব ।
বর্ধিষীমহি চ বয়মা চ প্যাসিষীমহি ॥৪॥

38.22

অচিক্রদদ্বৃষা হরির্মহান্মিত্রো ন দর্শতঃ । সং সূর্যেণ দিদ্যুতদুদধির্নিধিঃ ॥৫॥

38.23

২২॥
সুমিত্রিয়া ন আপ ওষধয়ঃ সন্তু দুর্মিত্রিয়াস্তস্মৈ সন্তু ।
যোঽস্মান্দ্বেষ্টি যং চ বয়ং দ্বিষ্মঃ ॥৬॥

38.24

উদ্বয়ং তমসস্পরি স্বঃ পশ্যন্ত উত্তরম্ । দেবং দেবত্রা সূর্যমগন্ম জ্যোতিরুত্তমম্ ।
এধোঽস্যেধিষীমহি সমিদসি তেজোঽসি তেজো ময়ি ধেহি ॥৭॥

38.25

(৫) ২৪
যাবতী দ্যাবাপৃথিবী যাবচ্চ সপ্ত সিন্ধবো বিতস্থিরে ।
তবন্তমিন্দ্র তে গ্রহমূর্জা গৃহ্ণাম্যক্ষিতং ময়ি গৃহ্ণাম্যক্ষিতম্ ॥১॥

38.26

ময়ি ত্যদিন্দ্রিয়ং বৃহন্ময়ি দক্ষো ময়ি ক্রতুঃ ।
ঘর্মস্ত্রিশুগ্বি রাজতি বিরাজা জ্যোতিষা সহ ব্রহ্মণা তেজসা সহ ॥
পয়সো রেত আভৃতং তস্য দোহমশীমহ্যুত্তরামুত্তরাং সমাম্ ॥২॥

38.27

(৬) ২৬
ত্বিষঃ সংবৃক্ ক্রত্বে দক্ষস্য তে সুষুম্ণস্য তে সুষুম্ণাগ্নিহুতঃ ।
ইন্দ্রপীতস্য প্রজাপতিভক্ষিতস্য মধুমত উপহূত উপহূতস্য ভক্ষয়ামি ॥১॥

38.28

(৭) ২৭ ৯০ (২০৫৬)
॥ইতি শুক্লয়জুঃকাণ্বসংহিতায়াং অষ্টত্রিংশোঽধ্যায়ঃ ॥৩॥